~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ଦର୍ପଣ" / "ଦରପନ୍"
୧)
ପ୍ରେମ ବଣିକ
ଅନ୍ଧ ଦେଶେ ଆଇନା
ବିକ୍ରି ବେପାର ।
୨)
ସମୟ ମାପେ
ଅତୀତର ଆଇନା
ମନକୁ ଭାଙ୍ଗେ ।
୩)
ଦର୍ପଣ ଦେଖ
'ମୁଁ ' କୁ ଚିହ୍ନେଇ ଦେବ
କାଚର ଦେହ ।
~ ପ୍ରଦୀପ କୁମାର ଦାଶ
୪)
ସଖୀ, ଦର୍ପଣ
ଦେଖେନା ଆଉ ତୁଲୋ
ଭାବୁଛୁ କ'ଣ ?
୫)
ଜାଣୁ ଦର୍ପଣ
କହେନା ମିଛ ଲୋ
ଗଲାଣି ବେଳ ।
~ ପ୍ରତିମା ମେହେର
୬)
ଦର୍ପଣ ଦେଖ
ଚିହ୍ନିହେବ ନିଜକୁ
କି କିଏ ତୁମେ ।
୭)
କାଚ ପିଠିରେ
ପାରଦ ଅଛି ବୋଲି
ଦର୍ପଣେ ଦିଶେ ।
~ ରାଜେଶ କୁମାର ମୁଣ୍ଡ
୮)
ଆତ୍ମା ଦର୍ପଣ
ଯିଏ ଦେଖି ପାରିବ
ସିଏ ସୁଜନ ।
୯)
ସାମାନ୍ୟ କାଚ
ଦର୍ପଣ କୁ ନ ଭାବ
ତା ଗୁଣ ଉଚ୍ଚ ।
୧୦)
ଦର୍ପ ଦଳନ
କରି ପାରଇ ଯିଏ
ସିଏ ଦର୍ପଣ ।
୧୧)
ସଭିଙ୍କ ଘରେ
ଚେହେରା ଦେଖା କାମ
ଦର୍ପଣ କରେ ।
~ ମୁକ୍ତେଶ୍ଵର ପଧାନ
୧୨)
ଦର୍ପଣ କହେ
ବାସ୍ତବତାର କଥା
ଦ୍ବନ୍ଦ୍ବ ନ ରଖେ ।
୧୩)
ଅନ୍ତର ବ୍ୟଥା
ଉଦ୍ଭାସିତ ନ ହୁଏ
ସ୍ୱଚ୍ଛ ଦର୍ପଣେ ।
୧୪)
ମନ ଦର୍ପଣେ
ଦେଖିଲେ ତୁମ ଛବି
ଭରଇ ଶାନ୍ତି ।
~ ନିବେଦିତା ମହାପାତ୍ର
୧୫)
ସମାଜ ଚିତ୍ର
ସାହିତ୍ୟ ଦର୍ପଣରେ
ହୁଏ ବିଚିତ୍ର ।
୧୬)
ଦଶରା ଆସେ
ହାତେ ଧରି ଆଇନା
ବାରିକ ଆସେ ।
~ ଶମ୍ଭୁନାଥ ଦାସ
୧୭)
ମୋର୍ ମୁହୁଁଟା ତ
କେତେ ଡର୍'ଡର୍'ନିଆ ଗୋ
ଦର୍ପନ୍ ବି ଡର୍'ସି ।
୧୮)
କ୍ରିମ୍'ଡ୍ରିମ୍ ସ୍ନୋ ପାର୍ଲର୍
ନାଇଁ କହ ଯେନ୍ ଖର୍ଚ୍ଚା
ଅନ୍ଧାନ୍ ଗର୍ଜୁଛେ ।
~ ଆର.ବରସାନା ନନ୍ଦିନୀ
୧୯)
ଦର୍ପଣ କହ
କାହିଁ ଦିଶେ ନାଇଁ ତ
ମନ ର କୋହ ।
୨୦)
କାହାର ଛାଇ
ଦର୍ପଣେ ଦେଖିବାକୁ
ମନ ଟା ବାଇ ?
୨୧)
ତୁଠ ପଥର
ପାଣି ଦର୍ପଣେ ଦେଖେ
ଛାଇ ନିଜର !
୨୨)
ଏ ଦରପନ
କହ ତ କହ, କିଏ
ଘିଚୁଛେ ମନ ।
୨୩)
ଚହଲା ପାନି
ଦରପନ ଦେଖୁଛେ
ଆମର ନନୀ ।
~ ଆଶୁତୋଷ ମେହେର
୨୪)
କାଚ ଦର୍ପଣ
ନିଜ ମୁହଁ ଦେଖିଲେ
ଲାଗେ ଉଚ୍ଛନ୍ନ ।
୨୫)
ମନ ଦର୍ପନ
ପ୍ରେମ ଭକତି ସଦା
କର ଅର୍ପଣ ।
୨୬)
ଭଙ୍ଗା ଦର୍ପଣ
ଅଶୁଭ ବାର୍ତା ଦିଏ
କହିଛି କିଏ ।
୨୭)
କାଚ ଆଇନା
ନିଜକୁ ଦେଖି କେବେ
ଗର୍ବ କରନା ।
~ ଦୟାନନ୍ଦ ଶବର
୨୮)
ଆମ ସାହିତ୍ୟ
ସମାଜ ର ଦର୍ପଣ
ପ୍ରଗତି ପଥେ ।
୨୯)
ମନ ଦର୍ପଣେ
ଆମ ସମାଜ ଚିତ୍ର
ହୁଏ ଚିତ୍ରିତ ।
୩୦)
ଅନ୍ଧ ଦେଶରେ
କରି ଦର୍ପଣ ବିକ୍ରି
କି 'ଲାଭ ଅଛି ।
୩୧)
ଗରିମା ଆମ
ସାଜେ ମୁଖ ଦର୍ପଣ
ନିଜ ଗୁଣରେ ।
~ ସମିତା ସ୍ବାଇଁ
୩୨)
ଦରପନ୍ ଦେଖି
ନନୀ ଟା କ୍ରିମ୍ ପାଉଡର୍
ଦେଉଛେ ମାଖି ।
୩୩)
ଶିକ୍ଷକ ଭାଇ
ସମାଜର ଦର୍ପଣ
ତୁଲ୍ୟ ଅଟଇ ।
୩୪)
ଆଲୋ ସୁନ୍ଦରୀ
ତୋର ଦର୍ପଣ ଦେଖା
ଗଲାଣି ସରି ।
୩୫)
ମୁହୁଁ ଦରପନ୍
ଚିକନ୍ ଚାକନ୍ ହୁରୁଦ୍ ଟା
ପଥର୍ କରପନ୍ ।
୩୬)
ସରସୀ ଜଳ
ଦର୍ପଣ ସମତୁଲ
ଦିଶେ ନିର୍ମଳ ।
୩୭)
ଆତ୍ମ ଦର୍ଶନ
ହୋଇ ପାରିବ ନାହିଁ
ଦେଖି ଦର୍ପଣ ।
୩୮)
ଅନ୍ଧ ରାଜ୍ୟ କୁ
ପଦାର୍ପଣ କରିଛି
ଦର୍ପଣ ବିକି ।
୩୯)
ଦରପନ୍ ଦେଖା
ତୋର୍ ନିହା ସରେ କାଏଁ
ପାଉଡର୍ ମଖା ।
୪୦)
ଦରପନ୍ ଦେଖି
କେତେ ହେଉଛୁ ଦୁଃଖି
ରେ ସୁନା ମୁଖି ।
୪୧)
ଦର୍ପଣ ଆଗେ
କଥା କହିଲେ ମନ
ହାଲୁକା ଲାଗେ ।
~ ଜୟରାମ ସାହୁ
୪୨)
ଦର୍ପଣ ଦେଖ
ନିଜ ଚେହେରା ନିଜେ
ପରଖି ରଖ
୪୩)
ପୋଖରୀ ଜଳ
ସେ ଦର୍ପଣ ପରିକା
କି ମନୋହର !
~ ଡମ୍ବରୁଧର ବାଗ
୪୪)
କାଚ ଦର୍ପଣ
ଦେଖି ହୁଏ ସେଥିରେ
ଅଙ୍ଗ ଭୂଷଣ ।
୪୫)
ଭାବନା କେତେ
ମନ ଦର୍ପଣେ ଦେଖ
ଅକୁହା ଯେତେ ।
~ ସନ୍ତୋଷ କୁମାର ସାହୁ
୪୬)
ଖଗୋଳ ବିଦ୍ୟା
ସିଦ୍ଧାନ୍ତ ଦର୍ପଣରେ
ଅମୂଲ୍ୟ ଦାନ ।
୪୭)
ପ୍ରେମିକା ଭାବ
ସ୍ୱପ୍ନ ରାଜ୍ୟ ପ୍ରେମିକ
ଦର୍ପଣି ଚିଠି ।
୪୮)
ମାଁ ମନ ଚିହ୍ନେ
ସନ୍ତାନର ବେଦନା
ମୁଖ ଦର୍ପଣ ।
୪୯)
ଶିଶୁ ଅଝଟ
ମରୁର ମରୀଚିକା
ଦର୍ପଣ ଛାଇ ।
୫୦)
ନିଛକ ସତ୍ୟ
ସୃଷ୍ଟି, ସ୍ଥିତି, ବିଳୟ
ଦର୍ପଣ ବିମ୍ବ ।
୫୧)
ଅହଂ ମୁଁକାର
ତୁଚ୍ଛ, ମିଥ୍ୟା, ଅଳୀକ
ଦର୍ପଣ ବାଣୀ ।
୫୨)
ଧରଣୀ ରାଣୀ
ରକ୍ତିମ ଦିଗ୍'ବଳୟ
ଦର୍ପଣ ଛବି ।
୫୩)
ବିଟପୀ ଛନ୍ଦ
ଉଜାଗର ରଜନୀ
ଦର୍ପଣେ ଛନ୍ଦ ।
୫୪)
ନିଷିଦ୍ଧ ଗଳି
ନିଷିଦ୍ଧ ରାତି ସ୍ୱପ୍ନ
ଆଇନା ତୁଚ୍ଛ ।
୫୫)
ଛିନ୍'ଭିନ୍ ଦର୍ପଣ
ସମୟ ପ୍ରତିଧ୍ବନୀ
ସତର୍କ ଘଣ୍ଟି ।
୫୬)
ଝୁରୁଛେ ଗା ମନ୍
କେତେବେଲେ ଦେଖ୍'ମି ତୋର୍
ମୁହୁଁ ଦରପନ୍ ।
୫୭)
ମନ୍ ଗୁମ୍'ରି କାନ୍ଦେ
କଲ୍'ଜା ଯାଉଛେ ଛିଡ଼ି
ଦରପନ୍ କେଁ ଯାନେ ।
~ ମନୀଷା ମିଶ୍ର
୫୮)
ପହେଲା ଶତ୍ରୁ
ମୋର୍ ଦର୍ପନ୍ ହଁ କାଁ କରି
ସମିଆ କାହିଁ ।
୫୯)
ଦର୍ପନ୍ ଦେଖୁଛେ
ମେଥ୍'ରେ କେତେ ଫିଜିକ୍ସ
କେମିଷ୍ଟ୍ରି ବାୟୋ ।
~ ଉତ୍ତମ ହୋତା
୬୦)
ଚାବି ନେଇଛ
ମିରର ସେଟ କର
ହେଲମେଟ ଯେ ।
୬୧)
ମିରର ଦେଖ
ଓଭରଟେକ୍ କରୁଛ
ଜୀବନ ଆଗ ।
~ ନନ୍ଦିନୀ ଶତପଥୀ
୬୨)
ଦେଖା ଦରପନ୍
ସେ ଖାଲି ଫିସଲୁଚେ
କେନ୍ତା ରକମ ।
~ ରାଜେଶ କୁମାର ମୁଣ୍ଡ
୬୩)
ମୁଖ ଦର୍ପଣ
ଭାବର ଲୁଚକାଳି
ସୁସ୍ପଷ୍ଟ ଚିତ୍ର ।
୬୪)
ତଟିନୀ ନୀର
ଦର୍ପଣର ବିକଳ୍ପ
ଲାବଣ୍ୟବତୀ ।
୬୫)
ଗାଧୁଆ ତୁଠ
ସ୍ୱପ୍ନ ବିଭୋର ମନ
ଜଳ ଦର୍ପଣ ।
୬୬)
କାନନ ବାଳା
ଆରସି ଝରଣାର
ଖୋସା ମଞ୍ଜୁଳ ।
୬୭)
ଆଇନା କହେ
ଇତିହାସର ପୃଷ୍ଠା
ରୁଗ୍'ଣ ଅତୀତ ।
୬୮)
ଆଇନା ପୃଷ୍ଠ
ସତ, ମିଛ ଦୁନିଆଁ
ନିର୍ମଳ ଛବି ।
୬୯)
ନଗର ବଧୂ
ମଦନର ଉଚ୍ଛାଟ
ଭଙ୍ଗା ଆଇନା ।
୭୦)
ଅଳସୀ କନ୍ୟା
ନଦୀ ଜଳ ଆଇନା
ମୁଖ ପଖାଳେ ।
୭୧)
ରଶ୍ମିଫଳନ
ପ୍ରେମିକର ଇସାରା
ଦର୍ପଣ ଛାଇ ।
୭୨)
ଗ୍ରାମ୍ୟ ଶୁକର
ଧୋବାର ନଦୀତୁଠ
ଗାଆଁ ଆଇନା ।
୭୩)
ପୂର୍ବ ଆକାଶ
ଇନ୍ଦ୍ରଧନୁର ରଙ୍ଗ
ସୂର୍ଯ୍ୟ ଦର୍ପଣ ।
~ ରମାକାନ୍ତ ସତପଥି
୭୪)
ମୁହଁ ଦର୍ପଣ
କହିଥାଏ ମନର
ଅବ୍ୟକ୍ତ ଭାବ ।
୭୫)
ନବବଧୂ ଟି
ସୀମନ୍ତରେ ସିନ୍ଦୂର
ଦର୍ପଣ ଦେଖେ ।
୭୬)
ଶିକ୍ଷକ କୂଳ
ସମାଜ ର ଦର୍ପଣ
ଶିଶୁ ର ଭାଗ୍ୟ ।
୭୭)
ଓଲଟା ଛବି
ଅଵତଳ ଦର୍ପଣ
ଆମ୍ବୁଲାନ୍ସରେ ।
୭୮)
ଦର୍ପଣରେ ମୁଁ
ପ୍ରତିଫଳିତ ହୁଏ
ନିଛକ ସତ୍ୟ ।
୭୯)
କବି କବିତା
ଭାବନା ରୁଦ୍ଧିମନ୍ତ
ସ୍ବଛ ଦର୍ପଣ ।
୮୦)
ଜୀବନ ଦୃଶ୍ୟ
ଉଦ୍ଭାସିତ ହୋଇବ
ଜ୍ଞାନ ଦର୍ପଣେ ।
୮୧)
ମୁଁ ଦାନବ କୁ
ଚିହ୍ନଟ କର ତୁମେ
କାଚ ଦର୍ପଣେ ।
~ ବାସନ୍ତୀ ଦେଈ
୮୨)
କାଚ ଆଇନା
କେବେ ମିଛ କୁହେନା
ହୃଦୟ ଭରି ।
୮୩)
ଭଗ୍ନ କୋଣାର୍କ
ଇତିହାସ ଦର୍ପଣେ
ଉଦଭାସିତ ।
୮୪)
ସରସୀ ଜଳ
ଦର୍ପଣ ପରି ଦିଶେ
ଭାରି ନିର୍ମଳ ।
୮୫)
ଦର୍ପଣ ବିକା
ଅନ୍ଧ ରାଇଜେ ପରା
ଅଲୋଡା ଏକା ।
୮୬)
ସ୍ଵଚ୍ଛ ଭାରତ
ସମାଜ ଦର୍ପଣରେ
ଆଣେ ସଂସ୍କାର ।
୮୭)
ଚାନ୍ଦିନୀ ରାତି
ପ୍ରୀତିର ଆଇନାରେ
ପ୍ରିୟାର ଛବି ।
୮୮)
କନକ ଗୋରୀ
ଭବେ ଆଇନା ଦେଖି
ଭାରି ସୁନ୍ଦରୀ ।
୮୯)
ଦର୍ପଣ ପରି
ସ୍ଵଚ୍ଛ ନିର୍ମଳ ହୁଅ
ଶ୍ରଦ୍ଧା ସବୁରି ।
୯୦)
ଭାବ ପୀରତି
ମୁହଁ ର ଦରପଣେ
ସୂରିଲା ଅତି ।
୯୧)
ଭାଷା ଦର୍ପଣେ
ସଂସ୍କୃତି ପରମ୍ପରା
କରେ ମଣ୍ଡନ ।
୯୨)
ଚନ୍ଦ୍ରଶେଖର
ସିଦ୍ଧାନ୍ତ ଦର୍ପଣରେ
ଜନ ଆଦୃତ ।
୯୩)
ମନ ଆଇନା
ଥରେ ଭାଙ୍ଗିଗଲେ ସେ
ଯୋଡି ହୁଏନା ।
୯୪)
ପ୍ରିୟାର ମୁହଁ
କାଚ ଆଇନା ପରି
ଦିଶଇ ସ୍ଵଚ୍ଛ ।
୯୫)
କବି କଳ୍ପନା
କବିତା ଆଇନାରେ
ଆଙ୍କେ ଭାବନା ।
୯୬)
ମୁହଁ ଦର୍ପଣ
ଝଲମଲ ଟି କରେ
ସମାଜେ ଜାଣ ।
୯୭)
ବିରହ ଗୀତି
ହୃଦୟ ଆଇନାରେ
ଅଛି ସାଇତା ।
୯୮)
ସମାଜ ରୀତି
ସାହିତ୍ୟର ଦର୍ପଣ
ମୁଖର ଅତି ।
୯୯)
ପ୍ରିୟାର ସ୍ଵପ୍ନ
କାଚ ଆଇନା ପରି
ଅଟେ ସଫେଦ ।
୧୦୦)
ଧାରା ଶ୍ରାବଣୀ
ମେଘର ଆଇନାରେ
ଆକୁଳ ଅତି ।
୧୦୧)
ଶିଶୁର ମନ
ଦର୍ପଣ ପରି ସେତ
ସ୍ଵଚ୍ଛ ନିର୍ମଳ ।
୧୦୨)
ସ୍ଵେଚ୍ଛାଚାରିତା
ସମାଜର ଦର୍ପଣେ
ନିଇତି ଭାସେ ।
୧୦୩)
ଭଙ୍ଗା ଦର୍ପଣେ
ହୃଦୟ ପ୍ରତିଛବି
ଜଳକା ଦିଶେ ।
୧୦୪)
ଦେଖି ଆଇନା
ସଜେଇ ହୁଏ ନିତି
ନବୀନ ବାଳା ।
୧୦୫)
ମନ ଆଇନା
ପ୍ରିୟା ଆଖିରେ ଦେଖେ
ସାରା ଦୁନିଆ ।
୧୦୬)
ମେଘ ଆଇନା
ସାଜଇ ଇନ୍ଦ୍ରଧନୁ
ସପତ ରଙ୍ଗେ ।
~ ଦମୟନ୍ତୀ ରଥ
୧୦୭)
ଦର୍ପଣ କେବେ
ମିଛ କହି ପାରେନା
ସତ ହିଁ କହେ ।
୧୦୮)
ମୁଖ ଦର୍ପଣ
ସୁନ୍ଦର ହେଲେ କେତେ
ଲୋଡ଼ଇ ଗୁଣ l
~ ସୁଧାଞ୍ଜଳି ମିଶ୍ର
୧୦୯)
କାଚ ଆଇନା
କରେ ନାହିଁ ଛଳନା
ମିଛ କହେନା ।
୧୧୦)
କାହାର ପାସେ
ଦର୍ପଣ ପ୍ରତିବିମ୍ବ
ଓଲଟା ଦିଶେ ।
~ ଦୟାନନ୍ଦ ଶବର
୧୧୧)
ପୂର୍ଣ୍ଣିମା ଜହ୍ନ
ଦିଶଇ ବଡ଼ ତୋଫା
ସତେ ଦର୍ପଣ ।
୧୧୨)
କୁଆଁରୀ କନ୍ୟା
ଦର୍ପଣେ ମୁଖ ଚାହିଁ
ଆତ୍ମବିଭୋର।
୧୧୩)
ବିଶ୍ଵାସ ମନ
ଭାଙ୍ଗିଗଲେ ଥରେ ସେ
ଦର୍ପଣ ସମ ।
~ ବାସନ୍ତୀ ଦେଈ
୧୧୪)
ଫଟା ଦର୍ପଣ
ସେଇ କପାଳେ ଲେଖା
ଅଭାଗାପଣ ।
~ ବୈଷ୍ଣବ ଭୋଇ
☆☆☆☆☆☆☆☆☆☆
