ହାଇକୁ ସାଧନା ଖୋର୍ଦ୍ଧା
ସାରସ୍ୱତ ହାଇକୁ କାବ୍ୟ ଯାତ୍ରା ~ ୯
"ସକାଳ"
୧)
ସଜ ସକାଳ
ଚାଷୀ ଚାଲେ ସଅଳ
କାନ୍ଧେ ଲଙ୍ଗଳ ।
୨)
ଶୁଭ ସକାଳ
ସୂର୍ଯ୍ୟ ନୁହେଁ କୁଣ୍ଠିତ
ଦିଏ ଆଲୋକ।
~ ପ୍ରଦୀପ କୁମାର ଦାଶ
୩)
ଗାଆଁ ର ଦୃଶ୍ୟ
ଅତୀବ ମନୋରମ
ଶୀତ ସକାଳ ।
୪)
ପ୍ରାତଃ ଶିଶିର
ସକାଳ କିରଣ ରେ
ମୁକ୍ତା ସମ୍ଭାର ।
୫)
ଝରା ଶେଫାଳୀ
ରାତିରେ ଝରିପଡେ
ସକାଳ ସ୍ବପ୍ନ ।
~ ବାସନ୍ତୀ ଦେଈ
୬)
ପ୍ରତ୍ୟୁଷ ପ୍ରାଣ
ପ୍ରଯୁକ୍ତ ପ୍ରାଣାୟମ
ଭରେ ପୀୟୂଷ ।
୭)
ଉଦିତ ଉଷା
ଉଷ୍ଣତା ଆଗମନୀ
ହରେ ତମସା ।
୮)
ନୂଆ ସକାଳ
ଉଦ୍ଦୀପନା ପ୍ରଵଳ
ଆନନ୍ଦ ସ୍ରୋତ ।
~ ଆରତୀ ପ୍ରହରାଜ, ଭୁବନେଶ୍ୱର
୯)
ପୂଣ୍ଯ ସକାଳ
ଆଣିଦେଲା ସ୍ବାଧୀନ
ମନେ ଆନନ୍ଦ ।
୧୦)
ଶୀତ ସକାଳ
ଗଙ୍ଗ ଶିଉଳି ଭରା
ଶାନ୍ତ ଧରଣୀ ।
~ ଶୋଭାଗିନୀ ନନ୍ଦ
୧୧)
ସକାଳ ଖରା
ଭିଟାମିନ ଡି ମିଳେ
ହାଡ଼ ଶକତ ।
୧୨)
ନିତି ସକାଳୁ
ବ୍ୟାୟାମ ଯୋଗୁ ଆମେ
ସୁସ୍ଥ ସବଳ ।
୧୩)
ସଞ୍ଜ ସକାଳେ
ପିତା ମାତାଙ୍କ ପାଦେ
କର ପ୍ରଣାମ ।
୧୪)
ସକାଳୁ ଉଠ
ଉଛୁର ହେଲାଣି ରେ
ପଢ଼ିବା ପାଠ ।
୧୫)
ପାହିଲା ରାତି
ଅରୁଣ କମଳ ଙ୍କ
ଅଭେଦ୍ୟ ପ୍ରୀତି ।
୧୬)
ସକାଳ ଶୋଭା
ନାନା ଜାତି ଫୁଲର
ବର୍ଣାଳୀ ଆଭା ।
~ ଜ୍ୟୋତି ପ୍ରଭା ପଟ୍ଟନାୟକ
୧୭)
ଉଷା ଆଲୋକେ
ପ୍ରାତଃ ଭ୍ରମଣ ସତେ
ଦେହକୁ ହିତ ।
୧୮)
ସକାଳୁ ଚାଷୀ
ଶାଗ ପଖାଳ ଖାଇ
ଧାଏଁ କ୍ଷେତକୁ ।
୧୯)
ପ୍ରତି ସକାଳୁ
ସିଂଚି ଗୋବର ପାଣି
କରେ ପାଇଟି ।
୨୦)
ଶୁଭ ସକାଳ
କୁଶଳ ବାର୍ତ୍ତା ଆସେ
ପ୍ରିୟଜନର ।
୨୧)
କାକ ରାବିଲା
ଆମ୍ର ବୃକ୍ଷରେ ପିକ
ସକାଳ ହେଲା ।
୨୨)
ପ୍ରଭାତୁ ଉଠି
ଫୁଲ ରେ ମାଳ ଗୁନ୍ଥି
ମନ୍ଦିରେ ଦିଏ ।
୨୩)
କାର୍ତ୍ତିକ ମାସେ
ପ୍ରାତଃ ସ୍ନାହାନ କର
ଧର୍ମ ଅଶେଷ ।
୨୪)
ଗାଆଁ ରେ ଶୀତ
ନଡା କୁଟା ରେ ଧୁନି
ନ ଥାଏ ଶୀତ ।
୨୫)
ଝାମ୍ପି ଭିତରୁ
ଗଂଜା ଡାକିଲା ଉଠ
ସକାଳ ହେଲା ।
~ ଝୁମୁରୀ ସାହୁ, ଜଟଣୀ
୨୬)
ସକାଳ ହେଲା
ନାନା ଜାତି ଫୁଲରୁ
ବାସ ଛୁଟିଲା ।
୨୭)
ଦୁଃଖ ଅନ୍ଧାର
ଅପସରେ ଆସିଲେ
ସୁଖ ସକାଳ ।
୨୮)
ପୁଣ୍ୟ ସକାଳ
ମନ୍ଦିରେ ଘଣ୍ଟି ଶୁଭେ
ଆଳତି ବେଳ।
୨୯)
ବିହଙ୍ଗ ଦଳ
ଖାଦ୍ୟ ଖୋଜନ୍ତି ଉଡି
ଦେଖି ସକାଳ ।
~ ବିଳାସିନୀ ଦାଶ, ଖୋର୍ଦ୍ଧା
୩୦)
ସକାଳ ହେଲେ
ପୂରୁବ ଆକାଶରେ
ସୁରୂଜ ଉଏଁ ।
୩୧)
ସଂଜ ସକାଳେ
ନିତି ପ୍ରାର୍ଥନା କରେ
ହରଷ ମନେ ।
୩୨)
ଶୀତ ସକାଳ
ଦେହ କୁ ବଡ଼ ହିତ
କର ବ୍ୟାୟାମ ।
~ ପ୍ରଭାସିନୀ ସାହୁ, ଖୋର୍ଦ୍ଧା
୩୩)
ପ୍ରଭାତ ବାତ
ଶରୀର ପାଇଁ ସେତ
ନିହାତି ହିତ ।
୩୪)
ଗଙ୍ଗ ଶିଉଳି
ସକାଳୁ ପଡୁ ଝରି
ମହକ ଦେଇ ।
୩୫)
ସକାଳୁ ଉଠ
କାକ ଡାକେ ମଥାନେ
ଚାଉଳ ଥୁଅ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ
୩୬)
ସକାଳ ଧୂପେ
ସୁନାଥାଳି ଖେଚୁଡ଼ି
ଜଗାର ପ୍ରିୟ ।
୩୭)
ରାତ୍ରିର ଶେଷେ
ନବସକାଳ ଆସେ
ପୂରୁବ ଦିଶେ ।
~ ଅର୍ଚ୍ଚନା କୁମାରୀ, ରାଉତରାୟ
୩୮)
ପାହଇ ନିଶି
ପ୍ରଭାତଟି ଆସଇ
ଦେବାକୁ ଖୁସି ।
୩୯)
ସକାଳ ଆସେ
ଦିନମଣି ଆଲୋକେ
ଦୁନିଆ ହସେ ।
୪୦)
ସକାଳୁ ଉଠ
ବଡ଼ଠାକୁର ପାଶେ
ଶୁଭ ମନାସ ।
୪୧)
ସକାଳ ହେଲା
କାଉ ରାବିଲା କା କା
ରାତି ତୁ ଯା ଯା।
୪୨)
ରଜନୀ ଶେଷେ
ନୂତନ ଆଶା ନେଇ
ପ୍ରଭାତ ଆସେ ।
~ ବାସନ୍ତୀ ମହାପାତ୍ର, ପୋଖରୀପୁଟ
୪୪)
ଉଷା ଆଗମେ
ତନ୍ଦ୍ରା ତେଜି ଜାଗ୍ରତ
ହୋନ୍ତି ମାନବ ।
୪୫)
ପ୍ରତ୍ୟୁଷ କାଳ
ବିହଙ୍ଗ କାକଳିରେ
ଧରା ଉତ୍ତାଳ ।
୪୬)
ପାହିଲା ନିଶି
ଭଇଁଲେ ଦିନମଣି
ମୁରୁକି ହସି ।
୪୭)
ହେଲା ପ୍ରଭାତ
କଅଁଳ ଖରା ପରା
ଦେହକୁ ହିତ ।
~ ମଧୁଛନ୍ଦା ଦାଶ
୪୮)
ପାହିଲା ନିଶି
ଜନ୍ତୁ ଜୀବ ଉଠିଲେ
ହୋଇଣ ଖୁସି ।
୪୯)
ଧରଣୀ ରାଣୀ
ସ୍ମିତ ହାସେ ପ୍ରଣମେ
ସକାଳ ସୂର୍ଯ୍ୟ ।
୫୦)
ପକ୍ଷୀ କାକଳୀ
ଉଠ ମୋ କଳାକାହ୍ନୁ
ହେଲା ସକାଳ ।
~ ସସ୍ମିତା ବାରିକ
୫୧)
ସକାଳ
ଶୁଭ ସକାଳ
ମନେ ଭରିଦିଅଇ
ଖୁସି ଅପାର ।
୫୨)
ସକାଳ ହେଲା
ମୁରୁଜ ବୁଣିଲେ
ସୂରୁଜ ରଜା ।
୫୩)
ପାହିଲା ରାତି
ଧରଣୀ ମାଆ ମୋର
ହୋଇଲା ଖୁସି ।
~ ସୁଷମା ଦେଇ ଭୁବନେଶ୍ୱର
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें