ହାଇକୁ ସାଧନା ଖୋର୍ଦ୍ଧା
ସାରସ୍ୱତ ହାଇକୁ କାବ୍ୟ ଯାତ୍ରା ~ ୩୪
ଅନ୍ଧକାର
ହାଇକୁ
୧)
ଜ୍ଞାନର ସୂର୍ଯ୍ୟ
ଅଜ୍ଞାନତା ଅନ୍ଧାର
କରଇ ଦୂର ।
୨)
କ୍ଷୁଦ୍ର ପ୍ରଦୀପ
ମାୟାବିନୀ ଅନ୍ଧାର
କରିଛି ଦୂର ।
~ ପ୍ରଦୀପ କୁମାର ଦାଶ
୩)
ଜୁଳୁଜୁଳୁଆ
ଘନ ଅନ୍ଧାରେ ସିଏ
ଦୀପ ଭଳିଆ ।
୪)
ସୁଜନ ବାଣୀ
ଅଜ୍ଞାନ ଅନ୍ଧକାରେ
ମାର୍ଗ ଦର୍ଶନ ।
୫)
ପ୍ରଦୀପ ଶିଖା
ଖେଳଇ ଲୁଚକାଳି
ତମସା ରାଣୀ ।
୬)
ମହାନ ତ୍ୟାଗ
ଦୀପ ତଳ ଅନ୍ଧାର
ଜଳେ ସଳିତା ।
୭)
ଅନ୍ଧାର ବିନା
ଆଲୋକ ଉପସ୍ଥିତି
ବୁଝି ହୁଏନା ।
୮)
ଅନ୍ଧାର ରାତି
ଚଢେଇ ଫଡଫଡ
ଭୂତ ର ଭୟ ।
~ ବାସନ୍ତୀ ଦେଈ, ଖୋର୍ଦ୍ଧା
୯)
ପରାଧୀନତା
ନିର୍ଯାତନା ଅନ୍ଧାର
ଅସହ୍ୟ ଦୁଃଖ ।
୧୦)
ଅନ୍ଧବିଶ୍ବାସ
ଅନ୍ଧକାର ଠାରୁ ସେ
ଅତି ଉତ୍କଟ ।
୧୧)
ଘନ ଅନ୍ଧାର
ନିର୍ଲିପ୍ତ ନିର୍ବିକାର
ଋଷି ପ୍ରତିମା ।
୧୨)
ଧ୍ରୁବ ତାରକା
ଅନ୍ଧାରେ ନାବିକଙ୍କୁ
ଦେଖାଏ ଦିଗ ।
~ ବିଳାସିନୀ ଦାଶ, ମଧୁସୂଦନ ନଗର
୧୩)
ଜ୍ଞାନ ବିହୀନ
ଅନ୍ଧକାରମୟ ଯେ
ଅଟେ ଜୀବନ ।
୧୪)
ଅନ୍ଧାର ରାତି
ତାରକା ମେଳେ ନଭ
ସୁନ୍ଦର ଅତି ।
୧୫)
ଯାମିନୀ ଅନ୍ତେ
ଅନ୍ଧାର ଅପସରେ
ଦିବ୍ୟ ପ୍ରକାଶେ ।
୧୬)
ଚପଳମତି
ମା କାନି ତଳେ ଲୁଚେ
ଅନ୍ଧାର ଦେଖି ।
~ ମଧୁଛନ୍ଦା ଦାଶ
୧୭)
ଅମା ଅନ୍ଧାର
ପଥ ପାରି ହେବା
ଲାଗଇ ଡର ।
୧୮)
ନାହିଁ ନୟନ
ସବୁ ଦିଶେ ଅନ୍ଧାର
କଷ୍ଟ ଜୀବନ ।
୧୯)
କରୋନା କାଳ
ତାଲା ବନ୍ଦୀର ବେଳେ
ମନ ଅନ୍ଧାର ।
୨୦)
ଅନ୍ଧାର ପକ୍ଷ
ଆକାଶେ ତାରା ଗଣ
ଦେଖାନ୍ତି ପଥ ।
~ ଝୁମୁରୀ ସାହୁ
୨୧)
ଅନ୍ଧାର ପଥ
ଆଲୋକ ଜାଳିଦିଅ
ହେ ଜଗନ୍ନାଥ ।
୨୨)
ଅମା ଅନ୍ଧାର
ପ୍ରଭୁ ସାହସ ଦିଅ
ଲାଗଇ ଡର ।
~ ବାସନ୍ତୀ ମହାପାତ୍ର, ପୋଖରୀପୁଟ
୨୪)
ପ୍ରଦୀପ ସମ
ତମସା ନାଶି କର
ଜୀବନ ଧନ୍ଯ ।
୨୫)
ଅନ୍ଧ ପଥିକ
ଅନ୍ଧାର ଦୁନିଆ ମୋ
ଜୀବନ ପଥ ।
୨୬)
ତିମିର ବିନା
ଜୀବନର ତିତୀକ୍ଷା
ବାରି ହୁଏନା ।
୨୭)
ତମସାଚ୍ଛାନ୍ନ
ଆଫ୍ରିକା ମହାଦେଶ
ବସତି ଶୂନ୍ଯ ।
~ ସସ୍ମିତା ବାରିକ୍, ବୋଲଗଡ଼
୨୮)
ଘୋର ଅନ୍ଧାର
କଜଳ ଲଗା ଆଖି
କବି କଳ୍ପନା ।
୨୯)
ଅମା ଅନ୍ଧାର
ପୂର୍ଣ୍ଣିମା ଆଗମନ
କାଳର ଚକ୍ର ।
୩୦)
ଦିଗ ଅନ୍ଧାର
ମନର ବ୍ୟାକୁଳତା
ପ୍ରାଣ ଆତୁର ।
୩୧)
ଅନ୍ଧାର ନାଶି
ସୂରୁଯ ବିକିରଣ
ସନ୍ତୁଷ୍ଟ ମନ ।
~ ଆରତୀ ପ୍ରହରାଜ, ଭୁବନେଶ୍ୱର
୩୨)
ଅନ୍ଧକାର ର
ମରୁଦ୍ଯାନରେ ବସି
ଭାଳଇ ଋଷି ।
୩୩)
କି! ଅନ୍ଧକାର
ପାଏନା ଥଳକୂଳ
ବୃଥା ଜୀବନ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୩୪)
ହେଲା ସୂର୍ଯ୍ୟାସ୍ତ
ଅନ୍ଧକାରେ ଧରଣୀ
ହୁଏ ସଜ୍ଜିତ ।
୩୫)
ଆକାଶେ ତାରା
ତା ମଧ୍ୟେ ଚନ୍ଦ୍ର ଜ୍ୟୋସ୍ନା
ନାଶେ ତିମିର ।
୩୬)
ଗଙ୍ଗଶିଉଳି
ଅନ୍ଧାରେ ଫୁଟି, ଝଡ଼େ
ନିୟତି ଲେଖା ।
୩୭)
ଘଞ୍ଚ ଜଙ୍ଗଲ
ଅନ୍ଧକାର ରାଜତ୍ୱ
ପଶୁ ର ଭୟ ।
୩୮)
ସୁ ଉପଦେଶ
ଅଜ୍ଞାନ ଅନ୍ଧକାର
ଦିଏ ଦୁରେଇ ।
୩୯)
ଧରାପୃଷ୍ଠରେ
ଆଲୋକ ପ୍ରକାଶଇ
ଖଦ୍ଵୋତ କୀଟ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୪୦)
ଜାଜ୍ଜୁଲ୍ୟମାନ
ଅନ୍ଧକାର ବିନାଶ
ଦୀପ ସମାନ ।
୪୧)
ବିପଦ ବେଳେ
ଚଉଦିଗ ଅନ୍ଧାର
ମନ ବିଚଳେ ।
୪୩)
ଅନ୍ଧାର ଦେଖ
କୁସଂସ୍କାର ବିନାଶ
ଜ୍ଞାନ ସଳଖ ।
~ ଚପଳା ପଣ୍ଡା, ଖୋର୍ଦ୍ଧା
୪୪)
ଜ୍ଞାନର ଶିଖା
ଅନ୍ଧକାର ବିନାଶ
ଜୀବନ ପଥ ।
୪୫)
ଅନ୍ଧାର ରାତି
ଚନ୍ଦ୍ରମା ବିଛୁରିତ
ଶୀତଳ ସ୍ଥିତି ।
୪୬)
ଅନ୍ଧାର ହେଲେ
ହିଂସ୍ର ଜନ୍ତୁ ଭୟରେ
ହୃଦୟ ଥରେ ।
୪୭)
ଗୁରୁପଦେଶ
ଅନ୍ଧାର ନାସକରେ
ଦେଖା ଏ ପଥ ।
୪୮)
ଗଙ୍ଗଶିଉଳି
କାଳୀ ଅନ୍ଧାରୁ କାହିଁ
ପଡ଼ଇ ଝଡି ।
୪୯)
ଅନ୍ଧାର ରାଣୀ
ତାରା ଚନ୍ଦ୍ରମା କୋଳେଭ
ହସେ ଧରଣୀ ।
୫୦)
ଅନ୍ଧାର ରାତି
ଛାଇକୁ ଦେଖି କୁନା
କୋଣରେ ଲୁଚେ ।
~ ଜ୍ୟୋତି ପ୍ରଭା, ପଟ୍ଟନାୟକ
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें