ହାଇକୁ ସାଧନା ଖୋର୍ଦ୍ଧା
ସାରସ୍ଵତ ହାଇକୁ କାବ୍ୟ ଯାତ୍ରା ~ ୧ ~
ହାଇକୁ
ନଈ
୧)
ନଇକେ ବାଙ୍କ
ଚଳଣି ଭିନ୍ନଭିନ୍ନ
ଦେଶକେ ଫାଙ୍କ ।
୨)
ଅଶିଣ ଆସେ
ଧବଳ କାଶତଣ୍ଡୀ
କରେ ସ୍ଵାଗତ ।
୩)
ନଈ ପଠାରେ
ସୁଲୁସୁଲିଆ ବାଆ
ଚୋରାଏ ମନ ।
~ ବାସନ୍ତୀ ଦେଈ ଖୋର୍ଦ୍ଧା
୪)
ବହଇ ନଈ
ସଭିଙ୍କ ଜୀବନ ର
ପ୍ରାଣ ପ୍ରବାହୀ ।
~ ଆରତୀ ପ୍ରହରାଜ
୫)
ନଈ ପଠାରେ
ଶୀତଳ ସମୀରଣ
ମନକୁ ହରେ ।
୬)
ନଈ ଲୋ ତୁହି
ପର ଆପଣା ଭାବ
ତୋ ପାଶେ ନାହିଁ ।
~ ଜ୍ୟୋତି ପ୍ରଭା ପଟ୍ଟନାୟକ
୭)
ଜୀବନ ନଈ
ସୁଖ ଦୁଃଖ ଦି' ଧାରେ
ଯାଉଚି ବହି ।
~ ଆରତୀ ମଞ୍ଜରୀ ଦାଶ
୮)
ପବିତ୍ର ନଈ
ବହି ଯାଇଛି ଦେଖ
ମୋ ଗାଆଁ ଦେଇ ।
୯)
ନଈର ଧାରେ
ତାଳ ବୃକ୍ଷ ର ମୂଳେ
ଖେଳଇ ନାଗ ।
୧୦)
ନଈ କୂଳରେ
ମୁହଁ ସଞ୍ଜ ବେଳରେ
ମୋ ସାଥୀ ରେ ତୁ ।
~ ଝୁମୁରୀ ସାହୁ
୧୧)
କଲ୍ୟାଣୀ ନଈ
ଜନ୍ମ ତୋର ସାଗରେ
ମିଶିବା ପାଇଁ ।
~ ବବି ବାରିକ
୧୨)
ମୁଁ ଟିକି ନଈ
ଅନନ୍ତ ସାଗର କୁ
ପାରିବି ଛୁଇଁ ?
~ ସୁମତୀ ଦେଇ, ଅସରଳା
୧୩)
ରୂପସୀ ନଈ
ଛନଛନ ମଧ ତା
ପ୍ରେମିକ ପାଇଁ ।
୧୪)
ମିଳନ ଆଶେ
ଲାଜୁଆ ନଈ ଧାଏଁ
ସାଗର ପାଶେ ।
~ କବିତା କାନୁନଗୋ
୧୫)
ଜୀବନ ନଈ
ଭବ ସାଗର ଵକ୍ଷେ
ମିଶିବ ଯାଇ ।
~ ବିଳାସିନୀ ଦାଶ
୧୬)
ନାଉରି ନାହିଁ
ଆଗେଇ ଚାଲେ ଦେଖ
ଜୀବନ ନଈ ।
~ ରୀତା ଅପରାଜିତା ମହାନ୍ତି
୧୭)
ନଈକୁ ଦେଖ
ଅଙ୍କା ବଙ୍କା ତା ଦେହ
ନୁହେଁ ସଳଖ ।
୧୮)
ନଈର ଦୃଶ୍ୟ
କୂଳରେ ଗଛଲତା
କି ମନୋହର ।
୧୯)
ନଈରେ ଘର
କୁମ୍ଭୀର ସାଥିରେ କି
କରିବି ଗୋଳ ।
~ ଜ୍ୟୋତିପ୍ରଭା
୨୦)
ନିମ୍ନଗା ପ୍ରିୟା
କୁଳୁକୁଳୁ ସଙ୍ଗୀତେ
ସମ୍ମୋହିତ ମୁଁ ।
~ ଅତସୀ ପ୍ରଧାନ, ଜଟଣୀ
୨୧)
ତଟିନୀ ଜଳ
କେଡେ ମଧୁର ପୁଣି
ରଖେ ଜୀବନ ।
୨୨)
ନଈ ପଠାର
ଆମ୍ବ ତୋଟା ର ସ୍ମୃତି
ମନରେ ତୃପ୍ତି ।
~ ନିର୍ମଳା ଦେଇ
୨୩)
ଗରିବ ଜନ
ଦୁଃଖେ କଟେ ଜୀବନ
ନାହିଁ ସମ୍ମାନ ।
~ ଶୋଭାଗିନୀ ନନ୍ଦ
🌟🌟🌟🌟🌟🌟🌟
कोई टिप्पणी नहीं:
एक टिप्पणी भेजें