~ ସାରସ୍ୱତ TANKA/ତାଂକା କାବ୍ୟ ଯାତ୍ରା - ୪ ~
୧)
ପ୍ରେମ ପଥିକ
ଓଠରେ ମିଛ ହସ
ମନରେ କୋହ
ଅବେଳେ ବୋହିଯାଏ
ଆଖିରୁ ଲୁହ ଝର ।
~ ପ୍ରଦୀପ କୁମାର ଦାଶ
୨)
ଅନ୍ଧ ନଈର
ଉଜାଣି ଢେଉରେ ମୁଁ
ଅକାତ ପାଣି
ଆହୁଲା ମାରଇ ତୁ
ପାରିବୁ କି ପହଂଚି ।
~ ରାଜେଶ କୁମାର ମୁଣ୍ଡ
୩)
ସକାଳ ବେଳା
ପ୍ରକୃତି ଅନୁପମ
ସେଇ ବେଳାରେ
ଅନେକ କାର୍ଯ୍ୟଧାରା
ସଫଳ ଓ ସୁଗମ ।
~ ସୁଧୀର କୁମାର ପଣ୍ଡା
୪)
ଲୁହର ଧାର
ବିଖଣ୍ଡିତ ହୃଦୟ
ମନ ଅସ୍ଥିର
ଅବଦମିତ କୋହ
ଝଡ଼ର ପୂର୍ବାଭାଷ ।
୫)
ଅବ୍ୟକ୍ତ କୋହ
ପ୍ରତାଡ଼ନାର ଖଡ୍ଗ
ରକ୍ତାକ୍ତ ହୃଦ
ହିମାଚ୍ଛନ୍ନ ଲୋତକ
ବେଦନା ଜର୍ଜରିତ ।
୬)
ପ୍ରିୟାର ହସ
ଶାଣିତ ଠୁଁ ତୀକ୍ଷ୍ଣ
ବିଦୀର୍ଣ୍ଣ ମନ
ଛିନ୍ନ ଭିନ୍ନ ହୃଦୟ
ଲୁହ, ଲହୁର ବନ୍ୟା ।
~ ରମାକାନ୍ତ ସତପଥି
୭)
ନଈର ଧାର
ଅଙ୍କାବଙ୍କା ପଥରେ
ଯାଉଛି ବହି
ମୀନ ମକର ଆଦି
ଜୀବ ନେଇ ସାଥିରେ ।
~ ଜୟରାମ ସାହୁ
୮)
ଶୁଭ ସକାଳ
ହେ ମୋର ବିଶ୍ୱବାସୀ !
ସ୍ୱଚ୍ଛ ନିର୍ମଳ
ହୃଦୟେ ବିରାଜଇ
ଝରଣା କଳ କଳ ।
~ ପ୍ରତିମା ମେହେର
୯)
କଳା ଭଅଁର
ଚୂପିଚୂପିକା ଆସି
ମୋ କାନେ କହେ
ମନ ଉପବନରେ
କରିବାକୁ ଘରଟେ ।
୧୦)
ମୃଦୁ ମଳୟ
ଚଉଦିଗ ମହକେ
ଫୁଲ ସୁଵାସେ
ତନୁ ମନ ଶିହରେ
କୋଇଲି କୁହୁତାନେ ।
୧୧)
ପିଲାଙ୍କ ମେଳ
ବରଗଛ ଓହଳେ
ଦୋଳି ଖେଳରେ
କଵାଡି ବୋହୂ ଚୋରି
ମନଟା କିରିକରି ।
୧୨)
ଗ୍ରାମ ଦେବତୀ
ଗାଁ ଲଳନା ପୂଜେ
ଶୁଭ ମନାସି
ଖୋଜେ ମନମଣିଷ
ମାଗେ ମାଆ ଆଶିଷ ।
୧୩)
ଉଷା ପାହାନ୍ତି
ଗାଁ ପୋଖରୀ ତୁଠରେ
ନବବଧୂର
ରୁଣୁଝୁଣୁ ପାଉଁଜି
ମନଟା ଆନମନା ।
~ ବାସନ୍ତୀ ଦେଈ
୧୪)
ଆଦ୍ଯ ଆଷାଢେ
ଅମୃତ ଧାରା ହୋଇ
ବର୍ଷା ଝରିଲେ
ଭିଜି ଯାଏ ଧରଣୀ
ମାଟି ବି' ଆନମନା ।
୧୫)
ନଭ ମଣ୍ଡଳ
ଅସ୍ତାଚଳ ସବିତା
ରକ୍ତିମ ଆଭା
ମଗ୍ନ ଗୋଧୂଳି ବେଳ
ଭାରି ଦିଶଇ ଶୋଭା ।
୧୬)
ଆଖି ଲୁହରେ
ଭିଜିଯାଏ ପଣତ
ଅକୁହା କଥା
ବଢିଯାଏ ସ୍ପନ୍ଦନ
ଶୂନ୍ୟ ଲାଗେ ଜୀବନ ।
୧୭)
ଅସ୍ଥିର ମନ
ଚଳ ଚଞ୍ଚଳ ପାଦ
ସତେ' ଯେମିତି
ଡେଇଁବ ସବୁ ସୀମା
ଭିନ୍ନ ଆକର୍ଷଣ ରେ ।
୧୮)
ଯାଯାବର ର
ନ'ଥାଏ ଜାତି ଗୋତ୍ର
ନା ସରହଦ
ଏଠି, ସେଠି, ସବୁଠି
ଜୀବନ କଷୁଥାଏ ।
~ ସମିତା ସ୍ବାଇଁ
୧୯)
ଝର୍କା ଏପାରି
ସ୍ମୃତିର ସମାହାର
ଝର୍କା ସେପାରି
ଶବ୍ଦଙ୍କ ମଧୁବନ
କାବ୍ୟିକ ସନ୍ତୁଳନ ।
~ ରାଜେଶ କୁମାର ମୁଣ୍ଡ
୨୦)
ମେଘ ମହ୍ଲାର
ଶ୍ରାବଣୀ ଗାଏ ଗୀତ
ଆକାଶେ ରହି
ଭିଜା ଭିଜା ବର୍ଷାରେ
ପୃଥିବୀ ଆନମନା ।
୨୧)
ସହର ଗଳି
ଆଲୋକ ର ରୋଷଣୀ
ଫୁଟ୍ ପାତ ରେ
ନଭ ଚାନ୍ଦୁଆ ତଳେ
ଫୁଙ୍ଗୁଳା ଜୀବନ ସେ ।
୨୨)
ଶିଶୁ କନ୍ୟାଟି
ଅବହେଳିତ ସଦା
ମା'ର ଗର୍ଭରୁ
କେଉଁ ନାଳିଆ ତଳୁ
ଅଥବା ଡଷ୍ଟବିନ୍ ରୁ ।
୨୩)
ଗୋଧୂଳି ବେଳା
ଅସ୍ତଗାମୀ ସୂରୁଜ
ମନୋରମ ସେ
ନୀଡ ଫେରନ୍ତା ପକ୍ଷୀ
ଗୋଠ ବାହୁଡା ଗୋରୁ ।
୨୪)
ସୀମାନ୍ତ ରକ୍ଷୀ
କ୍ଷଣ କ୍ଷଣକେ ଭୟ
ଗୁଳି ବନ୍ଧୁକ
ସନ୍ତ୍ରାସବାଦୀ ହାତେ
ମୃତ୍ୟୁର ବିଭୀଷିକା ।
୨୫)
ମୋ ମାତୃଭାଷା
ସବୁଠାରୁ ମହାନ
ଗଳ୍ପ କବିତା
ଉପନ୍ୟାସ ଛାନ୍ଦ ରେ
ରସ ମାଧୁର୍ଯ୍ୟ ଭରା ।
୨୬)
ଘନ ବନାନୀ
ବିଜୁଳି ର ଚମକ
କଳା ମେଘରେ
ନୃତ୍ୟରତା ମୟୁର
ସୁନ୍ଦର ଶୋଭାରାଜି ।
୨୭)
ଜନ୍ମଭୂମି ମୋ
ସ୍ଵର୍ଗଠୁ ଗରିୟସୀ
କଳା ଭାସ୍କର୍ଯ୍ୟେ
ଅକ୍ଷୟ ଯାର କୀର୍ତ୍ତି
ଗାଉଛି ଇତିହାସ ।
୨୮)
ଯୌତୁକ ଜୁଇ
ଲୁହ ଭିଜେ ଆଖିରେ
ମନ ର କୋହ
କହି ସହି ହୁଏନି
ଆତ୍ମହତ୍ୟା ର ରୂପ ।
୨୯)
ନବ କଳିକା
ଆଗାମୀ ଭବିଷ୍ୟତ
ସମୃଦ୍ଧ ଦେଶ
ସ୍ଵାସ୍ଥ୍ୟ ଶିକ୍ଷାର ଯତ୍ନ
କୁନି କୁନି ପିଲାଏ ।
~ ଦମୟନ୍ତୀ ରଥ
୩୦)
ଅଦୃଶ୍ୟ ଶକ୍ତି
ଟାଣି ନିଏ ଜୀବନ
ବିଶ୍ଵ ଚିନ୍ତିତ
ଅକାଳେ ଯାଏ ନର
ଦୁଃଖ ଦେଇ ଅଶେଷ ।
~ ଡମ୍ବରୁଧର ବାଗ
୩୧)
ଅୟୁତ ଭିଡ
ତଥାପି ନିଃସଙ୍ଗତା
ମଣିଷ ଭାଗ୍ୟ
ଦିଗବଳୟ ପାରେ
କେ ଜଣେ ସ୍ବପ୍ନ ବୁଣେ ।
୩୨)
ନିସୁନରାତି
ଏ କାହା ସ୍ୱର ଶୁଭେ
ତୁମେ ଜାଣ କି ?
ଶୁଭ୍ର ଜୋଛନା ଓଢ଼ି
ଏ ଯେ ବେସୁରା ଜହ୍ନ ।
~ ଲିଙ୍ଗରାଜ ପାତ୍ର
☆☆☆☆☆☆☆☆☆☆
