ସାରସ୍ୱତ TANKA/ତାଂକା କାବ୍ୟ ଯାତ୍ରା
୧)
ମଧୁ ମହକ
ନିତି ତୁମକୁ ଝୁରେ
ମନରେ କୋହ
ଆସ ସ୍ୱପ୍ନରେ ତୁମେ
ବୁହେ ଆଖିରୁ ଲୁହ ।
~ ପ୍ରଦୀପ କୁମାର ଦାଶ
୨)
ଶାନ୍ତ ଚଢ଼େଇ
ନିଜ ନୀଡ଼ ଭିତରେ
ଅନାଇ ରହେ
ଆସିବ କି ସୁଦିନ
ଚାହିଁଛି ଅପେକ୍ଷାରେ ।
୩)
ଆଧୁନିକତା
ଶିଖେଇ ଦେଇଛି ତ
ନିଜ ସଂସ୍କୃତି
ଭୁଲି ଯିବା ପାଇଁକି
ଜୀବନ ଜୀଇଁବାରେ ।
୪)
ଅମା ଅନ୍ଧାରେ
ଜହ୍ନ ହେଇ ଯାଉନ
ଖୋଜୁଥିବି ମୁଁ
ତାରାଙ୍କର ଗହଣେ
ଜୀବନ ଥିବା ଯାଏଁ ।
~ ରାଜେଶ କୁମାର ମୁଣ୍ଡ
୫)
ନିଃଶବ୍ଦ ରାତି
ପାହି ପାହି ଯାଏରେ
ଛାତିରେ ଦେଖ
ବିରହ'ର ପ୍ରଦୀପ
ଦାଉ ଦାଉ ଜଳେରେ ।
~ ପ୍ରତିମା ମେହେର
୬)
କର କପାଳେ
ବିହି ଦେଇଛି ଲେଖି
ଭାଗ୍ଯ ମୋହରି
ମନକୁ ଦେଇ ଜାଳି
ଜଳିବି ଦୀପ ଭଳି ।
୭)
ଆଷାଢୀ କନ୍ୟା
ମୌସୁମୀ ସହ ଆସି
ରଚଇ ବନ୍ଯା
ଭାସିଯାଏ ଜୀବନ
ଆଶା ଆଉ ସପନ ।
~ ସମିତା ସ୍ବାଇଁ
୮)
ହୃଦ କନ୍ଦର
ଗୁପ୍ତ ଅଂଚଳ ଦେଇ
ବାପା ଙ୍କ ଲୁହ
ଚଳଇ ଭେଦି ଭେଦି
ପାରେନା ଦେଖି କେହି ।
~ ରଞ୍ଜନ ଜେନା
୯)
କେତେ ଯେ ସ୍ମୃତି
କଳ୍ପନା ଜୀବନର
ପ୍ରେମାନୁଭବେ
ପ୍ରତ୍ୟୟ କରିହୁଏ
ବାଲିକଣାରେ ବିଶ୍ୱ ।
୧୦)
ତୁମେ ଛୁଇଁଲେ
ସୁକୁମାର ଯେ ଫୁଲ
ଶୀତଳେ ଜହ୍ନ
ଦେହେ ବିଜୁଳି ଖେଳେ
ସୂର୍ଯ୍ୟ ଚନ୍ଦ୍ର ତାରାର ।
~ ଲିଙ୍ଗରାଜ ପାତ୍ର
୧୧)
ଜୀବନ ଯୁଦ୍ଧ
ଅହରହ ଲଢିକି
ବଞ୍ଚିବା ହୁଏ
ଖସିପଡେ ତଳରେ
ପୁଣି ଉଠେ ସତରେ ।
~ ଡମ୍ବରୁଧର ବାଗ
୧୨)
ଝିଅ ଯେ ପର
ବାପଘର ନିଜର
ନା ଶାଶୂଘର
ମଝିରେ ପେଷି ହୁଏ
ଜୀବନ ହାହୁତାସ ।
୧୩)
ମା ପରି କିଏ
ହେଇକି ପାରିବ ସେ
ସେନେହ ଅଜାଡି
ରକ୍ତ ମାଂସ ନିଗାଡ଼ି
ସନ୍ତାନ କୁ ବଢ଼େଇ ।
~ ରତ୍ନ ପ୍ରଭା ସିଂ
୧୪)
ଗ୍ୟାରେଣ୍ଟି ହାର
ପାର୍ଟିରେ ବ୍ୟବହାର
ଚୋରର ଡର
ବେକେ ରହିବ ନାହିଁ
ନିର୍ଭୟରେ ବିଚର ।
୧୫)
ବୃକ୍ଷ ରୋପଣ
ପରିବେଶ ରକ୍ଷଣ
ପ୍ରାଣ ପବନ
କରଇ ସେ ପ୍ରଦାନ
ସୁରକ୍ଷିତ ଜୀବନ ।
~ ଜୟରାମ ସାହୁ
୧୬)
ସମୟ ଚକ୍ର
ନିସ୍ତବ୍ଧ ସେ ନିହାଣ
ଭାବ, ଆବେଗ
ବିବର୍ଣ୍ଣ ପ୍ରତିମୂର୍ତ୍ତି
ରୁକ୍ଷ, କର୍କଶ ସାର ।
୧୭)
ସମୟ ସ୍ରୋତ
ଲୁପ୍ତ କୀର୍ତ୍ତି, ବୀରତ୍ବ
ସମ୍ରାଟ ହସ
ନୀରବ ସେ ଘୁଙ୍ଗୁର
ଧ୍ୱସ୍ତ ରାଜପ୍ରାସାଦ ।
୧୮)
ନିଶିଗନ୍ଧା ସେ
ମୃଦୁମନ୍ଦ ସୁଗନ୍ଧ
କୃଷ୍ଣ କବରୀ
ଦୋଦୁଲ୍ୟମାନ କଟୀ
ରଜନୀର କାମିନୀ ।
୧୯)
ସୁନେଲି ସ୍ୱପ୍ନ
ମୁଖରିତ କାକଳି
ସ୍ନିଗ୍ଧ ସମୀର
ସୀମନ୍ତିନୀର ହସ
ଅସ୍ତମିତ ଗୋଧୂଳି ।
୨୦)
ଅମ୍ବୁଦ ଧାରା
କର୍ଦ୍ଦମାକ୍ତ ଶରୀର
ବୁଦ୍'ବୁଦ୍ ଜୀବନ
କ୍ଷଣିକର ଆବେଗ
ବାସ୍ତବତାର ଧ୍ୱନୀ ।
୨୧)
ନିଃସଙ୍ଗ ପାନ୍ଥ
ପାନ୍ଥଶାଳାର ରାତ୍ରୀ
ଅସୀମ ପଥ
ଦିଗ୍'ବଳୟର ଦୃଷ୍ଟି
କମ୍ପିତ ପଦକ୍ଷେପ ।
୨୨)
ଗଛର ଛାଇ
ପଥଶ୍ରାନ୍ତ ପଥିକ
ଘର୍ମାକ୍ତ ଦେହ
କ୍ଷୁଧାର ଆର୍ତ୍ତନାଦ
ନିମିଳିତ ନୟନ ।
~ ମନୀଷା ମିଶ୍ର
୨୩)
ବିରସ ମନ
ଅଜଣା ସ୍ୱପ୍ନରାଜ୍ୟ
ରାଜକୁମାର
ପକ୍ଷୀରାଜ ଘୋଟକ
ସ୍ୱପ୍ନର ହୁଏ ଭଙ୍ଗ ।
୨୪)
ମଦିରାଗନ୍ଧ
ଗୋଲାପର ଚୁମ୍ବନ
ସୁର ଝଙ୍କାର
ନୁପୁରର ନିକ୍ୱଣ
କାମନା ଜର୍ଜରିତ ।
୨୫)
ମୃଗ ନୟନୀ
ନୃତ୍ୟରତ ନୟନ
ଲହଡ଼ି ଭାଙ୍ଗେ
ମାଦକ ମୃଦୁ ସ୍ପର୍ଶ
ପ୍ରକମ୍ପିତ ବିମ୍ବୋଷ୍ଠ ।
୨୬)
ସଲଜ୍ଜ ଆଖି
ସୌନ୍ଦର୍ଯ୍ୟ ପ୍ରତିମୂର୍ତ୍ତି
ଶଂଖ ମର୍ମର
ଚିବୁକେ ତିଳଚିହ୍ନ
ଶିଳ୍ପୀର ଅଭିବ୍ୟକ୍ତି ।
୨୭)
ତୀର୍ଯକ୍ କଟାକ୍ଷ
ଅଳସୀ ମଦାଳସା
ମୁକ୍ତ ଗବାକ୍ଷ
ଉନ୍ମୁକ୍ତ କେଶରାଶି
ମଦମତ୍ତ ଶରୀର
୨୮)
ଉର୍ବଶୀ ଛନ୍ଦ
ରମ୍ଭା ରୁପଲାବଣ୍ୟ
ମେନକା ହସ
ଛନ୍ଦାୟିତ ତରଙ୍ଗ
ଗୁଞ୍ଜରିତ କାନନ ।
~ ରମାକାନ୍ତ ସତପଥି
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें