~ ସାରସ୍ୱତ TANKA/ତାଂକା କାବ୍ୟ ଯାତ୍ରା ~
୧)
କଅଁଲି ଫୁଲ
ତାର ଅଖିଳ ପ୍ରେମ
ଚହଟେ ବାସ
ଦିଏ ଓଢ଼ଣୀ ଖୋଲି
ସଜାଏ ପ୍ରୀତି ଶେଜ ।
~ ପ୍ରଦୀପ କୁମାର ଦାଶ
୨)
ଫୁଲ'ର ବାସ
ଚହଟାଏ ଚୌଦିଗେ
ଖେଳାଏ ହସ
ବସେ ପରଜାପତି
ଆସି ନିଇତି ନିତି ।
~ ପ୍ରତିମା ମେହେର
୩)
ତୁମେ ମୋ ସ୍ୱପ୍ନ
ତେବେ ବି ତ ଗୋପନ
ବଢୁଛି ତାତି
ପାହିଯିବ କି ରାତି
ରହିବ ଖାଲି ସ୍ମୃତି ।
~ ରାଜେଶ କୁମାର ମୁଣ୍ଡ
୪)
ରାଗ ବେହାଗ
ନା ପୁଷ୍ପ ନା ପରାଗ
ସାତ ସପନ
ଗଜଲ ପରି ରାତି
ସଙ୍ଗୀତ ଭରା ଦିନ ।
୫)
କିଏ ସେ ବୁଣେ
ଇନ୍ଦ୍ରଧନୁରେ ରଙ୍ଗ
ଫୁଲରେ ବାସ
ପାଣି ଢାଳେ ସମୁଦ୍ରେ
ସେ ଚଗଲା କିଏ କି ।
~ ଲିଙ୍ଗରାଜ ପାତ୍ର
୬)
ଏକତା ମନ୍ତ୍ର
ସ୍ନେହ,ଶ୍ରଦ୍ଧା, ମମତା
ସଂପର୍କ ଧାରେ
ଭାବରେ ବାନ୍ଧି ଦେବା
ଭାତୃଭାବ ଅନ୍ତରେ ।
୭)
ପ୍ରେମ ପୂଜାରୀ
ପୁଣ୍ଯ ର ନଦୀଟିଏ
ସେ ନିର୍ବିକାର
ପୃଥିବୀ ରୁ ଆକାଶ
ଲାଗୁଥାଏ ଉଦାସ ।
୮)
ବାସ ଚନ୍ଦନ
ବାସ୍ନାୟିତ ତୁଳସୀ
ମନ ଅଙ୍ଗନେ
ଅଗୁରୁ ସହ ମିଶି
ଦିଏ ଭାବ ପରଷି ।
୯)
ଇତିହାସ ରେ
ସ୍ବର୍ଣ୍ଣାକ୍ଷରରେ ଲେଖା
ଗୌରବ ଗାଥା
ବିଶ୍ବ ବନ୍ଦିତା ସଦା
ଆମ ଉତ୍କଳ ମାତା ।
୧୦)
ଦୁଃଖ ଓ ସୁଖ
ଦୁହେଁ ଯାଆଁଳା ଭାଇ
ଜୀବନେ ଆସି
ଦୁଃଖ ପିଛା ଛାଡେନି
ସୁଖ ସଦା ରୁହେନି ।
~ ସମିତା ସ୍ବାଇଁ
୧୧)
ପାତକ ହରେ
ରଥରଜ୍ଜୁର ସ୍ପର୍ଶ
ଗୁଣ୍ଡିଚା ଯାତ
ବଡ଼ଦାଣ୍ଡ ମୁଖର
ଦୁଃଖି, ରଙ୍କି ଆତୁର ।
୧୨)
ବାହୁଡ଼ା ଯାତ
କର୍ତ୍ତବ୍ୟର ଆହ୍ୱାନ
ବଡ଼ ଦେଉଳ
ଗତାନୁଗତିକ ସେ
ହିସାବ ନିକାଶର ।
~ ମନୀଷା ମିଶ୍ର
୧୩)
ବଡ଼ ଦେଉଳ
ବଡ଼ ତା' ଚକାଆଖି
ବଡ଼ ଯେ ଦାଣ୍ଡ
ରତ୍ନ ବେଦୀରେ ବିଜେ
ସେଇ ତିନି ଠାକୁର ।
୧୪)
ଦୂର ଦିଗନ୍ତ
ଭକ୍ତର ଭଗବାନ
ଦୃଷ୍ଟି ନିବଦ୍ଧ
ପରମ ଭାବଗ୍ରାହୀ
ଦୀନବନ୍ଧୁ ନାଗର ।
~ ରମାକାନ୍ତ ସତପଥି
୧୫)
ଆଖି ରେ ସ୍ବପ୍ନ
ଅନେକ ଅସୁମାରୀ
ରଙ୍ଗୀନ ଛବି
ଲହଡି ମାରେ ସେଠି
ସେ ନିତି ପ୍ରତିଦିନ ।
~ ରତ୍ନ ପ୍ରଭା ସିଂ
୧୬)
କ୍ଷମା ସାଗର
ବାରେ କରୁଣା କର
ବିନତୀ ଘେନ
ଡାକୁଛି ଆତୁରେ ମୁଁ
ଦୁଃଖୀ ଗୁହାରି ଶୁଣ ।
୧୭)
ବନ ସପ୍ତାହ
କର ବୃକ୍ଷ ରୋପଣ
ବିଶ୍ଵ ମଙ୍ଗଳ
ହସିବ ଧରଣୀ ମା
ସବୁଜିମା କୋଳରେ ।
୧୮)
ଉଦ୍ୟାନ କୃଷି
ସଜ ପନିପରିବା
ତୋଳିବା ନିତି
ପରିବେଶ ମଙ୍ଗଳ
ଧ୍ୟାନ ଦିଅ ସକଳ ।
୧୯)
ଜଗତନାଥ
ହୋଇବ ରଥଯାତ୍ରା
ବିନା ଭକ୍ତରେ
ବଡ଼ଦେଉଳେ ବସି
ଇଏ କି ଲୀଳା ତୋର ?
୨୦)
ତୋର ମହିମା
କିମ୍ପା ହୋଇଲା ଉଣା
ଜୀବ ସକଳ
ହେଲେଣି କଲବଲ
ବାରେ ସୁଦୟା କର ।
୨୧)
ବେଳକୁ ବେଳ
କରୋନା ପ୍ରାଦୁର୍ଭାବ
ହୁଏ ପ୍ରବଳ
ଜୀବନ ଟଳମଳ
ସଂକଟମୟ ବିଶ୍ଵ ।
୨୨)
ଅପରାଜିତା
ଧଳା ନୀଳ ରଙ୍ଗର
ମାଡେ ବାଡ଼ରେ
ଲାଗେ ଶମ୍ଭୁ ଶିରରେ
ଶନିଦେବ ପୂଜା ରେ ।
~ ବାସନ୍ତୀ ଦେଈ
୨୩)
ରାତିର ସ୍ୱପ୍ନ
ପୂରଣ ହୁଏନାହିଁ
ଦିନର ସ୍ଵପ୍ନ
ପୂରଣ ହେବାଯାଏ
ଶୋଇ ତ ଦିଏ ନାହିଁ ।
୨୪)
ଆଖିର ଭାଷା
ଆଖିରେ ରହିଯାଏ
ପଢ଼ିବା ଲୋକ
ଯଦି ମିଳିବେ ନାହିଁ
ଲୁହରେ ଲିଭିଯାଏ ।
~ ଜୟରାମ ସାହୁ
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें