~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ଶବ୍ଦ"
୧)
ନିଃଶବ୍ଦ ପଥ
ମୁରୁକି ହସ ନେଇ
ତୁମେ ଆସିଛ ।
୨)
ଝରକା ଫାଙ୍କ
କାନରେ କହେ ଜହ୍ନ
ନିରବ ଶବ୍ଦ ।
୩)
ଶବ୍ଦର ବର୍ଷା
ନୀରବତାର ଭାଷା
ଅଲଗା ରାସ୍ତା ।
୪)
ଜହ୍ନ ଆଲୁଅ
ଆତ୍ମନିମଗ୍ନତାର
ଶବ୍ଦ ଅଭାବ ।
୫)
ଖାଲି କାଗଜ
ତୁମରି ବିଚ୍ଛେଦରେ
ହଜିଛି ଶବ୍ଦ ।
~ ପ୍ରଦୀପ କୁମାର ଦାଶ
୬)
ଶବ୍ଦ ଲାଳିତ୍ଯ
ମଧୁର ମୂର୍ଚ୍ଛନାରେ
ସୁରିଲା ଗୀତ ।
୭)
ଶବ୍ଦ ଯାଦୁରେ
ଆକାଶ ହସୁଥାଏ
ମାଟି ପ୍ରେମରେ ।
୮)
ଲହଡି ଶବ୍ଦେ
ଉଛୁଳେ ଆଶା ଉର୍ମି
ମନ ସାଗରେ ।
୯)
ବଂଶୀ ସ୍ବନରେ
ମୋହିତ ରାଧାରାଣୀ
ଅଭି ପ୍ରୀତରେ ।
୧୦)
ନୂପୁର ଶବ୍ଦ
ରଙ୍ଗ ଶାଳାରେ ବ୍ଯସ୍ତ
ଅଧିର ପାଦ ।
୧୧)
ନିଃଶବ୍ଦ ବେଳେ
ଅଳସୀ ଜହ୍ନ ହସେ
ଚିଲିକା ଜଳେ ।
୧୨)
ଶବ୍ଦ ବିନ୍ୟାସ
ଲାଳିତ୍ଯ ରସ ସିକ୍ତ
ଲଘୁ ସଂଗୀତ ।
୧୩)
ପ୍ରଚଣ୍ଡ ଶବ୍ଦେ
ଆସଇ ଘଡଘଡି
ବର୍ଷଇ ମେଘ ।
୧୪)
ଶଙ୍ଖ ନାଦରେ
ଦିବ୍ୟ ଭାବନା ଜାଗେ
ହୃଦ ମଧ୍ୟରେ ।
୧୫)
ନିରବ ଶବ୍ଦ
ଭେଦଇ ମନପ୍ରାଣ
ଦହେସେ ହୃଦ ।
୧୬)
ମଧୁର ଶବ୍ଦ
ମନକୁ ମୋହିନେଇ
କରଇ ମୁଗ୍ଧ ।
୧୭)
ଶବ୍ଦ ପୁଞ୍ଜରେ
ଫୁଲଟେ ଫୁଟି ଗଲା
ମନ ପୃଷ୍ଠାରେ ।
~ ସମିତା ସ୍ବାଇଁ
୧୮)
ଶବ୍ଦ ଭଣ୍ଡାର
ଋଦ୍ଧିମନ୍ତ ସାହିତ୍ୟ
ବାଣୀ ଭଣ୍ଡାର ।
୧୯)
ଶବ୍ଦର ସଜ୍ଜା
ଛନ୍ଦ ଓ ଯତିପାତେ
ଲାଗଇ ମଜା ।
~ ସୁଧୀର କୁମାର ପଣ୍ଡା
୨୦)
ଝିଙ୍କାରି ଶବ୍ଦ
ଅନ୍ଧକାର ରାତ୍ରିରେ
ହୃଦୟ ସ୍ତବ୍ଧ ।
୨୧)
ଶବ୍ଦ ବିହୀନ
ଆକାଶରେ ଉଡଇ
ଖଗ ଶକୁନ ।
~ ଜୟରାମ ସାହୁ
୨୨)
ବେଳ କାହିଁରେ
ଗୋଟେଇବାକୁ ଶବ୍ଦ
ପକ୍ଷୀ ଡେଣାରୁ ।
୨୩)
ଶବ୍ଦ, ନିଶବ୍ଦ
ଜୀବନ ଚଉସାରେ
ଗୋଟି ସଦୃଶ ।
୨୪)
ଶବ୍ଦ ଶୁଭୁନି
ଆକାଶକୁ ଚାହିଁଛି
ନିସ୍ତବ୍ଧତାରେ ।
~ ରାଜେଶ କୁମାର ମୁଣ୍ଡ
୨୫)
ମନର କୋହ
ଅସୁମାରୀ ଆଶାର
ନିଃଶବ୍ଦ ଭାଷା ।
୨୬)
ଉତ୍ତାଳ ଢେଉ
ଘୋର ଘର୍ଘର ଶବ୍ଦ
ଭାଷା ଅନେକ ।
୨୭)
ଆଈମା ପେଡ଼ି
ବଖାଣିର କୁହୁକ
ଶବ୍ଦ ଚାଙ୍ଗୁଡ଼ି ।
୨୮)
କଣ୍ଟାର ଶବ୍ଦ
ସମୟ ବାର୍ତ୍ତାବହ
ଦୋଦୁଲ୍ୟମାନ ।
୨୯)
ଅଭାବୀ ଆଖି
ଲୁହଭିଜା ଚାହାଣୀ
ଅକୁହା ଶବ୍ଦ ।
୩୦)
କୋହ, ଉଚ୍ଛ୍ୱାସ
ଅବୋଧ୍ୟ ପରିଭାଷା
ଶବ୍ଦ ଅନେକ ।
୩୧)
ବିନିଦ୍ର ରାତ୍ରି
ପ୍ରେୟସୀ ଭାବମଗ୍ନ
ନିଃଶବ୍ଦ ଓଠ ।
୩୨)
ଭଞ୍ଜ ମଞ୍ଜୁଳ
ଶୃଙ୍ଗାରର ସମୟ
ଶବ୍ଦ ସମ୍ଭାର ।
୩୩)
କୃଶାବୟବ
ଅସନ୍ତୁଳିତ ପଦ
କ୍ଷୁଧାର ଶବ୍ଦ ।
୩୪)
ଅଦୃଶ୍ୟ ହାତ
ଶବ୍ଦହୀନ ପ୍ରହାର
ଅଭ୍ୟସ୍ତ ନର ।
~ ମନୀଷା ମିଶ୍ର
୩୫)
ଧ୍ୱନି ତରଙ୍ଗ
ଶବ୍ଦର ଉଦ୍'ବେଳନ
ଭାଷାର ଫଲ୍ଗୁ ।
୩୬)
ବଂଶୀର ସ୍ୱନ
ତରଙ୍ଗାୟିତ ସୁର
ଶୃତି ମଧୁର ।
୩୭)
ଶବ୍ଦ ଝଙ୍କାର
ଅକ୍ଷର ସମାହାର
ଭାବ ଉଦ୍ରେକ ।
୩୮)
ସ୍ୱର ଘଟିକା
ଜିହ୍ୱା, ଦନ୍ତ, ତାଳବ୍ୟ
ଶବ୍ଦ ସମ୍ଭାର ।
୩୯)
ସଂପର୍କ ସେତୁ
ଶବ୍ଦର ବିନିମୟ
ମିତ୍ର ଓ ଶତ୍ରୁ ।
୪୦)
ଶବ୍ଦ ଯୋଜନା
ବିମ୍ବ ଓ ପ୍ରତିବିମ୍ବ
ଶାଳୀନ ଭାଷା ।
୪୧)
କବି କଳ୍ପନା
ସୁନ୍ଦର ପ୍ରସ୍ତାବନା
ଶବ୍ଦର ଯାଦୁ ।
୪୨)
ଧ୍ୱନି ରଚନା
ଅପ୍ରତିଭ ସୂଚନା
ଭାବ ଅଭାବ ।
୪୩)
ଶବ୍ଦ ପ୍ରାଚୁର୍ଯ୍ୟ
ଭାବର ଗମ୍ଭୀରତା
ଅବୋଧ୍ୟ ଭାଷା ।
୪୪)
କବି, ଲେଖକ
ଶବ୍ଦଚୋରଙ୍କ କାବ୍ୟ
ଭାବରେ ଉଣା ।
~ ରମାକାନ୍ତ ସତପଥି
୪୫)
ପାଉନି ଶବ୍ଦ
ତୁମ ପ୍ରୀତି ଡ଼ୋରେ ଗୋ
ବନ୍ଧା ମୋ ହାତ ।
୪୬)
ତୁମ ନିଃଶବ୍ଦ
ବେପରୁଆ ମନଟି
ଅନେକ ଦୂର ।
୪୭)
ଗଢ଼ା ହେଇଛି
ଶବ୍ଦ'ର ମହଲ ଟି
ହିଆ ହାଣୁଛି ।
୪୮)
ଶବଦ ନିିନ
କେନ୍ତା କରମା ଘର
ଭାବି ଦେଖତ ।
୪୯)
ଶୁନି ଦେଖତ
କାହାର ଶବଦ ଯେ
ଲାଗୁଛେ ଗୀତ ।
~ ପ୍ରତିମା ମେହେର
୫୦)
ମେଘ୍ ବର୍'ସିଲାନ
ବେଙ୍ଗ୍ ନାଚ୍'ଲା ଭନାତଲେ
ଘିଡ଼୍'ଘିଡ଼ି ଆବାଜ୍ ।
୫୧)
ଆଁଖି ନିନ ଲ'
ମନ୍ ଗୁମୁରି ମରୁଛେ
ନାଇନ ଶବଦ୍ ।
~ ମନୀଷା ମିଶ୍ର
୫୨)
କାହା ଶବ୍ଦ ରେ
ନିଦ ଭାଙ୍ଗିଲା ମୋର
କାଲି ରାତି ରେ ।
୫୩)
ଅଳତା ପାଦ
ରୁଣୁଝୁଣୁ ଶବଦ
ରୂପା ପାଉଁଜି ।
୫୪)
ଟିକି ଚଢ଼େଇ
କିଚିରି ମିଚି ଶବ୍ଦ
ଦାନା ଖୋଜଇ ।
୫୫)
କୁନି ଛୁଆ ଟି
ଖିଲି ଖିଲି ହସ ସେ
ଦାରୋଟି ଶବ୍ଦ ।
~ ରତ୍ନ ପ୍ରଭା ସିଂ
୫୬)
ଅଶଦ୍ଦ ଶଦ୍ଦ
କାହାଣୀ ସାରି ଦିଏ
ଶ୍ମଶାନ ପଥ !
୫୭)
କଅଁଳ ଓଠ
ଦରୋଟି ଶଦ୍ଦ ଆଶା
ମାଆଁ ର ଜଠ !
୫୮)
ଶୂନ୍ଯ ରୁ ଶଦ୍ଦ
ଅଲେଖ ମହିମା ସେ
ମନ ଆବଦ୍ଧ ।
୫୯) ଶଦ୍ଦ ଝଙ୍କାର
ଗୁନ୍ଥଇ ବୀଣା ତାରେ
ଗୀତ ର ସୁର ।
୬୦)
ମହତବାଣୀ
ସଳଖେ ସଂସାରରେ
ଶଦ୍ଦ କୁ ଛାଣି ।
~ ଆଶୁତୋଷ ମେହେର
୬୧)
ଶବ୍ଦ ଭଣ୍ଡାର
ନୀରବେ ବଢ଼ି ଚାଲେ
ବଦଳେ କାଳ ।
୬୨)
ଶବ୍ଦ କୁହୁକ
କରଇ ଆନମନା
ଶୁଣିଲେ ଗୀତ ।
~ ରଞ୍ଜନ ଜେନା
୬୩)
କି ବର୍ଣ୍ଣମାଳା
ମହାସାଗର ଜାଣେ
କେତେ ଯେ ଶବ୍ଦ ।
୬୪)
କେଉଁଠୁ ଆସେ
ଅଗଣନ ଧ୍ୱନର
ଏ ନାଦବ୍ରହ୍ମ ।
~ ଲିଙ୍ଗରାଜ ପାତ୍ର
୬୫)
ଶବ୍ଦ ବ୍ରହ୍ମ ରେ
ଶବ୍ଦରେ ବର୍ଣାୟିତ
କବିତା ଟିଏ ।
୬୬)
କବି ଲେଖନୀ
ଶବ୍ଦରେ ରୂପ ଦିଏ
କାବ୍ୟ ସମ୍ଭାର ।
୬୭)
ବର୍ଣ୍ଣମାଳା ରେ
ବର୍ଣ୍ଣ ସଂଯୋଗେ ହୁଏ
ଶବ୍ଦ ର ସୃଷ୍ଟି ।
୬୮)
ନିଃଶବ୍ଦ ବ୍ରହ୍ମ
ସୁଧା ଝରୁଛି ଦେଖ
ଜ୍ଞାନ ନେତ୍ରରେ ।
~ ବାସନ୍ତୀ ଦେଈ
୬୯)
ସଙ୍ଗୀତ ଶବ୍ଦ
ଶୁଣୁ ଶୁଣୁ ମନଟା
ହୁଅଇ ମୁଗ୍ଧ ।
୭୦)
ଗୀତ ରାଗିଣୀ
ମଧୁର ଲାଗେ ଶବ୍ଦ
ଥରୁଟେ ଶୁଣି ।
୭୧)
ଛବିକୁ ଦେଖି
ବାକ୍ୟ ଗଡ଼ୁଛି ଚାଟ
ଶବ୍ଦକୁ ଲେଖି ।
~ ସନ୍ତୋଷ କୁମାର ସାହୁ
୭୨)
ମାଆ ବାପାଙ୍କ
ମୁହଁରୁ ପୁଅ ଶବ୍ଦ
କେଡେ ଆନନ୍ଦ ।
୭୩)
ପୁଅ ଝିଅଙ୍କ
ବାପା ଓ ମାଆ ଶବ୍ଦ
କେଡେ ମଧୁର ।
୭୪)
ଶବ୍ଦ ମଧୁର
ସଭିଙ୍କୁ ଦେଇଥାଏ
ଖୁସି ଅପାର ।
୭୫)
ଶବ୍ଦ ଶିଖାଏ
ହସାଏ ହସେ କାନ୍ଦେ
ଝରେ ଝରାଏ ।
~ ମୁକ୍ତେଶ୍ଵର ପଧାନ
୭୬)
ଶବ୍ଦାଳଙ୍କାର
ଗଦ୍ୟ ପଦ୍ୟ ପ୍ରବନ୍ଧ
ଯେ' ଚମତ୍କାର ।
୭୭)
ନିଃଶବ୍ଦ ରାତି
କୋଳାହଳ ମାତ୍ରେ ହିଁ
ବଢ଼ଇ ଭୀତି ।
~ ଶମ୍ଭୁନାଥ ଦାସ
୭୮)
ନୂପୁର ଶବ୍ଦ
ରୁଣୁଝୁଣୁ ବାଜୁଛି
ହସୁଛି ପ୍ରିୟା ।
୭୯)
ନୀଳ ଆକାଶେ
ଘଡଘଡି ର ଶବ୍ଦ
କମ୍ପେ ପୃଥିବୀ ।
~ ଡମ୍ବରୁଧର ବାଗ
୮୦)
ଶବ୍ଦ ମାଧୁରୀ
ସଜ୍ଜିତ ନାନା ରୂପେ
ଭାଷା ସାହିତ୍ୟେ ।
୮୧)
ଶବ୍ଦ ତରଙ୍ଗ
ପବନେ ଭାସିଯାଏ
ଅନେକ ଦୂର ।
୮୨)
ସହର ସାରା
ଯାନବାହାନ ଶବ୍ଦ
ପ୍ରଦୂଷଣ ସେ ।
୮୩)
ଭାଷଣ କାଳେ
ଶବ୍ଦର ସଂଯୋଜନା
ହୃଦୟସ୍ପର୍ଶୀ ।
୮୪)
ବିଜନ ବେଳା
ଶବ୍ଦ ଶୁଣାଯାଏ ତ
ବହୁତ ଦୂର ।
୮୫)
ଶବ୍ଦ ଝଙ୍କାର
ହୃଦୟ କୁ ଛୁଏଁ ତ
ମଧୁର ଅତି ।
୮୬)
କୋମଳ ଶବ୍ଦ
ଶ୍ରୁତି ମଧୁର ଅତି
କଣ୍ଠ ଦେଶରୁ ।
୮୭)
ଶବ୍ଦ ସମ୍ଭାର
ପୂର୍ଣ୍ଣ ଭାବ ପ୍ରକାଶେ
ବାକ୍ୟ ଗଠିତ ।
୮୮)
କଠୋର ଶବ୍ଦ
ଅତି କଟୁକର ସେ
କର୍ଣ୍ଣ ପାଇଁକି ।
୮୯)
କର୍ଣ୍ଣପଟହ
ଖୁବ ଯୋରରେ ଶବ୍ଦ
ପରଦା ନଷ୍ଟ ।
୯୦)
ବର୍ଣ୍ଣ ସମଷ୍ଟି
ଶବ୍ଦର ସୃଷ୍ଟି ହୁଏ
ନାନା ଅର୍ଥରେ ।
୯୧)
ଗୀତି କବିତା
ଶବ୍ଦର ସଂଯୋଜନା
ଛନ୍ଦ ରସରେ ।
୯୨)
କାନ୍ଥ ଘଣ୍ଟାଟି
ଟିକି ଟିକି ଶବଦେ
ସମୟ କୁହେ ।
୯୩)
ଫମ୍ପା ମାଠିଆ
ଶବଦ ବେଶୀ ହୁଏ
ଛୁଇଁଲେ ହାତେ ।
୯୪)
ଅଶ୍ଳୀଳ ଶବ୍ଦ
ମନକୁ କଷ୍ଟ ଦିଏ
ଦୂରେଇ ରୁହ ।
୯୫)
ବିଜୁଳି ସାଥେ
ଘଡଘଡି ର ଶବ୍ଦ
ବୁକୁ ଥରଇ ।
୯୬)
ଶବ୍ଦର ଗତି
ଆଲୋକ ଗତି ଠାରୁ
ଭାରି ମନ୍ଥର ।
୯୭)
ଦେବାଳୟ ରେ
ଘଣ୍ଟା ଘଣ୍ଟର ଶବ୍ଦ
ଆରତି କାଳେ ।
୯୮)
ନାଟ ମଣ୍ଡପେ
ଦେବଦାସୀ ର ନୃତ୍ୟ
ଘୁଙ୍ଗୁର ଶବ୍ଦେ ।
୯୯)
ବିଦ୍ୟାଳୟ ରେ
ଘଣ୍ଟା ପିଟଣା ଶବ୍ଦ
ପିଲାଙ୍କ ଖୁସି ।
୧୦୦)
ରେଳଗାଡିଟି
ଛୁକ ଛୁକ ଶବଦେ
ଷ୍ଟେସନ ଛାଡେ ।
୧୦୧)
ଭାଷା ସାହିତ୍ୟ
ଶବ୍ଦ ଛନ୍ଦ ତାଳ ରେ
ରସ ଲାଳିତ୍ୟ ।
୧୦୨)
କୋକିଳ ଡାକେ
କୁହୁ କୁହୁ ଶବଦେ
ଆମ୍ର କୁଞ୍ଜରେ ।
୧୦୩)
ସଭା ସମିତି
ଘୋ ଘା ଶବ୍ଦ ମଧ୍ୟରେ
ଜନ ଗହଳି ।
୧୦୪)
ବାପା ଶବ୍ଦଟି
ବା ବାୟୁ ପା ରୁ ପାଣି
ସ୍ଵର୍ଗ ଠୁ ଉଚ୍ଚ ।
୧୦୫)
ଗୁରୁ ଶବ୍ଦଟି
ଅଜ୍ଞାନ ନାଶକରି
ଜ୍ଞାନ ପ୍ରଦାନ ।
୧୦୬)
ଓଁକାର ଶବ୍ଦେ
ଗାୟତ୍ରୀ ମନ୍ତ୍ର ଗାନ
ନାମ ବ୍ରହ୍ମରେ ।
୧୦୭)
ମାଆ ଶବ୍ଦରେ
ସେନେହ ଭରପୁର ସେ
ସେନେହମୟୀ ।
୧୦୮)
ଶବ୍ଦ ଗଠିତ
ସ୍ଵରବର୍ଣ୍ଣ ସହିତ
ବ୍ୟଞ୍ଜନ ବର୍ଣ୍ଣ ।
୧୦୯)
ହାଇକୁ ଲେଖା
ଶବ୍ଦର ସମ୍ମେଳନ
କବିତା ଗୁନ୍ଥା ।
~ ଦମୟନ୍ତୀ ରଥ
୧୧୦)
ଶବ୍ଦ ଡରାଏ
ଡରେ, କାନ୍ଦେ କନ୍ଦାଏ
କେଜାଣି, ହାଏ !
~ ଦୀପ୍ତି ମୁଣ୍ଡ
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें