~ ସାରସ୍ୱତ TANKA/ତାଂକା କାବ୍ୟ ଯାତ୍ରା - ୭ ~
୧)
ଧବଳ ମେଘ
ପୀରତିର ପସରା
ସବୁଜ ସ୍ୱପ୍ନ
ତୁମ ବିନା କାହିଁକି
ଲାଗେ ସବୁ ବିବର୍ଣ୍ଣ ।
~ ପ୍ରଦୀପ କୁମାର ଦାଶ
୨)
ଭାରତ ମାତା
ଦେଇଛି ତ ଅନେକ
ବିନା ସ୍ୱାର୍ଥରେ
ଚାଲ ଭଲ ପାଇବା
ସମସ୍ତେ, ପ୍ରାଣ ଦେଇ ।
~ ରାଜେଶ କୁମାର ମୁଣ୍ଡ
୩)
ନୁଖୁରା କେଶ
ବୟସର ବିକୃତି
ପାକୁଆ ପାଟି
ଦାର୍ଶନିକର ଭାବ
ଅଦରାକାରୀ ନର ।
୪)
ବାର୍ଦ୍ଧକ୍ୟ ଗ୍ରସ୍ତ
ଜୀବନ ଅପରାହ୍ନ
ସନ୍ଧ୍ୟା ଆଗତ
ସ୍ୱାଭିମାନର ଯୁଦ୍ଧ
ଆପଣା ହୋଇ ପର ।
~ ରମାକାନ୍ତ ସତପଥି
୫)
ଲୋଳିତ ଚର୍ମ
ପ୍ରବୃଦ୍ଧ ଅନୁଭବ
ସୁଦୂର ଦୃଷ୍ଟି
ଧୈର୍ଯ୍ୟର ପାରାବାର
ଗୃହର ମେରୁଦଣ୍ଡ ।
୬)
ଶୁଭେଚ୍ଛାକାଂକ୍ଷୀ
ସ୍ମିତହାସ୍ୟ ବଦନ
ସ୍ନେହର ଫଲ୍ଗୁ
ବୟୋଜ୍ଯେଷ୍ଠ ପ୍ରତିମ
ବରଗଛର ଛାଇ ।
~ ମନୀଷା ମିଶ୍ର
୭
ବରଷା ରାଣୀ !
ପ୍ରଣୟ ମୋର ଝୁରେ
ଶୁଣ କାହାଣୀ
ଅନ୍ତର ମୋର ଜଳେ
ଭାଷିବି କାହାବଳେ ?
~ ପ୍ରତିମା ମେହେର
୮)
ମାଆର ସ୍ନେହ
ସରଗଠାରୁ ବଳି
ସେ ମନୋରମ
ତା ସମ ହେବନାହିଁ
କେବେ ବି କାହା ପ୍ରେମ ।
~ ସୁଧୀର କୁମାର ପଣ୍ଡା
୯)
ଜାଣି ନାହିଁ ମୁଁ
ପାପ ପୁଣ୍ୟ ହିସାବ
କୋଉ ସୌଭାଗ୍ୟ
ପୂର୍ବ ଜନ୍ମ ସମ୍ପର୍କ
ଯୋଡି ଦେଲା ଆମକୁ ।
~ ରତ୍ନ ପ୍ରଭା ସିଂ
୧୦)
ପ୍ରଭୂ ଚରଣେ
କରିଦେଲି ଅର୍ପଣ
ବ୍ରହ୍ମ କମଳ
ହୋଇ ସନ୍ତୋଷ ଚିତ୍ତ
କୃପା କଲ୍ୟାଣମୟ ।
~ ରତ୍ନ ପ୍ରଭା ସିଂ
୧୧)
ଭେଜାଲ ସବୁ
ଔଷଧ ରୁ ପବନ
ମହାମାରୀରେ
ହନ୍ତସନ୍ତ ଜୀବନ
କାହାଣୀ ପ୍ରତି ଦିନ ।
୧୨)
ଧନ ସଂପଦ
ପ୍ରାଚୁର୍ଯ୍ୟରେ ଜୀବନ
ନୁହେଁ ସେ' ଧନୀ
ମସ୍ତବଡ ଅଜ୍ଞାନୀ
ମନରେ ଦରିଦ୍ରତା ।
୧୩)
ମାଟି ଅଗଣା
ଜାତି ଜାତିକା ଗଛ
ସାହାରା ହୁଏ
ବାର୍ଦ୍ଧକ୍ୟ ର ସ୍ପର୍ଶରେ
ନିଦାଘ ଖରାବେଳେ ।
୧୪)
ଶାଖା ମେଲାଏ
କାଟି ଦେଲା ପରେବି
କଅଁଳେ ପତ୍ର
ପ୍ରକୃତିର ନିୟମ
ଜୀବନର ଝଙ୍କାର ।
୧୫)
ଦ୍ବିତୀୟା ଜହ୍ନ
ଆକାଶ ଟା ନିର୍ମଳ
ହଠାତ୍ ଏମିତି
ଛାଇଗଲା ଅନ୍ଧାର
ମାଡି ଆସିଲା ବର୍ଷା ।
~ ସମିତା ସ୍ବାଇଁ
୧୬)
ଫୁଲ ର ରଙ୍ଗ
ହସ ଭରା ହରିଣୀ
ଛନକେ ମନ
ପ୍ରିତି ଭରିଦିଏ ଯେ
ଲାସ୍ୟ ଭରା ଚାହାଣୀ ।
~ ଆଶୁତୋଷ ମେହେର
୧୭)
ନିର୍ମଳ ନଭେ
ନିରୋଳା ତାରାଟିଏ
ଦପ୍ ଦପୁଛି
ସେଇଟା ହିଁ ତ ଲକ୍ଷ୍ୟ
ନିଃସଙ୍ଗ ଜୀବନରେ ।
~ ରାଜେଶ କୁମାର ମୁଣ୍ଡ
୧୮)
ଯା' କ୍ଷୟଶୀଳ
ତାହା ବାସ୍ତବ ନୁହଁ
ଦେହ ନଶ୍ୱର
ଏକ ଗୋଲାପ ଫୁଲ
ଆତ୍ମା ମହକ ତାର ।
~ ଲିଙ୍ଗରାଜ ପାତ୍ର
୧୯)
ଧରାପୃଷ୍ଠରେ
ପ୍ରତ୍ୟେକ ଟି ମଣିଷ
ଧାଆଁ ଦଉଡ
ଜୀବନ ଜୀବିକା ରେ
ବ୍ୟସ୍ତବହୁଳ ରାସ୍ତା ।
~ ବାସନ୍ତୀ ଦେଈ
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें