~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ ~
୧)
ଶୁଖିଲା ପତ୍ର
ମେଘ ! କେବେ ଶୁଣିବ ?
ବୃକ୍ଷର ଡାକ ।
୨)
ଝରକା ଫାଙ୍କ
କାନରେ କହେ ଜହ୍ନ
ନିରବ ଶବ୍ଦ ।
~ ପ୍ରଦୀପ କୁମାର ଦାଶ
୩)
ଭୋକିଲା ଆଖି
ନିତି ଦେଖଇ ସ୍ୱପ୍ନେ
ହେ ଚକାଆଖି !
୪)
ନୀଳ ନୟନ
ଡ଼ାକେ ଦୀନ ଦରିଦ୍ର
କିମ୍ପା ମଉନ !
୫)
ରଖହେ ବାରେ
ଏ'ଦୁଃଖୀର ଗୁହାରୀ
ଲୋତକ ଝରେ ।
~ ପ୍ରତିମା ମେହେର
୬)
ବର୍ଷାର ରାତି
ମେଘାଛନ୍ନ ଆକାଶ
ଖୋଜେ ପ୍ରିୟାକୁ ।
୭)
ଚଢ଼େଇ ଦି'ଟା
ଦର୍ପଣରେ ମାତିଛି
ମୁହଁ ଦେଖୁଛି ।
~ ରାଜେଶ କୁମାର ମୁଣ୍ଡ
୮)
ସବୁ ସେ ସବୁ
ଇ ସଂସାର୍ ଟା ବା ତାଁକର୍
ପବନ୍ ଟା ସତ୍ ଦିହ୍ ।
୯)
କଥା ସଏଲା
ମନ୍ ଦେଖ୍'ଲା ଜାନ୍'ଲା ବୁଝ୍'ଲା
ସବୁ ଚାଏର୍ ଦିନ୍ ।
~ ଆର. ବରସାନା ନନ୍ଦିନୀ
୧୦)
କରୋନା ଦୈତ
ନିରବୀ ଦିଏ ଭାଷା
ହଜନ୍ତି ବନ୍ଧୁ ।
୧୧)
ପାଠୁଆ ପିଲା
କରୋନା କଲା ମୂର୍ଖ
ଭବିଷ ନଷ୍ଟ ।
~ ରଞ୍ଜନ ଜେନା
୧୨)
ମନ ଭ୍ରମଁର
ଫୁଲ ରଙ୍ଗ ରସେ ତୋ
ନାହିଁ ତ ତର !
୧୩)
ଛାଇ କାହାର
ରଙ୍ଗ ଢାଳୁଥାଏ ଯେ
ମନ ଭିତର !
୧୪)
ବଢିଲା ନଈ
ଯଉବନ ପରିକା
ହୁଏତ ବାଇ !
~ ଆଶୁତୋଷ ମେହେର
୧୫)
ଜୀବନ ମାନେ
ଖୋଜୁଛି କେବେ ଠୁଁ ମୁଁ
ପାଇନି ହେଲେ ।
୧୬)
ପାଷାଣ ପ୍ରଭୁ
ଡାକି ଡାକି ଥକୁଛି
ଶୁଣୁନି ଥରେ ।
~ ରତ୍ନ ପ୍ରଭା ସିଂ
୧୭)
ସ୍ନାନ ପୂର୍ଣ୍ଣିମା
ସ୍ନାନେ ଜାଗା ବଳିଆ
ଦେବୀ ସୁଭଦ୍ରା ।
୧୮)
ଧନ୍ୟ କାଳିଆ
ତୋ' ସଂସ୍କୃତିରେ ପାଲା
ଭାରି ବଢ଼ିଆ ।
~ ଶମ୍ଭୁନାଥ ଦାସ
୧୯)
କ୍ଷୁଧାର ଜ୍ୱାଳା
ରକ୍ତାକ୍ତ ଚିବୁକର
ଅନନ୍ତ ବ୍ୟଥା ।
୨୦)
ତଣ୍ଡୁଳ କଣା
ହାଣ୍ଡିଶାଳ ଶୂନ୍ୟତା
ଲୁହର ଧାର ।
୨୧)
ସ୍ୱପ୍ନ ହଜିଛି
ଦାନ ମାଝି ମାନଙ୍କ
ମାଣ୍ଡିଆ ଜାଉ ।
୨୨)
କ୍ଷୁଧାର ଶାନ୍ତି
ଟାକୁଅ ଓ ତେନ୍ତୁଳି
ଅନ୍ତର ଆର୍ଦ୍ର ।
୨୩)
ଅନ୍ତର ବ୍ୟଥା
ନିଃସ୍ବ, ନିଃସଙ୍ଗ ନର
ନର୍କ ଯନ୍ତ୍ରଣା ।
୨୪)
ଡଷ୍ଟବିନ୍'ରେ ଖାଦ୍ୟ
ଶ୍ୱାନ, ମଣିଷ ଯୁଦ୍ଧ
ବିଭତ୍ସ ଦୃଶ୍ୟ ।
୨୫)
ଅଫେରା ପଥ
କ୍ଷୁଧିତ ଶିଶୁ ଝିଙ୍କା
ମାଆର ବକ୍ଷ ।
୨୬)
କୋରୋନା ରୋଗ
ଅସହାୟ ଦୁନିଆଁ
ଶିଶୁ କ୍ରନ୍ଦନ ।
୨୭)
ନିଷିଦ୍ଧ ଗଳି
ବିବଶତାର ଚିହ୍ନ
ପେଟର ଜ୍ୱାଳା ।
୨୮)
ପିଶାଚ ହସ
ପ୍ରେମ , ମମତା ଶୂନ୍ୟ
ବର୍ବର ନର ।
~ ରମାକାନ୍ତ ସତପଥି
୨୯)
ସ୍ନାନ ମଣ୍ଡପେ
ଶ୍ରୀ ଜଗନ୍ନାଥ ବିଜେ
ବିନା ଭକ୍ତରେ ।
୩୦)
ଚତୁର୍ଦ୍ଧାମୂର୍ତ୍ତି
ପୁରୁଷୋତ୍ତମ କ୍ଷେତ୍ର
ଲୋକ ପ୍ରସିଦ୍ଧି ।
୩୧)
ଭକ୍ତ ନୟନ
ହୃଦୟ ବ୍ଯାକୁଳତା
ଦିବ୍ୟ ଦର୍ଶନ ।
୩୨)
ମହା ଭାବରେ
ଅଧୀର ମନପ୍ରାଣ
ଅନୁଭୂତିରେ ।
୩୩)
ବ୍ରହ୍ମ ସ୍ବରୂପ
ଶ୍ରୀ ଜଗନ୍ନାଥ ନାମ
ସର୍ବ ବ୍ଯାପକ ।
~ ସମିତା ସ୍ବାଇଁ
୩୪)
କହିବ ଯାହା
କରିବ ତାହା ପ୍ରଭୁ
ହୋଇବେ ସାହା ।
୩୫)
ପର ମଙ୍ଗଳ
ଚିନ୍ତା କରିବ ହେବ
ନିଜ ମଙ୍ଗଳ ।
୩୬)
ପରର ଦ୍ରବ୍ୟ
କେବେ ଛୁଇଁବ ନାହିଁ
ଦୁଃଖ ପାଇବ ।
୩୭)
ନିଜ ପ୍ରଶଂସା
ନିଜେ ଶୁଣିବ ନାହିଁ
ବଢିବ ହିଂସା ।
୩୮)
ଅଟଇ ରାଗ
ପରମ ଶତ୍ରୁ ଦେହେ
ନଦିଅ ଭାଗ ।
୩୯)
ସେବା ଅଟଇ
ସବଠୁ ବଡ଼ ପୁଣ୍ୟ
ଛାଡିବ ନାହିଁ ।
୪୦)
ଏଇ ଜୀବନ
ଅମୁଲ୍ୟ ରତ୍ନ ଅଟେ
ନଭାବ ହୀନ ।
୪୧)
ଶରୀର ବଳ
ଦେଖିକି ଭୟ କରି
ପଲାଏ କାଳ ।
୪୨)
ବଳକୁ ସଦା
ସଞ୍ଚି ରଖିବା ଶିଖ
ଘୁଞ୍ଚିବ ବାଧା ।
୪୩)
ପ୍ରଭୁ ପୟର
ଚିନ୍ତା କର ଦୁଃଖକୁ
କରିବେ ଦୂର ।
~ ମୁକ୍ତେଶ୍ଵର ପଧାନ
୪୪)
ସନ୍ଧ୍ୟା ଆଗତ
ତୁମେ ଆସୁଛ ବୋଲି
ଫେରୁଛି ପକ୍ଷୀ ।
୪୫)
କିଏ କାହାର
ନିଶୂନ ସମୟର
ବେଳାଭୂମିରେ ।
୪୬)
ଘଣ୍ଟାରେ ସାତ
ଏଠି ସୂର୍ଯ୍ୟଙ୍କ ଲାତ
ସମୟ କାହିଁ ?
~ ଲିଙ୍ଗରାଜ ପାତ୍ର
୪୭)
ଜୀବନ ପଥ
ଗଡିଗଡି ଯାଉଛି
କାଳିଆ ରଥ ।
୪୮)
ଆମୂଳଚୁଳ
ତିକ୍ତତା ପରିପୂର୍ଣ୍ଣ
ନିମ୍ବର ଡାଳ ।
୪୯)
ଆଷାଢ଼ ମାସ
ସବୁଜିମାରେ ପୂର୍ଣ୍ଣ
ମାଟି ସରସ ।
୫୦)
ବରଷା ଋତୁ
ପୃଥିବୀରେ ସୁନ୍ଦର
କେତେ ଯେ ଛତୁ ।
୫୧)
ଶ୍ରାବଣ ଧାରା
ନଈ ନାଳ ଉଛୁଳା
ପ୍ଲାବିତ ଧରା ।
~ ଜୟରାମ ସାହୁ
୫୨)
ଯୌତୁକ ବହ୍ନି
ନିଃଶ୍ୱ, ଶୋଷିତ ପିତା
ଆଖିରେ ଲୁହ ।
୫୩)
ଯୌବନ ରଙ୍ଗ
ଆଖି ଅନେକ ସ୍ୱପ୍ନ
ତାଜ ମହଲ ।
୫୪)
ଶାଶୁ ଗଞ୍ଜଣା
ନଣନ୍ଦ ବାକ୍ୟ ବାଣ
ବୋହୂର ଦଶା ।
୫୫)
ସନ୍ତପ୍ତ ପ୍ରାଣ
ସ୍ୱପ୍ନ ତାର ଧୂଳିସାତ୍
ସ୍ୱାମୀ ସ୍ଥାଣୁତା ।
୫୬)
ଓଢ଼ଣା ଖୋଲେ
ଚାବୁକର ପ୍ରହାର
ସ୍ଥିର ଶରୀର ।
୫୭)
ଆଖିରେ ଲୁହ
ମନ, ଲହୁ ଲୁହାଣ
ସନ୍ତପ୍ତ ପ୍ରାଣ ।
୫୮)
ପଣତ କାନି
ଭିଜା ଲହୁର ଗନ୍ଧ
ଧ୍ୱସ୍ତ କବରୀ ।
୫୯)
ଅନନ୍ତ କୋହ
ବଦନାମର ଭୟ
ଅସୀମ ଧୈର୍ୟ୍ଯ ।
୬୦)
ବିଷ ବଳୟ
ଶାଶୁ, ନଣନ୍ଦ ଭୟ
ସିକ୍ତ ବେଦନା ।
୬୧)
ନିବଦ୍ଧ ଦୃଷ୍ଟି
ଧୂମ୍ରାୟିତ ବେଦନା
ଦମିତ କୋହ ।
୬୨)
ଯୌତୁକ ଜୁଇ
ପୋଷ୍ଟମଟମ୍'ରେ ବନ୍ଧା
ସିନ୍ଦୁର ଖୋଜେ ।
୬୩)
ଫାଶୀ ଦଉଡ଼ି
ଜବନିକା ପତନ
ଜୀବନ ଗାଥା ।
୬୪)
ଭଙ୍ଗା ଆଇନା
ଧୈର୍ୟ୍ଯ କୂଳ ଲଂଘନ
ଛିନ୍ନ ସଂପର୍କ ।
୬୫)
ଫାଇଲ୍'ର ଗାର
ଜନ୍ମାନ୍ତର ବନ୍ଧନ
ନିମିଷେ ଛିନ୍ନ ।
୬୬)
ସ୍ନେହ, ସଦିଚ୍ଛା
ପ୍ରେମର ଉପହାର
ଆଜି ଯୌତୁକ ।
~ ମନୀଷା ମିଶ୍ର
୬୭)
ମନ ଆଇନା
ପ୍ରତିବିମ୍ବ ତୁମର
ଝଲସୁ ସଦା ।
୬୮)
କୋରାନା ଭୟ
ଡରଉଚି ଖାଲି ଯେ
ଭୁତ ଭଳିଆ ।
~ ରତ୍ନ ପ୍ରଭା ସିଂ
୬୯)
ଶୂନ୍ୟ ପୁରୁଷ
ନିର୍ଗୁଣ ନିରଞ୍ଜନ
ରୂପ କଳ୍ପନା ।
୭୦)
ମହିମା ଗାଦି
ନାହିଁ ପ୍ରତିମା ପୂଜା
ଶୂନ୍ୟ ମନ୍ଦିର ।
୭୧)
ଗୁରୁ ପୟର
ସେବିଲେ ପଦ୍ମପାଦେ
ମୁକ୍ତି ଲଭିଵ ।
୭୨)
ଗୁରୁ ଆଶିଷ
ଅସାଧନା ମାର୍ଗରେ
ଜ୍ଞାନ ପ୍ରକାଶ ।
୭୩)
ଜ୍ଞାନ ଉଦୟ
ତତ୍ତ୍ଵ କଲେ ଜାଣିବୁ
ଶରୀର ବ୍ରହ୍ମ ।
୭୪)
ପଞ୍ଚଭୂତ ରେ
ପିଣ୍ଡ ପ୍ରାଣ ଗଢିଛି
ବିଶ୍ଵ ବିନ୍ଧାଣି ।
୭୫)
ଜୀବ ପରମ
ଶରୀରେ ଲୀଳା ଦେଖ
ନୁହଁ ବିଭ୍ରମ ।
୭୬)
ଲୋଟଣୀ ପାରା
ଓଲଟ ବୃକ୍ଷେ ଖେଳେ
ନ ଦିଏ ଧରା ।
୭୭)
ଅରୂପାନନ୍ଦ
ଲୟ ଲଗାଇ ଦେଲେ
ନିତ୍ୟ ଆନନ୍ଦ ।
୭୮)
ଯୁଗାଵତାର
ଚତୁର୍ଯୁଗରେ ସ୍ଥିତି
ଧର୍ମ ପୁରୁଷ ।
୭୯)
ଧର୍ମ ଧାରଣେ
ଧରିତ୍ରୀ ରହିଅଛି
ବାସୁକୀ ଶିରେ ।
୮୦)
ନିତ୍ୟ ସଂଧ୍ୟାରେ
ଅଭ୍ୟାସେ ଭାଗବତ
କର ପଠନ ।
୮୧)
ଭଜନ ଧ୍ୟାନ
ପିଣ୍ଡ ପରାଣ ଶୁଦ୍ଧି
ଅନ୍ତଃକରଣ ।
୮୨)
ମନୁଷ୍ୟ ଜନ୍ମ
ଚୌରାଅଶୀ ଯୋନି ରୁ
ଦୁର୍ଲ୍ଲଭ ପ୍ରାପ୍ତି ।
୮୩)
ଵିଷୟା ରସ
ଟାଣି ଘିଞ୍ଚୁଛି ଦେଖ
ପଞ୍ଚ ଇନ୍ଦ୍ରିୟ ।
୮୪)
ପାଞ୍ଚ ମନରେ
ପଚିଶ ପ୍ରକୃତି ଯେ
ସ୍ଥୁଳ ଶରୀରେ ।
୮୫)
ବିଷୟା ଧନ୍ଦା
ମାୟାରେ ପଡି ନର
ଭ୍ରମେ ସଂସାର ।
୮୬)
ମନୁଷ୍ୟ ଦେହେ
ପରମ ଦିବ୍ୟଜ୍ଞାନ
ନୁହଁ ଭ୍ରମିତ ।
୮୭)
ଜ୍ଞାନ ଆଲୋକ
ପାଇଲେ ସଦଗୁରୁ
ଦିଶିବ ମାର୍ଗ ।
୮୮)
ଗୋବିନ୍ଦ ଚନ୍ଦ୍ର
ମାତା ଆଦେଶେ ପ୍ରାପ୍ତ
ଗୋରଖନାଥ ।
୮୯)
ପ୍ରଥମ ଗୁରୁ
ଜ୍ଞାନ ଦିଅଇ ମାତା
ଦ୍ବିତୀୟେ ପିତା ।
୯୦)
ସକଳ ତୀର୍ଥ
ପିତାମାତା ଚରଣେ
ଗୃହ ମନ୍ଦିର ।
୯୧)
ଭବ ସଂସାର
ପାରି ହୋଇଵୁ ତୁହି
କର ବିଚାର ।
~ ବାସନ୍ତୀ ଦେଈ
୯୨)
ଯା ତୁ ଉଡିଯା
ତୋ ଭୁଲି ଯାଇଥିବା
ଡେଣାକୁ ନେଇ ।
୯୩)
ହସେ ବର୍ଷାରେ
କ୍ଷେତ ମନ ଚାଷୀର
ନୈରାଶ୍ୟ ହାରେ ।
~ ଦୀପ୍ତି ମୁଣ୍ଡ
୯୪)
ସ୍ନାନ ପୁନେଇ
ଗଜାନନ ବେଶରେ
କଳା କହ୍ନେଇ ।
୯୫)
ଜଗତ ନାଥ
ଶହେ ଆଠ ଗରାରେ
ସ୍ନାନ ସମ୍ପୁର୍ଣ୍ଣ ।
୯୬)
ଆଗୋ ଅନନ୍ୟା
ନାରୀ ସେ ନାରାୟଣୀ
ସ୍ନେହର ମୂର୍ତ୍ତି ।
୯୭)
ପାପର ଧନ
ପ୍ରାୟଶ୍ଚିତରେ ଯାଏ
ପାରେନି ରୋକି ।
୯୮)
ମନ ଅଗଣା
ତାରାଫୁଲ ଫୁଟିବ
ପ୍ରିୟା ପାଇଁକି ।
୯୯)
ସାଗର ଗର୍ଭେ
ଗଚ୍ଛିତ ମଣି ମୁକ୍ତା
ଅତି ଦୁର୍ଲଭ ।
୧୦୦)
ସଂସ୍କୃତି ପ୍ରୀତି
ଭାଇଚାରା ର ଭାବ
ପରମ୍ପରା ରେ ।
୧୦୧)
ଗ୍ରାମ୍ୟ ଜୀବନ
ଢେର ଗୁଣରେ ଭଲ
ସହର ଠାରୁ ।
୧୦୨)
ଭକତି ରସେ
ଭାବକୁ ଛନ୍ଦିଦିଏ
ଜଗନ୍ନାଥଙ୍କୁ ।
୧୦୩)
ପୂଣ୍ୟ ମୟୀ ସେ
ଭାରତ ଜନନୀ ମୋ
ବନ୍ଦନା କରେ ।
~ ଦମୟନ୍ତୀ ରଥ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें