ହାଇକୁ ସାଧନା ଖୋର୍ଦ୍ଧା
ସାରସ୍ଵତ SEDOKA/ସେଦୋକା କାବ୍ୟ ଯାତ୍ରା ~ ୧୦
ସେଦୋକା
୧)
ଗଢିବା ଆମେ
ନୂତନ ସମ୍ଭାବନା
ଦିବ୍ୟ ମହକ ଭରା
ନୂଆ ସମାଜ
ଶାନ୍ତି ମୈତ୍ରୀ ଏକତା
ସଦ୍ଭାବନା ନିହିତ ।
~ ବାସନ୍ତୀ ଦେଈ, ଖୋର୍ଦ୍ଧା
୨)
ନମ୍ର ସ୍ବଭାବ
ସରଳ ମଧୁ ହସ
ଜଗାଇ ପ୍ରୀତି ଭାଵ
ରୁକ୍ଷ ବଚନ
ତୀକ୍ଷ୍ଣ କଟୁ ଚାହାଣି
ରଚେ ମହା ସଂଗ୍ରାମ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ, ଖୋରଧା
୩)
ପଣସ ଖାଏ
ବଗ ମୁଣ୍ଡରେ ଅଠା
ବୋଳେ ଚତୁର କାଉ
ଲୋକ ଚରିତ୍ର
ଶଠ କୌଶଳେ ନିଏ
ସୁଧାର ରହେ ଚାହିଁ ।
୪)
ମହା ପ୍ରଳୟ
ପ୍ରକୃତି ଆବେଷ୍ଟରେ
ପୁରୁଷ ଯୋଗନିଦ୍ର
ନିତ୍ୟ ଚିନ୍ମୟୀ
ପୂଜନେ ଉପବିଷ୍ଟ
ଅକାଳବୋଧନରେ ।
~ ବିଳାସିନୀ ଦାଶ, ମଧୁସୂଦନ ନଗର
୫)
ସମୟ ସ୍ରୋତ
ବାହିନିଏ ଜୀବନ
ବନ୍ଧୁର ପଥ କ୍ରମି
ଯିବୁ ତୁ ଏକା
କହିଯାଏ କାନରେ
ଲୀନ ମହାସାଗରେ ।
~ ଆରତୀ ପ୍ରହରାଜ, ଭୁବନେଶ୍ୱର
୬)
ଦର୍ପଣ କାର୍ଯ୍ଯ
ବେଦନାଭରା ମୁହଁ
ପ୍ରତିଫଳିତ ହୁଏ
ଦର୍ପଣ ଆଗେ
ଗୋଟିଗୋଟି ବଖାଣେ
ଲେଖନୀ ର ମୂନରେ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୭)
ଯୁଦ୍ଧ କରିବା
ଦେଶ ପାଇଁ ଲଢ଼ିବା
ମରିବା ତ ତରିବା
ଶହୀଦ ହେବା
ଏତେ ବଡ ଭାଗ୍ୟକୁ
ମନା କିଆଁ କରିବା ?
~ ଚପଳା ପଣ୍ଡା, ଖୋର୍ଦ୍ଧା
୮)
ସ୍ରଷ୍ଟା ନିର୍ମାଣ
କୋଇଲି କୁହୁତାନ
ମୟୂର ନୃତ୍ୟେ ମଗ୍ନ
ଶାନ୍ତ କପୋତ
କାକ ରାବେ ପ୍ରଭାତ
ହଂସ ଚାଲି ବିଖ୍ୟାତ ।
୯)
ସିଂହ ବାହିନୀ
ଚଣ୍ଡୀ ଚାମଣ୍ଡା ଘେନି
ଚଣ୍ଡ ମୁଣ୍ଡ ନାଶିନୀ
କରେ ଦୟିନୀ
ମା ମହିଷା ମର୍ଦ୍ଧିନୀ
ସୁର ନର ନାଶିନୀ ।
୧୦)
ସନ୍ଧ୍ୟା ପ୍ରବେଶ
ଧରିତ୍ରୀ କଳା ବେଶ
ନଭେ ଜ୍ୟୋସ୍ନା ପ୍ରକାଶ
ଶ୍ରମେ ଅବଶ
ହେଲେ ନିଦ୍ରା ର ବଶ
ପାହାନ୍ତି ସ୍ବପ୍ନ ଦୃଶ୍ୟ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୧୧)
ମାଆର ମନ
ବୁଣେ ନୂଆ ସପନ
ତାର ସନ୍ତାନ ଗଣ
ସୁ ନାଗରିକ
ଗଢିବେ ଭବିଷ୍ୟତ
ଆଦର୍ଶ ଦେଶ ଭକ୍ତ ।
~ ଜ୍ୟୋତି ପ୍ରଭା, ପଟ୍ଟନାୟକ
୧୨)
ଘାଣ୍ଟ ତିଅଣ
ନଡିଆ ଗଜାମୁଗ
ବଡ ଶରଧା ସ୍ବାଦ
ଆକାଶ ଛୁଆଁ
ବଜାର ଦର ଦେଖି
ସାହି ପଡିଶା ଦୁଃଖୀ ।
୧୩)
ବ୍ରହ୍ମ କମଳ
ପୁଷ୍ପେ ଉଜ୍ଜ୍ବଳ ଜ୍ୟୋତି
ସୁବାସ ବୁଣେ ନିଶି
କୋଟି ଐଶ୍ବର୍ଯ୍ୟ
ଲଭେ ଆତ୍ମ ସନ୍ତୋଷ
କାଳିଆ ପଦେ ଭେଟି ।
~ ଝୁମୁରୀ ସାହୁ, ଜଟଣୀ
୧୪)
ସମୟ ସ୍ରୋତ
ଲଭେ ଜନମ ମୃତ
କର୍ମ ଫଳ ସ୍ୱୀକୃତ
ମାୟା ମୋହିତ
ସୁଖ ଦୁଃଖ ମିଶ୍ରିତ
ପ୍ରଭୁ ଚରଣାଶ୍ରିତ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
☆☆☆☆☆☆☆☆☆☆☆
