ନିହାର ବେହେରାଙ୍କ ସମଲପୁରି ହାଇକୁ
ହାଇକୁ
ଅସତ କଥା
ଦୁଇଦିନିଆଁ ରଙ୍ଗ
ସରଲା ଢଙ୍ଗ ।
ସତ ସପନ
ନୁହେଁ କେଭେଁ ଭରମ
ମାହାପ୍ରୁ ମନ ।
ଦୁଖ ତ ସୁଖ
ଦୁଖ ଗଲେ ଜିବନ
ଥରେ ମରନ ।
ମନଟା କାଚ
ଥରେ ଭାଙ୍ଗଲେଁ ଗଲା
ସବୁ ସରଲା ।
ମହତ କଥା
ମହତ ଏକା ଗୁନ
ମନର ଧୁନ ।
ଆମର ଭାସା
ସରଗର ଅମୃତ
ସବୁ ସୁରୁତ ।
ଭାବର ନଦିଁ
ଥରେ ହେଲେଁ ଗାଧିନେ
ସବୁ ଦେଖିନେ ।
ସୁରୁଜ ଜନ
ତରା ମେଘ ପୁରଥି
ମାଆଁ ଧରତି ।
ଖରା ବରସା
ସିତ କାକର କଥା
ଜିବନ ଲଥା ।
ଜିବନ ଗୁଟେ
ହର ରଙ୍ଗ ସପନ
ଜିବା ସରନ ।
ଆତ୍ମାର ସାଁଗେଁ
ପରମାତ୍ମା ମିଲନ
ନୁଆଁ ଝରନ ।
କେନକେ ଜିବୁ
କାହିଁ ଆରୁ ପଲାବୁ
ଥରେ ଜାନବୁ ।
ହେ ଭଗବାନ
ତୁମର ନା ଧରମି
ଭବୁଁ ତରମି ।
ମା ସମଲେଇ
ଦୁଖ ପାପ ହରନି
ଗୁନ ଗାଏମି ।
ବନିହାଁ ଦୁର
ଆମେ ତ ସଭେ ଜିମା
ଠାନେ ରହେମା ।
ମହତ ପନ
ଜୁଗ ଜୁଗ ଆକାସ
ସତ ଝକାସ ।
ସମଲପୁରି
ଢୋଲ ନିସାନ ତାସା
ବଢ଼େ ସରସା ।
ହିରାକୁଦର
ହିରା ନିଲାର ପାନି
ମନ ମହନି ।
ପାଚଲା ଧାନ
ସୁନା ଖେତ ହଁସଲା
ମନ ନାଚଲା ।
ଚୁଟକୁ ଚୁଟା
ରାଗେଁ ନୁନ ମିରଚା
ଢେଁକିର କୁଟା ।
ବାସି ପଖାଲ
ଟିକେ ନୁନ ମିରଚା
ଉଏଲ କଁଚା ।
କଲିଆ କାନୁ
କେତେ ଉତପତିଆ
ବାଜଲା ବେନୁ ।
କାଣା ଜେ ହେବା
ମୋର ଜିବନ ଯାଉ
ଫୁଲ କଁହରୁ ।
ନାଗର ଫେନ
ଫୁଟଲା ଫୁଲ ଜେନ୍ତା
ବିସର କଁଟା ।
ସମଲପୁରି
ଖଣ ଖଣ ଖିରସା
ମଧୁର ମେସା ।
•••
~ ନିହାର ବେହେରା
ରେମତା ହାଇସ୍କୁଲ, ବ୍ଳକ - ବରପାଲି
ଜିଲା - ବରଗଡ଼ (Odisha)
Pin - 768029
Mob. 9861274310