~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ଅନ୍ଧକାର"
~0~
୧)
ଜ୍ଞାନର ସୂର୍ଯ୍ୟ
ଅଜ୍ଞାନତା ଅନ୍ଧାର
କରଇ ଦୂର ।
୨)
କ୍ଷୁଦ୍ର ପ୍ରଦୀପ
ମାୟାବିନୀ ଅନ୍ଧାର
ହୋଇଛି ଦୂର ।
୩)
ରାତି ଅନ୍ଧାର
କିଣାବିକା ଆରମ୍ଭ
ସ୍ୱପ୍ନ ବେପାର ।
~ ପ୍ରଦୀପ କୁମାର ଦାଶ
୪)
ଅନ୍ଧାର ବିନା
ଆଲୋକ ସ୍ବାଦ କ'ଣ
ଜାଣି ହୁଏନା ।
୫)
ଅନ୍ଧାର ରାତି
ପେଚାଟି ରାବେ ବସି
ଥରଇ ଛାତି ।
୬)
ଅନ୍ଧାର କଣା
ସ୍ବାସ୍ଥ୍ୟ ସମସ୍ଯା ଭାବେ
ହୁଅଇ ଗଣା ।
୭)
ଅନ୍ଧାର ଘର
ନିରୋଳା ବେଳ ଦେଖି
ପଶିଲା ଚୋର ।
୮)
ରାତ୍ରିର ଶେଷେ
ଉଦୟ ବାଳଭାନୁ
ଅନ୍ଧାର ନାଶେ ।
୯)
ଅନ୍ଧାର ରାତି
କଳା ପାଟକୁ ପିନ୍ଧି
କରେ ରାଜୁତି ।
୧୦)
ମାଛି ଅନ୍ଧାର
ଫେରନ୍ତି ପକ୍ଷୀ ଗଣ
ନିଡେ ତାଙ୍କର ।
~ ସମିତା ସ୍ବାଇଁ
୧୧)
ଆମ ଅଜ୍ଞାନ
ବଡ଼ ଅନ୍ଧାର ହେଲେ
ଆଲୁଅ ଜ୍ଞାନ ।
୧୨)
ବିବେକ ଦୀପ
ଦୂର କରେ ଅନ୍ଧାର
ବିନାଶେ ପାପ ।
~ ମୁକ୍ତେଶ୍ଵର ପଧାନ
୧୩)
ସୁଜନ ବାଣୀ
ଅଜ୍ଞାନ ଅନ୍ଧକାରେ
ଜ୍ଞାନ ଆଲୋକ ।
୧୪)
ପ୍ରଦୀପ ଶିଖା
ଖେଳଇ ଲୁଚକାଳି
ତମସା ରାଣୀ ।
୧୫)
ମହାନ ତ୍ୟାଗ
ଦୀପ ତଳ ଅନ୍ଧାର
ଜଳେ ସଳିତା ।
୧୬)
ଅନ୍ଧାର ବିନା
ଆଲୋକ ଉପସ୍ଥିତି
ବୁଝି ହୁଏନା ।
୧୭)
ଅନ୍ଧାର ରାତି
ଚଢେଇ ଫଡଫଡ
ଭୂତ ର ଭୟ ।
~ ବାସନ୍ତୀ ଦେଈ
୧୭)
ଅନ୍ଧାର ରାତି
ଆଲୁଅ ଦାନକରେ
ଲଣ୍ଡନ ବତି ।
୧୯)
ଅଜ୍ଞାନ ଜନ
ଅନ୍ଧକାର ଜୀବନ
କରେ ରୋଦନ ।
୨୦)
ଅନ୍ଧକାରରେ
ବାଡି ଟି ବୁଲାଇବା
ନିରର୍ଥକରେ ।
୨୧)
ବିଜୁଳି ବତି
ଅନ୍ଧାର ଦୂରେଇବା
ଜରୁରୀ ଅତି ।
୨୨)
ଆକାଶେ ତାରା
ଅନ୍ଧକାର ରାତ୍ରିରେ
କେଡ଼େ ନିଆରା ।
~ ଜୟରାମ ସାହୁ
୨୩)
ବିଶ୍ରାମ ପାଇଁ
ଆସଇ ଅନ୍ଧକାର
ଥମେନା ନିନ୍ଦା ।
୨୪)
ଅମା ଅନ୍ଧାର
ସାଗର ପିଟେ ଛାତି
ଲୁଚିଛି ଜହ୍ନ ।
~ ରଞ୍ଜନ ଜେନା
୨୫)
ଅନ୍ଧାର ଯାଏ
ଆଲୋକ ସ୍ରୋତ ଯେବେ
ପାଖରେ ଥାଏ ।
୨୬)
ଜ୍ଞାନ ସାଗର
ହଟାଇ ଦେଇଥାଏ
ମନୁ ଅନ୍ଧାର ।
~ ସୁଧୀର କୁମାର ପଣ୍ଡା
୨୭)
ଅମା ଅନ୍ଧାର
ଉଲ୍ଲୁକ ରାବୁଛି ଯେ
ଲାଗୁଚି ଡର ।
୨୮)
ମୃତ୍ୟୁ ଅନ୍ଧାର
ଜୀବନ ଆଲୋକ ସେ
ସଂସାର ତତ୍ତ୍ୱ ।
୨୯)
ଅନ୍ଧକାର ବିନା
ଆଲୋକ ର ମହତ୍ୱ
ଜଣା ପଡେ ନା ।
୩୦)
ଅନ୍ଧତ୍ବ ଆଉ
ଅନ୍ଧକାର ଦୁହିଁ ଙ୍କ
ବର୍ଣ୍ଣ କାଳିମା ।
୩୧)
ଉଆଁସ ରାତ୍ରୀ
ତାରା ଚନ୍ଦ୍ରମା ବିନା
ଘନ ଅନ୍ଧାର ।
~ ରତ୍ନ ପ୍ରଭା ସିଂ
୩୨)
ପଣ୍ଡିତ ଜନ
ଅନ୍ଧକାର ଦୂରେଇ
ଦିଅନ୍ତି ଜ୍ଞାନ ।
୩୩)
ଅନ୍ଧାର ରାତି
ଚୋର ପାଇଁକା ଭଲ
ସୁଯୋଗ ନିତି ।
୩୪)
ଅନ୍ଧାର ହେଲେ
ସାୟଂକାଳ ଆସଇ
ଜାଣିବ ଭଲେ ।
୩୫)
ଅନ୍ଧାର ରାତି
ଅହେତୁକ ଭୟରେ
ଥରାଏ ଛାତି ।
୩୬)
ବରଷା ରାତି
ଘନ ଅନ୍ଧକାରରେ
ଯାଇଛି ମାତି ।
~ ସନ୍ତୋଷ କୁମାର ସାହୁ
୩୭)
ଗୁରୁ କୃପାରୁ
ଅଜ୍ଞାନ ଅନ୍ଧକାର
ହୁଅଇ ଦୂର ।
୩୮)
ଉଦିତ ସୂର୍ଯ୍ୟ
ଦୂରିଭୂତ କରନ୍ତି
ଅନ୍ଧକାରକୁ ।
୩୯)
ତାରକା ମେଳେ
ଚନ୍ଦ୍ରମା ହସୁଥାଏ
ଅନ୍ଧକାରରେ ।
~ ନିବେଦିତା ମହାପାତ୍ର
୪୦)
ଅନ୍ଧାରକଣା
ଭିଟାମିନ୍ ଅଭାବରୁ
ରୋଗଟି ଜଣା ।
୪୧)
ଶିକ୍ଷା ବିହୁନେ
ସବୁ ରାସ୍ତା ଅନ୍ଧାର
ଥାଏ ଜୀବନେ ।
୪୨)
ଶିକ୍ଷା ପ୍ରଦୀପ
ଅନ୍ଧକାର ଜୀବନେ
ଦିଏ ଆଲୋକ ।
~ ଶମ୍ଭୁନାଥ ଦାସ
୪୩)
ଆଲୋକ ସତ୍ୟ
ସତ୍ୟ ବି ଅନ୍ଧକାର
ଦୁହେଁ ଯାଆଁଳା ।
୪୪)
ତୁମେ କି ଜାଣ
ସେ ଆଖିରେ ଜଳିଛି
କେତେ ଯେ ରାତି ।
~ ଲିଙ୍ଗରାଜ ପାତ୍ର
୪୫)
ଭୟ ମାଡ଼ିଛି
ଦୁର୍ବିସହ ଜୀବନେ
ଅନ୍ଧାର ପାଇଁ ।
୪୬)
ଅନ୍ଧାର ଘରେ
ପାଦ ଚିହ୍ନ ପଡ଼ିଛି
ଆଈର ବୋଧେ ।
~ ରାଜେଶ କୁମାର ମୁଣ୍ଡ
୪୭)
ଅନ୍ଧାର ରାତି
ଝଲସେ ଜହ୍ନ, ତାରା
ଥରୁଛି ଛାତି ।
୪୮)
ଗୋପନେ ତୁମେ
ଆସି ଅନ୍ଧକାରେ ଗୋ
ବିରାଜି ମନେ ।
୪୯)
ଦେଖେ ସପନ
ଅନ୍ଧକାର ରାତିରେ
ମୁଦି ନୟନ ।
~ ପ୍ରତିମା ମେହେର
୫୦)
ଜ୍ଞାନ ପ୍ରଦୀପ
ଅଜ୍ଞାନ ଅନ୍ଧକାର
ଉଜ୍ଜ୍ୱଳ ଶୀଖା ।
୫୧)
ଘଞ୍ଚ ବନାନୀ
ଅନ୍ଧକାର ତାଣ୍ଡବ
ଭୀତି ଉଦ୍ରେକ ।
୫୨)
ନିଃସଙ୍ଗ ଯାତ୍ରା
ଲକ୍ଷ୍ୟ ଭ୍ରଷ୍ଟ ପଥିକ
ତମସାଚ୍ଛନ୍ନ ।
୫୩)
ଅନ୍ଧାର ରାତି
ଶୂନ୍ୟ ବଦନାମ୍ ଗଳି
ଉନ୍ମତ୍ତ ମାତାଲ୍ ।
୫୪)
ଜ୍ୟୋତ୍ସ୍ନା ବିଧୌତ
ମହାନଦୀର ବକ୍ଷ
ଅନ୍ଧାର କାହିଁ !
୫୫)
ରାତ୍ରିର ଛନ୍ଦ
ଅନ୍ଧକାରର ଗୀତି
ଉଦାସୀ ଜହ୍ନ ।
୫୬)
ଘନ ତିମିର
ଅଭିଶପ୍ତ ପ୍ରାସାଦ
ଉଲ୍ଳୁକ ଡାକେ ।
୫୭)
ପୂର୍ଣମୀ ରାତି
ବିବସ ଅନ୍ଧକାର
ଜ୍ୟୋତ୍ସ୍ନା ତରଙ୍ଗ ।
୫୮)
ଦାନ୍ତେ ତିରଣ
ବିବତ୍ସ ଅନ୍ଧାରୁଆ
ନର୍କର ଭୟ ।
୫୯)
'ମୁଁ' ସର୍ବୋପରି
ଅହମିକାରେ ଅନ୍ଧ
ତମସାଚ୍ଛନ୍ନ ।
~ ମନୀଷା ମିଶ୍ର
୬୦)
ଅନ୍ଧାର ପକ୍ଷ
ଜୀବନର ସତ୍ୟତା
ଉଜ୍ଜ୍ୱଳ ପକ୍ଷ ।
୬୧)
ଜ୍ଞାନ ପ୍ରପନ୍ନ
ଅନ୍ଧାରି ମୂଳକର
ବିକାଶୋନ୍ମୁଖୀ ।
୬୨)
ଜ୍ୟୋତିରିଙ୍ଗଣ
ତିମିର ଅନ୍ଧକାରେ
ମୁକ୍ତା ସଦୃଶ ।
୬୩)
ଅନ୍ଧାରି ବିଜେ
ଦିବସର ତର୍ଜମା
ପ୍ରଜାପାଳନ ।
୬୪)
ତମ ବ୍ୟାପକ
ପ୍ରଦୀପର ଆଲୋକ
ତମୋଘ୍ନ ସମ ।
୬୫)
ବିରହୀ ପ୍ରାଣ
କୋହ, ଆବେଗ ଭରା
ତମସ ସାଥୀ ।
୬୬)
ସକାଳ ରବି
ରାତ୍ରିର ଅନ୍ଧକାର
ଆଶା ଆଲୋକ ।
୬୭)
ଆଶା, ନିରାଶା
ଆଲୋକ, ଅନ୍ଧକାର
ମୁଦ୍ରାର ପାର୍ଶ୍ୱ ।
୬୮)
କଳଙ୍କ ଛିଟା
ଅନ୍ଧକାର କାଳିମା
ମଉନ ରବି ।
୬୯)
ସୃଷ୍ଟି ଆରମ୍ଭ
ଅନ୍ଧକାର ବୁକୁରେ
ସୃଷ୍ଟିର ଶେଷ ।
~ ରମାକାନ୍ତ ସତପଥି
୭୦)
ଅନ୍ଧାର୍ ରାଏତ୍ ନ
ରାଧା ନି ପାରେ ରହି
ବଏଁଶି ଡାକେ ।
୭୧)
ଅନ୍ଧାର୍ ରାଏତ୍ ଥି
ଗାଁ ମୁଡ଼ର୍ ମସାନ୍ ପଦା
ଟଁଢ଼େଇ ଚରେ ।
~ ମନୀଷା ମିଶ୍ର
୭୨)
ଅନ୍ଧାର ଆସେ
ଦରିଦ୍ର ରାଇଜରେ
ଛନକା ପଶେ ।
୭୩)
ପ୍ରେମୀ ଯୁଗଳ
ଅନ୍ଧାର ରଜନୀର
ଅପେକ୍ଷା କାଳ ।
~ ଶ୍ରୀ ଡମ୍ବରୁଧର ବାଗ
୭୪)
ଏ ଅନ୍ଧକାର
ହଟିବ ନିଶ୍ଚେ ଦିନେ ଯେ
ଜୟ ଆମର ।
୭୫)
କିଏ ଖୋଜିବ
ନ ଥିଲେ ଅନ୍ଧକାର
ଆଲୁଅ ତବ ?
୭୬)
ସତ ସଂସାରେ
ଆଲୁଅ ଅନ୍ଧକାର
ଦୁଇ ପାଖରେ !
୭୭)
ବାର କୁ ବାର
ପ୍ରମାଣେ ହଟି ଯାଏ
ଏ ଅନ୍ଧକାର !
~ ଆଶୁତୋଷ ମେହେର
୭୮)
ପାଏ ଯାହା ବି
ଅନ୍ଧକାରରୁ ବୀଜ
ଆଲୋକେ ଦିଏ ।
୭୯)
ଯାଏ ତ ହଜି
ଅନ୍ଧକାରରେ ଛାଇ
ବାଟ ବି ନାହିଁ ।
~ ଦୀପ୍ତି ମୁଣ୍ଡ
୮୦)
କାଳି ଅନ୍ଧାରୁ
ପ୍ରାତଃ ଭ୍ରମଣ ନିତି
ଶରୀର ସୁସ୍ଥ ।
୮୧)
ସହରୀ ପ୍ରାଣ
ରାତ୍ରୀ ଆଲୋକ ଭରା
ଲୁଚେ ଅନ୍ଧାର ।
୮୨)
ସୂରୁଜ ବିନା
ପୃଥିବୀ ଅନ୍ଧକାର
ଦିବସ ସାରା ।
୮୩)
ପାହାଡୀ ଗାଆଁ
ବିଦ୍ୟୁତ ବତୀ ବିନା
ଘୋର ଅନ୍ଧାର ।
୮୪)
ଅନ୍ଧାର ପଥ
ହସ୍ତରେ ବାଡି ବିନା
ଚାଲିବା କଷ୍ଟ ।
୮୫)
ତମସା ନାଶ
ଆଲୋକ ବୁଣିଦିଏ
ପ୍ରଭାତେ ସୂର୍ଯ୍ୟ ।
୮୬)
ମହାକାଶ ଟି
ଘୋର ତମସାଚ୍ଛନ୍ନ
ବାୟୁ ବିହୀନ ।
୮୭)
ଅନ୍ଧାରୀ ଗାଆଁ
ସରକାରୀ ସାହାଯ୍ୟ
ବାଟମାରଣା ।
୮୮)
ଆହାର ଖୋଜି
ପେଚା ଉଲ୍ଲୁକ ପକ୍ଷୀ
ଘନ ଅନ୍ଧାରେ ।
୮୯)
ନିଶା ଅଭ୍ୟାସ
ଜୀବନ ଅନ୍ଧକାର
ଟାଣେ ପଇସା ।
୯୦)
ଚୋର ର ଘର
ସବୁଦିନ ଅନ୍ଧାର
ନୁହଁଇ ପରା ।
୯୧)
ଅନ୍ଧାର ରାତ୍ରୀ
ଭାରି ଭୟଙ୍କର ସେ
ଛନକା ଛାତି ।
୯୨)
ଅମାବାସ୍ୟା ରେ
ନିସ୍ତବ୍ଧ ସେ ଚନ୍ଦ୍ରମା
ଭରେ ଅନ୍ଧାର ।
୯୩)
ଶୁକ୍ଳପକ୍ଷ ର
ଏକ ପକ୍ଷ ର ପରେ
ଅନ୍ଧାର ପକ୍ଷ ।
୯୪)
ଜ୍ଞାନ ର ବିନା
ଅନ୍ଧକାର ଘୋଟଇ
ଜୀବନ ସାରା ।
୯୫)
ଅନ୍ଧାର ରାତ୍ରୀ
ଖଦ୍ୟୋତ ର ଆଲୋକ
କ୍ଷୀଣ ଅଟଇ ।
୯୬)
ମୂଢ ମନୁଷ୍ୟ
ଅନ୍ଧାରେ ବୁଲାଏ ସେ
ବାଡି ହାତରେ ।
୯୭)
କଳା କହ୍ନେଇ
ଡରଇ ଅନ୍ଧାରକୁ
ଭାଳେ ଯଶୋଦା ।
୯୮)
ରଜନୀ ରାଣୀ
ଧରେ କଳା ବେଶ ସେ
ଘୋଟେ ଅନ୍ଧାର ।
୯୯)
ଦୃଷ୍ଟିବାଧକ
ଅନ୍ଧକାରମୟ ତ
ସାରା ଦୁନିଆ ।
୧୦୦)
ଆଇମା ଗପ
ଭୂତ ପ୍ରେତ ଙ୍କ ଭୟ
ଅନ୍ଧାର ରାତ୍ରୀ ।
୧୦୧)
ଭିଟାମିନି ଏ
ଖାଦ୍ୟ ଅଭାବେ ହୁଏ
ଅନ୍ଧାରକଣା ।
୧୦୨)
ଅନ୍ଧାର ରାତ୍ରୀ
ବାତାୟନ ଫାଙ୍କରେ
ବିଜୁଳି ରାଣୀ ।
୧୦୩)
ଅମାବାସ୍ୟା ରେ
ଅନ୍ଧକାର ସମୁଦ୍ର
ଉତ୍ତାଳ ତରଙ୍ଗ ।
୧୦୪)
ବଡବଡୁଆ
ଅନ୍ଧାରେ ଆସ ମର୍ତ୍ତ୍ୟେ
ଆଲୋକେ ଯାଅ ।
୧୦୫)
ବରଷା କାଳେ
ବିଜୁଳି ଘଡଘଡି
ଘୋଟେ ଅନ୍ଧାର ।
୧୦୬)
ଅନ୍ଧାର ଶବ୍ଦ
ଆଲୋକ ଶବ୍ଦର ସେ
ବୀପରିତ ଟି ।
୧୦୭)
ତମସା ନାଶି
ଉଇଁଲେଣି ସୂରୁଜ
ପ୍ରାଚୀ ଦିଗରେ ।
୧୦୮)
ଘନ ଅନ୍ଧାରେ
ପେଚାର ଦୃଷ୍ଟିଶକ୍ତି
ଭାରି ପ୍ରଖର ।
୧୦୯)
ନିଶା ଗର୍ଜୁଛି
ଅନ୍ଧାର ଇଲାକାରେ
ଆତ୍ମହତ୍ୟା ଟି ।
~ ଦମୟନ୍ତୀ ରଥ
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें