~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ହସ"
୧)
କିଶୋରୀ ହସ
କରଇ ଉପହାସ
ଫୁଲ ସୁବାସ ।
୨)
ନିଃଶବ୍ଦ ପଥ
ମୁରୁକି ହସ ନେଇ
ତୁମେ ଆସିଛ ।
୩)
ମନର କୋହ
ଲୁଚେଇ ଦିଏ ଲୁହ
ଦେଖାଏ ହସ ।
୪)
କାନ୍ଦୁଛି ହସ
କରଇ ଉପହାସ
ଅଶ୍ରୁର ସୂଅ ।
୫)
ହସୁଛି ଦୀପ
ଜଳି ଉଠେ ସଳିତା
ଭାଗ୍ୟ ପାଉଁଶ ।
୬)
ପଳାଶ ଗଛ
ନାଲି ଫୁଲ ଫୁଟିଲା
ହସେ ବସନ୍ତ ।
୭)
ନିଦାଘ ଗ୍ରୀଷ୍ମ
କୃଷ୍ଣଚୂଡା ହସିଛି
ଧନ୍ୟ ଏ ପ୍ରେମ ।
୮)
ଝରଇ ମୋତି
ମେଘ ହଁସେ ମୁରୁକି
ଆସେ ଶ୍ରାବଣ ।
୯)
ମୁରୁକି ହସ
କାଶତଣ୍ଡୀର ମନ
ସିଧା ସରଳ ।
୧୦)
ହେଲା ସକାଳ
ସୂରୁଜ ଅଧରରେ
ଚହଟେ ହସ ।
~ ପ୍ରଦୀପ କୁମାର ଦାଶ
୧୧)
ମୁହଁରେ ହସ
ବାଧ୍ୟ ବାଧକତାର
ଜଳେ ହୃଦୟ ।
୧୨)
ଅପେକ୍ଷାରେ ମୁଁ
ଓଠଧାର ହସକୁ
ତୁମ ମୁହଁରେ ।
୧୩)
ଶକୁନି ହସ
ଜୀବନ ସଂଗ୍ରାମରେ
ବୁଝି ହୁଏନା ।
୧୪)
ହସୁଥା ଖାଲି
ପାଗଳୀ କହିବେ ଯେ
ଚୁପ ରୁହ ତ !
~ ରାଜେଶ କୁମାର ମୁଣ୍ଡ
୧୫)
ମୁରୁକି ହସ
ସେଇ ହସଟି କରେ
ସବୁ ସରସ ।
୧୬)
ହସ ତୁମର
ସେଇଠି ଲାଗି ରହେ
ମନଟା ମୋର ।
~ ସୁଧୀର କୁମାର ପଣ୍ଡା
୧୭)
ଜ୍ୟୋତ୍ସ୍ନାର ସ୍ପର୍ଶ
କୁମୁଦ ପ୍ରେମ ରସେ
ହସ ପସରା ।
୧୮)
ସ୍ନିଗ୍ଧ ସଲୀଳ
ମୃଣାଳିନୀର ହସ
ଭାନୁ ଉଦୟ ।
୧୯)
ମୁକ୍ତ ଗବାକ୍ଷ
ପ୍ରମଦା ମୃଦୁହାସ୍ୟ
ସ୍ନିଗ୍ଧ ସମୀର ।
୨୦)
ପ୍ରମୃଷ୍ଟ କେଶ
ଲାସ୍ୟମୟୀ ଲଳନା
ହସର ଫଲ୍ଗୁ ।
୨୧)
ବସନ୍ତ ସ୍ପର୍ଶ
ମଧୂପର ଗୁଞ୍ଜନ
ହସେ କୁସୁମ ।
୨୨)
ନିଦାଘ ଶେଷ
ଅମୃତ ବାରିଧାରା
ଧରଣୀ ହସେ ।
୨୩)
ଗୀତା ରହସ୍ୟ
ଶ୍ରୀକୃଷ୍ଣ ସ୍ମିତହାସ୍ୟ
ସ୍ତବ୍ଧ ଅର୍ଜୁନ ।
୨୪)
ଅଳିକ ଅହଂ
ମଦମତ୍ତ ମଣିଷ
ମୃତ୍ୟୁର ହସ ।
୨୫)
ବିଧାତା ହସ
କାଳଚକ୍ର ଘୁର୍ଣ୍ଣନ
ମୂଢ଼ ମାନବ ।
୨୬)
ମୁକୁଳା ବେଣୀ
ଛିନ୍ନ ବୀଣାର ତନ୍ତ୍ରି
ହସର ବହ୍ନି ।
~ ରମାକାନ୍ତ ସତପଥି
୨୭))
ହସାଅ ହସ
ମନର କ୍ଳେଶ ତୁଟେ
ମିଳେ ସାହସ ।
୨୮)
ଜୀବନ ଖେଳ
ଦୁଇଦିନିଆ ପରା
ହସ ସକଳ ।
୨୯)
ଚେନାଏ ହସ
ଦୁଃଖ ଦୁରେଇ ଦେଇ
ନାଶେ ବିରସ ।
୩୦)
ମହା ଆନନ୍ଦ
ଜାଣି ପାରଇ ସିନା
ହସର ଭେଦ ।
~ ମୁକ୍ତେଶ୍ଵର ପଧାନ
୩୧)
ଫୁଲ'ର ହସ
ମନରେ ଭରେ ତେଜ
ବାସ ସୁବାସ ।
୩୨)
ତୁମ ଓଠରେ
ଲାଖିଥାଉ ଏ'ହସ
ମହୁ ଝରୁରେ ।
୩୩)
ଟିକି ଓଠେ ତୋ
ଦେଖି ସୁନ୍ଦର ହସ
ମନ ଭରେ ମୋ ।
୩୪)
କନକ ଗୁରୀ
ତୋର ହସିକେ ମୁଇଁ
ମରୁଛେ ଝୁରି ।
୩୫)
ପାଖକେ ଆସ
ଦୂରେ ରହି ନି ହସ
ଲାଗୁଛେ ବିଷ ।
~ ପ୍ରତିମା ମେହେର
୩୬)
ଗୁଲାପି ଗାଲ
ହଁସିଟା ଲକ୍ଷେ ଟଁକା
ମୁକୁତା ଝରେ ।
୩୭)
ଗଜରାବାଲ
ନନିର୍ ମୁଲ୍'କି ହଁସିକେ
ଭମରା ଝୁରେ ।
~ ମନୀଷା ମିଶ୍ର
୩୮)
ଶିଶୁର ହସ
ସଭିଙ୍କ ମନ ଛୁଏଁ
ନୁହେଁ କେ ପର ।
୩୯)
ରାଜାଙ୍କ ହସ
ସଭିଙ୍କୁ କରେ ସ୍ଥିର
ମନ ଅସ୍ଥିର ।
୪୦)
ଅଳପ ହସ
ବହୁତ ଆଣେ ଭାବ
ଜଡ଼ଇ ହୃଦ ।
~ ରଞ୍ଜନ ଜେନା
୪୧)
ହସ ଔଷଧ
ସବୁଠୁ ମୂଲ୍ୟବାନ
ଜୀବନ ମନ୍ତ୍ର ।
୪୨)
ଶିଶୁର ହସ
ସରଳ ନିଷ୍କପଟ
ଅମୃତ ଭାବ ।
୪୩)
ଫୁଲର ହସ
ଫଗୁଣ ଆଗମନେ
ବଉଳ ବାସ ।
୪୪)
ମୁହଁ ରେ ହସ
ମନରେ ଆବିଳତା
ପେଟରେ ବିଷ ।
୪୫)
ଦୁଃଖ ହସଇ
ବିଶ୍ବାସ ହାରିଯାଏ
ଜୀବନ ଯୁଦ୍ଧେ ।
୪୬)
ଜହ୍ନ ହସଇ
କାକର ସିକ୍ତ ଘାସ
ମାଟିକୁ ଚାହିଁ ।
୪୭)
ତୃପ୍ତି ର ହସ
ସମୟ ତଟେ ଖୁସି
ଉନ୍ନତି ପଥେ ।
୪୮)
ଧରଣୀ ହସେ
ଇନ୍ଦ୍ରଧନୁ କୁ ଦେଖି
ମୟୂର ନାଚେ ।
୪୯)
ବୟସ ବେଳେ
ଯୌବନ ହସୁଥାଏ
କାମନା କୋଳେ ।
୫୦)
ଶୁଖିଲା ହସ
ଛାତିଏ କୋହ ଭରା
ଲୁହ ଧାରରେ ।
~ ସମିତା ସ୍ବାଇଁ
୫୧)
ଦରୋଟି ଭାଷା
ଖିଲି ଖିଲି ହସ ତା
କିଣଇ ମନ ।
୫୨)
ଟିକିଏ ହସ
ଦୂରେଇଦିଏ ଦୁଃଖ
କ୍ଷଣେ ଜୀବନୁ ।
~ ରତ୍ନ ପ୍ରଭା ସିଂ
୫୩)
କଅଁଳ ଶିଶୁ
ଦରୋଟି କଥା ତାର
ଚେନାଏ ହସ ।
୫୪)
ଦ୍ଵିତୀୟା ଜହ୍ନ
ଆକାଶେ ତାରା ମେଳେ
ହସେ ଫୁକିଆ ।
୫୫)
କାନଭାସ୍ ରେ
ମୋନାଲିସା ର ହସ
ଶିଳ୍ପୀ ଚାତୁର୍ଯ୍ୟ ।
୫୬)
ଦାନ୍ତୁରି ଝିଅ
ହସ ଓ କାନ୍ଦ ତା ପାଇଁ
ସବୁ ସମାନ ।
୫୭)
ଶିଳ୍ପୀ ତୂଳୀରେ
ଛଵିଟି ହସିଉଠେ
ସତେ ଜୀବନ୍ତ ।
୫୮)
ଦୁଃଖୀ ମଣିଷ
ତେଲଲୁଣ ସଂସାରେ
ହସ ସପନ ।
୫୯)
ସାଙ୍ଗ ମେଳରେ
ହସ ଜୁଆର ଉଠେ
ଦୁଃଖ ଲାଘଵ ।
୬୦)
ନବବଧୂ ର
ତନୁ ମନ ଶିହରେ
ଲାଜୁଆ ହସ ।
୬୧)
ହସ ଆସର
ଦେହ ମନ ପ୍ରଫୁଲ୍ଲ
ଯୋଗ ଅଭ୍ୟାସ ।
୬୨)
ହସିହସିକା
ଜୀବନ ବିତାଇବା
ନ ଛୁଏଁ ଦୁଃଖ ।
୬୩)
ଶିଶୁ ହସିଲେ
ଦେଶ ଜାତି ପ୍ରଗତି
ଦୁନିଆ ହସେ ।
୬୪)
ହସ ଅମୂଲ୍ୟ
ଇଛା କଲେ ମିଳେନା
ପେଟରେ ଭୋକ ।
୬୫)
ବସନ୍ତ ଆସେ
କୃଷ୍ଣଚୂଡ଼ା ରଙ୍ଗରେ
ପ୍ରକୃତି ହସେ ।
୬୬)
ହସ ଖେଳଇ
ଜାତିଜାତିକା ଫୁଲେ
ପରଜାପତି ।
୬୭)
ପିଲାଏ ଶୁଣ
ହସିଖେଳି ପଢିଲେ
ପାଠ ସହଜ ।
୬୮)
କପଟୀ ହସ
ଦୂରୁ ଜୁହାର କର
ନାହିଁ ବିଶ୍ଵାସ ।
୬୯)
ଆଈ ବୁଢ଼ୀ କି
ନାତିନାତୁଣୀ ମେଳେ
ହସ ପେଡିଟି ।
୭୦)
ମୋ ପ୍ରିୟା ହସ
ମୋତି ମାଣିକ ସମ
ପୂର୍ଣ୍ଣିମା ଚାନ୍ଦ ।
୭୧)
ତୁମେ ହସିଲେ
ସରଗୁ ତାରାଫୁଲ
ଗଭାରେ ଖସେ ।
୭୨)
ସକଳ ଜନ
ହସି ହସାଉଥିଲେ
ସ୍ୱର୍ଗ ଭୁଵନ ।
୭୩)
ମନ ମୋହନ
ହସେ ଉଛୁଳି ଯାଏ
ଯମୂନା ନଈ ।
୭୪)
ଗୃହ ମନ୍ଦିରେ
ପିତାମାତା ହସିଲେ
ପୁତ୍ର କଲ୍ୟାଣ ।
୭୫)
ସନ୍ତାନ ହସ
ବାପାମାଆ ଜୀବନେ
ଭରେ ପୀୟୂଷ ।
୭୬)
ବୃନ୍ଦାବନରେ
କୃଷ୍ଣ ନାଲି ଅଧରେ
ରାଧିକା ହସ ।
୭୭)
କୃଷ୍ଣ ପ୍ରେମରେ
ଜୀବନ ଯମୂନାରେ
ହସ ଲହରୀ ।
୭୮)
ଗୋପିକା ଗଣେ
ହସେ ମୂରଲୀପାଣି
ବାଙ୍କ ଚାହାଣୀ ।
~ ବାସନ୍ତୀ ଦେଈ
୭୯)
ଯାତ୍ରା ଅସୀମ
ଧାରେ ହସରେ ତୁମ
ଜୀବନ୍ମୟ ମୁଁ ।
୮୦)
ତୁମେ ଆସିଲେ
ଫୁଲ ହସେ ଛାତିରେ
ଉଦାସ ସଂଜେ ।
~ ଲିଙ୍ଗରାଜ ପାତ୍ର
୮୧)
ଝରାନା ଲୁହ
ଥରୁଟେ ଦେ ତୁ ହସି
ମୁକୁଳି ଯିବୁ ।
୮୨)
ସଂସାର ମଧ୍ୟେ
ହସ ଖୋଜା ଚାଲିଛି
ସମସ୍ତେ ଫେଲ ।
~ ଡମ୍ବରୁଧର ବାଗ
୮୩)
ହସ ର ଚିତ୍ର
ମନ ର ବଖରା ରେ
ଖୁସି ର ବାସ୍ନା ।
୮୪)
ହସ ଓୌଷଧ
ସହଜ ରେ ମିଳେନି
ଖୋଜିବା ଆସ ।
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
୮୫)
ମୁହଁରେ ହସ
କୂଟନୀତିଆଙ୍କର
ପେଟରେ ବିଷ ।
୮୬)
ହସିଲେ ଯାହା
ଦାନ୍ତୁରିମାନଙ୍କର
କାନ୍ଦିଲେ ତାହା ।
~ ଶମ୍ଭୁନାଥ ଦାସ
୮୭)
ମମତା ଫଲ୍ଗୁ
ସୁକୋମଳ ଶୈଶବ
ହସର ବନ୍ୟା ।
୮୮)
ପାହାଡ଼ି ଜହ୍ନ
ବିଭାବରୀର ହସ
ମହୁଆ ବାସ୍ନା ।
୮୯)
ଭଙ୍ଗା ସଂସାର
ପ୍ରତାରଣାର ହସ
ମାୟାବିନୀର ।
୯୦)
ଚନ୍ଦ୍ରମା ହସେ
ବିଭାବରୀର କାନ୍ଦ
ଜୋଛନା ଫଲ୍ଗୁ ।
୯୧)
ଡେଲ୍'ଟା ପ୍ରଜାତି
ମରଣର ତାଣ୍ଡବ
ମଶାଣି ହସେ ।
୯୨)
ଶୁଷ୍କ ବନାନୀ
ଅନୀଳ ନୃତ୍ୟରତ
ଅନଳ ହସେ ।
୯୩)
ଅଧୁରା ସ୍ୱପ୍ନ
ଜୀବନର ଯନ୍ତ୍ରଣା
ତାତ୍ସଲ୍ୟ ହସ ।
୯୪)
ଶବ୍ଦ ଚାତୁରୀ
କୁଜ୍ଝଟିକା ପ୍ରଲେପ
ବିମ୍ବର ହସ ।
୯୫)
ବସନ୍ତ ଗୀତି
ମଳୟର ମୂର୍ଛନା
ବାସନ୍ତୀ ହସେ ।
୯୬)
ଅପଗା ତୀର
ସ୍ନିଗ୍ଧ ସମୀର ହସେ
ଆତ୍ମା ବିଭୋର ।
~ ମନୀଷା ମିଶ୍ର
୯୭)
ଦେଖି ତୁମର
ହସ ହସ ବଦନ
ପ୍ରଫୁଲ୍ଲ ମନ ।
୯୮)
ଶିଶୁର ହସ
ନିଷ୍କଳଙ୍କ ପବିତ୍ର
ମନ ହରଷ ।
~ ଜୟରାମ ସାହୁ
୯୯)
କୁନି ଓଠରେ
ଯେବେ ହସ ଫୁଟଇ
ଦୁନିଆ ହସେ ।
୧୦୦)
ଫୁଲ ହସିଲେ
ଉପବନ ମହକେ
ଭ୍ରମର ଚୁମେ ।
୧୦୧)
ଦୁଃଖି ସଂସାର
ହସକୁ କିଣାଯାଏ
ଲୁହ ହାଟରେ ।
୧୦୨)
ହସିଲେ କଇଁ
ପ୍ରୀତି ଝରେ ଚାନ୍ଦର
ରଜନୀ କାଳେ ।
୧୦୩)
ବ୍ୟଙ୍ଗ କବିତା
ସଭିଙ୍କ ମନ ମଧ୍ୟେ
ହସ ଉକୁଟେ ।
୧୦୪)
ହସ ପାଖୁଡା
ନୀରୋଗ ରହେ ଦେହ
ସୁସ୍ଥ ଶରୀର ।
୧୦୫)
ମୟୂର ହସେ
କଳା ମେଘର ଦୃଶ୍ୟେ
ବନ ମଧ୍ୟରେ ।
୧୦୬)
ସନ୍ତାନ ହସେ
ପୁରି ଉଠଇ ପରା
ମାଆ ହୃଦୟ ।
୧୦୭)
ହସିବା ଭଲ
ହସି ହସିକା କଥା
ଉଡାଅ ନାହିଁ ।
୧୦୮)
ଓଠରେ ହସ
ଖୁସିରେ ଭରିଯାଏ
ସାରା ସଂସାର ।
୧୦୯)
ପ୍ରିୟା କୁ ଦେଖି
ଆକାଶ ବୁକୁ ଚିରି
ଜହ୍ନ ହସଇ ।
୧୧୦)
ମୃଦୁ ମଳୟ
ଆମ୍ର କୁଞ୍ଜ ହସଇ
ଭରା ବଉଳ ।
୧୧୧)
ନୀଳ ସମୁଦ୍ରେ
ତରଙ୍ଗ ମାଳା ହସେ
ତଟ କୁ ଛୁଇଁ ।
୧୧୨)
ନୀଳ ଗଗନେ
ଇନ୍ଦ୍ରଧନୁ ହସଇ
ସପ୍ତ ରଙ୍ଗରେ ।
୧୧୩)
ପ୍ରିୟାର ହସେ
ମୁକୁତା ଝରଇ ସେ
ପ୍ରେମର ବନେ ।
୧୧୪)
ଲବଙ୍ଗ ଲତା
ହସୁ ଝରଇ ତାର
ଗଜ ମୁକୁତା ।
୧୧୫)
ଦ୍ଵିତୀୟା ଜହ୍ନ
ମଥାରେ ହସଇ ସେ
ଭୋଳା ଶଙ୍କର ।
୧୧୬)
ବରଷା ମିତ
ହସେ ଭରେ ସେତ
ଜୀବଜଗତ ।
୧୧୭)
ଦୁଃଖ ଆସିଲେ
ଓଠୁ ହସ ଲିଭଇ
ଭରଇ ଲୁହ ।
୧୧୮)
ତାରକା ମେଳେ
ଜହ୍ନ ହସେ ରାତ୍ରୀରେ
କିରି କିରି କା ।
୧୧୯)
ବନ୍ଦୀ ଶାଳାରେ
ଦେବକୀ ଓଠେ ହସ
କୃଷ୍ଣ ଜନ୍ମରେ ।
୧୨୦)
କଂସ ମୃତ୍ୟୁରେ
ଲଙ୍କା ଗଡ ହସଇ
ଦୁଷ୍ଟ ନାଶରେ ।
୧୨୧)
ବରଷା କାଳେ
ଉପବନେ ହସଇ
ପୁଷ୍ପ ସମ୍ଭାର ।
୧୨୨)
ଉପରେ ହସ
ଭିତରେ ବିଷ ଭରେ
ଖଳ ପ୍ରବୃତ୍ତି ।
୧୨୩)
ଶସ୍ୟ ଶ୍ୟାମଳା
କ୍ଷେତେ ଫସଲ ଦେଖି
କୃଷକ ହସେ ।
୧୨୪)
ମାଆ କୋଳରେ
ଶିଶୁଟି ହସୁଅଛି
ଅତି ଆନନ୍ଦେ ।
୧୨୫)
ସପନ ରାଣୀ
ନିତି ନିଶିଥେ ଆସେ
ହସକୁ ବୁଣି ।
୧୨୬)
ହସ ର ନଈ
କାନ୍ଦ କୁ ଖୋଜିଲେ ତ
ପାଇବ କାହିଁ ।
୧୨୭)
ହସ ଶବ୍ଦର
ବୀପରିତ ଶବ୍ଦଟି
କାନ୍ଦ ଅଟଇ ।
୧୨୮)
କାଳିଆ ଜହ୍ନ
ନନ୍ଦୀଘୋଷେ ହସଇ
ଘୋଷ ଯାତ୍ରାରେ ।
~ ଦମୟନ୍ତୀ ରଥ
୧୨୯)
କପଟ ହସ
ବାହାରେ ସୁନ୍ଦରତା
ଭିତରେ ବିଷ ।
୧୩୦)
ଦୋଳିରେ ବସି
ରୁପସୀ ନାୟିକାଟି
ଦେଉଛି ହସି ।
୧୩୧)
ସରାଗ ହସ
ମଧୁମାଳତୀ ପରି
ସୁଗନ୍ଧ ବାସ ।
~ ସନ୍ତୋଷ କୁମାର ସାହୁ
୧୩୨)
ଦୁଃଖର ଝଡ
ଉତୁରି ଗଲାପରେ
ହସ ମୁଁହାଏ ।
୧୩୩)
ଖେଳେଇ ଗଲେ
ହସର ଇନ୍ଦ୍ରଧନୁ
ଝଲସେ ମୁହଁ ।
~ ଦୀପ୍ତି ମୁଣ୍ଡ
୧୩୪)
ଫୁଲ ର ହସ
ପାଖୁଡା ରଙ୍ଗ ଭରେ
ଭ୍ରମର ବଶ !
୧୩୫)
ହସ ର ଧାର
ଝରଣା ଝର ଝର
ଓଠ ସୁନ୍ଦର !
~ ଆଶୁତୋଷ ମେହେର
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें