ସାରସ୍ୱତ ହାଇକୁ କାବ୍ୟ ଯାତ୍ରା
ହାଇକୁ PROMPT
"ସ୍ୱପ୍ନ" / "ସପନ"
୧)
ମାଆର ମନ
ପୁଅ ପାଇଁ ସାଇତେ
ଅନେକ ସ୍ୱପ୍ନ ।
୨)
ହେଲାଣି ରାତି
କିଣାବିକା ଆରମ୍ଭ
ସ୍ୱପ୍ନ ଏଇଠି ।
୩)
ସଞ୍ଜ ନଇଁଛି
ସ୍ୱପ୍ନ ନେଇ ରାତିରେ
ଜହ୍ନ ଆସିଛି ।
~ ପ୍ରଦୀପ କୁମାର ଦାଶ
୪)
ଅନେକ ସ୍ବପ୍ନ
ଆଖିରେ ଥାଏ ଭରି
ସାରା ଜୀବନ ।
୫)
ପାହାନ୍ତି ସ୍ବପ୍ନ
ହୁଅଇ ସତ କିଛି
କଥାରେ ଅଛି ।
୬)
ସ୍ବପ୍ନ ନଅରେ
ତୋଳିଛି ଏକ ଘର
ମନରେ ମୋର ।
୭)
ନିଦ ସହରେ
ବିଭୋର ସ୍ବପ୍ନ କେତେ
ଫୁଲ ବନରେ ।
~ ସମିତା ସ୍ବାଇଁ
୮)
ସପନେ ସଖୀ
ଭାରି ମୁଁ ଖୁସିହୁଏ
ତୁମକୁ ଦେଖି।
୯)
ଖୋଲା ଆଖିରେ
ସପନ ଦେଖ ତା'କୁ
କର ସତରେ ।
~ ସୁଧୀର କୁମାର ପଣ୍ଡା
୧୦)
ପ୍ରତ୍ୟେକ ଦିନ
ସ୍ଵପ୍ନ ଦେଖେ ମଣିଷ
ଯେ' ଭିନ୍ନ ଭିନ୍ନ ।
୧୧)
ପବିତ୍ର ମନ
ଥିଲେ ସର୍ବଦା ଦେଖ
ସୁନ୍ଦର ସ୍ଵପ୍ନ !
୧୨)
ପ୍ରଭୁଙ୍କୁ ଧ୍ୟାନ
କର୍ମ ପ୍ରବଣେ ପୂର୍ଣ୍ଣ
ହେବ ସପନ ।
~ ଶମ୍ଭୁନାଥ ଦାସ
୧୩)
ବିଶାଳ ସ୍ୱପ୍ନ
ଭିଜି ଯାଇଛି ଖଟ
ରାତି ନିଅଣ୍ଟ ।
୧୪)
ଦିନର ସ୍ୱପ୍ନ
କୁହେଳିକାରେ ଭର୍ତ୍ତି
ବାତୁଳ ମନ ।
~ ରାଜେଶ କୁମାର ମୁଣ୍ଡ
୧୫)
ସ୍ୱପ୍ନ ବଣିକ
ଥିଲ ଗୋ ସାଜି ତୁମେ
ହେ ପ୍ରତାରକ !
୧୬)
ବୁଣି ସପନ
ଚାଲି ଗଲ ଦୂରକୁ
ରହି ମଉନ ।
୧୭)
ମୋ ସପନର
ମିଛ ଖେଳନା ଘର
ଭାଙ୍ଗିଯାଏରେ ।
୧୮)
ସପନେ ଆସ
ରାଜକୁମାର ମୋର
ମୂଲକୀ ହସ ।
୧୯)
ସପନ ଭାଂଗି
କାହିଁ ନାଇ ଯଅ ଗୋ
ପାଖେ ଥ ବସି ।
~ ପ୍ରତିମା ମେହେର
୨୦)
ଆସିବ ବୋଲି
କଥା ଦେଇ ଆସି ନା
ସ୍ୱପ୍ନ ମୋ ଭାଙ୍ଗି ।
~ ଦୟାସାଗର ପଟେଲ
୨୧)
ସ୍ୱପ୍ନ ରାଇଜ
ପକ୍ଷୀରାଜ ଘୋଟକ
ଚଞ୍ଚଳ ମନ ।
୨୨)
ସପନ ତୁଟେ
ମାଁ'ର ଅକର୍ମା ଡାକ
ସୁରୁଜ ଉଁଏ ।
୨୩)
ଖଣ୍ଡିତ ସ୍ୱପ୍ନ
ରାତ୍ରିର ଅନ୍ଧକାରେ
ପୁଣି ପୂର୍ଣ୍ଣାଙ୍ଗ ।
୨୪)
ସ୍ୱପ୍ନ ସୁନ୍ଦର
ବଞ୍ଚିବା ରାହାଦିଏ
ଲକ୍ଷ୍ୟ ଭେଦରେ ।
୨୫)
ପାର୍ଥର ଲକ୍ଷ୍ୟ
ପାଞ୍ଚାଳୀ ଆଖି ସ୍ୱପ୍ନ
ମୀନ ନୟନ ।
୨୬)
ଦର୍ଦ୍ଦୁର ଡାକ
ବିଭାବରୀ ଝଙ୍କାର
ସ୍ୱପ୍ନ ବିଭୋର ।
୨୭)
ବିଦଗ୍ଧ ସ୍ୱପ୍ନ
ଝିଙ୍କାରିର ଝଙ୍କାର
ଆକୁଳ ନେତ୍ର ।
୨୮)
ସ୍ୱପ୍ନରେ ତାଜ
କାଲାମଙ୍କର ବାଣୀ
ବଞ୍ଚିବା ଆଶା ।
୨୯)
ନୌକା ବିହାର
ମହାନଦୀ ବୁକୁରେ
ସ୍ୱପ୍ନ ଅଳିକ ।
୩୦)
କବି କଳ୍ପନା
ଲେଖନୀରେ ଝଙ୍କୃତ
ବାସ୍ତବ ସ୍ୱପ୍ନ ।
~ ରମାକାନ୍ତ ସତପଥି
୩୧)
ସ୍ବପ୍ନ ରାଇଜେ
ଘୂରି ବୁଲେ ମୋ ମନ
ପ୍ରିୟା କୁ ଖୋଜେ ।
୩୨)
ସ୍ବପ୍ନ ସୁନ୍ଦରୀ
ପ୍ରିୟା ତୁ ଆ ମୋ ପାଶେ
ସରଗ ପରୀ ।
୩୩)
କରିଲେ ଶ୍ରମ
ନିଶ୍ଚିତ ଭବିଷ୍ୟତ
ବାସ୍ତବ ସ୍ବପ୍ନ ।
୩୪)
ଦିବା ସ୍ୱପ୍ନରେ
କୁହୁଡି ପହଁରିବା
ଭାବନା ତୁଛ ।
୩୫)
କବି ର ସ୍ବପ୍ନ
ମରତେ ପାରିଜାତ
ବାସ୍ତବ ଲାଗେ ।
୩୬)
ସ୍ବପ୍ନ ରେ ଆସି
କାନେ ମୋ କହିଦେଲ
ତୁ ମୋ ପ୍ରେୟସୀ ।
୩୭)
ସ୍ବପ୍ନେ ବିଭୋର
ମନଟା ଆନମନା
ମୋ ପ୍ରେମ ପାଇଁ ।
୩୮)
ସ୍ବପ୍ନ ଆଦେଶ
ପ୍ରଭୁ ଦେଲେ ଇସାରା
ମୋ ପୂଜା କର ।
୩୯)
ସ୍ବପ୍ନ ରେ ଆସି
କରୁଣାମୟୀ ମାଆ
ଦେଲେ ଆଉଁସି ।
୪୦)
ସ୍ବପ୍ନର କଥା
ସତ ମାନିବ ନାହିଁ
ଅଳୀକ ମାୟା ।
~ ବାସନ୍ତୀ ଦେଈ
୪୧)
ରାତି ସପନ
ଦେଖି ଦେଖି ସକାଳ
ପାହି ଗଲାନ ।
୪୨)
ସ୍ବପ୍ନ ରାଇଜ
ବିଚରଣ କରୁଛି
ମୋ ମନ ଆଜି ।
୪୩)
ଆଖି ସପନ
ଆଖିଏ ଭରି ବିତେ
ମୋର ଜୀବନ ।
୪୪)
ସ୍ବପ୍ନ ସୁନ୍ଦରୀ
କେବେ ଦେଖା ଦିଏନି
ଭାରି ଚାତୁରୀ ।
୪୫)
ଦେଖିବା ସ୍ବପ୍ନ
ଯାହା ଶୋଇଦେବନି
ରାତି ଓ ଦିନ ।
~ ଜୟରାମ ସାହୁ
୪୬)
ସପନ୍ ଦେଖ୍'ଲେ ହୁଁ
ଅଟକ୍ ନାଇଁ ଖଟ୍ ଛାଡ୍
ଏକ୍'ଲିଆ ନର୍ଦ ।
୪୭)
ଗୁଟେ ସୁରେ ନ
ହୀରାକୁଦ୍ ପାଏନ୍ ଯେନ୍ତା
ସିଧା ସନ୍'ପୁର ।
~ ଆର. ବରସାନା ନନ୍ଦିନୀ
୪୮)
ସପନ ଦେଖ
ଦେଖିବନି ରାତିରେ
ଦିନରେ ଦେଖ ।
୪୯)
ଜୋଛନା ରାତି
ସପନ ଦେଖୁ ଦେଖୁ
ପାହିଲା ରାତି ।
~ ଡମ୍ବରୁଧର ବାଗ
୫୦)
ସ୍ବପ୍ନ ଅଧୁରା
ପ୍ରିୟା ଓଠ ଧାରେ ସେ
ହସ ଫୁଆରା ।
୫୧)
ଆଖି ପୁରିଲା
ଇନ୍ଦ୍ରଧନୁ ଭିତରେ
ସ୍ବପ୍ନ ହସିଲା ।
୫୨)
ସପନ ରାନି
ଶାଗୁଆ ଖେତ ଧାରେ
ଝରନ ପାନି ।
୫୩)
ପାଏନ ବୁନ୍ଦା
ଫୁଲର ପାଖୁଡା ନ
ସପନ ବନ୍ଧା ।
~ ଆଶୁତୋଷ ମେହେର
୫୪)
ସମୟ କାହିଁ
ଖଟିଖିଆ ଜୀବନ
ଭଙ୍ଗା ଦର୍ପଣ ।
୫୫)
ଗତି କୁଆଡ଼େ
ଜଣା ପଡୁ ନାହିଁ ଯେ
ସ୍ୱପ୍ନ ଯୁଆଡ଼େ ।
~ ନନ୍ଦିନୀ ଶତପଥୀ
୫୬)
ହାଦେ ଅଛେ ଦିନ୍
ଆସିଗଲା ଅଗୟା
ସପନ୍ ଦେଖୁଥା ।
୫୭)
ସତେ ନାଇଁ ବୋ
ହଏବୋ ଭରି ଶହେ
ମଙ୍ଗଲ୍ ଗ୍ରହ ଥି ।
~ ଉତ୍ତମ ହୋତା
୫୮)
ଉଦ୍ଦାମ ଶିଶୁ
ଭବିଷ୍ୟତର ସ୍ୱପ୍ନ
ରୁଦ୍ଧିମନ୍ତ ଶ୍ରୀ ।
୫୯)
କୁମାରୀ ମନ
ସ୍ୱପ୍ନ ରାଜକୁମାର
ଜହ୍ନ ରାଇଜ ।
୬୦)
ଭଞ୍ଜୀୟ ପ୍ରେମ
ପ୍ରେମ ସୁଧାନିଧିରେ
ସ୍ୱପ୍ନ କୁମାର ।
୬୧)
ମାଁ ଆଖି ସ୍ୱପ୍ନ
ସୁସ୍ଥ ଓ ନିରାମୟ
ଷଠୀ ପୂଜନ ।
୬୨)
ମିସାଈଲ୍ ସ୍ୱପ୍ନ
ମିସାଈଲ୍'ର ମଣିଷ
ସୁରକ୍ଷା ଉତ୍ସ ।
୬୩)
ଘଞ୍ଚ ଜଙ୍ଗଲ
ଅପହଞ୍ଚ ସ୍ୱପ୍ନର
ପାହାଡ଼ ପାରେ ।
୬୪)
ଥାଳିରେ ଯୁଦ୍ଧ
କ୍ଷୁଧା ଆଉ ମଣିଷ
ନିଷିଦ୍ଧ ସ୍ୱପ୍ନ ।
୬୫)
ନିସ୍ତବ୍ଧ ରାତ୍ରୀ
ବିଭୋର ସରସୀଜ
ଆଖିଏ ସ୍ୱପ୍ନ ।
୬୬)
ହୃତ ଗୌରବ
ଇତିହାସ, ଅତୀତ
ଦୁର୍ଲଭ ସ୍ୱପ୍ନ ।
୬୭)
ଦୁଃସ୍ୱପ୍ନ ଦୁର
ଲାକ୍ଷାରଞ୍ଜିତ ପଦ
ନଦୀ ପାବଚ୍ଛ ।
~ ମନୀଷା ମିଶ୍ର
୬୮)
ସ୍ବପ୍ନ ଗୁଡ଼ିକ
ଶୋଇକି ଦେଖୁଥିଲେ
ଲାଗଇ ସତ !
~ ବିଶ୍ବନାଥ ଭୁଏ
୬୯)
ଦେଖୁଁ ସପନ
ଭାରତ ମାଁ ର ସେବା
ହେବା ପୂରନ ।
୭୦)
ମାଆର ସେବା
ସପନ ଟେ ଦେଖଲେ
ପୁଇଁନ ହେବା ।
~ ମୁକ୍ତେଶ୍ୱର ପଧାନ
୭୧)
ଚନ୍ଦ୍ରିକା ରାତି
ପ୍ରିୟା ମନରେ ଜାଗେ
ସପନ ଅତି ।
୭୨)
ନିତି ସପନେ
ତୁମର ଚିତ୍ରପଟ
ଦେଖେ ଗୋପନେ ।
୭୩)
ସ୍ଵପ୍ନ ସୁନ୍ଦରୀ
ନିଦ ର ସବାରୀ ରେ
ପୁଲକ ଭରି ।
୭୪)
ଅଳସୀ ପ୍ରିୟା
ନୁପୁରର ଛନ୍ଦରେ
ସ୍ୱପ୍ନ ନାୟିକା ।
୭୫)
ପ୍ରିୟାର ମନ
ଦେଖେ ମୋ ପାଇଁ ନିତି
ସୁଖ ସପନ ।
୭୬)
ତନ୍ଦ୍ରା ରାତିରେ
ଆଖିର ସ୍ଵପ୍ନ କିଛି
ଓଠ ପିଏରେ ।
୭୭)
ସ୍ଵପ୍ନ ମୋହର
ଦୃଢ ମନୋବଳେତ
ହେବ ସାକାର ।
୭୮)
ଅବୋଧ ଶିଶୁ
ମନରେ ଭରିଥାଏ
ସ୍ଵପ୍ନ ଅନେକ ।
୭୯)
ରାଜକୁମାରୀ
ସ୍ୱପ୍ନ ମହଲରେ ତା
ଭାବନା ଭାରି ।
୮୦)
ଜହ୍ନ ରାତିରେ
ସପନେ ମୁଁ ହଜେରେ
ପ୍ରିୟା ସାଥୀରେ ।
୮୧)
କୁଆଁରୀ ମନ
ଦିନରେ ଦେଖୁଥାଏ
ମିଠା ସପନ ।
୮୨)
ମାଆର ସ୍ଵପ୍ନ
ରହିଗଲା ଅଧୁରା
ହେଲା ଅପୂର୍ଣ୍ଣ ।
୮୩)
ପାହାନ୍ତି ସ୍ଵପ୍ନ
ସୁନେଲି ପ୍ରଭାତରେ
ମନ ଆନନ୍ଦ ।
୮୪)
ସ୍ଵପ୍ନ ସହରେ
ରଙ୍ଗୀନ ପ୍ରଜାପତି
ପ୍ରିୟାର ମନ ।
୮୫)
ଭଙ୍ଗା ଆଇନା
ସପନ ଭାଙ୍ଗିଯାଇ
ହୋଇଲା ଚୁନା ।
୮୬)
ତା ନୀଳ ଆଖି
ନିତି ସ୍ଵପ୍ନରେ ମୋତେ
ନେଉଛି ଡାକି ।
୮୭)
କଇଁର ମନ
ଚାନ୍ଦ ପ୍ରୀତି ପାଇଁ ସେ
ଦେଖେ ସପନ ।
୮୮)
କାଳିଆ ହାତୀ
ମୋ ସପନେ ଜାଗଇ
ଅନେକ ଭିତି ।
୮୯)
ସୁଖ ସପନ
ତୁଟି ମୋ ଯାଉଅଛି
ଦିନକୁ ଦିନ ।
୯୦)
ରାଜକୁମାରୀ
ଫୁଲର ସବାରି ରେ
ସପନ ଭରି ।
୯୧)
ଜହ୍ନ ରାତିରେ
ଭରା ସ୍ୱପ୍ନେ ଆସିଛି
ନିଦ ମାଉସୀ ।
୯୨)
ନେବାରେ ଯତ୍ନ
ଶିଶୁ ଙ୍କ ଭବିଷ୍ୟତ
ଆମରି ସ୍ଵପ୍ନ ।
~ ଦମୟନ୍ତୀ ରଥ
୯୩)
ଦେଖ ସପନ
ବାସ୍ତବ ରୂପରେ6ଖ
କର ପୂରଣ ।
୯୪)
ଯଦି ସପନ
ନହୁଅଇ ପୂରଣ
ବିରଷ ମନ ।
୯୫)
ଜମା କରନା
ବାରମ୍ବାର ଚେଷ୍ଟାରେ
କେବେ ହାରେନା ।
~ ସୁଧାଞ୍ଜଳି ମିଶ୍ର
୯୬)
ସ୍ୱପ୍ନ ସମୁଦ୍ରେ
ଜୀବନ ଉବୁଟୁବୁ
ସବୁ ସମୟେ ।
୯୭)
ସ୍ୱପ୍ନ ଚଢ଼େଇ
ଆନନ୍ଦେ ଉଡ଼ୁ ଥାଏ
ଆଖି ଆଗ ରେ !
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
୯୮)
ରାତି ଅନ୍ଧାରେ
ଅବଚେତନ ମନେ
ସ୍ବପ୍ନ ଆସଇ ।
୯୯)
ମିଳନ ଆଶା
ସ୍ବପ୍ନ ପରି ସତେକି
ଯିବ ମିଳେଇ ।
୧୦୦)
ସ୍ବପ୍ନ ସହରେ
ପ୍ରାପ୍ତିର ଅଭିଳାଷା
ପୂର୍ଣ୍ଣ ହୁଅଇ ।
~ ନିବେଦିତା ମହାପାତ୍ର
୧୦୧)
ଆଖି ପଲକେ
ସପନ ଅସୁମାରୀ
ରଖ ସାଇତି ।
୧୦୨)
ନିଦ ମାଉସୀ
ସପନ ଦିଏ ବୁଣି
ରାତି ରେ ଆସି ।
~ ରତ୍ନ ପ୍ରଭା ସିଂ
୧୦୩)
ରାତିର ସ୍ୱପ୍ନ
କେବେ ସତ ହୁଏନି
ହେଲେବି ମଗ୍ନ ।
୧୦୪)
ରାତିର ସ୍ୱପ୍ନ
ପ୍ରାତଃ ନିଦ ଭାଙ୍ଗିଲେ
ହୁଅଇ ଭଗ୍ନ ।
୧୦୫)
ରାତିର ସ୍ୱପ୍ନ
କେବେବି ଭାଙ୍ଗିଯାଏ
ନ ଦେଖେ ଲଗ୍ନ ।
୧୦୬)
ରାତିର ସ୍ୱପ୍ନ
ନିଦ ଭାଙ୍ଗିଲା ପରେ
ନ ଥାଏ ଚିହ୍ନ ।
୧୦୭)
ରାତିର ସ୍ୱପ୍ନ
ଦୁଃଖଭରା ହେଲେ ବି
ନ ଘଟେ ବିଘ୍ନ ।
~ ଦୟାନନ୍ଦ ଶବର
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें