~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ନାରୀ"
~ 0 ~
୦୧)
ନୁହେଁ ସାମଗ୍ରୀ
ନାରୀ କୂଳ ଳହରୀ
ପୂଣ୍ୟର ଛାଇ ।
୦୨)
ନୁହେଁ ଦୁର୍ବଳା
ଶକ୍ତି ସ୍ୱରୂପିଣୀ ମା'
ଜଗତ ଜିତା ।
୩)
ନାରୀ ତ ଫୁଲ
ସଦା ସ୍ନେହ ଝରାଏ
ମହକେ ଘର ।
~ ପ୍ରଦୀପ କୁମାର ଦାଶ
୪)
ହେ ମହାନ୍ ନାରୀ
ତୁ ଚିର ବନ୍ଦନୀୟା
ସବୁ ତୁ ହିଁ ତୁ ।
୫)
ଅବଳା ନୁହେଁ
ଶକ୍ତି ପ୍ରଦାୟିନୀ ତୁ
ଚିର ନମସ୍ୟା ।
~ ରାଜେଶ କୁମାର ମୁଣ୍ଡ
୬)
ନାରୀ ଭଗିନୀ
ନାରୀ ଦୁହିତା, ପତ୍ନୀ
ନାରୀ ଜନନୀ ।
୭)
ନାରୀ ନୁହଇ
ଭାରୀ କାହା ପାଇଁକି
ଯିଏ ଜାଣଇ ।
୮)
ନାରୀ ପୂଜନ
ସଂସାରରେ ଅଟଇ
ସବୁଠୁ ପୁଣ୍ୟ ।
୯)
ଆଜିର ନାରୀ
ଭାବିଥାନ୍ତି ନିଜେହିଁ
ନିଜକୁ ଭାରି ।
~ ମୁକ୍ତେଶ୍ଵର ପଧାନ
୧୦)
ସହନଶୀଳା
ମମତାର ସ୍ବରୂପ
ଅଟେ ଅବଳା ।
୧୧)
ନାରୀ ସମ୍ମାନେ
ଦେବତା ବିଚରଣ
ଆନନ୍ଦ ମନେ ।
୧୨)
ସମାଜ ପଥେ
ନରନାରୀ ଦ୍ବିଚକ୍ରେ
ଗଡଇ ରଥ ।
୧୩)
ନାରୀର ଶିକ୍ଷା
ପରିବାର ରକ୍ଷକ
ଦେଶ ସୁରକ୍ଷା ।
୧୪)
ଯୌତୁକ ପ୍ରଥା
ସମାଜରେ ନାରୀକୁ
ଦେଉଛି ବ୍ୟଥା ।
୧୫)
ଝିଅ ଭଉଣୀ
ଶାଶୂବୋହୂ ଜନନୀ
ନାରୀ ଘରଣୀ ।
୧୬)
ମରେ ରାବଣ
ସତୀ ନାରୀଙ୍କର ସେ
କରି ହରଣ ।
୧୭)
ନାରୀ ଧର୍ଷଣ
ସମାଜରୁ ସମୂଳେ
ଦୂରୀକରଣ ।
୧୮)
ମାଆ ରୂପରେ
ଶିଶୁପାଇଁ ଦେବତା
ନାରୀ ସଂସାରେ ।
୧୯)
ଘର ମଧ୍ୟରେ
ନାରୀ ଆବଦ୍ଧ ନୁହେଁ
କଳି ଯୁଗରେ ।
~ ଜୟରାମ ସାହୁ
୨୦)
ତୁ,ବନ୍ଦନୀୟା
ସର୍ବସଂହା ଗୋ ନାରୀ
ଜନନୀ ଜାୟା ।
୨୧)
ଜଗତଜିତା
ନାନା ନାମେ ନାରୀ ତୁ
ଅପରାଜିତା ।
୨୨)
ଉପମା ତୋ'ରି
ନାହିଁ ବଖାଣିବାକୁ
ଶକତି ମୋ'ରି ।
~ ପ୍ରତିମା ମେହେର
୨୩)
ମାତା ଯଶୋଦା
ବାତ୍ସଲ୍ୟ ପ୍ରେମଧାରା
ନାରୀ ବରେଣ୍ୟା ।
୨୪)
ଶକ୍ତି ସ୍ୱରୂପା
ନାରୀ ତୁ ନାରାୟଣୀ
ଗୌରୀ, ଅମ୍ବିକା ।
୨୫)
ରାମା ରୂପରେ
କାନନେ ବିଚରଣ
ନାସା ଛେଦନ ।
୨୬)
କାଞ୍ଚନ ମୃଗ
କାମିନୀ, କାମରୂପା
ଲକ୍ଷ୍ମଣ ରେଖା ।
୨୭)
ପତ୍ନୀ ରୂପରେ
ନାରୀ ତ ସର୍ବଂସହା
ସୃଷ୍ଟି ଆରମ୍ଭ ।
୨୮)
ରମ୍ଭା, ଉର୍ବଶୀ
ରମଣୀ ଇନ୍ଦ୍ରଲୋକେ
ସ୍ୱର୍ଗ ଭୂବନ ।
୨୯)
ଗାର୍ଗୀ, ଅପାଲା
କଣ୍ଠରେ ସରସ୍ବତୀ
ବିଦୁଷୀ ନାରୀ ।
୩୦)
ଯମ ନିରସ୍ତ
ସାବିତ୍ରୀ ପତିବ୍ରତା
ଅହିଅ ନାରୀ ।
୩୧)
ଆଧୁନିକତା
ସ୍ୱପ୍ନ ଯେ ଅସୁମାରୀ
ନାରୀ ଲୁଣ୍ଠିତା ।
୩୨)
ସଂସ୍କୃତ ନାରୀ
ଐତିହ୍ୟ ପରମ୍ପରା
କୂଳ ଗୌରବ ।
~ ରମାକାନ୍ତ ସତପଥି
୩୩)
ସୃଷ୍ଟି କର୍ତା ସେ
ପାଳନ କର୍ତା ପୁଣି
କଲ୍ୟାଣୀ ନାରୀ ।
୩୪)
କୋମଳ କାୟା
ଭୀରୁ ହୃଦୟା ନାରୀ
ଶକ୍ତି ଅସୀମ ।
~ ରତ୍ନ ପ୍ରଭା ସିଂ
୩୫)
ନ ଅରି ନାରୀ
ଦୁହି କୂଳକୁ ହିତା
ଜଗତମାତା ।
~ ପୁସ୍ତମ୍ ଯୁଆଡି
୩୬)
ନାରୀ ପ୍ରତିମା
ସୀମାକୁ ଜଗି ସହେ
ଲଙ୍ଘିଲେ ଦଂଶେ ।
୩୭)
ଶକ୍ତିର ମୂଳ
ସୃଷ୍ଟିକୁ ନିଏ ବାହି
ଜୀବନ ହସେ ।
~ ରଞ୍ଜନ ଜେନା
୩୮)
ନର ଓ ନାରୀ
ପରିପୂରକ ଦୁହେଁ
ହୋଇ ସଂସାରୀ ।
୩୯)
ନାରୀ ମହାନ
ସୃଷ୍ଟି ସଂରଚନାରେ
ବିଧି ବିଧାନ ।
~ ଶମ୍ଭୁନାଥ ଦାସ
୪୦)
ଦୁର୍ବଳ ଶକ୍ତି
ଭାବନାହିଁ ନାରୀକୁ
କରିବ ଭକ୍ତି ।
୪୧)
ଆଦର୍ଶ ନାରୀ
ପରିବାର ସମସ୍ୟା
ଦିଏ ସୁଧାରି ।
୪୨)
ଶିକ୍ଷିତ ନାରୀ
କର୍ମ କ୍ଷେତ୍ରରେ ଆଜି
ନୁହେଁ ବେକାରୀ ।
~ ସନ୍ତୋଷ କୁମାର ସାହୁ
୪୩)
ତୁ ସେଇ ନାରୀ
ମୋ ପ୍ରେରଣା ଦାୟିନୀ
ମାନସ କନ୍ୟା ।
୪୪)
ନାରୀ ପାଇଁ ତ
ଘଟିଛି ମହାଯୁଦ୍ଧ
ଇତିହାସରେ ।
~ ରାଜେଶ କୁମାର ମୁଣ୍ଡ
୪୫)
ନାରୀ ପୁରୁଷ
ଗୋଟିଏ ମୁଦ୍ରାର ସେ
ଦୁଇଟି ପାର୍ଶ୍ବ ।
୪୬)
ନାରୀ ସୁଲଭ
ଗୁଣରେ ଅଳଂକୃତା
ସଦା ବନ୍ଦିତା ।
୪୭)
ବୀରା ରମଣୀ
ଦେଶଜାତି ପାଇଁ ତା
ହାତ ରେ ଖଡ୍ଗ ।
୪୮)
ବନିତା ଲତା
ବିନା ଆଶ୍ରେ ନ ବର୍ତ୍ତନ୍ତି
କବି କବିତା ।
୪୯)
ନାରୀ ର ରୂପ
କବି ଲେଖନୀ ମୁନ
ଚଳଚଞ୍ଚଳ ।
୫୦)
ଜଡ଼ ଚେତନ
ଜଗତ ମୂଳାଧାର
ପ୍ରକୃତି ରାଣୀ ।
୫୧)
ମାତା ଭଗିନୀ
ଜାୟା କନ୍ୟା ରୂପରେ
ନାରୀ ଭୂଷିତା ।
୫୨)
କୈକେୟୀ ମାଆ
ରାମ ସ୍ନେହରେ ଅନ୍ଧ
ମହାନ ନାରୀ ।
୫୩)
କରୁଣାମୟୀ
ସର୍ବସଂହା ଜନନୀ
ସୃଷ୍ଟି କାରିଣୀ ।
୫୪)
ଦୁହିତା ନାରୀ
ଦୁଇ କୁଳକୁ ହିତା
ପ୍ରିୟ ସବୁରି ।
~ ବାସନ୍ତୀ ଦେଈ
୫୫)
ନାରୀ ନାୟିକା
ଦୁନିଆ ରଙ୍ଗମଞ୍ଚରେ
ଭିନ୍ନ ଦୃଶ୍ଯରେ ।
୫୬)
ନାରୀ ପ୍ରକୃତି
ଅମ୍ଳାନ ତାର କୀର୍ତ୍ତି
ମମତା ମୂର୍ତ୍ତି ।
୫୭)
ନାରୀ ଋତୁଟେ
ନୁହେଁ ସେ ବର୍ଷା,ଶୀତ
ଚିର ବସନ୍ତ ।
୫୮)
ନାରୀ ଜନନୀ
ବାସ୍ନାୟିତ ତୁଳସୀ
ସଦା କଲ୍ଯାଣୀ ।
୫୯)
ନାରୀ ଦୁହିତା
ଜୀବନେ ସ୍ବୟଂସିଦ୍ଧା
ସେ ଅଭିପ୍ରୀତା ।
୬୦)
ନାରୀ ସାବିତ୍ରୀ
ଦେବୀ ନୁହେଁ ମାନବୀ
ସେ ଦୟାବତୀ ।
୬୧)
ନାରୀ ପ୍ରେରଣା
ସାନ୍ତ୍ବନାର ସେ ଶକ୍ତି
ଶ୍ରଦ୍ଧା ଧୈର୍ଯ୍ଯର ।
୬୨)
ନାରୀ ଅମୃତା
ସର୍ବସଂହା ବସୁଧା
ପ୍ରେମର ସୁଧା ।
୬୩)
ନାରୀ ପଣତ
ଏତେ ସେ ପରିବ୍ଯାପ୍ତ
ନଥାଏ ସୀମା ।
୬୪)
ନାରୀ ଟିଏ ମୁଁ
ସକାଳ ସଜଫୁଲ
ସଂଧ୍ୟାର ଦୀପ ।
୬୫)
ନାରୀ ବିଦୁଷୀ
ଜ୍ଞାନ ଗାରିମା ମୟୀ
ସ୍ବୟଂ ସଂପୂର୍ଣ୍ଣା ।
୬୬)
ନାରୀ କଣ୍ଡେଇ
ସୋ କେଶ ର ଭିତରେ
ଡ୍ରଇଁରୁମ ରେ ।
~ ସମିତା ସ୍ବାଇଁ
୬୭)
ହାଁଡ଼ି ମାକଡ୍'ଚିତ୍
ଘରବୁଡ଼ି ପାଏନ୍ ଆଁଠେ
ମାଏଝି କଡ଼ୋ ।
୬୮)
ଢଲିଆ ଖୁସା
ମାଏଝିର୍ ପରା ବୁଲା
ନାଇନ ତିରନ୍ ।
~ ମନୀଷା ମିଶ୍ର
୬୯)
ପୌରୁଷ ହତ
ବିଦୁଷୀ ଖନା, ନାରୀ
ଜିହ୍ୱା ଛେଦନ ।
୭୦)
ଶକ୍ତି ଦାୟିନୀ
ପୁରୁଷର ପ୍ରେରଣା
ନାରୀ ଅନନ୍ତ ।
୭୧)
ଯୁଦ୍ଧ ଓ ଶାନ୍ତି
ଭଙ୍ଗାଗଢ଼ା ସଂସାର
ନାରୀ କୈନ୍ଦ୍ରିକ ।
୭୨)
ତ୍ୟାଗ ପ୍ରତିମା
ଲହୁ ଲୁହାଣ ନାରୀ
ସହାସ୍ୟ ମୁଖ ।
୭୩)
ଝାନ୍'ସୀର ରାଣୀ
ନୀର୍ଭୟା, ବୀରାନାରୀ
ଦୃଢ଼, ଅଟଳ ।
୭୪)
ଶହସ୍ର ରୂପା
ସୃଜନ ଓ ସଂହାର
ନାରୀ ସଂକଳ୍ପ ।
୭୫)
ପେଟର କ୍ଷୁଧା
କର୍ତ୍ତବ୍ୟର ତାଡ଼ନା
ନାରୀ ନିଶ୍ଚଳ ।
୭୬)
ଲେଲିହାନ୍ ବହ୍ନି
ବ୍ୟଭିଚାର ସଂଘର୍ଷ
ନାରୀ ତାଣ୍ଡବ ।
୭୭)
ନାରୀ ଅଜେୟା
ଉଚ୍ଚାଭିଳାଷୀ ଶିର
କିର୍ତ୍ତି ସୃଜନ ।
୭୮)
ପାତାଳଗାମୀ
ଭୂଲୁଣ୍ଠିତା ସେ ନାରୀ
ଧ୍ୱଂସ ସଂସ୍କୃତି ।
~ ମନୀଷା ମିଶ୍ର
୭୯)
ସର୍ବଂସହା ତୁ
ଜାୟା ତୁ ଜନନୀ ତୁ
ଆଦ୍ୟନ୍ତ ବି ତୁ ।
୮୦)
ସଦା ବସନ୍ତ
ବୟସ କେଉଁ ଥାଏ
କବିତା ଲତା ।
~ ଲିଙ୍ଗରାଜ ପାତ୍ର
୮୧)
ସାରା ସଂସାର
ନାରୀ ବିନା ଜୀବନ
ସବୁ ଅସାର ।
୮୨)
ନାରୀ ର ସ୍ପର୍ଶ
ନ ବାଜିଛି ଯେଉଁଠି
ସେ ଅସଂପୂର୍ଣ୍ଣ ।
~ ଡମ୍ବରୁଧର ବାଗ
୮୩)
ନାରୀ ମହାନ
ଅନନ୍ୟା ଅନୁପମା
ଦେବୀ ସମାନ ।
୮୪)
ସେ ନାରୀ ମାତା
ସୃଷ୍ଟିର ଆଦିରୂପା
ସ୍ଥିତି ସଂହିତା ।
~ ସୁଧୀର କୁମାର ପଣ୍ଡା
୮୫)
ନାରୀକୁ ଚିହ୍ନ
ସ୍ରଷ୍ଟା ର ଶ୍ରେଷ୍ଠ ସୃଷ୍ଟି
ଦିଅ ସମ୍ମାନ ।
୮୬)
ଵିଟପୀ ନାରୀ
କାମନା ନିଆଁ ରେ ତା
ଉଜୁଡେ ଘର ।
୮୭)
ପଞ୍ଚ ସତୀଙ୍କୁ
ନିତ୍ୟ ଜଳ ଅର୍ପଣ
ପ୍ରାତଃ ସ୍ମରଣ ।
୮୮)
ସଂସାର ରଥେ
ନାରୀ ବିନା ପୁରୁଷ
ସାରଥୀ ଶୂନ୍ୟ ।
୮୯)
ସୁନା ସଂସାର
ସୁରୁଖୁରୁରେ ଚାଲେ
ନାରୀ କଲ୍ୟାଣୀ ।
୯୦)
ନାରୀ ମୂର୍ତ୍ତି ରେ
ସର୍ବାଙ୍ଗେ ମାଦକତା
ଶିଳ୍ପୀ ତୂଳୀରେ ।
୯୧)
ଫୁଲ ଗଜରା
କେଶ ବିନ୍ୟାସେ ନାରୀ
ସ୍ବର୍ଗ ଅପ୍ସରା ।
୯୨)
ନାରୀ ଟି ଦେବୀ
ପୁରୁଷ କାମନା ର
ନୁହେଁ ସେ ଭୋଗ୍ୟା ।
୯୩)
ପଦ୍ମିନୀ ନାରୀ
ସର୍ଵଗୁଣ ସମ୍ପୂର୍ଣ୍ଣା
ତୁଳନା ନାହିଁ ।
~ ବାସନ୍ତୀ ଦେଈ
୯୪)
ଶୀତଳ ନାରୀ
ଜଳି ସତ, ଅଥଚ
ଚନ୍ଦ୍ରମା ପରି ।
୯୫)
ନିଜ ଠିକଣା
ନିଜକୁ ହିଁ ଅଜଣା
ନାରୀ ଗହଣା ।
~ ଦୀପ୍ତି ମୁଣ୍ଡ
୯୬)
ଆହେ ଅନନ୍ୟା
ନାରୀ ତୁ ନାରାୟଣୀ
ସୃଷ୍ଟି କାରିଣୀ ।
୯୭)
ନାରୀ ପାଠୋଇ
ସବୁ କ୍ଷେତ୍ରରେ ଦେଶ
ଯିବ ଆଗେଇ ।
୯୮)
ସ୍ନେହ ଦାୟିନୀ
ପ୍ରେରଣା ମନ୍ଦାକିନୀ
ସମ୍ପୁର୍ଣ୍ଣା ନାରୀ ।
୯୯)
ଯୌତୁକ ବ୍ୟାଧି
ନାରୀ ନିର୍ଯ୍ୟାତନା ରେ
ଜଳଇ ଜୁଇ ।
୧୦୦)
ଆଜିର ନାରୀ
ସର୍ବକ୍ଷେତ୍ରେ ଅଗ୍ରଣୀ
ସାରା ବିଶ୍ଵରେ ।
୧୦୧)
ଚରିତ୍ରହୀନା
ନାରୀ ସାଜିଲେ ହୁଏ
ବଦନାମରେ ।
୧୦୨)
ନାରୀ ପୁରୁଷ
ଗୋଟିଏ ମୁଦ୍ରାର ତ
ଦୁଇଟି ପାର୍ଶ୍ୱ ।
୧୦୩)
ଜାୟା ଜନନୀ
ନାରୀ ଏକାଧାର ରେ
ଭଗିନୀ ମଧ୍ୟ ।
୧୦୪)
ସୃଷ୍ଟି କଲ୍ୟାଣେ
ନାରୀର ଜନ୍ମ ଅଟେ
ଭୋଗେ ଯାତନା ।
୧୦୫)
ସନ୍ତାନ ସୁଖେ
ଶୋକ ର ମନ୍ଦାକିନୀ
ନାରୀ ଲୁହରେ ।
୧୦୬)
ନାରୀ ବିହୀନ
ଗୃହ ଅସୁନ୍ଦର ସେ
ସଂସାର ମଧ୍ୟେ ।
୧୦୭)
ରାମାୟଣ ରେ
ସତୀ ନାରୀ ରୂପରେ
ଜନକ କନ୍ୟା ।
୧୦୮)
ପୁରାଣ ଗାଥା
ନାରୀ ଚରିତ୍ର ସହ
ପୃଷ୍ଠା ମଣ୍ଡନ ।
୧୦୯)
ସଂସ୍କାର ଧାରା
ନାରୀ ଠାରୁ ଶିଖନ୍ତି
ପରିବାର ରେ ।
୧୧୦)
ପଦ୍ମିନୀ ନାରୀ
ପଦ୍ମ ସୁଗନ୍ଧ ଭରା
ଦେହର ବାସ ।
୧୧୧)
ଚାରି ଜାତୀୟା
ନାରୀ ର ରୂପ ଗୁଣ
ବର୍ଣ୍ଣେ ପୁରାଣ ।
୧୧୨)
ଶିକ୍ଷିତା ନାରୀ
ପରିବାର ଗଢେସେ
ଶିକ୍ଷିତ କରି ।
୧୧୩)
ଧରିତ୍ରୀ ସମ
ନାରୀ ସହନଶୀଳା
କ୍ଷମା ଦାୟିନୀ ।
୧୧୪)
ବହୁତ ପତ୍ନୀ
ନାରୀ ନିର୍ଯ୍ୟାତନା ର
କାରଣ ସିନା ।
୧୧୫)
ଅଧୁନା ନାରୀ
ଅଶ୍ଳୀଳ ପୋଷାକେ ସେ
ଆଭରଣ ରେ ।
୧୧୬)
ନାରୀ ମହାନ
ଅବଳା ଦୁର୍ବଳା ସେ
ନୁହେଁ ସଂସାରେ ।
୧୧୭)
ନାରୀପବାଦ
ସମାଜ ନଷ୍ଟଭ୍ରଷ୍ଟ
ଧ୍ଵଂସାଭିମୁଖୀ ।
୧୧୮)
ନାରୀ ନେତ୍ରୀ ସେ
ସରୋଜିନୀ ନାଇଡୁ
ଅହିଂସା ନୀତି ।
୧୧୯)
ଲାଜ ଆଇନା
ନାରୀ ର ଅଟେ ପରା
ଶ୍ରେଷ୍ଠ ଗହଣା ।
୧୨୦)
ନାରୀ ର ମନ
ଶୀତଳ ଜ୍ୟୋତ୍ସ୍ନା ପରି
ଭାରି ନିର୍ମଳ ।
୧୨୧)
ମାତୃତ୍ଵ ଝର
ନାରୀ ସଦା ନିର୍ଝର
ସନ୍ତାନ ପାଇଁ ।
୧୨୨)
ଦୁଷ୍ଟ ସଂହାରି
ଯୁଗେ ଯୁଗେ ନାରୀ ତ
ଅବତରଇ ।
୧୨୩)
କାମନା ବାଣେ
ନାରୀ ଧ୍ଵଂସ ପାଉଛି
ପୁରୁଷ ପାଇଁ ।
୧୨୪)
ନାରୀର ଗୀତି
ମଥା ନଇଁଯାଏ ତ
ଅଭୁଲା ସ୍ମୃତି ।
୧୨୫)
ପୁରୁଷ ପଛେ
ନାରୀର ହାତ ଥାଏ
ସବୁ କ୍ଷେତ୍ରରେ ।
~ ଦମୟନ୍ତୀ ରଥ
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें