ହାଇକୁ ସାଧନା ଖୋର୍ଦ୍ଧା
ସାରସ୍ୱତ ହାଇକୁ କାବ୍ୟ ଯାତ୍ରା ~ ୧୩ ~
ଇନ୍ଦ୍ରଧନୁ
ହାଇକୁ
୧)
ପୃଥିବୀ ବକ୍ଷେ
ସୁସଜ୍ଜିତ ତୋରଣ
ଦିଶେ ସୁନ୍ଦର ।
୨)
ଇନ୍ଦ୍ରଧନୁର
ସପ୍ତବର୍ଣିଳ ଆଭା
ମୁଗ୍ଧ ଦର୍ଶକ ।
୩)
ଜୀବନ ରଙ୍ଗ
ଇନ୍ଦ୍ରଧନୁର ଛାଇ
ଅଟେ କ୍ଷଣିକ ।
୪)
ପ୍ରକୃତି ଶିଳ୍ପୀ
ମାଧୁର୍ଯ୍ୟେ ଆଙ୍କିଛି ସେ
ଇନ୍ଦ୍ରଧନୁଟି ।
~ ବାସନ୍ତୀ ଦେଈ ଖୋର୍ଦ୍ଧା
୫)
ସପ୍ତ ରଂଗର
ଇନ୍ଦ୍ରଧନୁ କ୍ଷଣିକ
ଆକାଶେ ଦେଖ ।
୬)
କବି ବ୍ଯାକୁଳ
ଇନ୍ଦ୍ରଧନୁ କୁ ଦେଖି
ବର୍ଣ୍ଣିବେ ଚିତ୍ର ।
~ ଝୁମୁରୀ ସାହୁ, ଜଟଣୀ
୭)
ବର୍ଷା ଛାଡ଼ିଲା
ଆକାଶେ ଇନ୍ଦ୍ରଧନୁ
ରଙ୍ଗେଇ ଦେଲା ।
୮)
ଇନ୍ଦ୍ରଧନୁର
ବା ଘ ନି ସ ହ ନା ଲା
କେଡ଼େ ସୁନ୍ଦର ।
୯)
କବି ମାନସ
ଇନ୍ଦ୍ରଧନୁ କବିତା
ରଙ୍ଗର ରସ ।
୧୦)
ସୁଷମା ଶୋଭା
ସପ୍ତ ରଙ୍ଗ ଧନୁଷ
ବର୍ଣୀଳ ଆଭା ।
~ ଜ୍ୟୋତି ପ୍ରଭା ପଟ୍ଟନାୟକ
୧୧)
କି ମନଲୋଭା
ଆକାଶେ ଇନ୍ଦ୍ରଧନୁ
ପାଉଛି ଶୋଭା ।
୧୨)
ଇନ୍ଦ୍ରଧନୁର
ସାତ ରଙ୍ଗ ସମ୍ଭାର
କେତେ ସୁନ୍ଦର ।
~ ବାସନ୍ତୀ ମହାପାତ୍ର, ପୋଖରୀପୁଟ
୧୩)
ଇନ୍ଦିରଧନୁ
ଦେଖିଲେ ଥରେ ଆଉ
ଯାଏନା ମନୁ ।
୧୪)
ସପ୍ତ ରଙ୍ଗକୁ
ବୋଳେ ଇନ୍ଦ୍ରଧନୁ
ତୃପ୍ତ ମନକୁ ।
~ କବିତା କାନୁନଗୋ
୧୫)
ଇନ୍ଦ୍ର ଆୟୂଧ
କ୍ଷଣେ ଉଭେଇ ଯାଏ
ବର୍ଣ୍ଣ ବିବିଧ ।
୧୬)
ସାତଟି ରଙ୍ଗ
ଜୀବନେ ଆଙ୍କି ଦିଏ
ମନ ତରଙ୍ଗ ।
୧୭)
ଇନ୍ଦ୍ର ଧନୁଟି
କଳ୍ପନା ଭରିଦିଏ
ସୁନେଲି ଆଶା ।
~ ଆରତୀ ପ୍ରହରାଜ, ଭୁବନେଶ୍ୱର
୧୮)
ଇନ୍ଦ୍ର ଧନୁର
ସପ୍ତ ରଙ୍ଗ ସୁନ୍ଦର
କି! ମନୋହର ।
~ ଶୋଭାଗିନୀ ନନ୍ଦ, ଜୟପୁର
୧୯)
ହେ ଇନ୍ଦ୍ରଧନୁ
ରଙ୍ଗ ବୁଣି ଉଚ୍ଚାଟେ
ଜଳାନା ଆଉ ।
୨୦)
ପଶ୍ଚିମ ଦିଗେ
ତପନ, ଇନ୍ଦ୍ରଧନୁ
ବିରାଜେ ପୂର୍ବେ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ
୨୧)
ଭାଙ୍ଗି ପଡେ ମୁଁ
ଆଶାର ଇନ୍ଦ୍ରଧନୁ
ମନେ ସରଜେ ।
୨୨)
ଇନ୍ଦ୍ରଧନୁ ସେ
ସମୟ କାନ୍ଭାସରେ
ଜୀବନ ରଙ୍ଗ ।
୨୩)
ଭାବେ ବିଭୋର
ଇନ୍ଦ୍ରଧନୁ ରାଇଜେ
କରନ୍ତି ଘର ।
~ ବିଳାସିନୀ ଦାଶ, ଖୋର୍ଦ୍ଧା
୨୪)
ପ୍ରକୃତି କବି
ସପ୍ତରଙ୍ଗେ ଆଙ୍କିଛି
ଲଳିତ ଛବି ।
୨୬)
ହେ ଇନ୍ଦ୍ରଧନୁ
ଯାଦୁଭରା ରୂପ ତୋ
ନ଼ ଭୂଲେ ମନୁ ।
~ ମଧୁଛନ୍ଦା ଦାଶ
୨୭)
ଆକାଶ ଧରା
ମିଳନ ଫୁଲ ହାର
ତୁ ଇନ୍ଦ୍ରଧନୁ ।
୨୮)
ସରଗ ସିଡି
ସପ୍ତ ରଙ୍ଗ ବର୍ଣ୍ଣାଳୀ
ଇନ୍ଦ୍ରଧନୁଷ ।
~ ସସ୍ମିତା ବାରିକ୍
☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें