ହାଇକୁ ସାଧନା ଖୋର୍ଦ୍ଧା
ସାରସ୍ବତ ହାଇକୁ କାବ୍ୟ ଯାତ୍ରା ~ ୬ ~
ହାଇକୁ
ଜହ୍ନ
୧)
ଚନ୍ଦ୍ରମା କଇଁ
ନାହିଁ ମିଳନ ଆଶା
ଅଭେଦ ପ୍ରୀତି ।
୨)
ଜହ୍ନ ରାଇଜେ
ତୋଳିଛି ଘର ଏକ
ମୋ ପ୍ରିୟା ପାଇଁ ।
୩)
ଜୋଛନା ଢାଳେ
ଚନ୍ଦ୍ରମା ଦିବସାନ୍ତେ
ଶୀତଳ ସ୍ପର୍ଶ ।
୪)
କୁଆଁରୀ ଓଷା
ଜ୍ୟୋତ୍ସ୍ନା ବିଧୌଉତ
ପୂର୍ଣ୍ଣିମା ରାତି ।
୫)
ଶରଦ ଶଶୀ
ମୋ କହ୍ନେଇ ହାତରେ
ପଡରେ ଖସି ।
~ ବାସନ୍ତୀ ଦେଈ, ଖୋର୍ଦ୍ଧା
୬)
ଆ ଆରେ ଜହ୍ନ
ତୋତେ ଦେଖି କୁମୁଦ
ଆନନ୍ଦ ମନ ।
~ ଜ୍ୟୋତିପ୍ରଭା ପଟ୍ଟନାୟକ
୭)
ଚାନ୍ଦ ଆଗମେ
ପ୍ରୀତି ଭରା କୁମୁଦ
ଫୁଟେ ମଉନେ ।
୮)
ଶଶୀ ର ମାଟି
ବିଜ୍ଞାନ କଉଶଳେ
ରହିବା ସେଠି ।
~ ଆରତୀ ପ୍ରହରାଜ
୯)
ଜହ୍ନରେ ତୋର
ତାରା ମେଳେ ସୁନ୍ଦର
ଏକ ନଗର ।
୧୦)
ତୋ ଛାୟା ପଥେ
ଜହ୍ନ ନିତି ମେଳଣ
ରୋଷଣୀ ଵାଣ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ, ଖୋରଧା
୧୧)
ଜହ୍ନକୁ ଦେଖି
କଇଁ ସୁନ୍ଦରୀ ପ୍ରେମେ
ମେଲଇ ଆଖି ।
୧୨)
ଶରତ ନଭେ
ରାତିର କବରୀରେ
ଜହ୍ନଟି ଶୋଭେ ।
~ ବିଳାସିନୀ ଦାଶ, ଖୋର୍ଦ୍ଧା
୧୩)
କୁମୁଦ ପ୍ରିୟ
ନିଶିଥିନୀ ଚନ୍ଦ୍ରମା
ହୀରକ ଜ୍ଯୋତ୍ସ୍ନା ।
୧୪)
ରୂପେଲି ଜହ୍ନ
ତରଙ୍ଗାୟିତ ମନ
କଇଁ ଯୌବନ ।
~ ଶୋଭାଗିନୀ ନନ୍ଦ, ଜୟପୁର, କୋରାପୁଟ
୧୫)
ଆମ ବିଜ୍ଞାନ
ଜହ୍ନ ରେ ପାଦରଖି
ଆଣେ ସୁନାମ ।
~ ଜ୍ୟୋତିପ୍ରଭା ପଟ୍ଟନାୟକ
୧୬)
ଶରଦ ଶଶୀ
ଶୀତଳ ଜୋଛନା ତୋ
ଦିଅ ପରଶି ।
୧୭)
ଦିବସ ଅନ୍ତେ
କୈରବ ପ୍ରସ୍ଫୁଟିତ
ଚାନ୍ଦ ପରଶେ ।
~ ସସ୍ମିତା ବାରିକ୍, ବୋଲଗଡ଼
୧୮)
ଫୁଲେଇ ଜହ୍ନ
ଲାଜେ ଲାଜେ ହସଇ
ଚୋରେଇ ମନ ।
୧୯)
ସରଗ ଚାନ୍ଦ
ଦୂରେ ଥାଇ କିମ୍ପାଇ
ବାନ୍ଧୁ ମୋ ମନ ?
~ କବିତା କାନୁନଗୋ, ପୋଖରୀପୁଟ, ଭୁବନେଶ୍ୱର
୨୦)
ସରଗ ଚାନ୍ଦ
ପଡିଛି ଖସି ସତେ
ମୋ କୁନା ହାତେ ।
୨୧)
ନିଶାକର ସେ
ଶୀତଳ କିରଣ ତାର
ପୂର୍ଣ୍ଣମୀ ରାତି ।
୨୨)
ଜହ୍ନ ମାମୁଁର
ଦେଶକୁ ଯିବା ଚାଲ
ରକେଟ ଚଢି ।
୨୩)
ସାଧବ ଝିଅ
ମାଗଇ ତଅପୋଇ
ରୂପାର ଚାନ୍ଦ ।
୨୪)
ବର ମନାସି
କୁଆଁରୀ ବାଳିକାଏ
ଚାନ୍ଦ ପୂଜନ୍ତି ।
୨୫)
ଉଆଁସ ରାତି
ଚାନ୍ଦ ବିନା କଇଁ ର
ସରେନି ରାତି ।
୨୬)
ନିର୍ମଳ ଶଶୀ
ଶରତ ନଭେ ଦେଖି
ମନ ଉଛନ୍ନ ।
୨୭)
କୁଆଁର ଜହ୍ନ
ଫୁଲ ବଉଳ ବେଣୀ
ପୁଚିରେ ମନ ।
୨୮)
ମୋ ସୁନା ଝିଅ
ଗୋଟେ ଚାଉଳେ ଗଢା
ଚନ୍ଦ୍ରମା ପରି ।
୨୯)
ଚନ୍ଦ୍ରରେ ଅଛି
କେତେ କଳଂକ ହେଲେ
ସଫା ଜୋଛନା ।
୩୦)
ଘର କରିବି
ଲେଖିବି ତୋହରି ନାଁ,
ଜହ୍ନ ରାଇଜେ ।
~ ଝୁମୁରୀ ସାହୁ ଜଟଣୀ
୩୧)
ଜହ୍ନ ରେ ଜହ୍ନ
ତୋ ଦେହରେ କଳଙ୍କ
ତଥାପି ତୋଫା ।
୩୨)
ଜହ୍ନ ରାତିରେ
ସାଙ୍ଗସାଥୀରେ ଖେଳ
ଏବେ ସପନ ।
୩୩)
ପୂର୍ଣ୍ଣିମା ଜହ୍ନ
ଲାଜକୁଳୀ ପ୍ରେୟସୀ
ଦେଖେ ସପନ ।
~ ବାସନ୍ତୀ ମହାପାତ୍ର, ପୋଖରୀପୁଟ
୩୪)
ପୂର୍ଣ୍ଣିମା ଜହ୍ନ
ଚୋରାଇ ନେଲ ତୁମେ
କୁଆଁରୀ ମନ ।
୩୫)
ହଂସଟି ଖେଳେ
ହସେ ପୁନେଇଁ ଜହ୍ନ
ସରସୀ ଜଳେ ।
୩୬)
ହେ ନିଶାକର
ପାହି ନାହିଁ ରଜନୀ
ନ ଯାଅ ଦୂର ।
~ ମଧୁଛନ୍ଦା ଦାଶ
⭐⭐⭐⭐⭐⭐⭐⭐⭐⭐
कोई टिप्पणी नहीं:
एक टिप्पणी भेजें