ହାଇକୁ ସାଧନା ଖୋର୍ଦ୍ଧା
ସାରସ୍ଵତ ହାଇକୁ କାବ୍ୟ ଯାତ୍ରା ~ ୧୨ ~
ଭଅଁର
ହାଇକୁ
୧)
ଫୁଟିଛି ଫୁଲ
ଲେଖି ଯାଏ କବିତା
କବି ଭ୍ରମର ।
~ ପ୍ରଦୀପ କୁମାର ଦାଶ
୨)
କଳା ଭଅଁର
ଫୁଲ ରୁ ଫୁଲ ଉଡେ
ମୃଦୁ ଗୁଞ୍ଜନ ।
୩)
ମଧୁପ ପ୍ରୀତି
ମଧୁ ଶୋଷଣ ଅନ୍ତେ
ପ୍ରେମ ରେ ଇତି ।
୪)
ମୃଦୁ ଚୁମ୍ବନ
ମଧୁପ ପୁଷ୍ପ ପ୍ରୀତି
ସୃଷ୍ଟି ଆଧାର ।
~ ବାସନ୍ତୀ ଦେଈ ଖୋର୍ଦ୍ଧା
୫)
ମହକ ଲୋଭେ
ପାଗଳ ଅଳି ପଶେ
ଫୁଲର ବନେ ।
୬)
ମଧୁପ ବନ୍ଦୀ
ପଦ୍ମ ଗରଭେ ସିନା
ମଧୁ ଆୟାସେ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ, ଖୋରଧା
୭)
ଭଅଁରପ୍ରେମୀ
ଭୁଲିଲା ଅତୀତର
ପ୍ରେମ ର ଡୋର ।
୮)
ତୁତ ଭଅଁର
ଆଖିରୁ ନେଇ ନିଦ
କଲୁତୁ ପର ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୯)
ଲମ୍ପଟ ଚୋର
ଭଅଁର ଅପବାଦ
ଯୁଗ ଯୁଗର ।
୧୦)
ଫୁଲ ସଂସାର
ଚୁମି ଭଅଁର କରେ
ବଂଶ ବିସ୍ତାର ।
~ ବିଳାସିନୀ ଦାଶ, ଖୋର୍ଦ୍ଧା
୧୧)
ଭ୍ରମର ବର
ଚିତ୍ତ ଚୋରାଇ ନେଉ
ମନ ଅଧୀର ।
୧୨)
ମିଳିନ୍ଦ ଆଶା
ସୁମନ ଲହରାଏ
ତା' ମନ ଭାଷା ।
୧୩)
ମଧୁପ ପରା
ଯହିଁ ତା' ମନ ଯାଏ
ନ ଦିଏ ଧରା ।
~ ଆରତୀ ପ୍ରହରାଜ, ଭୁବନେଶ୍ୱର
୧୪)
ପ୍ରୀତି ସୁମନ
ମଧୁପ ଗୁଞ୍ଜନରେ
ଶିହରେ ମନ ।
୧୫)
କୁସୁମ ବନେ
ଭ୍ରମର ଭ୍ରମୁଥାଏ
ମଧୁ ସନ୍ଧାନେ ।
୧୬)
ପ୍ରେମୀ ଭଅଁର
ଫୁଲରୁ ମଧୁ ଶୋଷି
କରିଲୁ ପର ।
~ ମଧୁଛନ୍ଦା ଦାଶ
୧୭)
ଭ୍ରମରେ ଭ୍ରମି
ଭ୍ରମି ଭୁବନାୟନ
ଭ୍ରମନ୍ତି ଭବ ।
୧୮)
ପୁଷ୍ପ ବାଟିକା
ଭଅଁର ବୁଲୁଥାଏ
ଟେକି ତା' ତଥା ।
~ ଅର୍ଚ୍ଚନା କୁମାରୀ ରାଉତରାୟ
୧୯)
ପୁଷ୍ପ ଚୁମ୍ବନ
ମଧୁ ଆସେ ଭ୍ରମର
କରେ ଗୁଞ୍ଜନ ।
୨୦)
ମଧୁ ମାସରେ
ଭ୍ରମର ଗୁଞ୍ଜନରେ
ସଙ୍ଗୀତ ଝରେ ।
~ ଜ୍ୟୋତି ପ୍ରଭା ପଟ୍ଟନାୟକ
୨୧)
ମନ ଭ୍ରମର
ଭକତି ଅନ୍ତର ତୋ
ପ୍ରୀତି ପୁଷ୍ପ ର ।
୨୨)
ଫୁଲର ବାସ୍ନା
ଗୁଣୁଗୁଣୁ ଭ୍ରମର
ମହୁଆ ନିଶା ।
~ ସସ୍ମିତା ବାରିକ୍, ବୋଲଗଡ଼
୨୩)
ସୁନା ଫରୁଆ
ଭିତରେ ଛପି ଅଛି
କଳା ଭଅଁର ।
୨୪)
ଭଅଁର ବେଣୁ
ଫୁଲରୁ ଫୁଲୁ ଆଣୁ
ପରାଗ ରେଣୁ ।
୨୫)
ଭଅଁର ବେଶ,
ବୁଢୀ ଅସୁରୁଣୀ ର
ଜୀବନ ଶେଷ ।
~ ଝୁମୁରୀ ସାହୁ
୨୬)
ଫୁଲରେ ବସି
ମଧୁ ନେଉ ତୁ ଶୋଷି
ଦୁଷ୍ଟ ଭଅଁର ।
୨୭)
ଫୁଲର ଆଶେ
ଭ୍ରମର ଭ୍ରମୁଥାଏ
ବାଚାଳ ବେଶେ ।
~ ବାସନ୍ତୀ ମହାପାତ୍ର, ପୋଖରୀପୁଟ
୨୮)
କଳା ଭଅଁର
କଳାରେ ପୂରିତ ତୋ
ହୃଦ କନ୍ଦର ।
୨୯)
ପଦ୍ମର ଗନ୍ଧେ
ବନ୍ଦି ଭଅଁର ଆଜି
କାଳର ଛନ୍ଦେ ।
~ କବିତା କାନୁନଗୋ
⭐⭐⭐⭐⭐⭐⭐⭐⭐⭐
कोई टिप्पणी नहीं:
एक टिप्पणी भेजें