ହାଇକୁ ସାଧନା ଖୋର୍ଦ୍ଧା
ସାରସ୍ଵତ ହାଇକୁ କାବ୍ୟ ଯାତ୍ରା ~ ୧୧ ~
ମେଘ
ହାଇକୁ
~ 0 ~
୧)
ବେଙ୍ଗୁଲି ରାଣୀ
ମେଘ ରାଜା କୁ ଗାଆଁ
ଡାକିଛି ଆଣି ।
୨)
ଅଦିନ ମେଘ
ଅଭିମାନିନୀ ବର୍ଷା
ଝରାଏ ଲୁହ ।
୩)
ନୀଳ ଆକାଶ
କାଶତଣ୍ଡୀ ର ଫୁଲ
ଧଵଳ ମେଘ ।
~ ପ୍ରଦୀପ କୁମାର ଦାଶ
୪)
ଆଷାଢ଼ ମାସ
ହୋଇ ଟୁପୁରୁଟୁପୁ
ବରଷେ ମେଘ ।
୫)
ମେଘ ରାଇଜେ
ଅତୀବ ମନୋରମ
ବାଙ୍କ ଚନ୍ଦ୍ରମା ।
୬)
ମେଘ ସବାରୀ
ବିଜୁଳି ରୋଷଣୀ ରେ
ଆସେ ମୋ ପ୍ରିୟା ।
~ ବାସନ୍ତୀ ଦେଈ
୭)
କଳା। ମେଘକୁ
ଦେଖି ନାଚେ ମୟୂର
କି ମନୋହର ।
୮)
ମେଘ ସବାରୀ
ଆସିବ ମୋ ପ୍ରିୟ ଙ୍କୁ
ରହିଛି ଚାହିଁ ।
୯)
ମେଘ ବରଷେ
କାଗଜ ଡଙ୍ଗା ମୋର
ଗାଁ ଦାଣ୍ଡେ ଭାସେ ।
~ ଜ୍ୟୋତି ପ୍ରଭା ପଟ୍ଟନାୟକ
୧୦)
ଆସିଲା ମେଘ
ଘଡଘଡି ଶବଦେ
କମ୍ପିଲା ଧରା ।
୧୧)
ବାରିଦ ବିନା
ହୁଏ ଜଳ ସଂକଟ
ମହୀ ମଣ୍ଡଳେ ।
~ ପ୍ରଭାସିନୀ ସାହୁ
୧୨)
ମେଘ ଆସିଲୁ
ଫୁଲର ବର୍ଷାରେ ତୁ
ଭିଜାଇ ଦେଲୁ ।
୧୩)
ମେଘ ଶ୍ରାବଣୀ
ତୁ କବି ହ୍ରୁଦୟର
କବିତା ମୁଣୀ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୧୪)
ଜଳଦ ଜଳ
ତୃଷାର୍ତ୍ତ କୁ ଶୀତଳ
ପ୍ରାଣ ସଂଚାର ।
୧୫)
ଘନ ଵଉଦ
ଇନ୍ଦ୍ରଧନୁ ର ଶୋଭା
କି ମନଲୋଭା ।
୧୬)
ମେଘ ଛାଡିଚି
ନାଲି ସାଧବ ବୋହୂ
ଘାସେ ଚାଲୁଛି ।
୧୭)
ବରଷେ ମେଘ
ରିମ୍ ଝିମ୍'ର ସୁରରେ
ମନକୁ ମୋହେ ।
୧୮)
ଶ୍ରାଵଣୀ ମେଘ
ଚାଷୀ ଭାଇ ର ସଜ
ରାକ୍ଷୀ ପରବ ।
~ ଆରତୀ ପ୍ରହରାଜ
୧୯)
ଘନେ ଦାମିନୀ
ଶୋଭା ସୁବର୍ଣ୍ଣ ଜିଣି
ନାଚେ ଶ୍ରାଵଣୀ ।
୨୦)
ମେଘ ମେଦୁର
ଦେଖି ମୁଦ ଚକୋର
ତୃଷା ତା ଦୂର ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ, ଖୋରଧା
୨୧)
ଆକାଶ ନୀଳ
ସୁନ୍ଦର ମେଘମାଳା
ଭସା ବାଦଲ ।
~ ଝୁମୁରୀ ସାହୁ, ଜଟଣୀ
୨୨)
ମେଘ ମେଦୁର
ଝରେ ଆକାଶୁଁ ନୀର
ତୃଷିତ ପ୍ରାଣ ।
୨୩)
ମେଘ ବୁକୁରେ
ଘନ ଚପଳା ଖେଳେ
ଭୀତି ସଂଚରେ ।
~ ଅର୍ଚ୍ଚନା କୁମାରୀ ରାଉତରାୟ
୨୪)
ମେଘ ମହ୍ଲାର
ଆଗମନୀ ସଙ୍ଗୀତ
କି ମନୋହର ।
୨୫)
କ୍ରୁଦ୍ଧ ଦୁର୍ବାସା
ମେଘ ରାଇଜେ ସତେ
ବାନ୍ଧିଛି ବସା ।
~ ସସ୍ମିତା ବାରିକ୍, ବୋଲଗଡ଼
୨୬)
ମେଘ ଦର୍ଶନେ
ପୁଚ୍ଛ ପ୍ରସାରି କେକୀ
ନାଚଇ ବନେ ।
୨୭)
ମେଘ ମହ୍ଲାର
ତୃଷାର୍ତ୍ତ ନୟନରେ
ଚାହେଁ ଚକୋର ।
୨୮)
ବାରିଦ ଜଳ
ଶସ୍ୟଶ୍ୟାମଳା କରେ
ମହୀମଣ୍ଡଳ ।
୨୯)
ମେଘ ସମ୍ଭାର
ଗୁରୁ ଗମ୍ଭୀର ନାଦ
ଟୋପାଏ ଜଳ ।
~ ମଧୁଛନ୍ଦା ଦାଶ
୩୦)
ମେଘ ପରଶେ
କଦମ୍ବ ଶିହରଇ
ନବ ଉଲ୍ଲାସେ ।
୩୧)
ମେଘ ଭାସିଯା
ବନ୍ଧୁ ମୋ ପରଦେଶେ
ଚିଠି ନେଇଯା ।
~ ବିଳାସିନୀ ଦାଶ, ମଧୁସୂଦନ ନଗର
୩୨)
ମେଘୁଆ ରାତି,
ମନେ ବିଜୁଳି ଖେଳେ
ସାଥୀକୁ ଖୋଜେ ।
୩୩)
ପ୍ରେମିକ ବର
ପ୍ରିୟା କୁ ସନ୍ଦେଶ ଦିଏ
ତା ମେଘଦୂତ ।
୩୪)
ଗରଜେ ମେଘ
ବରଷେ ନାହିଁ ଜଳ
ବିନ୍ଦୁଏ ମାତ୍ର ।
~ ବାସନ୍ତୀ ଦେଈ, ଖୋର୍ଦ୍ଧା
୩୫)
ମେଘ ବରଷେ
ତା ମଧୁର ପରଶେ
ଧରଣୀ ହସେ ।
~ ବାସନ୍ତୀ ମହାପାତ୍ର, ପୋଖରୀପୁଟ
୩୬)
ଦଲକାଏ ବା'
କଳା ଭସା ବାଦଲ
ହଜାଏ ମନ ।
~ ମୀରା ଦାଶ, ଖୋର୍ଦ୍ଧା
⭐⭐⭐⭐⭐⭐⭐⭐⭐⭐
.jpeg)
कोई टिप्पणी नहीं:
एक टिप्पणी भेजें