ହାଇକୁ ସାଧନା ଖୋର୍ଦ୍ଧା
ସାରସ୍ଵତ ତାଁକା/TANKA କାବ୍ୟଯାତ୍ରା ~ ୧୦
ତାଁକା
୧)
ସ୍ଵାଧୀନତା ର
ଅମୃତ ମହୋତ୍ସବ
ଦେଶାତ୍ମବୋଧ
ଦେଶ ର ଅଗ୍ରଗତି
କରିବା ଆକଳନ ।
୨)
ଜୀବନ ସ୍ଵାଦ
କାହାପାଇଁ କେମିତି
ଶିଶୁ ଅନାଥ
କ୍ଷୁଧା ରେ ବିକେ ମାଆ
ଇଏ ସଂସାର ଚିତ୍ର ।
~ ବାସନ୍ତୀ ଦେଈ, ଖୋର୍ଦ୍ଧା
୩)
ମାୟା ସଂସାର
ନୁହେଁ କେହି କାହାର
ସମ୍ପର୍କ ମିଥ୍ୟା
ବିଶ୍ଵାସେ ଦିଏ ବିଷ
ହୃଦୟେ ଥରେ ଚିନ୍ତ ।
୪)
ମଉଳା ଶ୍ରାଦ୍ଧ
ପିତୃ ପୁରୁଷ ଗଣ
ଆତ୍ମା ସନ୍ତୋଷ
ଶ୍ରଦ୍ଧାରେ ସମର୍ପଣ
ନକରନ୍ତୁ କାର୍ପଣ୍ୟ ।
୫)
ଭୁବନେଶ୍ୱର
ବେଙ୍ଗ ମୂତିଲେ ପାଣି
ସହରେ ବନ୍ୟା
ଜ୍ୟୋତି ଙ୍କ ହେଲା କାଳ
ପରିବାର ବିକଳ ।
୬)
ଜୀବନ ହାନି
ନ ହେଉ ବାର ବାର
ବିଜ୍ଞାନୀ ଜନ
ଚିନ୍ତ ହେ ସରକାର
ବୁଦ୍ଧି ପ୍ରୟୋଗ କର ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୭)
ସ୍ୱାସ୍ଥ୍ୟ ବିଭାଗ
ଦୂର କରିଲା ଦେଶୁ
ପୋଲିଓ ରୋଗ
ଟୀକାକରଣ କର
ଶିଶୁ ରହୁ ନିରୋଗ ।
୮)
ବିସିଜି ଟୀକା
କରେ ଯକ୍ଷ୍ମା ରୁ ରକ୍ଷା
ଜୀବନେ ଥରେ
ଦେବା ଶିଶୁକୁ ନିଶ୍ଚେ
ଜନ୍ମ ଦିବସ ରେ ।
୯)
ସୁଷମ ଖାଦ୍ୟ
ଶରୀର ସୁସ୍ଥ ରଖେ
ନିତି ଖାଇବା
ପରିବା ଦୁଗ୍ଧ ଶାଗ
ରଖେ ସଦା ନିରୋଗ ।
୧୦)
ଜାତିଜାତିକା
ଶାଗରେ ଭିଟାମିନ
ଭରି ରହିଛି
କୋଷ୍ଠ କାଠିନ୍ୟ ନାହିଁ
ହୁଏନି ଚକ୍ଷୁ ରୋଗ ।
~ ଜ୍ୟୋତି ପ୍ରଭା ପଟ୍ଟନାୟକ
୧୧)
ଇନ୍ଦ୍ର ପୂର୍ଣ୍ଣିମା
ଭାଗବତ ଗୋସେଇଁ
ଜନ୍ମ ମହିମା
କୃଷ୍ନ ନାମ ପଠନେ
ଚିତ୍ତ ଶୁଦ୍ଧି ପ୍ରମାଣେ ।
୧୨)
ଅଭାବୀ ମନ
କାତରେ ସନ୍ତୁଳିତ
ସାରା ଜୀବନ
କୃଷ୍ନ ପାଦେ ଶରଣ
ଦୂରେ ଯାଉ କଷଣ ।
୧୩)
ପାଠ ପଢିକି
ପରୋପକାର ଭାଵ
ହୃଦେ ନାହିଁକି?
ଧିକ ତୁମର ଜ୍ଞାନ
ପୋଡି ଯାଉ ସପନ ।
~ ଚପଳା ପଣ୍ଡା, ଖୋର୍ଦ୍ଧା
୧୪)
ଚୋରା ଚଇତି
ବଉଳ ର ବାସନା
ମୃଦୁ ମଧୁର
ଚଳଚଞ୍ଚଳ ଧରା
ସୁଖଦ ଅପାଶୋରା ।
୧୫)
ପଳାଶ ଫୁଲ
ରୂପ ତା ଝଲମଲ
ଦିଶେ ସୁନ୍ଦର
ବାସହୀନ ଚହଟ
କରେ ନାହିଁ ଉଚ୍ଚାଟ ।
୧୬)
ଦିବ୍ୟ ଗୋ ମାତା
କାଳେ ସିଏ ପୂଜିତା
ମାଆ ର ରୂପେ
ଶକ୍ତି ଭରେ ଅମାପ
କର ଯତ୍ନ ସତତ ।
~ ଆରତୀ ପ୍ରହରାଜ, ଭୁବନେଶ୍ୱର
୧୭)
କୁଟୀର ଶିଳ୍ପ
ଭାଙ୍ଗିଛି ମେରୁଦଣ୍ଡ
ଅଛି କଙ୍କାଳ
ଶିଳ୍ପୀକୁଳ ଆକୁଳ
ପେଟ ପାଟଣା ଚିନ୍ତା ।
୧୮)
ନଦୀ ମାତୃକା
କାରଖାନା ବର୍ଜ୍ଯରେ
ଭରା ଜହର
ନିର୍ମଳ ପରିବେଶ
ଜୀବ ରକ୍ଷାକବଚ ।
~ ବିଳାସିନୀ ଦାଶ, ଖୋର୍ଦ୍ଧା
୧୯)
ନିଳିମା ନଭ
ତା ମଧ୍ୟେ ଇନ୍ଦ୍ରଧନୁ
ନାହିଁ ଉପମା
ବଉଦ ମାଳମାଳ
ଘନେ ରଚନ୍ତି ଖେଳ ।
୨୦)
ଶରତ ଶୋଭା
ବିବିଧ ପୁଷ୍ପେ ସାଜେ
ପ୍ରକୃତି ଗଭା
କାଶତଣ୍ଡୀ ଫୁଲରେ
ନଈପଠା ହସେରେ ।
୨୧)
ସରସୀ ଜଳ
ମଧ୍ୟେ ପୂର୍ଣ୍ଣମୀ ଇନ୍ଦୁ
ଦିଶେ ଉଜ୍ଜ୍ଵଳ
ଢଳଢଳ କମଳ
ବିହରନ୍ତି ମରାଳ ।
~ ମଧୁଛନ୍ଦା ଦାଶ
୨୨)
ସୁନ୍ଦରଧରା
ତା' ସବୁଜ ବନାନୀ
ଅତି ସୌନ୍ଦର୍ଯ୍ଯ
ତା' ମାଟି ପବନରେ
ଗଢାଏ ମୋ ଶରୀର
~ ଶୋଭାଗିନୀ ନନ୍ଦ
୨୩)
ମାଗିଲି ବନ୍ଧୁ
ବନ୍ଧୁତା ଟିକେ ଦିଅ
ସେ କଲା ମନା,
ଆଖି ସପନ ରେ
ଯାହା ମୁଁ ଦେଖେ ଚୁନା ।
୨୪)
କୋମଳ ଶିଶୁ
କମଳ ମନେ, ଶ୍ରଦ୍ଧା
ଚାହେଁ ତ ନିତି
ନିରନ୍ତର ସେବା ରେ
ଭେଦେ ଜ୍ଞାନ ସାଗର ।
୨୫)
ଜନମ ନେବେ
କେତେ ଯେ ମଶା ମାଛି
ନ ଥିଲେ ସଫା
ପରିବେଶ ଆମର
ମଶାରୀ ଟାଙ୍ଗି ଶୁଅ ।
~ ଝୁମୁରୀ ସାହୁ, ଜଟଣୀ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें