ହାଇକୁ ସାଧନା ଖୋର୍ଦ୍ଧା
ସାରସ୍ଵତ ତାଁକା / TANKA କାବ୍ୟ ଯାତ୍ରା ~ ୯
ତାଁକା
୧)
ସୁନ୍ଦର ସୃଷ୍ଟି
ମନ ଉପବନରେ
ନାନା ଜାତିର
ଫୁଟେ ପ୍ରୀତି ସୁମନ
ନିତ୍ୟ ବିଭୁ ଚିନ୍ତନ ।
୨)
ସାଧବ ଝିଅ
ନାମ ତା ତଅପୋଇ
ଖୁଦୁରୁକୁଣୀ
ପୂଜେ ମାଆ ମଙ୍ଗଳା
ଭ୍ରାତା ଶୁଭ କାମନା ।
୩)
ଭାଦ୍ରବ ମାସ
ପ୍ରତ୍ୟେକ ରବିବାର
ଖୁଦୁରୁକୁଣୀ
ଦିଏ ଦିବ୍ୟ ସନ୍ଦେଶ
ସହୋଦର ଆଶିଷ ।
~ ବାସନ୍ତୀ ଦେଈ
୪)
ଅନନ୍ତ ବ୍ରତ
ଘରେ ମନାନ୍ତି ସତ
ଶୁଭ ସଂକେତ
ଦେବାଳୟେ ଅବଶ୍ୟ
ଆଣେ ମନେ ସନ୍ତୋଷ ।
୫)
ଖୁଦୁରୁକୁଣୀ
ପୂଜ ମା ଭାଲୁକୁଣୀ
ଭାଇଙ୍କ ମଣି
ଶୁଭ ମନାସି ପାଳେ
ତା'ର ଗେହ୍ଲା ଭଉଣୀ ।
୬)
ପର୍ବ ବିଶେଷ
ଚତୁର୍ଦ୍ଦଶୀ ଉପାସ
ଅଘୋର ତ୍ରାସ
କରି କଲ୍ମଷ ନାଶ
ପୂଜ୍ୟ ପୂଜା ଅବଶ୍ୟ ।
~ ଚପଳା ପଣ୍ଡା, ଖୋର୍ଦ୍ଧା
୭)
ସୁନା ସଂସାର
ପରିବାର ସମଷ୍ଟି
ଦରଦୀ ମନ
ଏକ ଅନୁଚିନ୍ତନ
ଆପଣା ପ୍ରିୟ ଜନ ।
୮)
ତନୁ ପାତଳୀ
ବେଦନା ଜର୍ଜରିତ
ବିରହ ରାତି
ସ୍ବପ୍ନ ଭରା ଯୌବନ
ରଙ୍ଗମୟ ଦୁନିଆ ।
୯)
କୋଇଲି କୁହୁ
ପତ୍ରଝଡ଼ା ବସନ୍ତ
ନବ କଲ୍ଲୋଳ
ସୁନ୍ଦର ସବୁଜିମା
ଆକାଶେ ଅରୁଣିମା ।
~ ଆରତୀ ପ୍ରହରାଜ, ଭୁବନେଶ୍ୱର
୧୦)
ସାଗର ତଟେ
ସୁଉଚ୍ଚ ଉର୍ମିମାଳା
ମସ୍ତକ ପିଟେ
ସିକ୍ତ ବାଲୁକା ରାଶି
ଜ୍ୟୋତ୍ସ୍ନା ଢାଳଇ ଶଶୀ ।
୧୧)
ସରସୀ ଜଳ
ମଧ୍ୟେ ପୂର୍ଣ୍ଣମୀ ଇନ୍ଦୁ
ଦିଶେ ଉଜ୍ଜ୍ଵଳ
ଢଳ ଢଳ କମଳ
ବିହରନ୍ତି ମରାଳ ।
୧୨)
ଘରଚଟିଆ
ଚାଳ କୁ ଚାଳ ଉଡ଼ି
ହେଉ ହାଲିଆ
କାଠି କୁଟା ସାଇତି
ଗଢୁ ଟିକି ନୀଡ଼ଟି ।
~ ମଧୁଛନ୍ଦା ଦାଶ, ଭୁବନେଶ୍ୱର
୧୩)
ଆଜିକା ଯୁଗ
ଅଭିଶପ୍ତ ଶୈଶବ
ବସ୍ତାନୀ ବୋଝ
ନାହିଁ କଣ୍ଢେଇ ଖେଳ
ନାହିଁ ଜେଜେମା କୋଳ ।
୧୪)
ଭାଦ୍ରବ ଶେଷ
ଆସେ ଆଶ୍ୱିନ ମାସ
ଦଶରା ପର୍ବ
ମା ଦୁର୍ଗା ଆବାହନ
ମଣ୍ଡପ ସାଜସଜ୍ଜା ।
୧୫)
ମହାଳୟାରେ
ପିତୃପୁରୁଷ ଗଣ
ଆସନ୍ତି ପୁରେ
ଖୁସିରେ ଶ୍ରାଦ୍ଧ କରି
ଆଶିଷ ମାଗିନେବା ।
୧୬)
କୁମାରୀମାନେ
କୁମାର ପୂର୍ଣ୍ଣିମାରେ
କରନ୍ତି ଓଷା
ଚାନ୍ଦ ଚକଟା ଭୋଗ
ଚନ୍ଦ୍ର ଉଦିଆ ବର ।
୧୭)
ମଙ୍ଗଳା ମାଆ
ବୁଧବାର ବୁଧେଇ
ନାରୀଙ୍କ ଓଷା
ରବିବାର ଝିଅଙ୍କ
ଭାଲୁକୁଣୀଙ୍କୁ ପୂଜା ।
୧୮)
ବରଷା ଢାଳେ
ବନ୍ୟା ଜଳେ ନଦୀର
କୂଳ ଉଛୁଳେ
ନଈ କୁଳିଆ ଗାଆଁ
ଭୟରେ ଥରହର ।
୧୯)
ଲଘୁଚାପ ବର୍ଷା
ବିଜୁଳି ଘଡଘଡି
କୋହଲା ପାଗ
ଜମିରେ ବାଲିଚର
ଚାଷୀ ମନ ଆତୁର ।
୨୦)
ମାଆ ଲୋ ଦୁର୍ଗା
ପାର୍ବଣ ପୂଜାପାଇଁ
ମଣ୍ଡପେ ଉଭା
ଦୁଷ୍ଟାଙ୍କୁ ବିନାସି ମା
ଅଜାଡି ଦେ ଆଶିଷ ।
~ ଜ୍ୟୋତି ପ୍ରଭା ପଟ୍ଟନାୟକ
୨୧)
ଅନନ୍ତ ବ୍ରତ
ଯାହାଙ୍କ ଆଦି ଅନ୍ତ
ନଥାଏ ଜ୍ଞାତ
ମୁନିଙ୍କ ନା ନା ମତ
ପାଳନେ ଶତ୍ରୁ ହତ ।
୨୨)
ବଢନ୍ତା ନଈ
ଅମ୍ବରେ ସୌଦାମିନୀ
ଝଡ଼ ବତାସ
ପ୍ରମାଦ ଦଶ ଦିଶ
ଛାଡିଲେ ଦୀର୍ଘଶ୍ୱାସ ।
୨୩)
ମୋ ପିଲାବେଳ
ଦାଣ୍ଡରେ ଧୂଳି ଖେଳ
ଗାଁ ସାଥି ମେଳ
ଭୁଲେନା ସ୍ମୃତି ତାର
ଦେବଭୂମି ସେ ମୋର ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୨୪)
ଲଗାଣ ବର୍ଷା
ମାନେନା ଥଳକୂଳ
ଘୋର ଗର୍ଜନେ
ମତ୍ତ ହାତୀ ପରିକା
ମନ୍ଥେ ଆର୍ଦ୍ର ଧରଣୀ ।
୨୫)
ସଞ୍ଜ ଦୀପାଳି
ବୋଉର ମୁହଁ ପରି
ଦିଶେ ପବିତ୍ର
ଜଳି ଚଉରାମୂଳେ
ପୁଣ୍ୟ ଜ୍ୟୋତି ପ୍ରକାଶେ ।
~ ବିଳାସିନୀ ଦାଶ, ଖୋର୍ଦ୍ଧା
୨୬)
ପୁଅମୋ ରାଜା
ସେତ ଦେଶର ପୁଅ
ସାଧୁ ଚରିତ୍ର
ଦେଶର ସୁ ଶାସକ
ତା'ର ନ୍ଯାୟ ବିଚାର ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୨୮)
ଏଡିସ ମଶା
ମଣିଷ ରକ୍ତ ଶୋଷି
କରେ ହତାଶ
କମଇ ପ୍ଲେଟଲେଟ
ଶୀଘ୍ର କର ଚିକିତ୍ସା ।
୨୯)
ଜମିଲେ ପାଣି
ଏଡିସ ମଶା ଆସି
ଡିମ୍ବ କୁ ବୁଣି
ବଗିଚା ଘର ଦ୍ୱାର
ରଖିବା ପରିଷ୍କାର ।
୩୦)
ଭୀଷଣ ଜ୍ୱର
ମୁଣ୍ଡ ବ୍ୟଥା ସାଙ୍ଗକୁ
ବାନ୍ତି ପ୍ରବଳ
ଦେହରେ ଲାଲ ଦାଗ
ଲକ୍ଷଣ ଡେଙ୍ଗୁ ରୋଗ ।
~ ଜ୍ୟୋତି ପ୍ରଭା ପଟ୍ଟନାୟକ
☆☆☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें