ହାଇକୁ ସାଧନା ଖୋର୍ଦ୍ଧା
ସାରସ୍ୱତ SEDOKA/ସେଦୋକା କାବ୍ୟ ଯାତ୍ରା - ୧
ସେଦୋକା
୧)
କରୁଣାମୟୀ
ସଂକଟ ହାରିଣି ମା
ଦୁର୍ଗତି ଵିନାଶିନୀ
ଘୋର ବିପଦୁ
ଜଗତ କର ତ୍ରାହି
ଜୟ ମାଆ ତାରିଣୀ ।
୨)
ପାହାଡୀ କନ୍ୟା
ଜାତ ଗିରି କନ୍ଦରୁ
ନାମ ମୋର ଝରଣା
ମୃଦୁ ମୂର୍ଚ୍ଛନା
ବନ ଭୂମି କୋଳରେ
ଝରୁଛି ଅବିରତ ।
~ ବାସନ୍ତୀ ଦେଈ, ଖୋର୍ଦ୍ଧା
୩)
ମାଟି ନିର୍ମିତ
ମଣିଷ ତ କଣ୍ଡେଇ
କରଇ ଅଭିନୟ
ସବୁ ନଶ୍ୱର
ମାଟି, ପାଣି, ପବନ
ଏ ଯେ ସଦା ଶାଶ୍ୱତ ।
୪)
କଟିଛି ଗଛ
କିଏ ଶୁଣିବ ବ୍ୟଥା
ବସୁଧା ହେଲା ବନ୍ଧ୍ୟା
ଚଢେଇ କାନ୍ଦେ
ହଇରାଣ ହେଲାଣି
ହଜିଛି ତାର ବସା ।
~ ପ୍ରଦୀପ କୁମାର ଦାଶ "ଦୀପକ"
୫)
କୃଷକ କ୍ଷେତ
ହେଲେ ଶସ୍ୟ ଶ୍ୟାମଳା
ଫଳେ ସୁନା ଫସଲ
ଆନନ୍ଦ ଚିତ୍ତ
ପରିଶ୍ରମ ବହୁତ
ଉତ୍ପନ୍ନେ ଦେଶହିତ ।
୬)
ଶରତ ଋତୁ
ପୂଜା ପାର୍ବଣ ହେତୁ
କରୋନା କଟକଣା
ହେବା ସତର୍କ
ଭାବ ଭକ୍ତି ମିଶ୍ରିତ
ସ୍ଵଗୃହେ ଭକ୍ତ ସ୍ଥିତ ।
୭)
ଜୀବ ମହାନ
ଈଶ୍ୱର ଅବଦାନ
ପିତୃ ମାତୃ ପ୍ରଦାନ
ସୁପ୍ତ ବିଜ୍ଞାନ
ଜ୍ଞାନରେ ମହୀୟାନ
ବୈଜ୍ଞାନିକ ସମାନ ।
~ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୮)
ଶୀତଳ ଜ୍ୟୋତ୍ସ୍ନା
ଲାଜୁଆ ଆଖିତଳେ
ଛୁଟେ ପ୍ରେମର ବନ୍ୟା
ଆସହେ ପ୍ରିୟ
ହୃଦୟ ଦ୍ୱାର ଖୋଲା
ସ୍ବପ୍ନ ମୋ ଅସୁମାରି ।
୯)
ଆକାଶେ ତାରା
ଲୁଚିଛି କଳା ମେଘେ
ଚାନ୍ଦ ଜୋଛନା ଧାରା
ସୁନ୍ଦର ଧରା
ହସୁଛି କୁମୁଦିନୀ
ପ୍ରେମରେ ପାଗଳିନୀ ।
୧୦)
ପ୍ରେମ ପସରା
ପିଆଲା ରେ ଭରିଛି
ମୁଁ ପ୍ରୀତିର ମଦିରା
ଜୀବନ ରଙ୍ଗ
ଆସ ସାଥି ମୋହର
ଗଢିବା ଭବିଷ୍ୟତ ।
~ ଜ୍ୟୋତି ପ୍ରଭା ପଟ୍ଟନାୟକ
୧୧)
ଦୁଃଖ ଘଟଣା
ଦେଲା କ୍ଳେଶ ଯାତନା
ରାଜା ର ଅପମୃତ୍ୟୁ
ଏହି ଦୁର୍ଦ୍ଦିନ
ନକରୁ ଭାଗ୍ୟହୀନ
ନେଇ କାହା ଜୀବନ ।
୧୨)
ଏଇ ଦୁନିଆ
ଜନ୍ମେ ଏନ୍ତୁଡ଼ି ନିଆଁ
ଶେଷେ ଯୁଇର ଧୂଆଁ
କରିଯା କର୍ମ
ଦୁଃଖ ହରଣେ ଧର୍ମ
ଚିନ୍ତ ସାଧୁଏ ମର୍ମ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୧୩)
ବର୍ଷାକୁ କିଏ
କହୁଛି ପ୍ରିୟତମା
କେବୋଲେ ଓଡ଼ିଆଣୀ
କେ ପୁଣି କହେ
ବରଷା ଖାଇଦେଲା
କୁଳ ବେଉସା ଝୁଣି ।
୧୪)
ନିଜ ଗୁଣରେ
ତଳେ ଥାଇ ପ୍ରକାଶେ
ଓଜନ ତରାଜୁରେ
ଗଛ ଉପରେ
କାଉ ରାବିଲେ କିବା
ପିକ କଣ୍ଠ ଦିଏରେ ।
~ ଚପଳା ପଣ୍ଡା, ଖୋର୍ଦ୍ଧା
୧୫)
ଗୋଲାପ ବକ୍ଷ
ସ୍ନେହ ଠୁ ବି ନରମ
କଣ୍ଟା ଛୁଆଁ ପରଶ
ସତ୍ୟ ଓ ନ୍ୟାୟ
ମିଳେନା ସହଜରେ
ଉପହସିତ କରେ ।
୧୬)
ଅମନା ମନ
ଭୁଲିବାକୁ ଦିଏନା
କଟାଡେଣା କଅଁଳେ
ରଙ୍ଗ ଲିଭେନା
ଅମାନିଆ ତରଙ୍ଗ
ଆବୋରି ଯାଏ ତନୁ ।
୧୭)
କଥା କବିତା
ଶୁଖିଯାଏ ଝରଣା
କେବେ ବା ଝରିଆସେ
ଶବ୍ଦର ନଈ
ଆଙ୍କି ଦିଏ ଲେଖନୀ
କାଗଜ ର ଫର୍ଦ୍ଦ ରେ ।
~ ଆରତୀ ପ୍ରହରାଜ, ଭୁବନେଶ୍ୱର
୧୮)
ବୃକ୍ଷ ଜୀବନ
ଜଙ୍ଗଲ ର ସୁରକ୍ଷା
ମିଳିବ ରକ୍ଷା
ସେତ ଆମ ମଇତ୍ର
ଦିଏ ସେ ଅମ୍ଳଜାନ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୧୯)
ମୁକୁଳା ନାଳ
ମୁଖ ବ୍ୟାଦାନ କରେ
ଘୋର ବରଷା କାଳ
ଅମୂଲ୍ୟ ପ୍ରାଣ
ଅକାଳେ ଚାଲିଯାଏ
ଛାଡି ଦୁଃଖଦ ସୃତି ।
୨୦)
କାଠ ଫରୁଆ
ଯତନେ ସାଇତିଛୁ
ଗର୍ଭେ ନାଲି ସିନ୍ଦୂର
ମଥାରେ ନାଇ
ନାରୀ ସୌଭାଗ୍ଯବତୀ
ହୁଏ ନିଳୟ ଲକ୍ଷ୍ମୀ ।
~ ବିଳାସିନୀ ଦାଶ, ମଧୁସୂଦନ ନଗର
☆☆☆☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें