ହାଇକୁ ସାଧନା ଖୋର୍ଦ୍ଧା
ସାରସ୍ଵତ SEDOKA/ ସେଦୋକା କାବ୍ୟ ଯାତ୍ରା ~ ୧୨
ସେଦୋକା
୧)
ସତ୍ୟ ଅହିଂସା
ଜୀବନେ ମୂଳମନ୍ତ୍ର
ଜାତୀୟତାବାଦରେ
ଦୃଢ଼ ବିଶ୍ଵାସ
ଗାନ୍ଧୀଙ୍କ ନେତୃତ୍ବରେ
ଜଳେ ମୁକ୍ତି ମଶାଲ ।
୨)
ଲାଲ୍ ବାହାଦୁର
ସ୍ଵାଧୀନ ଭାରତର
ଦ୍ଵିତୀୟ ପ୍ରଧାନମନ୍ତ୍ରୀ
ନମ୍ର ସରଳ
ସଚ୍ଚୋଟ ଓ ନିର୍ଭୀକ
ଶାସନ ଅଦ୍ୱିତୀୟ ।
~ ବାସନ୍ତୀ ଦେଈ ଖୋର୍ଦ୍ଧା
୩)
ଚୋରା ଚାହାଣୀ
ଆତ୍ମୀୟତା ଭରା
କହେ ରାଇଜ କଥା
କନକ ଗୋରୀ
ସରଗ ଅପସରି
ଚାଲିରେ ପଦ୍ମ ଫୁଟେ ।
~ ଝୁମୁରୀ ସାହୁ ଜଟଣୀ
୪)
ଦେଶ ପାଳନ୍ତି
ଶାସ୍ତ୍ରୀ, ଗାନ୍ଧୀ ଜୟନ୍ତୀ
ଗୁଣ ଗାନ କରନ୍ତି
ଅହିଂସା ନୀତି
ସ୍ୱାଧୀନ ଦେଶ ବ୍ରତୀ
ଶାସ୍ତ୍ରୀ ଙ୍କ ଶାନ୍ତି ଚୁକ୍ତି ।
୫)
ଅବୁଝା ମନ
ସ୍ବପ୍ନ ମୋ ସୀମାହୀନ
ଦିବା ରାତ୍ର ସମାନ,
ବିବେକ ଜ୍ଞାନ
ସଞ୍ଚରି ମହୀୟାନ
ଧର୍ମେ ଅର୍ଜନ ପୂଣ୍ୟ ।
୬)
ଜଗା କାଳିଆ
ସାଥେ ଭାଇ ବଳିଆ
ପାଶେ ସୁଭଦ୍ରା ବାଳା
କରନ୍ତି ଲୀଳା
ତାଠାରେ ଷୋଳକଳା
ଭକ୍ତ ଭାବେ ବାଉଳା ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୭)
ସତ୍ୟର ବଳେ
ଅହିଂସା ର ସଂଗ୍ରାମେ
ଐରୀ ଫେରେ ସ୍ଵଧାମେ
ଐକ୍ୟ ଭାବନା
ଭ୍ରାତୃ ବନ୍ଧନେ ସିନା
ବିଶ୍ଵ ମୈତ୍ରୀ ରଚନା ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ, ଖୋରଧା
୮)
ମହାନାୟକ
ଗାନ୍ଧିଜୀ ଓ ଶାସ୍ତ୍ରୀଜୀ
ସ୍ୱାଧୀନତା ଦାୟକ
ପ୍ରଣାମ ଘେନ
ଅକ୍ଟୋବର ଦୁଇରେ
ଶୁଭ ଜନମ ଦିନ ।
~ ଜ୍ୟୋତି ପ୍ରଭା ପଟ୍ଟନାୟକ
୯)
ଶାନ୍ତି ର ଦୂତ
ଥିଲେ ଶାରଦା ସୁତ
ରାମଦୁଲ୍ଳାରୀ ମାତ
ଜୟ ଯବାନ
ଜୟ କିଷାନ ନାରା
କରିଛି ମହୀୟାନ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୧୦)
କଅଁଳ ଖରା
ଜଣା ଦେହକୁ ହିତ
ପ୍ରାପ୍ତ କରୁଥା ନିତ୍ୟ
ମଧ୍ୟାହ୍ନ ତାତି
ଆଣେ ବଡ଼ ବିପତ୍ତି
ଦେଖ ଓଜୋନ ସ୍ଥିତି ।
~ ଚପଳା ପଣ୍ଡା, ଖୋର୍ଦ୍ଧା
୧୧)
ପ୍ରିୟ ମହାତ୍ମା
ଜାତିର କର୍ଣ୍ଣଧାର
ପୂଜାରୀ ଅହିଂସାର
ହେ କର୍ମବୀର
ଦେଶ କଲ ସ୍ଵାଧୀନ
ନମସ୍ୟ ଚିରଦିନ ।
୧୨)
ହେ କର୍ମଯୋଗୀ
ବିନମ୍ର ସଦାଚାରୀ
ନିଷ୍କପଟ ହୃଦୟ
ଶାନ୍ତିର ଦୂତ
ସଭିଙ୍କ ଆପଣାର
ସେ ଲାଲ ବାହାଦୂର ।
~ ମଧୁଛନ୍ଦା ଦାଶ, ଭୁବନେଶ୍ୱର
୧୩)
ଏଇ ପୃଥିବୀ
ପ୍ରେମ ପ୍ରତାରଣା ର
ଘୃଣା, ଭଲ ପାଇବା
ଆଶା ଭରସା
ଏଇଠି ଅଛି ସ୍ୱର୍ଗ
ଯୁଦ୍ଧର ବିଭୀଷିକା ।
~ ଆରତୀ ପ୍ରହରାଜ, ଭୁବନେଶ୍ୱର
☆☆☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें