ହାଇକୁ ସାଧନା ଖୋର୍ଦ୍ଧା
ସାରସ୍ଵତ SEDOKA/ସେଦୋକା କାବ୍ୟ ଯାତ୍ରା ~ ୧୧
ସେଦୋକା
୧)
ଘନ ଅନ୍ଧାର
ବିଭାଵରି ର ଶୌର୍ଯ୍ୟ
ସର୍ବେ ନିଦ୍ରାଭିଭୂତ
ଝଙ୍କୃତ କରେ
ହୃଦେ କାବ୍ୟ ନାୟିକା
ଲେଖନୀ ଚିରସ୍ରୋତା ।
~ ବାସନ୍ତୀ ଦେଈ, ଖୋର୍ଦ୍ଧା
୨)
ମାନବିକତା
ବାହ୍ୟ ଚାକଚକ୍ୟରେ
ଆଜିର ଏ ଦୁନିଆ
ହୃଦ ଅଲୋଡ଼ା
ନାହିଁ ନିର୍ମଳ ମନ
ପତନ ବିବେକର ।
~ ନିହାର ନଳିନୀ ଦେବୀ, ଖୋର୍ଦ୍ଧା
୩)
ଘର ବଇଦ
ବଗିଚାରେ ଓଷଦ
ରୋଗର ଉପଶମ
ସୁସ୍ଥ ଶରୀର
ଚେର ମୂଳ ତିଆରି
ମୂଳରୁ ଦିଅ ମାରି ।
~ ଜ୍ୟୋତି ପ୍ରଭା ପଟ୍ଟନାୟକ
୪)
ପକ୍ଷୀ ବିଲୋପ
ଭରଦ୍ୱାଜ ଅଳପ
ଶାଗୁଣା, ଚିଲ ଲୋପ
ଉଲ୍ଲୁକ ଅନ୍ତ
ନା ହଳଦୀବସନ୍ତ
ଚିତ୍ତେ ଚିନ୍ତ ସାମନ୍ତ ।
୫)
ନାହିଁ ଜଙ୍ଗଲ
ପଶୁ ଏ କଲବଲ
ହସ୍ତୀ, ବ୍ୟାଘ୍ର, ଶୃଗାଳ
ଭାଲୁ, ହରିଣ
ହେଲେ ଖାଦ୍ୟ ବିକଳ
ଜନ ପଥେ ଚହଳ ।
୬)
ଜୀବେ ଜୀବନ
ପବନେ ଚଳମାନ
କେବେ ନ ଭାବ ହୀନ
ପ୍ରଭୁ ଙ୍କ ଦାନ
ଶ୍ରମ କର ହେ ଜନ
ଲଭ ପୂଣ୍ୟ ଅର୍ଜନ ।
୭)
ଶରତ ସନ୍ଧ୍ୟା
ଜହ୍ନି, କାକୁଡି ଫୁଲ
ହସେ ରଜନୀଗନ୍ଧା
ରଙ୍ଗ ରଙ୍ଗଣୀ
କିଶୋରୀ ମନ ଜିଣି
ଓଷା ପୁଜେ ରମଣୀ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୮)
ଶରଦ ଶଶୀ
ମୋ କାହ୍ନୁ ର ହାତେ
ଆସି ପଡରେ ଖସି
ଆ' ଜହ୍ନ ମାମୁଁ
ଜେଜେ ମାଆର ଡାକ
ଆଉ ଶୁଭୁନି ବେଶି ।
୯)
ଯୁଗ ବଦଳା
ନାହିଁ କାନ୍ତି କମଳା
ସବୁ ମନ ବିଭ୍ରାନ୍ତି
ଶସ୍ଯ ଶ୍ୟାମଳା
ମାଆ ଧରଣୀ ରାଣୀ
ଦେଖ ବିବର୍ଣ୍ଣ ଆଜି ।
୧୦)
ପକ୍ଷୀ କାକଳୀ
ସୁନ୍ଦର ଶୈଳୀ ଭିନ୍ନ
ଲାଗେ ମଧୁର କେତେ
ଈଶ୍ବର ଦତ୍ତ
ବର୍ଣ୍ଣ ଗୁଣ ମାଧୁର୍ଯ୍ୟ
ଶାନ୍ତି କପୋତ ବାଣ୍ଟେ ।
୧୧)
ହୃଦ ଦିବସ
ସେପ୍ଟେମ୍ବର ମାସ ରେ
ଅଣତିରିଶ ଦିନ
ବିଶ୍ବ ମାନବ
ଯତ୍ନ ନେଲେ ହୃଦୟ
ଦୀର୍ଘ ଆୟୁଷ ଲାଭ ।
~ ଝୁମୁରୀ ସାହୁ
୧୨)
ମିଛ ସଂସାର
ମୋହ ମାୟାରେ ଗଢା
ସ୍ବପ୍ନର ମରୀଚିକା
ବାତୁଳ ମନ
ପଦ୍ମ ପତ୍ର ରେ ଜଳ
ଜୀବନ ଟା ଉଜ୍ଜ୍ୱଳ ।
~ ଆରତୀ ପ୍ରହରାଜ, ଭୁବନେଶ୍ୱର
୧୩)
କ୍ଷମତା ଲୋଭ
ଆଦର୍ଶ ଦୂରେ ଥିବ
ବ୍ୟକ୍ତିତ୍ୱ ଧୋକା ଦେବ
ଯେବେ ସମ୍ଭବ
ବଦଳାଅ ସ୍ୱଭାବ
ମଣିଷେ ଗଣା ହେବ ।
~ ଚପଳା ପଣ୍ଡା, ଖୋର୍ଦ୍ଧା
୧୪)
କ୍ଷୁଦ୍ର ଦୀପଟି
ଦୂର କରେ ଅନ୍ଧାର
ଢାଳିଦିଏ ଜୀବନେ
ଆଲୋକ ଧାର
ପାପ କଳୁଷମୟ
ହୃଦୟେ ସେ ପ୍ରଦୀପ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୧୫)
ଵଉଦ ମାଳ
ନବ ତମାଳ ରଙ୍ଗେ
ନୀଳ ଗଗନେ ଝୁମେ
ମୟୂର ପଙ୍ଖେ
ବିଭୋର ବନଭୂମି
ମଧୁର ଲାସ୍ୟ ଛନ୍ଦେ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ
୧୬)
ସଞ୍ଜ ସଳିତା
ବିଭୁ ପଦେ ଅର୍ପିତା
ଅମା କରଇ ନାଶ
ହୋଇ ନିଃଶେଷ
ତ୍ୟାଗପୂତ ଜୀବନ
ନୀରବ ନିବେଦନ ।
୧୭)
କର ସୁକର୍ମ
ଭଜ ଗୋବିନ୍ଦ ନାମ
ଦୁର୍ଲଭ ଅଟେ ପରା
ମାନବ ଜନ୍ମ
ସତ୍ୟ ନ୍ୟାୟ ପଥରେ
ଚାଲ ବୀର ଦର୍ପରେ ।
~ମଧୁଛନ୍ଦା ଦାଶ ଭୁବନେଶ୍ୱର ।
୧୭)
ଚକା ଭଉଁରି
ମଣିଷ ମଝି ଖୁଣ୍ଟ
ଘୂରନ୍ତି ସୁଖ ଦୁଃଖ
ଜୀବନ ଚକ୍ର
ସମ୍ପୂର୍ଣ୍ଣ ସୁଖ କେବେ
ମିଳିଛି କାହା ଭାଗ୍ୟେ ?
୧୮)
ଆଙ୍ଗୁଳି ଫାଙ୍କେ
ସମୟ ଖସିଯାଏ
ଅତି ସନ୍ତର୍ପଣରେ
ସାରା ଜୀବନ
ରୁଟିନ ତିଆରିରେ
କେବେ ସୂର୍ଯ୍ୟାସ୍ତ ଆସେ ।
~ ବିଳାସିନୀ ଦାଶ, ମଧୁସୂଦନ ନଗର
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें