ସାରସ୍ୱତ ହାଇକୁ କାବ୍ୟ ଯାତ୍ରା
ହାଇକୁ
--0--
ପୋଖରୀ
୧)
କୂଆଁର୍ ବେଙ୍ଗ୍ ଯଦି
ଡେଗିଦେଲା ବନ୍ଦ୍'କେ ଖୋ
କାଣା ଦେଖ୍'ବ ଯେନ୍ ।
୨)
ବନ୍ଦ୍ କହେସି ଆ
ନଏଦ୍ କହେସି ଯା ଯା
କଇଁ ପଦମ୍ ବି ।
~ ଉତ୍ତମ ହୋତା
୩)
ହଁସୁଛେ ପଦମ୍
ଜଲ୍ ମଲ୍ ମଲ୍ ବନ୍ଧର୍ ପାଏନ୍
ଲାଜୁଛେ ଗୁରି ।
୪)
ମୋର୍ ଗାଆଁର୍ ସେ ବନ୍ଧ୍
ଛୁଆ ଦିନିଆ ଖେଲ୍'କୁଦ୍
ଉସତ୍ ହେସି ମନ୍ ।
~ ଡିସମ୍ବର ମେହେର
୫)
ପ୍ରତାରଣା ର
ଧାରେ ଲୁହ ଭାସୁଛି
ସେ' ପୋଖରୀ ରେ ।
୬)
ବଂଶୀ କଣ୍ଟା ରୁ
ପୋଖରୀର ଦୂରତା
ଗୋଟେ ଜୀବନ ।
~ ଅମିତ ରଣା
୭)
ଗାଁର ପୋଖରୀ
ବଧୂ ମୁଖ ଉଷତ
ଜଳେ ନିହାରି ।
୮)
ପୋଖରୀ ବୁକୁ
ଚିରି ଫୁଟିଛି ପଦ୍ମ
ନେଇ ସ୍ପନ୍ଦନ ।
୯)
ସଞ୍ଜଟି ହେଲା
ପୋଖରୀରୁ ସୂରୁଜ
ବିଦାୟ ନେଲା ।
~ ପ୍ରଦୀପ କୁମାର ଦାଶ
୧୦)
ଗାଁ ପରିମଳ
ରଜକ ପୋଖରୀରୁ
ଜାଣିବ ଭାଇ..।
୧୧)
ଗାଁ ପୋଖରୀରେ
ଦେଖ ଫୁଟିଛି ଗୋଟେ
ରକ୍ତିମ ପଦ୍ମ.. ।
~ ମନୋଜ କୁମାର ପଣ୍ଡା
୧୨)
ହଂସ ଯୁଗଳ
ପଦ୍ମ ପୋଖରୀ କୂଳ
ଦିଶେ ମଞ୍ଜୁଳ ।
୧୩)
ଗ୍ରାମ ପୋଖରୀ
ଶିବ ମନ୍ଦିର ବେଢ଼ା
ଭିଡ଼ ଶ୍ରଦ୍ଧାଳୁ ।
~ ଡମ୍ବରୁଧର ବାଗ
୧୪)
ପୋଖରୀ ଜଳ
ପାରମ୍ପାରିକ ଉତ୍ସ
ଆଜି ଦୂଷିତ ।
୧୫)
ମଣିଷ, ପଶୁ
ନ ଥାଏ ପ୍ରତିବନ୍ଧ
ପୋଖରୀ ସ୍ନାନ ।
୧୬)
ପୋଖରୀ ହୁଡ଼ା
ମୂକ ସାକ୍ଷୀ ଏ ବର
ପକ୍ଷୀ ବିହାର ।
୧୭)
ଧୂମ୍ର ପୋଖରୀ
ପଦ୍ମ କଇଁର କାନ୍ଦ
ନର ଦୋହନ ।
୧୮)
ନେଳି ପୋଖରୀ
ବନୀଶୀଧରା ମାଛ
ବଞ୍ଚିବା ରାହା ।
~ ରମାକାନ୍ତ ସତପଥି
୧୯)
ଆଗୋ ସରସୀ
ତୁମ ଜଳରାଶିରେ
କଇଁ ହସେରେ ।
୨୦)
ପ୍ରୀତି ଇସାରା
ଜହ୍ନକୁ ଭେଟିଦିଏ
ତା'ର ଚାହାଣୀ ।
୨୧)
ସଞ୍ଜ ନଇଁଲେ
ହେ ଅନୁଢା କୁଆଁରୀ
ଭିଜ ଜ୍ୟୋତ୍ସ୍ନାରେ ।
୨୨)
ଗ୍ରାମ୍ୟ ବଧୂଏ
ସୁନେଲୀ ପ୍ରଭାତରେ
ତୋ ତୁଠରେ (୪)
୨୩)
ବଟା ହଳଦୀ
କାଚକେନ୍ଦୁ ପାଣିରେ
ମାଖି ମୁଖରେ ।
୨୪)
ଚାଲି ଅଳସୀ
କାଖେ ଧରି କଳସୀ
ଦିଅନ୍ତି ହସି ।
୨୫)
ଧାରା ଶ୍ରାବଣେ
ଫୁଲେ ପୋଖରୀ ବକ୍ଷ
ବର୍ଷା ପାଣିରେ ।
୨୬)
ଧରି ବନିଶୀ
ମୀନ କରି ଲକ୍ଷ୍ୟରେ
ତୋ କୂଳେ ବସି ।
୨୭)
ପିଲାଏ ଗାଁର
ଡିଅଁନ୍ତି ଜଳରେ ତୋ
ଖୁସି ବିଭୋର ।
୨୮)
ଗାଆଁ ଲୋକଙ୍କ
ମେଣ୍ଟାଉ ପରା ତୃଷା
ଘୋର ନିଦାଘେ ।
୨୯)
ଭାବୁକ କବି
ଲେଖନ୍ତି ସେ କବିତା
ପୋଖରୀ ଦେଖି ।
୩୦)
ଲେଖଇ ଗୀତି
ପୋଖରୀ ଲାବଣ୍ୟରେ
ବିଭୋର ଅତି ।
୩୧)
ଶପଥ କର
ପୋଖରୀ ଜଳ ସଦା
ରଖୁ ନିର୍ମଳ ।
~ ଦମୟନ୍ତୀ
୩୨)
ହେ ସରୋଜିନୀ
ବୃକ୍ଷ ସୁନ୍ଦର ଅତି
ସରୋଜ ଘେନି ।
୩୩)
ପୋଖରୀ କୂଳ
ଚାହିଁ ଥିଲ କାହାରେ
ଏତେ ବ୍ୟାକୁଳ ।
୩୪)
ଚାନ୍ଦ ଚମକ
ଝିଲି ମିଲି ପ୍ରତିମା
ପୋଖରୀ ବକ୍ଷ ।
୩୫)
ହେ ପୁଷ୍କରିଣୀ
ସୁଶୀତଳ ସଲୀଳ
ଅତି ମଧୁର ।
୩୬)
ସରସୀ ଚାହିଁ
ଜହ୍ନ ହସଇ ସତେ
କୁମୁଦ ପାଇଁ ।
୩୭)
ପୋଖରୀ ଜଳ
ପଦ୍ମ, କୁମୁଦ ଥିଲେ
ଦିଶେ ସୁନ୍ଦର ।
~ ଚିନ୍ମୟୀ ସାହୁ
୩୮)
ପୋଖରୀ ତୁଠ
ସଫା ସୁତୁରା ରଖ
ନ କରି ମଠ ।
୩୯)
ସରସୀ ଜଳ
ଅଟେ ଭାରି ନିର୍ମଳ
ସତେ ଆକୁଳ ।
~ ମନୋରଞ୍ଜନ ସେଠୀ
୪୦)
ଗାଁର ପୋଖରୀ
ଅତୀତର ଆନନ୍ଦ
ରଖେ ସାଇତି.. !
~ ବିଶ୍ବନାଥ ଭୁଏ
୪୧)
ପୋଖରୀ ପାଣି
ଗାଧୋଉଥିବ ଡେଇଁ
ଗଭୀର ଜାଣି ।
୪୨)
ପୋଖରୀ ତୁଠ
ସ୍ନାନ କରୁଛି ବଧୂ
ଉଗାଳି ବାଟ ।
୪୩)
ପୋଖରୀ ଜଳେ
ପଙ୍କେ ଜାତ କମଳ
ବାଆରେ ଖେଳେ ।
~ ସନ୍ତୋଷ କୁମାର ସାହୁ
୪୪)
ପୋଖରୀ ତୁଠ
ସହରରେ ପକ୍କା ତ
ଗାଆଁରେ କାଠ ।
୪୫)
ପୋଖରୀ ଜଳ
ଦିଶୁଥାଏ ଗୋଳିଆ
ନଦୀ ନିର୍ମଳ ।
୪୬)
ଗାଆଁ ପୋଖରୀ
କଇଁ ଫୁଲରେ ଶୋଭା
ବର୍ଦ୍ଧନ ଭାରୀ ।
~ ଶମ୍ଭୁନାଥ ଦାସ
୪୭)
ଅତି ନିର୍ମଳ
ଆମ ଗାଁ ମୁଣ୍ଡେ ଅଛି
ପୋଖରୀ ଜଳ ।
୪୮)
ପୋଖରୀ ପାଣି
ଗାଧିଲେ ଭଲ ଲାଗେ
କରଇ ଗୁଣି ।
୪୯)
ଗାଁ ର ପୋଖରୀ
ଅତି ସୁନ୍ଦର ଦିଶେ
ମନ ହରସେ ।
~ ଦୟାନନ୍ଦ ଶବର
୫୦)
ଚିତ୍ରିତ ଚିତ୍ର
ପୋଖରୀ ର କବିତା
ମନକୁ ହିତ ।
୫୧)
ପଦ୍ମ ପୋଖରୀ
ଜୀବନ ପାଇଁ ଛନ୍ଦ
ସପନ ପରୀ !
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
୫୨)
ପଦ୍ମ ପୋଖରୀ
ଆକର୍ଷିତ କରଇ
ମନକୁ ଭାରି ।
୫୩)
ଗ୍ରାମ ବଧୂଟି
ଫେରେ ପୋଖରୀରୁ ସେ
ସ୍ନାହାନ କରି ।
~ ସୁଧାଞ୍ଜଳି ମିଶ୍ର
୫୪)
ପୋଖରୀ ତୁଟ
ଅବଲୁପ୍ତ ଐତିହ୍ୟ
ଗାଁ ପରିମଳ ।
୫୫)
ପୋଖରୀ ପାଣି
ମୋ ସିଲଟ ସୁଖିଯା'
ଗାଁ ଚାଟଶାଳୀ ।
୫୬)
ପୋଖରୀ ହୁଡ଼ା
ଭୂତର ଦୋଳି ଖେଳ
ମୁକୁଳା ବେଣୀ ।
୫୭)
ସାକ୍ଷୀ ଅତୀତ
ଜୀବନଚର୍ଯ୍ୟା ଗୀତି
ଗାଁ ପୁଷ୍କରୀଣୀ ।
୫୮)
କବି କଳ୍ପନା
କାନ୍'ଭାସ୍'ର ପ୍ରଚ୍ଛଦ
ପୋଖରୀ କୂଳ ।
୫୯)
ଲୁପ୍ତ ଶିଶିର
ଧୂମ୍ରାଭ ଇନ୍ଦ୍ରଧନୁ
ପୋଖରୀ ଜଳ ।
୬୦)
ନାରଦ ବାଣୀ
ବ୍ରହ୍ମାଙ୍କ ମୁଖେ ବେଦ
ପୋଖରୀ ମୂଳ ।
୬୧)
ପୋଖରୀ ହଜେ
ଜଳକ୍ରୀଡ଼ା ଉତ୍ସବ
କଂକ୍ରିଟ୍ ର ବନ୍ଧ ।
୬୨)
ସିନ୍ଦୁକ ଚାବି
ସାତତାଳ ପୋଖରୀ
ଆଶୁରୀ ଗଡ଼ ।
୬୩)
ପୋଖରୀ, ବନ୍ଧ
ସରସୀ, ପୁଷ୍କରୀଣୀ
କବି ମଞ୍ଜୁଳ ।
~ ମନୀଷା ମିଶ୍ର
୬୪)
ପୋଖରୀ କୂଳେ
ଭାରି ଲାଗେ ଗହଳି
ନିତି ସକାଳେ ।
୬୫)
ଆମ ପୋଖରୀ
ସ୍ବଛ ସୁନ୍ଦର ପାଣି
ମଧୁର ଭାରି ।
୬୬)
ପୋଖରୀ ହୁଡା
ବାଃ ଦୂରରୁ ଦିଶୁଛି
ତାଳ ବରଡା ।
~ ସମିତା ସ୍ବାଇଁ
୬୭)
ଶୁଷ୍କ ପୋଖରୀ
ଆଷାଢ଼ ବର୍ଷା ନୀରେ
ଶୋଭିତ ଭାରି ।
୬୮)
ମହୁରାଳୀର
ପ୍ରଭାତ ନୃତ୍ୟ ଦେଖ
ଅତି ସୁନ୍ଦର ।
୬୯)
ମଣ୍ଡୁକ ଗୀତ
ଗାଏ ଆନନ୍ଦ କଣ୍ଠେ
ଶୁଣ ଜଗତ ।।
୭୦)
ଫୁଟଇ କଇଁ
ଧଳା ନୀଳ ରଙ୍ଗରେ
ତୋଳନ୍ତି ଧାଇଁ ।
୭୧)
ସକାଳ ବେଳା
ଭେଳା ଭେଳା ତରୁଣୀ
ତୁଠରେ ଖେଳା ।
୭୨)
ସ୍ନାନ ବେଳରେ
ଦୁନିଆ ସାରା ଗପ
ବାକ୍ଯାଳପରେ ।
~ ଉମାକାନ୍ତ ଦାସ
୭୩)
ପୋଖରୀ ପରି
ପଡ଼ିଛି ମୋ ଶରୀର
ଚାହିଁ ଆକାଶ ।
୭୪)
ଶାନ୍ତ ପୋଖରୀ
ଖପରିଟେ ଫିଙ୍ଗିଲେ
ଅଶାନ୍ତ ହେବ ?
~ ରାଜେଶ କୁମାର ମୁଣ୍ଡ
୭୫)
କି ସୁଶୋଭିତ
ଗ୍ରାମୀଣ ପୁଷ୍କରିଣୀ
ପଦ୍ମ ପୂରିତ ।
୭୬)
ପୋଖରୀ ଜଳ
କାଚକେନ୍ଦୁ ପରିକା
ଶୀତଳ ଭାରି ।
~ ରତ୍ନ ପ୍ରଭା ସିଂ
☆☆☆☆☆☆☆☆☆
कोई टिप्पणी नहीं:
एक टिप्पणी भेजें