ହାଇକୁକାର
ରମାକାନ୍ତ ସତପଥି
ହାଇକୁ
--0--
ଗାଆଁ
୧)
ମୋ ଗାଁ ହସୁଛି
ସ୍ୱର୍ଣିମ ଫସଲରେ
କୃଷକ କାନ୍ଦେ ।
୨)
ଗୋଧୂଳି ବେଳା
ଅଙ୍କା ବଙ୍କା ଗାଁ ରାସ୍ତା
ଗୋରୁ ର ପଳ ।
୩)
ସଞ୍ଜ ସକାଳେ
ଆଧ୍ୟାତ୍ମିକତା ଖେଳ
ଗାଆଁ ମନ୍ଦିରେ ।
୪)
ଗାଁ ଦାଣ୍ଡ ପିଣ୍ଡା
ସାଂପ୍ରତିକ୍ ରାଜନୀତି
ତାସ୍'ର ଆସର ।
୫)
ଢିଙ୍କି ହଜିଛି
ବିପିଏଲ୍ ଚାଉଳରେ
ଗାଁ ଆଜି ରୁଗ୍'ଣ ।
୬)
କଂକ୍ରିଟ ଘର
ଗାଁ'ର ଅତୀତ ହଜେ
ବିପିଏଲ୍ ସୁଅ ।
୭)
ଗାଆଁ ଲଳନା
ଅପଭ୍ରଂଶ ସଭ୍ୟତା
ଫଟା ଜିନ୍'ସରେ ।
୮)
ଭାଟିରେ ଧାଡ଼ି
ଗାଁ ଯୁବକ ଭ୍ରମିତ
ବେରୋଜଗାରୀ ।
୯)
ଗାଆଁ ଯାତରା
ସହରୀ ଚାକଚକ୍ୟ
ଉଜୁଡ଼େ ଘର ।
୧୦)
ଗାଁ ମାଟି, ପାଣି
ଆଧୁନିକତା ସ୍ପର୍ଶେ
କରେ ରୋଦନ ।
--00--
~ ରମାକାନ୍ତ ସତପଥି
ବରଗଡ଼ (ଓଡ଼ିଶା)
कोई टिप्पणी नहीं:
एक टिप्पणी भेजें