ସାରସ୍ୱତ ହାଇକୁ କାବ୍ୟ ଯାତ୍ରା
ହାଇକୁ
ଗାଆଁ / ଗାଁ / ଗ୍ରାମ
୧)
ବେଙ୍ଗୁଳୀ ରାଣୀ
ମେଘ ରାଜାକୁ ଗାଆଁ
ଡାକିଛି ଆଣି ।
୨)
ବଉଳ ଫୁଲ
ହୃଦୟ ହଜିଯାଏ
ଗାଁ ନଇ କୂଳ ।
~ ପ୍ରଦୀପ କୁମାର ଦାଶ
୩)
କେଡେ ସୁନ୍ଦର
ରାଇଜ ଭିତରେ ଗାଁ
ସରଗ ପୁର ।
୪)
ଜଙ୍ଗଲ ଶେଷ
ହାତୀ ମାଙ୍କଡ ଭାଲୁ
ଗାଆଁ ପ୍ରବେଶ ।
~ ଡମ୍ବରୁଧର ବାଗ
୫)
ଗାଁ ବିଲ ମାଳ
ସେଇଠୁ ହୋଇଥାଏ
ଶସ୍ୟ ଅମଳ ।
୬)
ଗାଁ ତୋଟାମାଳ
ଖରା ଦିନେ ଶୀତଳ
ତାହାର କୋଳ ।
~ ସୁଧୀର କୁମାର ପଣ୍ଡା
୭)
ଗାଁ ମାଁ ଡାକୁଛେ
ସହରେ ସବ୍ ଛୁଛାଟା
ମୁଇଁ ଯାଉଁଛେ ।
୮)
ଲାଲି ଚା ଭୁଜା
ନୁନ୍ ମିର୍ଚା ବାସି ପଖାଲ୍
ନାଇଁ କହନ ।
~ ଆର୍ ବରସାନା ନନ୍ଦିନୀ
୯)
ଗାଁ ବଏଲେ ତ
ମାଁ ମାଏଟ୍ ପାଏନ୍ ପବନ୍
ଆର୍ ହଁ ଇ ଜୀବନ୍ ।
୧୦)
ଗାଁ ଛାଡ଼ିଦେବ
ସୁନାର୍ ଲଙ୍କା ବସାବ
ଲକ୍ଷ୍ମୀ ନାଇଁ ଥାନ୍ ।
~ ଉତ୍ତମ ହୋତା
୧୧)
ଗାଁର୍ ପାଏନ୍ ପବନ୍
ଦେ ଦେବ୍ତାର୍ ପାହେଁ ସରନ୍
ଇଟା ତ ଜୀବନ୍ ।
୧୨)
ମାଁ ମାଟିର୍ ବାସ୍ନା
ଗାଁର୍ ନଏଦ୍ ନାଲର୍ ପାଏନ୍
ମହକ୍ ତାର୍ ଅଏନ୍ ।
~ ଡିସମ୍ବର ମେହେର
୧୩)
ଗାଁ ର ମନ୍ଦିର
ଦିଶେ କେଡ଼େ ସୁନ୍ଦର
ଶାନ୍ତି ଅପାର ।
୧୪)
ଗାଁ ଚାଟଶାଳୀ
ଝାଟିମାଟି କୁଡିଆ
କେତେ ବଢ଼ିଆ ।
~ ନନ୍ଦିନୀ ଶତପଥୀ
୧୫)
ଗାଁ ଲାଲାବାଗ
ଅତ୍ଯନ୍ତ ସୁନ୍ଦର ସେ
ଏଠି ଜନ୍ମ ମୁଁ ।
୧୬)
ତାହାରି କୋଳ
ମୋ ପାଇଁ ମହାବଳ
ସେହି ମୋର ମା" ।
~ ଉମାକାନ୍ତ ଦାସ
୧୭)
ମୋ ଗାଁ ହସୁଛି
ସ୍ୱର୍ଣିମ ଫସଲରେ
କୃଷକ କାନ୍ଦେ ।
୧୮)
ଗୋଧୂଳି ବେଳା
ଅଙ୍କା ବଙ୍କା ଗାଁ ରାସ୍ତା
ଗୋରୁ ର ପଳ ।
୧୯)
ସଞ୍ଜ ସକାଳେ
ଆଧ୍ୟାତ୍ମିକତାର ଖେଳ
ଗାଆଁ ମନ୍ଦିରେ ।
୨୦)
ଗାଁ ଦାଣ୍ଡ ପିଣ୍ଡା
ସାଂପ୍ରତିକ ରାଜନୀତି
ତାସ୍'ର ଆସର ।
୨୧)
ଢିଙ୍କି ହଜିଛି
ବିପିଏଲ୍ ଚାଉଳରେ
ଗାଁ ଆଜି ରୁଗ୍'ଣ ।
୨୨)
କଂକ୍ରିଟ ଘର
ଗାଁ'ର ଅତୀତ ହଜେ
ବିପିଏଲ୍ ସୁଅ ।
୨୩)
ଗାଆଁ ଲଳନା
ଅପଭ୍ରଂଶ ସଭ୍ୟତା
ଫଟା ଜିନ୍'ସରେ ।
୨୪)
ଭାଟିରେ ଧାଡ଼ି
ଗାଁ ଯୁବକ ଭ୍ରମିତ
ବେରୋଜଗାରୀ ।
୨୫)
ଗାଆଁ ଯାତରା
ସହରୀ ଚାକଚକ୍ୟ
ଉଜୁଡ଼େ ଘର ।
୨୬)
ଗାଁ ମାଟି, ପାଣି
ଆଧୁନିକତା ସ୍ପର୍ଶେ
କରେ ରୋଦନ ।
~ ରମାକାନ୍ତ ସତପଥି
୨୭)
ମୋ ଗାଆଁ ମାଟି
ଡାକୁଛି ଆଜି ଆରେ
ଫେର ବିଦେଶୀ ।
~ ରତ୍ନ ପ୍ରଭା ସିଂ
୨୮)
ରଙ୍ଗ ର ଘର
ଗାଁ କୋଳେ ଏତେ ଶାନ୍ତି
ସପନ ପୁର ।
୨୯)
ଗାଁ ଏବେ ବି ଗାଁ
ଯୁଗ ବଦଳିଲେ ବି
ସୁନ୍ଦର ନାଆଁ ।
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
୩୦)
ଗ୍ରାମ ଦେବତୀ
ବିପଦ ଆପଦରେ
ସାହା ହୁଅନ୍ତି ।
୩୧)
ଗାଆଁ କନିଆଁ
ସିଙ୍ଘାଣି-ନାକୀ ଶବ୍ଦ
ତାକୁ ଛାନିଆଁ ।
୩୨)
ଗାଁ ପରିବେଶ,
ଶାନ୍ତ ସ୍ନିଗ୍ଧ ନିର୍ମଳ
ହୃଦେ ଉଲ୍ଲାସ ।
~ ଶମ୍ଭୁନାଥ ଦାସ
୩୩)
ସୁଷମା ଭରା
ଅପରୂପ ଶୋଭାଶ୍ରୀ
ଗାଆଁ ମୋହରି ।
୩୪)
ମୋ ଗାଆଁ ଧୂଳି
ଚନ୍ଦନ ପରି ଗୋଳି
ହେବି ମୁଁ ବୋଳି ।
୩୫)
ହସୁଛି ଗାଆଁ
ସୁନ୍ଦର ପରିବେଶେ
ମନ ହରଷେ ।
~ ସମିତା ସ୍ବାଇଁ
୩୬)
ପଲସିପାଣି
ଆଏ ମୋର୍ ଗାଁଆର୍ ନାଁଆ
ଆଏ ମୋର୍ ମାଁଆ ।
୩୭)
ଗାଁଆ ମୋର୍ ମାଁଆ
ଗାଁଆ ମୋର୍ ଜନମ୍ ଭୁଇଁ
ମମତାମଇ ।
୩୮)
ମୋର୍ ଗାଁଆ ସୁଂଦର୍
କେତେ ସୁଂଦର୍ ତାର୍ ମାଟି
କେନ୍ ହେବା କଁଟି ।
~ ଦୟାନନ୍ଦ ଶବର
୩୯)
ଗାଁ ଡାକୁଛେ ଆ
ସହରେ ନାଇଁ ଗୁପି
ଗାଁ କେ ଫିରି ଆ ।
୪୦)
ମହନି ଭରି
ପାଏନ ପବନେ ତ
ଗାଁ ପଡେ ହୁରି ।
~ କୃପାସିନ୍ଧୁ ମହାକୁର
୪୧)
ସବୁଠୁ ମିଠା
ଭଲ ଲାଗେ ତା ନାଆଁ
ମୋହରି ଗାଆଁ ।
୪୨)
ଗାଆଁ ସଂସ୍କୃତି
ଭାଇଚାରାର ପ୍ରୀତି
ମଧୁର ଅତି ।
୪୩)
ଶ୍ୟାମଳିମା ଭୂଇଁ (୬)
ବିଲ ପାହାଡ ନଈ
ମନକୁ ମୋହି ।
୪୪)
ଗାଆଁ ଦାଣ୍ଡରେ
ଧୂଳିଖେଳ ସାଥିରେ
ପିଲା ହୋ ହା ରେ ।
୪୫)
ଅଳସୀ ନଈ
ଗାଆଁ ତୋଟାକୁ ଛୁଇଁ
ଯାଉଛି ବହି ।
୪୬)
ତୋଟା ମାଳରେ
କୋଇଲି କୁହୁ କରେ
ମନକୁ ହରେ ।
୪୭)
ଦୋଳ ଯାତରା
ହୋଲି ରଜ ଦଶରା
ଖୁବ୍ ନିଆରା ।
୪୮)
ଚାଟଶାଳୀରେ
ଅବଧାନ ପାଠରେ
ବେତ ମାଡରେ ।
୪୯)
ନିଧି ମଉସା
ପରିବା ତା ବେଉସା
ଭାରି ସରସା ।
୫୦)
ଗାଁ ଦେବାଳୟ
ସତ୍ୟ ଶାନ୍ତି ନିଳୟ
ଆନନ୍ଦମୟ ।
୫୧)
ସାଥୀ ମେଳରେ
ରଜ ପର୍ବ ଦୋଳିରେ
ଝୁଲୁ ମଜାରେ ।
୫୨)
ଦୁରୁଜି ଜେନା
ସରପଞ୍ଚ ଏଇନା
ମିଛ କହେନା ।
୫୩)
ପାଣି ପବନ
ଗଢା ମୋର ଜୀବନ
ତା ପାଇଁ ଧନ୍ୟ ।
୫୪)
ଏନ୍ତୁଡି ନିଆଁ
ମୋ ଗାଆଁବି ଦେଖିଛି
ଜୁଇର ଧୂଆଁ ।
୫୫)
କୋଟି ଜୁହାର
ଗାଆଁ ନୁହେଁତ ସିଏ
ମାଆଟି ମୋର ।
୫୬)
ମୋ ଗାଆଁ ମାଟି
ସ୍ଵର୍ଗ ଠାରୁ ଉଚ୍ଚରେ
ପ୍ରଣମେ ଏଠି ।
~ ଦମୟନ୍ତୀ ରଥ
୫୭
ମୋ ଗାଁ ହସୁଛି
ପଲ୍ଲୀ ପ୍ରକୃତି ଶୋଭା
ସେ ହରାଇଛି ।
୫୮)
ଆଧୁନିକତାର
ଛାପ ପଡି ସାରିଛି
ପିଚୁ ରାସ୍ତାର ।
୫୯)
ନା ଅଛି ବିଲ
ପଡିଆ ଓ ଗାଡ଼ିଆ
ଅଛି ତ ସ୍କୁଲ ।
୬୦)
ଛଣ ଛପର
ଦେଖା ଯାଉନି ଏବେ
ସୌଧ ରେ ପୂର ।
~ ସୁଧାଞ୍ଜଳି ମିଶ୍ର
୬୧)
ଦିନେ ଫେରିବ
ସହରୁକୁ ଛାଡିରେ
ଗାଆଁର କୋଳ ।
~ ମନୋରଞ୍ଜନ ସେଠୀ
୬୨)
ଗାଁ ପରିବେଶ
ଦିଶେ କେଡ଼େ ସୁନ୍ଦର
ସ୍ବଚ୍ଛ ଶ୍ଯାମଳ...!
~ ବିଶ୍ବନାଥ ଭୁଏ
୬୩)
ମୋ ଗାଁ ହଜିଛି
କଂକ୍ରିଟର ଜଙ୍ଗଲ
ଝୁରେ ଫଗୁଣ ।
୬୪)
ଝିଲମିଲ୍ ଖରା
ହାଣ୍ଡି ମାଙ୍କଡ଼ ଚିତ୍
ସବୁଜ ବନ୍ୟା ।
୬୫)
ଶିଶିର ସନ୍ଧ୍ୟା
ଗାଁ ରେ ଶ୍ୱେତ ବିପ୍ଳବ
ଅମୂଲ୍'ର ଭୋକ ।
୬୬)
ଟୁଙ୍ଗୀ ହଜିଛି
ଠିପି ଖୋଲା ଦୋକାନ
ଗାଁ ବଦଳିଛି ।
୬୭)
ଗାଆଁ ମନ୍ଦିର
ଭକ୍ତଙ୍କ ଲୁଚକାଳି
ଗଞ୍ଜେଇ, ଚିଲମ୍ ।
୬୮)
ଗାଁ ଚାଟଶାଳୀ
ମାଗଣାର ପୋଷାକ
ମିଡ ଡେ ମିଲ ।
୬୯)
ଚଉରା ମୂଳ
ଗାଆଁରେ ଇଭିନିଙ୍ଗ
ସଳୀତା ଝୁରେ ।
୭୦)
ଗୋରୁର ଖୁରା
ନିସ୍ତବ୍ଧ ଗାଆଁ ନଈ
ସ୍ୱପ୍ନ ଗୋଧୂଳି ।
୭୧)
ରଜ ମଉଜ
କେକ୍, କୋଲା, ଚାଉମିନ
ଗାଁ ଦାଣ୍ଡ ଧୂଳି ।
୭୨)
ସଭ୍ୟତା ଛାପ
ଏହି କି ସେ ମୋ ଗାଆଁ
ସେ ଦିନ ସ୍ୱପ୍ନ ।
~ ମନୀଷା ମିଶ୍ର
୭୩)
ଗାଁ'ର ସଡ଼କ
ମୋ ଭାଗ୍ୟ ପରି ଏବେ
ସିଧା ସଳଖ ।
୭୪)
ଗୋଧୂଳି ବେଳା
ଗାଁ ଭାଗବତ ଟୁଙ୍ଗି
କାଉ ରାବୁଛି ।
~ ରାଜେଶ କୁମାର ମୁଣ୍ଡ
୭୫)
ଗାଁ ସରୋବର
ପାଖରେ ରହିଅଛି
ଶିବ ମନ୍ଦିର ।
୭୬)
ଗାଁ ପାଖ ହାଟ
ଅଙ୍କା ବଙ୍କା ସଡ଼କ
ଅଳପ ବାଟ ।
୭୭)
ଗାଁ ବିଦ୍ୟାଲୟ
ପିଲାମାନେ ଯାଆନ୍ତି
ନ କରି ଭୟ ।
~ ସନ୍ତୋଷ କୁମାର ସାହୁ
୭୮)
ସରଳ ଲୋକେ
ରୁହନ୍ତି ପଲ୍ଲୀ ପୁରେ
ନଥାଏ ଛନ୍ଦ ।
୭୯)
ନିର୍ମଳ ବାୟୁ
ମିଳଇ ଗ୍ରାମାଞ୍ଚଳେ
ବଢାଏ ଆୟୁ ।
~ ରଞ୍ଜନ ଜେନା
☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें