ମାଟି/ମାଏଟ୍ ବୈଷୟିକ ଓଡ଼ିଆ/କୋଶଳୀ ହାଇକୁ କାବ୍ୟ ଯାତ୍ରା

ହାଇକୁ

ମାଟି / ମାଏଟ୍

-----00-----

୧)

ମାଟି ମଣିଷ 

ମାଟିରୁ ହିଁ ଆରମ୍ଭ 

ମାଟିରେ ଶେଷ ।

୨)

ମାଟି ମହକ 

ଓଦା ହେଲା ଅକ୍ଷର 

ପିରତୀ ପତ୍ର ।

~ ପ୍ରଦୀପ କୁମାର ଦାଶ

୩)

ପୃଥିବୀ ମାତା

ବକ୍ଷ ରେ ତାର ମାଟି

ସର୍ବ ସଂହିତା l

୪)

ଗଛ ମଣିଷ 

ମାଟି ବିହୁନେ ସର୍ବେ

ହୋଇବେ ନାଶ l

~ ତାପସ କୁମାର ମିଶ୍ର

୫)

ମାଟିର ବାସ୍ନା

ମନରେ ଆଣିପାରେ

ନୂଆ ଭାବନା ।

୬)

ସେ ମାଟି, ସେ ମା

ତା ସମ ନାହିଁ କେହି

ମର୍ତ୍ତ୍ୟ ମଣ୍ଡଳେ ।

୭)

ଜୀଵନ ଆମ

କଞ୍ଚା ମାଟିରେ ଗଢ଼ା

ଜାଣରେ ଭାଇ !

୮)

ଜୀବ ଜୀବନ

ପଶେ ମାଟିର ଆଁ ରେ

ନିର୍ବିଶେଷରେ ।

୯)

ସୁନା ଫଳାଏ

ମାଟି ବକ୍ଷ ଦେଶରେ

ସହି ଯାତନା ।

୧୦)

ପ୍ରଳୟ ରଚି

ଆଜି ମାନବ ପାଇଁ

କାନ୍ଦୁଛି ମାଟି ।

~ ମନୋଜ କୁମାର ପଣ୍ଡା

୧୧)

ମାଟିର ଗନ୍ଧ 

ଭୁରି-ଭୁରି ବର୍ଷାରେ 

ଡାହୁକ ଡାକେ ।

୧୨)

ଭିଟା ମାଟିର 

ସ୍ୱପ୍ନଭିଜା ଅତୀତ 

ଗାଁ ମନେ ପଡ଼େ ।

୧୩)

ମାଟି ମଟାଳ 

ଜୀବନର ପ୍ରାଚୁର୍ଯ୍ୟ

ମୋ ଗାଆଁ ଡାକେ ।

~ ରମାକାନ୍ତ ସତପଥି

୧୪)

ମାଟିରୁ ଜନ୍ମ

ମାଟିରେ ବଢ଼ି ଯିବା

ମାଟିରେ ମିଶି । 

୧୫)

ମାଟିରେ ଖେଳ

ମା' ସ୍ନେହ ଭରା ଅଟେ

ତାହାର କୋଳ । 

~ ସୁଧୀର କୁମାର ପଣ୍ଡା

୧୬)

ମାଟି ମାଁ କୋଳ

ସୁଖ ଶାନ୍ତି ସମୃଦ୍ଧି

ସେ ଗନ୍ତାଘର ।

~ ଡମ୍ବରୁଧର ବାଗ

୧୭)

ଶାଣିତ ଚାଲେ

ଚାଖଣ୍ଡେ ମାଟି ପାଇଁ 

ସଂପର୍କ ଛିଣ୍ଡେ ।

୧୮)

ମାଁ ମାଟି ପାଇଁ 

ବୀର ହୁଏ ସହିଦ 

ସୀମାନ୍ତ ଜଗେ ।

୧୯)

ମହାଭାରତ 

ଇତିହାସ ମାଟିର 

କୌରବ ଧ୍ୱଂସ ।

୨୦)

ମଧୂପ ଗୁଞ୍ଜେ

ଫୁଲର ଫଗୁଣରେ

ମାଟିର ଗନ୍ଧ ।

୨୧)

ମଣିଷ ଶେଷ

ଛ' ଫୁଟର ମାଟିରେ

ସ୍ୱାର୍ଥାନ୍ଧ ଲୋଭ ।

୨୨)

ସ୍ତବ୍ଧ କୋକିଳ

ଶିଶିର ଭିଜା ମାଟି 

କମଳ ଝୁରେ ।

୨୩)

ପୃଥିବୀ ହସେ 

ଆଷାଢ଼ର ବିନ୍ଦୁରେ

ସବୁଜ ମାଟି ।

୨୪)

ବନାନୀ ଜଳେ 

ମାଙ୍କଡ଼ ବାହାଘରେ 

ବିବର୍ଣ୍ଣ ମାଟି ।

~ ମନୀଷା ମିଶ୍ର

୨୫)

ଦିନ ଆସିବ 

ଏ ମାଟିରେ ମଣିଷ 

ନିଶ୍ଚେ ମିଶିବ ! 

~ ବିଶ୍ବନାଥ ଭୁଏ

୨୬)

ମୋ' ଭିଜା ମାଟି

ତୋ' ମିଠା ବାସନାରେ

ମନ ମୋହୁଟି ।

୨୭)

ମାଟିଲୋ ମାଟି

ତୋ' ଭିଜା ମହକରେ

ହସେ ପ୍ରକୃତି ।

~ ମାନସୀ ବେହୁରା

୨୮)

ମାଟି ମାଆ ର

ପଣତେ ମିଠା ଗୀତ

କେତେ ସୁନ୍ଦର ।

୨୯)

ସ୍ୱପ୍ନ ର ମାଟି

ତିଆରିବା ଉପାୟ

ଜଣା ଅଛି ଟି !

~ ପ୍ରଫୁଲ୍ଲ ଚନ୍ଦ୍ର ପାଢ଼ୀ

୩୦)

ଇ ମାଏଟ୍ ମୁହାଁ 

ଚରେଇ ଚିରଗୁନ୍ 

ମୁନୁଷ୍ ଟା ବେଡ଼ା ।

୩୧)

ମୁନୁଷ୍ ଟା କାଏଁ

ମାଏଟ୍ ଯଦି ଧସ୍'କିଲେ

ସିଧା ତ ପାତାଲ୍ ।

~ ଉତ୍ତମ ହୋତା

୩୨)

ଦୋରସା ମାଟି

ପନିପରିବା ଚାଷ

ଲାଭ ନିହାତି ।

୩୩)

ବରଷା ହେଲେ

ମାଟିର ଭୁରୁଭୁରୁ

ବାସ୍ନାଟି ଭଲେ ।

~ ଶମ୍ଭୁନାଥ ଦାସ

୩୪)

ମୃତ୍ତିକା ବାସେ 

ସୁଗନ୍ଧ ମନୋହର 

ବରଷା ହେଲେ ।

୩୫)

ମାଟି ମହାନ

ବୀର ସନ୍ତାନଗଣ 

ଶୁଣ ଆହ୍ୱାନ ।

~ ସୁଧାଞ୍ଜଳି  ମିଶ୍ର

୩୬)

ମାଟି ମଣିଷ 

ସେଇ ମାଆର ଦାନ

ସର୍ବେ ସନ୍ତାନ।

୩୭)

ମାତୃତ୍ବ ମନ

ମମତା ପ୍ରତିଦାନ 

ପ୍ରତି ସ୍ପନ୍ଦନ ।

୩୮)

ଜାଗଇ ଭାବ

ଅନନ୍ଯ ମାଧୁର୍ଯ୍ୟତା

ଭରେ ଆଶିଷ ।

୩୯)

ମାଟି ମହାନ 

ରଖିବ ମାଆ ମାନ 

ସ୍ବୟଂ ସଂପୂର୍ଣ୍ଣ ।

~ ସମିତା ସ୍ୱାଇଁ

୪୦)

ମୋ ଭିଟା ମାଟି 

ସେ ମୋର ତୀର୍ଥ ଭୂଇଁ 

ଜନମ ସେଠି ।

୪୧)

ମାଟି ଅଗଣା

କେତେ ଖେଳିଛି ଖେଳ 

କରି ଆପଣା ।

୪୨)

ପାଳିଛି ମାଆ

ମତେ କୋଳ ରେ ତାର

ମୁଁ ତାର ଛୁଆ ।

~ ଲଳିତା ଜେନା

୪୩)

ମାଟି ମାଆଟି 

ତା'ର କୋଳରେ ଯିବି

ସାନନ୍ଦେ ଲୋଟି ।

~ ଚିନ୍ମୟୀ ସାହୁ

୪୪)

ମାଟି ଜନନୀ

ଦିଅଇ ଖାଦ୍ୟ ଜଳ

ସହେ ଆଘାତ

୪୫)

ମାଟି ଅମୁଲ୍ୟ

ସଅଳ ନୁହେଁ ସୃଷ୍ଟି

ନକର କ୍ଷୟ ।

~ ରଞ୍ଜନ ଜେନା 

☆☆☆☆☆☆☆☆☆