ହାଇକୁ କବୟିତ୍ରୀ
ମୈତ୍ରେୟୀ କମିଳା
ହାଇକୁ
--0--
ଧାରେ ଲୁହର
ମଝିରେ ସେ ଆକାଶ
ଲେଉଟି ଚାହେଁ ।
ନୀଳ କାହିଁକି
ସ୍ବପ୍ନ ସବୁ ସଯାଏ
ଜହ୍ନ ଜୋଛନା ।
ସବୁଜିମା ସେ
ବନ ଜଙ୍ଗଲ ଶୋଭେ
ଚହଟେ ଫୁଲ ।
ଢେଉର ମେଳ
କୂଳକୁ ଛୁଉଁ ଛୁଉଁ
ଶାମୁକା ହସେ ।
ବାଦଲ ଢାଙ୍କି
ଲୁଚାଏ ଗାଢ଼ ରାତି
ସାଉଁଟା ସ୍ବପ୍ନ ।
ଏ ବର୍ଷା ଝରେ
ମେଘର ଗଜ଼ଲରେ
ଭିଜେ ଓଢଣୀ ।
ସବୁଜ କ୍ଷେତ
ଧାଡ଼ିଧାଡ଼ି ଧାନ ର
ସୁନା ଫସଲ ।
ବେଙ୍ଗୁଲି ରାଣୀ
କୂଆ ର କାଆ କାଆ
ଶୁଭୁଛି କାନେ ।
ପାଣିର ସୁଅ
ଅସ୍ତ୍ୟ ବ୍ୟସ୍ତ ଜୀବନ
ଆଗକୁ ଛୁଟେ ।
ଲୁହର ବନ୍ୟା
ଉବୁଟୁବୁ ନଈରେ
ଖୋଜୁଛି କୁଳ ।
---00--
~ ମୈତ୍ରେୟି କମିଳା
.jpeg)
कोई टिप्पणी नहीं:
एक टिप्पणी भेजें