ସାରସ୍ୱତ ହାଇକୁ କାବ୍ୟ ଯାତ୍ରା
ହାଇକୁ
ଜହ୍ନ / ଜନ୍
୧)
ଆଜି ମୋ ଜହ୍ନ
କାହିଁକି ଯେ ଗୋଡ଼ାଏ
ମୋ ପଛେ ପଛେ ।
୨)
ଜହ୍ନର ଛାଇ
ଦେଖିଛ ସତେ କିଏ ?
ମୋ'ଠି ପଡ଼ିଛି ।
~ ରାଜେଶ କୁମାର ମୁଣ୍ଡ
୩)
ପୁନେଇଁ ରାତି
ଘରେ ଜହ୍ନ ଆସିଛି
ଜୋଛନା ନେଇ ।
୪)
ପୁନେଇଁ ଜହ୍ନ
ନଦୀର କୁଳୁ କୁଳୁ
ଦେଖାଏ ସ୍ୱପ୍ନ ।
୫)
ଶୀତୁଆ ରାତି
ଜହ୍ନ ଦେହରେ ଆଜି
ବହଳ ତାତି ।
୬)
ଥରୁଛି ଛାତି
ଦେଖେ ଜହ୍ନକୁ ଲୁଚି
ନିରୀହ ଆଖି ।
୭)
ଶରଦ ଚାନ୍ଦ
ତାର ଜୋଛନା ରୂପ
ଅମୃତ ଭାଣ୍ଡ ।
୮)
ପୁନେଇଁ ରାତି
ସାଗର ଢେଉ ସହ
ଜହ୍ନ ନାଚୁଛି ।
୯)
ଜହ୍ନର ହସ
ଖୋଜୁଛି କାଶତଣ୍ଡୀ
ନଈର କୂଳ ।
୧୦)
ଜହ୍ନ ଆଲୁଅ
ଆତ୍ମନିମଗ୍ନତାର
ଶବ୍ଦ ଅଭାବ ।
~ ପ୍ରଦୀପ କୁମାର ଦାଶ
୧୧)
ଏ ଜନ ସୁନ
ମନର ରାନୀ ମୋର
ଗା ଟିକେ ଗୁନ ।
୧୨)
ଆ ଜନ ଘା ଆ
ରୁସିଛେ ମୋର ଧନ
ଗେଲ କରି ଯା ।
~ କୃପାସିନ୍ଧୁ ମହାକୁର
୧୩)
ଜନ ବଏଠା
ଭୁଖମର୍ଡିଆ ପିଠା
ଭୁଖେ ଜଲୁଥା ।
୧୪)
ହସରି ଜନ
ଅନ୍ଧାର କୁରିଆର
ହେତୁ ଉକିଆ ।
~ ମହେଶ୍ୱର ପଧାନ
୧୫)
ଆକାଶେ ଜହ୍ନ
ହସେ କଇଁ ର ମନ
ଦେଖି ସପନ ।
୧୬)
ଜହ୍ନ ରାଇଜେ
ତୋଳିବି ଗୋଟେ ଘର
କରି ସୁନ୍ଦର ।
୧୭)
ସ୍ମୁତି ରେ ଭରା
ମୋ ମନ ମିଠା ଜହ୍ନ
ସେ' ଅପାଶୋରା ।
୧୮)
ସେଇ ମୋ ଜହ୍ନ
ଚନ୍ଦ୍ରିକା ରେ ଚର୍ଚ୍ଚିତ
ଜୋସ୍ନା ବିଧୌତ ।
୧୯)
ପୂୂର୍ଣ୍ଣମୀ ରାତି
ସରଗ ରାଇଜେ ଜହ୍ନ
ଝରାଏ ପ୍ରୀତି ।
୨୦)
ଅଭୁଲା ରାତି
ମଧୁ ଭରା ସେ ଜହ୍ନ
ଫିକା ଜୋଛନା ।
~ ସମିତା ସ୍ବାଇଁ
୨୧)
ଚକା ମୁହଁ ଟା
ଦିଶେ ଜହ୍ନ ପରିକା
ନୂଆ କନିଆଁ ।
୨୨)
ପୋଖରୀ ପୃଷ୍ଠ
ଜହ୍ନ ର ପ୍ରତି ବିମ୍ବ
କି ମନୋହର !
~ ଡମ୍ବରୁଧର ବାଗ
୨୩)
ମୋ ପ୍ରିୟା ମୁଖ
ଜହ୍ନର ରୂପାଥାଳି
ନାଳି ଓଢ଼ଣୀ ।
୨୪)
ମୋ ପ୍ରିୟା ହସେ
ଝିଲମିଲ୍ ଜହ୍ନରାତି
ନିରବ ରାତି ।
୨୫)
କଇଁ ହସୁଛି
ଜହ୍ନ ଜୋଛନା ରାତି
ସରସୀ ଜଳେ ।
୨୬)
ପ୍ରିୟାର କୋଳ
ଶିଶିର ଜହ୍ନରାତି
ଶିହରେ ଛାତି ।
୨୭)
ଗାଁ କୂଳବଧୂ
ନିଃସ୍ତବ୍ଧ ଜହ୍ନରାତି
ବିରହେ ଝୁରେ ।
୨୮)
ଶରତ ଆସେ
ପୁନେଇ ଜହ୍ନ କୋଳେ
କୁଆଁରୀ ହସେ ।
୨୯)
ପୁନେଇ ରାତି
ରଜନୀଗନ୍ଧା ହସେ
ପ୍ରିୟା ଋଷିଛି ।
୩୦)
ବରଷା ରାତି
ଜହ୍ନର ଲୁଚକାଳି
ପ୍ରେମରେ ନିଆଁ ।
୩୧)
ଶୂନ୍'ଶାନ୍ ଗାଁ ଦାଣ୍ଡ
ଶୀତଳ ଚନ୍ଦ୍ର ଜ୍ୟୋତ୍ସ୍ନା
ନିଦାଘ ରାତି ।
୩୨)
ପ୍ରିୟା କାନ୍ଦୁଛି
ଜହ୍ନ ଆଖିରେ ଲୁହ
ଦାରୁଣ ବ୍ୟଥା ।
୩୩)
ଗାଁ ନଈ କୂଳ
ନିଝୁମ ଜହ୍ନରାତି
ମୋ ପ୍ରିୟା କୋଳ ।
୩୪)
ମୁକ୍ତ ଝରକା
କୁଆଁରୀ ମନ ଖୋଜେ
ଜହ୍ନରେ ସାଥୀ ।
~ରମାକାନ୍ତ ସତପଥି
୩୫)
ଜହ୍ନ ଜୋଛନା
ହୃଦୟେ ଶିହରଣ
ଯେ' ଉନ୍ମାଦନା ।
୩୬)
ଜହ୍ନ ରାତିରେ
ସମୟ ବିତେ ମୋର
ପ୍ରିୟା ସାଥିରେ ।
୩୭)
ଜହ୍ନକୁ ଯିବି
ମୋ' ପ୍ରିୟା ପାଇଁ ସେଠି
ଘର ତୋଳିବି ।
~ ଶମ୍ଭୁନାଥ ଦାସ
୩୮)
ଉକିଆ ଜନ
ଉଦି ଗଲା ବେଲ ନୁ
ହସୁଛେ ମନ l
୩୯)
ଉଦିଆଁ ଜନ
ଦିଲ ଚୁରେଇ କରି
ଘିନିଛେ ମନ l
~ ମୁକ୍ତେଶ୍ଵର ପଧାନ
୪୦)
ପୂର୍ଣ୍ଣିମା ଜହ୍ନ
ଶୀତଳ ରଜନୀର
ଉଛୁଳା ମନ ।
୪୧)
ସକଳ ରାତି
ଜହ୍ନ ବିନା ଲାଗିବ
ଅନ୍ଧାର ପ୍ରୀତି ।
~ ସନ୍ତୋଷ କୁମାର ସାହୁ
୪୨)
ଜହ୍ନର ରାତି
କମ୍ପନ ର କବିତା
ମନ ରେ ପ୍ରୀତି ।
୪୩)
ସତରେ ତମେ
ଜହ୍ନରାତି ର ଗୀତି
ଅଭୁଲା ପ୍ରେମ ।
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
୪୪)
ଜହ୍ନ ପରିକା
ହୋଇଲେ ଏ ଜଗତ
ହେବ ଆଲୋକ ।
~ ଉମାକାନ୍ତ ଦାସ
୪୫)
କେଡ଼େ ଉଏନ
ମୁଲ ମୁଲ ହଁସୁଛେ
ଆକାଶେ ଜନ.. !
~ ବିଶ୍ବନାଥ ଭୁଏ
୪୬)
ଛାଏଁର ଛନ୍'କା
ଜନକ୍ ରାତିର ତରା
ଧୁକା ହୁର୍'ହୁର ।
୪୭)
ଘାଟର ପାଏନ୍
କଇଁ ଫୁଲିଆ ଦିହି
ଜନଟା ହସେ ।
~ ମନୀଷା ମିଶ୍ର
୪୮)
ଚାନ୍ଦିନୀ ରାତି
ଫୁଲେଇ ବାଆ ଗାଏ
ମଧୁର ଗୀତି ।
୪୯)
ଜହ୍ନ ଆଲୁଅ
ଖେଳେଇ ଦିଏ ତା'ର
କୋମଳ ଦ୍ଯୁତି ।
~ ରତ୍ନ ପ୍ରଭା ସିଂ
୫୦)
ପୁନେଇଁ ଜହ୍ନ
ଭାବ ଗମ୍ଭୀରତା ର
ଶବ୍ଦ ନିଳୟ l
୫୧)
ଜୋଛନା ଲୋଭ
କଇଁ କି ବୁଝିପାରେ
ଜନ୍ହ ବିଳାପ l
୫୨)
ଅଭୁଲା ସ୍ମୃତି
ମନର କାନଭାସ୍ ରେ
ସାଇତା ଜନ୍ହ l
୫୩)
ସର୍ବ ସ୍ଵତନ୍ତ୍ର
ନିମଗ୍ନl ପ୍ରତିବିମ୍ବେ
ସଲିଳ ଜନ୍ହ l
~ ତାପସ କୁମାର ମିଶ୍ର
୫୪)
ନିଲି ଆକାସେ
ଜହ୍ନ ଆଲୁଅ ଦେଖି
ଧରଣି ହଁସେ ।
୫୫)
ଜହ୍ନ ରାତିରେ
ଉଜ୍ଜଲମୟ ତାରା
ରହେ ସାଙ୍ଗରେ ।
୫୬)
ପୂର୍ଣ୍ଣିମା ରାତି
ଚନ୍ଦ୍ରମା ହଁସୁଥାଏ
ଫୁଲେଇ ଛାତି ।
୫୭)
ସରଗ ସସି
କେତେ ସୁଂଦର ଦିଶେ
ନିଲି ଆକାଶେ ।
୫୮)
ଜହ୍ନ ଆଲୋକ
କେତେ ସୁନ୍ଦର ଲାଗେ
ସଭିଏଁ ଦେଖ ।
୫୯)
ଅତି ସରସ
ଚାନ୍ଦିନୀ ରାତି ଜହ୍ନ
ଫୁଟାଏ ହଁସ ।
୬୦)
ଦିନ ବେଳରେ
ଚନ୍ଦ୍ରମା ଲୁଚିଜାଏ
ତାରା ମେଲରେ ।
~ ଦୟାନନ୍ଦ ଶବର
୬୧)
ଜହ୍ନ ମୋ ପ୍ରିୟା
ଆକାଶ ବୁକେ ହସେ
ଡାକେ ଚାଲିଆ l
୬୨)
କରିବ ଗେଲ
କହେ ମୋର କାନରେ
ପାଇବ ଭଲ l
୬୩)
କଇଁ ଓ ଜହ୍ନ
ପ୍ରେମରେ ଦୂରେ ଥାଇ
ଏକଇ ମନ l
~ ସୁଧାଞ୍ଜଳି ମିଶ୍ର
୬୪)
ଦଶରା ଜନ
ପଏର୍ଛା ଦିଶୁଥିସି
କୁଆଁରୀ ମନ ।
୬୫)
ଜନ ଉକିଆ
ଦେଖି ଚାଲବ ଗୋଡ଼
ହେବା ଖଣିଆ ।
~ ଜୟରାମ ସାହୁ
୬୬)
ମାମୁଁ ତ ମାମୁଁ
ଆମ ସଭିଙ୍କ ମାମୁଁ
ସେ ଜହ୍ନ ମାମୁଁ ।
୬୭)
ଶରଦଶଶୀ
ଶୀତଳ ଜ୍ୟୋତ୍ସ୍ନା ତାର
ଦିଏ ପରଶି ।
୬୮)
ମାଆର କୋଳ
କୁନା ଦେଖିବ ଜହ୍ନ
କରେ ଅଝଟ ।
୬୯)
ପୁନେଇ ଜହ୍ନ
ଦିଶଇ ଛନଛନ
କୁଆଁରୀ ମନ ।
୭୦)
ଭାରି ଉଚ୍ଛନ
କୁଆଁର ପୁନେଇରେ
ଚାନ୍ଦରେ ମନ ।
୭୧)
ସରସୀ କଇଁ
ପ୍ରୀତିର ସରାଗରେ
ରହିଛି ଚାହିଁ ।
୭୨)
ଚାନ୍ଦିନୀ ରାତି
ପାଶେ ଥିଲେ ମୋ ସାଥୀ
ଭରେସେ ପ୍ରୀତି ।
୭୩)
ଉଦାସୀ ମନ
ଆକାଶେ ଦେଖି ଜହ୍ନ
ଦେଖେ ସପନ ।
୭୪)
ଆକାଶେ ନିତି
ଘଡି ମାରି ଆସୁତୁ
ଜୋଛନା ରାତି ।
୭୫)
ଶରତେ ଜହ୍ନ
କାଶତଣ୍ଡୀ ମଗନ
ସେ ଛନଛନ ।
୭୬)
ଶୀତୁଆ ରାତି
ଜ୍ୟୋତ୍ସ୍ନା ବିଧୌତେ ପ୍ରୀତି
ମାଦକ ଅତି ।
୭୭)
ଜହ୍ନରେ ମୋର
ତୋଳିବି ଘର ଏକ
ବୁକୁରେ ତୋର ।
୭୮)
ପ୍ରିୟାକୁ ନେଇ
ରଖିବି ଘରେ ପରା
ସେନେହ ଦେଇ ।
୭୯)
ଜହ୍ନରେ ଜହ୍ନ
ପ୍ରିୟା ଆଖିରେ ଦେବୁ
ସୁନେଲି ସ୍ଵପ୍ନ ।
୮୦)
ଜହ୍ନ ଆଲୋକ
ଅମା ଦୂରେଇ ଯାଏ
ଜଗତଯାକ ।
୮୧)
ରଜନୀ ରାଣୀ
ଚାନ୍ଦ ବିନା ଝରାଏ
ନୟନୁ ପାଣି ।
୮୨)
ବିରହ ଗୀତି
ଜହ୍ନ ଦେଖି ଲେଖଇ
କବିତା ନିତି ।
୮୩)
ଭିଜା ବାଲିରେ
ଝାପ୍ସା ଜହ୍ନ ଆଲୁଏ
ଖୋଜେ ସାଥୀରେ ।
୮୪)
ଧରଣୀ ପରେ
ଶୀତଳ ଜ୍ୟୋତ୍ସ୍ନା ତୋର
ଭରେ ପୁଳକ ।
୮୫)
ଉପଗ୍ରହ ତୁ
ପ୍ରାକୃତିକ ପରାଲୋ
ସୌରଜଗତେ ।
୮୬)
କକ୍ଷ ପଥରେ
ପରିକ୍ରମଣେ ରତ
ଏ ପୃଥିବୀରେ ।
୮୭)
ଅମାବାସ୍ୟାରେ
ଲୁଚିଯାଅ କାହିଁତ
ଖୁବ୍ ଖୋଜେରେ ।
୮୮)
ଜହ୍ନ ପ୍ରେୟସୀ
ଶୁଭ୍ର ଶାଢୀ ପିନ୍ଧିଲୋ
ଉଠ ଝଲସି ।
୮୯)
ଚାନ୍ଦିନୀ ରାତି
ପ୍ରିୟା ଭାବ ପୀରତି
ମଧୁର ଅତି ।
୯୦)
ତାରା ମେଳରେ
ସାଜୁ ଅଭିସାରିକା
ଚାନ୍ଦ ରାଣୀରେ ।
୯୧)
ଝର୍କା ଫାଙ୍କରେ
ତୋ ତେର୍ଚ୍ଛା ଚାହାଣୀରେ
ହଜି ଯାଏରେ ।
୯୨)
ସରଗଚାନ୍ଦ
ଦେଖିଦେଲେ ପ୍ରିୟାଲୋ
ଆସଇ ନିଦ ।
୯୩)
ଏ ଜହ୍ନ ରାତି
ଘଡିଏ ତୁ ରହିଯା
ପାହିନି ରାତି ।
୯୪)
ରଜନୀଗନ୍ଧା
ଭରା ଚାନ୍ଦିନୀରେ ତୋ
ପ୍ରୀତିରେ ବନ୍ଧା ।
୯୫)
ଅଭୁଲା ସ୍ମୃତି
ବିରହୀ ନାୟିକା ତୁ
ଜଗାଉ ପ୍ରୀତି ।
୯୬)
ଜହ୍ନ ନାୟିକା
ଲେଖେ କବିତା ଆଜି
ଭଳିଭଳିକା ।
୯୭)
କବିତା ଗୀତି
ଲାସ୍ୟମୟୀ ଜହ୍ନ ଗୋ
କରୁଛି ଇତି ।
~ ଦମୟନ୍ତୀ
୯୮)
ସମସ୍ତେ ଦେଖ
ଚାନ୍ଦ ଉଜ୍ଜ୍ୱଳମୟ
ବିଞ୍ଚେ ଆଲୋକ ।
୯୯)
ସରଗ ସସି
କୁନି ଝିଅ ଦେଖୁଛି
ଦଉଛି ହଁସି ।
୧୦୦)
ସରଗ ସସି
ମେଘର ଆଢୁଆଲ
ଯାଉଛି ଭାସି ।
~ ଦୟାନନ୍ଦ ଶବର
୧୦୧)
ଶଶାଙ୍କ ବୁକୁ
ଜହ୍ନରେ ମରିଚୀକା
ତୃଷାର୍ତ୍ତ ଶଶା ।
୧୦୨)
ଖଣ୍ଡିତ ବକ୍ଷ
ଅଭିସଂପାତ ଜହ୍ନ
ଚତୁର୍ଥୀ ତିଥି ।
୧୦୩)
ସୋମେଶ ଶିର
ସର୍ବଦା ପୂଜନୀୟ
ଅର୍ଦ୍ଧେନ୍ଦୁ ଜହ୍ନ ।
୧୦୪)
ଅସନୀ ସ୍ୱନ
ରୋମାଞ୍ଚ ସିହରଣ
ଉଆଁଷି ଜହ୍ନ ।
୧୦୫)
ଜେଜେମା କୋଳ
ପରୀ ରାଇଜ, ଜହ୍ନ
ସ୍ୱପ୍ନ କୁମାର ।
୧୦୬)
ପେଚାର ହୁଟ୍ ହୁଟ୍
ନିସ୍ତବ୍ଧ ଜହ୍ନରାତି
ପିଶାଚ ଭିତି ।
୧୦୭)
ମିସାଇଲ୍ ଯୁଗ
ପ୍ରିୟାର ଜନ୍ମଦିନ
ଜହ୍ନରେ ଘର ।
୧୦୮)
ପାଶ୍ଚାତ୍ୟ ପ୍ରିତୀ
ମୋବାଇଲ୍ ଡୋରେମନ
ଜହ୍ନ ହଜିଛି ।
୧୦୯)
ଅଙ୍କଲ୍ ର ଯୁଗ
ଲୁପ୍ତ ଜହ୍ନ ମାମୁଁ ନା
ସଭ୍ୟତା ଦୋଷ ।
୧୧୦)
ପୁନେଇ ଜହ୍ନ
ଆଞ୍ଜୁଳା ଜହ୍ନିଫୁଲ
ନିର୍ବାକ୍ ନିଶ୍ଚିହ୍ନ ।
~ ମନୀଷା ମିଶ୍ର
୧୧୧)
ରାଗ୍ ନାଇଁ ଲାଗ୍'ବା
ଆମେ ତପି ଯାଉଛୁଁ
ସେ ଯେ ଶୀତଳ ।
୧୧୨)
ମେଲା ଆକାଶ
ଏକ୍'ଦମ୍ ସୁନ୍ଦର୍ ପଦମ୍'ଫୁଲ୍
ଫଟା ଘରେ ବି ।
~ ଉତ୍ତମ ହୋତା
୧୧୩)
ଜହ୍ନ କେନ୍ତା ଯେ
ରାତି କାଣା ବାହାର୍'ବୁ
ନାଇଁ ଦେଖି ଜନ୍ ।
୧୧୪)
ଜହ୍ନର୍ କଥା ତ
ରାତି ବାହାର୍'ଲେ ମଲୁ
ନାଇଁ ତୁଇ ଦେଖ୍ ।
~ ଆର. ବରସାନା ନନ୍ଦିନୀ
୧୧୫)
ମୋ ଜହ୍ନ କୁ ଦେଖି
ନଭେ ଶଶୀ ମୁହଁଟି
ଯାଏ ଗୋ ଶୁଖି ।
୧୧୬)
ଜହ୍ନ ଲୁଚନା
ଜଳଦ ଉହାଡରେ
ମନ ବୁଝେନା ।
୧୧୭)
ମନ ଉଚ୍ଛନ୍ନ
ସତେ ପାଇଛି ମୁହିଁ
ସରଗଜହ୍ନ ।
~ ଚିନ୍ମୟୀ ସାହୁ
୧୧୮)
ଜହ୍ନର ମୁହଁ
ଲାଗଇ ସତେ କି ସେ
ପ୍ରେମିକା ହସ ।
୧୧୯)
ଜହ୍ନ ର ଛବି
କବିତା ଧାର ଟି'ଏ
ଭାବୁକ କବି ।
୧୨୦)
ଶୀତଳ ଧାର
ଜୋଛନା ଭାର ଭାର
ଜହ୍ନ କାହାର ।
୧୨୧)
ଉଦିଆଁ ଜନ
ମୁଲକି ହଁସ ହଁସି
ଘିଛସି ମନ ।
~ ଆଶୁତୋଷ ମେହେର
☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें