ହାଇକୁକାର
ମନୋଜ କୁମାର ପଣ୍ଡା
ହାଇକୁ
--0--
୧)
ତୋଟା ସେପଟୁ
ଡାକୁଥିଲା କୋଇଲି
ମିଠା ସ୍ୱରରେ ।
୨)
ଗୋଲାପ ଠାରୁ
ପ୍ରେମର ପରିଭାଷା
ଶିଖିଲି ଆଜି ।
୩)
ଆଖିରେ ଲୁହ
ଛାତିରେ କୋହ ନେଇ
ଖୋଜେ ତୁମକୁ ।
୪)
କେଡେ ନିର୍ଦ୍ଦୟ
ଯାଇଛ ଯେ ଯାଇଛ
ଫେରୁନ ଜମା ।
୫)
ସତ କହୁଛି
ତୁମ କୋଳଟି ଲାଗେ
ମମତା ଭରା ।
୬)
ମୋର ଭିତରେ
କିଏ ଜଣେ କାନ୍ଦୁଛି
ଆକୁଳ ଚିତ୍ତେ ।
୭)
ଉଇଁ ଆସୁଛି
କପଟତାର ସୂର୍ଯ୍ୟ
ଲୁହ ଲହୁରେ ।
୮)
ତୁମେ ଆସିବ
ସଜାଉଅଛି ଘର
ଦାଣ୍ଡ ଦୁଆର ।
୯)
ତମ ମୃତ୍ୟୁରେ
ଭାଙ୍ଗିନାହିଁ ମୁଁ ଜମା
ଜୀବିତ ଅଛି ।
୧୦)
ହୃଦ ଭିତରେ
ଯକ୍ଷ୍ମା ଜୀବାଣୁ ଭର୍ତ୍ତି
ତୁମ ସ୍ମୃତି ର ।
୧୧)
ମନ ଉଚ୍ଚାଟେ
କଦମ୍ବ ଫୁଲଫୁଟେ
ଦେହେ ଉଲ୍ଲାସେ ।
୧୨)
ଏହି ନିଶ୍ୱାସ
ଯେଦିନ ବନ୍ଦ ହେବ
ସରିବ ଖେଳ ।
୧୩)
ଦେହ କୁଞ୍ଜରେ
ବେଣୁ ସ୍ଵନ ଶୁଭୁଛି
କ୍ଷୀଣ ସ୍ୱରରେ ।
୧୪)
ନୂଆ ବିଶ୍ୱାସ
ରାହା ପାଏ ନିଶ୍ୱାସ
କିନାରା ମିଳେ ।
୧୫)
ଜୀବ ଜୀବନ
ପଶେ ମାଟିର ଆଁ ରେ
ନିର୍ବିଶେଷରେ ।
---00---
~ ମନୋଜ କୁମାର ପଣ୍ଡା
ଅଡା, ବାଲେଶ୍ଵର (ଓଡ଼ିଶା)
.jpeg)
कोई टिप्पणी नहीं:
एक टिप्पणी भेजें