ହାଇକୁ କବୟିତ୍ରୀ ମନୀଷା ମିଶ୍ରଙ୍କ ଓଡ଼ିଆ ହାଇକୁ କବିତା

ହାଇକୁ କବୟିତ୍ରୀ

 

ମନୀଷା ମିଶ୍ର 

ହାଇକୁ 

--0--

ବାତ୍ଯା 

-------

(୧)

ବାତ୍ଯା ସବୁଠି 

ମାଆର ପଣତରେ 

ଲୁହର ବନ୍ୟା ।

(୨)

ପିତା ବୁକୁରେ 

ବେଦୀ ହୋମରେ ବାତ୍ଯା 

କୋକେଇ ଉଠେ ।

(3)

ହାଣ୍ଡି ଶାଳ ରେ

ତୃଷାର୍ତ୍ତ ନେତ୍ରେ ବାତ୍ଯା 

ରିକ୍ତ ଶୈଶବ ।

(୪)

ଲେଖନୀ ମୁନେ 

କବିର କଳ୍ପନା ଟି 

ଜାଗ୍ରତ ବାତ୍ଯା ।

(୫)

ପ୍ରେମିକା ହସେ 

ପ୍ରତାରଣାର ବାତ୍ଯା 

ସ୍ତବ୍ଧ ପ୍ରେମିକ ।

(୬)

ଶୂନ୍ୟ ହତାଶ 

ବୁଭୂକ୍ଷିତ ମାନଙ୍କ 

ଅଣ୍ଟିରେ ବାତ୍ଯା ।

(୭)

ଦାଦନ ଖଟେ 

ଫାନସ୍ ପୁଞ୍ଜିର ବିକ୍ରି 

ଦାନରେ ବାତ୍ଯା ।

(8)

ବାତ୍ଯା ସମୁଦ୍ରେ 

ଜଳେ, ସ୍ଥଳେ, ଆକାଶେ 

ନିର୍ବାକ୍ ମଣିଷ ।

(9)

ମାତାଲ୍'ର ବାତ୍ଯା 

ଚିକେନ୍'ର କଷା, ମଦ 

କାମାନ୍ଧ ତୃଷ୍ଣା ।

(୧୦)

ଅସହଜ 'କା'

ସ୍ମିତ ହାସ୍ୟରେ ବାତ୍ଯା 

ବିଦ୍ଧ ବନ୍ଧୁତ୍ୱ ।

~ ମନୀଷା ମିଶ୍ର

ବରଗଡ଼ (ଓଡ଼ିଶା)