ସାରସ୍ୱତ ହାଇକୁ କାବ୍ୟ ଯାତ୍ରା
ହାଇକୁ
ଫୁଲ
~•~
୧)
ଫୁଲ ସୁନ୍ଦର
କିନ୍ତୁ ପ୍ରଶଂସା ହୁଏ
ମାତ୍ର ବାସ୍ନାର ।
୨)
ସାନ୍ଧ୍ଯ ଆସର
ବସନ୍ତର ଓଠରେ
ଫୁଲେ ପଳାଶ ।
୩)
ବଗିଚା ଫୁଲ
ଚାହିଁ ରହିଛି ବାଟ
ଭଅଁର ଭେଟ ।
୪)
ତାତିଲା ଝାଞ୍ଜି
ଫୁଲର ବାସ୍ନା ଆଜି
ଯାଇଛି ହଜି ।
୫)
ନୀଳ ଆକାଶ
କାଶତଣ୍ଡୀର ଫୁଲ
ଧବଳ ମେଘ ।
~ ପ୍ରଦୀପ କୁମାର ଦାଶ
୬)
ଲଗାନ୍ତୁ ଗଛ
ଫୁଲ ଫଳ ପାଆନ୍ତୁ
ପଛକୁ ପଛ ।
୭)
ଫୁଲ ସୁବାସ
ହୃଦୟେ ଶିହରଣ
ପ୍ରୀତିର ବାସ ।
୮)
ଦେବ ପୂଜନ
ଫୁଲର ଆଦର ଯେ
ସର୍ବାଗ୍ରେ ଜାଣ ।
~ ଶମ୍ଭୁନାଥ ଦାସ
୯)
ସୁନ୍ଦର ଫୁଲ
ମୋ ହୃଦ ଅଗଣାରେ
ତୁମେ ହିଁ ତୁମେ ।
୧୦)
ଫୁଲଟେ ହୋଇ
ଫୁଟି ଯିବ କି ସତେ
ନୀଳ କନ୍ଦରେ ।
~ ରାଜେଶ କୁମାର ମୁଣ୍ଡ
୧୧)
ଫୁଲ୍'ଟେ ହେମି ଯେ
ଫୁଟାମି ଭାବୁଥିଲୁ
ଫୁଟବାର୍ ଆଗ୍'ରୁ ।
୧୨)
ଫୁଟ୍'ଲିଁ କିନି.. ଦେଖ୍
ଫୁଟାଲିଁ ବି ତ ସମ୍'କୁ
ହାଦେ ସେ ମାଲି ।
~ ଆର. ବରସାନା ନନ୍ଦିନୀ
୧୩)
ଫୁଲ ସୁଗନ୍ଧ
ମନ ମତାଣିଆ ଯେ
ଭଅଁର ବାଇ ।
୧୪)
ଫୁଲ ର ରଂଗେ
ଇନ୍ଦ୍ରଧନୁ ଖେଳେ କି
ମାଟି ଉପରେ ।
୧୫)
ରଙ୍ଗରେ ଭରା
ପାଖୁଡା ସତେ ଅବା
ଓଠ ର ଧାରା ।
~ ଆଶୁତୋଷ ମେହେର
୧୬)
ଫୁଲର ରାଣୀ
ଅକାଳେ ପଡିଲା ଝଡି
ଶୁଭ୍ରା ଶେଫାଳୀ ।
୧୭)
ମନ ଅଙ୍ଗନେ
ଫୁଟିଛି କେତେ ଫୁଲ
ସୁଗନ୍ଧ ଭରା ।
୧୮)
ଗୋଲାପ ଫୁଲ
ପ୍ରିୟ ସେ ସଭିଙ୍କର
ପ୍ରେମ ରଙ୍ଗର ।
୧୯)
ସୁନ୍ଦର ଅତି
ଯୁଇ, ଯାଇ,ମାଳତୀ
ଫୁଲ ସେବତୀ ।
~ ସମିତା ସ୍ବାଇଁ
୨୦)
ଫୁଲର ହାର
ଶ୍ରୀକୃଷ୍ଣ ଙ୍କ ଗଳାରେ
କି ମନୋହର !
୨୧)
ଛୋଟ ଶିଶୁଟି
ଫୁଲକଢି ସଦୃଶ
ଧରାଧାମର ।
~ ଡମ୍ବରୁଧର ବାଗ
୨୨)
ତନୁ କୋମଳ
ଦେଇ ଚାଲେ ସୁରଭୀ
ଜୀବନ କାଳ ।
୨୩)
ସେ ଅପରୂପା
ସମ୍ଭାବନାରେ ବିତୁ
ଫୁଲର ଋତୁ ।
~ ସୁଧୀର କୁମାର ପଣ୍ଡା
୨୪)
ଫୁଟି ନାଇଁ ପାର୍'ବୁ
ଦେବେ ଦଲି ହେମାନେ
ଫୁଟ୍'ଲେ ଜାନିଥା ।
୨୫)
ଦେଖ୍'ଲୁ ତ କେନ୍ତା
ଫୁଟୁଥା ଇଛେନ୍ ହାଦେ
ଆଏଲାନ ଦେଖ୍ ।
~ ଉତ୍ତମ ହୋତା
୨୬)
ଫୁଲର କଥା
ଭାରି ମିଠା ହେଲେ ବି
ଜୀବନ କିନ୍ତୁ ।
୨୭)
ଫୁଟିପାରେ ସେ
ସେଥିପାଇଁ ପାଇଛି
ନାଆଁ ଟି ଫୁଲ ।
~ ନନ୍ଦିନୀ ଶତପଥୀ
୨୮)
ଫୁଲଟି ଫୁଟେ
ବଢାଇ ଦିଏ ଶୋଭା
ଉପବନର ।
୨୯)
ଫୁଲ ସୌନ୍ଦର୍ଯ୍ୟ
ବିମୋହିତ ଭ୍ରମର
କରଇ ସ୍ପର୍ଶ ।
~ ନିବେଦିତା ମହାପାତ୍ର
୩୦)
ଭଲକୁ ଶିଖ
କଣ୍ଟାକୁ ଦେଖ ନାହିଁ
ଫୁଲକୁ ଦେଖ ।
୩୧)
ଦୂରେ ଆସ୍ଥାନ
ସୁବାସ ଦେଇଥାଏ
ବଣ ସୁମନ ।
୩୨)
ଗୋଲାପ ଫୁଲ
ଦିଆ ନିଆ ହୁଅନ୍ତି
ପ୍ରେମୀ ଯୁଗଳ ।
୩୩)
ଅଲୋଡା ଘାସ
ଫୁଲମାଳରେ ଥାଇ
ମସ୍ତକେ ବାସ ।
୩୪)
ଦେବ ମସ୍ତକେ
କୁସୁମ ଅରପିଲେ
ମନ ମହକେ ।
୩୫)
ମନ୍ଦାର ଫୁଲ
ଦେବୀଙ୍କ ମସ୍ତକରେ
କେଡ଼େ ସୁନ୍ଦର ।
୩୬)
କଇଁ ପୁଷ୍କର
ଉଇଁବାକୁ ଅପେକ୍ଷା
ଶଶୀ ଭାସ୍କର ।
୩୭)
ପଦ୍ମ ଆସନ
ଦେବୀ ପଦ୍ମାଳୟାଙ୍କ
ହର୍ଷିତ ମନ ।
୩୮)
ଫୁଲର ରସ
ଆସ୍ବାଦନ ପାଇଁ କି
ଭ୍ରମେ ଭ୍ରମର ।
~ ଜୟରାମ ସାହୁ
୩୯)
ଫୁଲ ଡାକସି
ଆ ବୁଲି ଯିମା କହି
ମନ ଭୁଳାସି ।
~ ପ୍ରଦୀପ କୁମାର ଦାଶ
୪୦)
କାଗଜ ଫୁଲ
କିମ୍ଭୁତ କଳାକାର
ମାୟା ଦୁନିଆ ।
୪୧)
ସ୍ୱପ୍ନିଳ ଫୁଲ
ପାହାନ୍ତିଆ ସପନ
ପାହେନି ରାତି ।
~ ରାଜେଶ କୁମାର ମୁଣ୍ଡ
୪୨)
ମଧୁଚନ୍ଦ୍ରିକା
ଫୁଲ ଶେଯ ରେ ପ୍ରିୟା
ବିନିଦ୍ର ରାତ୍ରୀ ।
୪୩)
ଘର କରିଛି
ମୁଁ ଫୁଲର ସହରେ
ମୋ ପ୍ରିୟା ପାଇଁ ।
୪୪)
ଭ୍ରମେ ଭ୍ରମର
ମଧୁ ଆଶେ ଚୁମ୍ବନ
ଚିତ୍ରିତ ପୁଷ୍ପ ।
୪୫)
କି ଭାଗ୍ୟ ତୋର
ଈଶ୍ଵର ଗଳେ ଶୋଭା
ଧନ୍ୟ ସୁମନ ।
୪୬)
ଗଛ ର ଫୁଲ
ଛିଣ୍ଡାଇ ଦିଅ ନାହିଁ
ଦିଶେ ସୁନ୍ଦର ।
୪୭)
ପୁଷ୍ପ ବାଟିକା
ପ୍ରାତଃ ଭ୍ରମଣ କର
ସୁସ୍ଥ ଶରୀର ।
୪୮)
ପୁଷ୍ପ ସମ୍ଭାର
ମଧୁମୟ ସୃଷ୍ଟିର
କିଣଇ ମନ ।
୪୯)
ଶିଳ୍ପୀ ଚାତୁର୍ଯ୍ୟ
ଅମରାବତୀ ପୁର
ସ୍ତବ୍ଧ ଦର୍ଶକ ।
୫୦)
ମନ ଅଙ୍ଗନେ
ଫୁଟିଛି ପ୍ରୀତି ପୁଷ୍ପ
ଦେବ ଅର୍ପଣେ ।
୫୧)
ଶ୍ଵେତ ଅରଖ
ଶମ୍ଭୁ ଶିରରେ ଶୋହେ
ଶ୍ରେଷ୍ଠ ସୁମନ ।
~ ବାସନ୍ତୀ ଦେଈ
୫୨)
ପୁଷ୍ପ କଳିକା
ଶିଶିର ବିନ୍ଦୁ ଲାଗି
ଦିଶେ ଉଜ୍ଜ୍ବଳ ।
~ ରତ୍ନ ପ୍ରଭା ସିଂ
୫୩)
ଫୁଲଟି ଶୋଭେ
ଦେବତାଙ୍କ ଗଳାରେ
ଚହଟ ଭରେ ।
୫୪)
କଫିନ୍ ଉପରେ
ବୀରପୂତ ବିଦାୟ
ଫୁଲ ଅର୍ପଣ ।
୫୫)
ଅନୁଢ଼ା ନାରୀ
ଗୋଲାପି କବରୀରେ
ପୁଷ୍ପ ଗୁଞ୍ଜନ ।
୫୬)
ଫୁଲ ବଗିଚା
ନାନାରଙ୍ଗ ସମ୍ଭାରେ
ବିମୁଗ୍ଧ ଆଖି ।
୫୭)
ପଲାସ ଫୁଲ
ମୁଗ୍ଧ ବସନ୍ତ ଛାଇ
ଅଗ୍ନି ସ୍ଫୁଲିଙ୍ଗ ।
୫୮)
ରଜନୀଗନ୍ଧା
ଚନ୍ଦ୍ରସ୍ନାତ ଧରିଣୀ
ଫୁଲ ସମ୍ଭାର ।
୫୯)
ପକ୍ଷୀ କାକଳି
ଫୁଲର ଚାଦରରେ
ଅଣୁ ବିଷ୍ଫୋଟ ।
୬୦)
ଅନଙ୍ଗ ଅଙ୍ଗେ
ଫୁଲର ଧନୁତୀର
ବିଦୀର୍ଣ୍ଣ ବକ୍ଷ ।
୬୧)
ଫୁଲ ଓ ନାରୀ
ତୁଳନାତ୍ମକ ଛନ୍ଦ
ଗୀତ ମଧୁର ।
୬୨)
ମଧୁପ ଗୁଞ୍ଜେ
ରକ୍ତର ଭିଜାମାଟି
ଫୁଲ ଝାଉଁଲେ ।
~ ରମାକାନ୍ତ ସତପଥି
୬୩)
ଜୀବନ ମୃତ୍ୟୁ
ସଂଗ୍ରାମ ଓ ମଣିଷ
ଦୁଇଟି ପୁଷ୍ପ ।
୬୪)
ସ୍ତବ୍ଧ ବନାନୀ
ଅପହଞ୍ଚ ଇଲାକା
ମହୁଆ ଫୁଲ ।
୬୫)
ପଲାସ ଫୁଲ
ଭ୍ରମର ଉପେକ୍ଷିତ
ପ୍ରଚ୍ଛଦ ଛବି ।
୬୬)
ଖଣ୍ଡିତ ଦେହ
ଅକୁହା ଆଖି ବ୍ୟଥା
ଦଳିତ ପୁଷ୍ପ ।
୬୭)
ନିଷ୍ପାପ ଫୁଲ
ମନ୍ଦିର ଓ ମଶାଣି ।
କର୍ମର ଫଳ ।
୬୮)
ନିଷ୍ପାପ ଶିଶୁ
ଅବୋଧ୍ୟ ଫୁଲହସ
ଆଶା ଉଜ୍ଜ୍ୱଳ ।
୬୯)
ଶୈଶବ ହଜେ
ରସାତଳ ପୃଥିବୀ
ଫୁଲରେ ବନ୍ୟା ।
୭୦)
ଦିବସ ସ୍ୱପ୍ନ
ଆସ୍ପର୍ଧା, ଅହମିକା
ବନର ଫୁଲ ।
୭୧)
କାନ୍ଦୁଛି ଶିଶୁ
ଭୂଲୁଣ୍ଠିତ ମାଁ କୋଳ
ମଶାଣି ଫୁଲ ।
୭୨)
ଶ୍ରୀ ମାନ୍ଯବର
ଫାଇଲ ତଳ ମଲାଟ
ପୁଷ୍ପର ଗୁଚ୍ଛ ।
~ ମନୀଷା ମିଶ୍ର
୭୩)
ଫୁଲରେ ଫୁଲ
କିଏସେ ଦେବ ତୋର
ଅମୁଲ ମୁଲ ।
୭୪)
ଉପବନରେ
ଶୋଭା ସୌନ୍ଦର୍ଯ୍ୟେ ଫୁଲ
ମଧୁପ ହରେ ।
୭୫)
ସୁଗନ୍ଧ ଭରା
ଫୁଲ ସୁକୁମାରୀ ତୁ
ପ୍ରୀତି ପସରା ।
୭୬)
ଫୁଲର ପ୍ରେମ
ପଡି ଯାଇଛନ୍ତି ତ
ଭ୍ରମର ଗଣ ।
୭୭)
ପ୍ରେମୀ ଯୁଗଳ
ଭାବର ଦିଆନିଆ
ଗୋଲାପ ଫୁଲ ।
୭୮)
ଫୁଲ କୁମାରୀ
କୃଷ୍ଣଚୁଡାର ରଙ୍ଗ
ସାଜେ କବରୀ ।
୭୯)
ବଣର ମଲ୍ଲୀ
କାନନେ ଫୁଟି ନିତି
ପଡେ ଝାଉଁଳି ।
୮୦)
ଫୁଲ ଆଦର
ପିଲାଠୁ ବୃଦ୍ଧ ଯାଏ
କରେ ନିଜର ।
୮୧)
ଫୁଲ ଚାଙ୍ଗୁଡି
ଚାନ୍ଦକୁ ପୂଜୁଥାନ୍ତି
କୁମାରୀମଣି ।
୮୨)
ମଧୁମକ୍ଷିକା
ମହୁ ଫୁଲରେ ଚୁମେ
ଏକାନ୍ତେ ଏକା ।
୮୩)
ବଉଳ ଫୁଲ
ବାସ ଚହଟି ଯାଏ
ମୋହେ ସକଳ ।
୮୪)
ଫୁଲର ରାଣୀ
କିମିଆ କରି ନେଲୁ
ମନକୁ କିଣି ।
୮୫)
ମଧୁମାଳତୀ
ରଜନୀ ରେ ତୋ ଫୁଲ
ବାସନା ଅତି ।
୮୬)
ଲଗାଅ ନିତି
ଫୁଲ ଗଛର ଚାରା
ଯତନେ ଅତି ।
୮୭)
ଅତର ପରା
ଫୁଲ ଭେଟିଦିଏ ତ
ଆମକୁ ସାରା ।
୮୮)
ରଜନୀଗନ୍ଧା
ଫୁଲ ଗଜରାରେ ତୋ
ଗଭାରେ ବନ୍ଧା ।
୮୯)
ତୋ ପ୍ରୀତି ଫୁଲ
ହୃଦରେ ମୋ ସାଇତା
ଅମୁଲ ମୁଲ ।
୯୦)
ପ୍ରିୟାର ମୁଖ
ଫୁଲଠୁ କୋମଳ ତା
ଗୋଲାପି ଓଠ ।
୯୧)
ପୁଷ୍ପ ଉଦ୍ୟାନ
ବେଦନା ହରିନିଏ
କଲେ ଭ୍ରମଣ ।
୯୨)
ଫୁଲ ରସିଆ
ଫୁଲ ଦେଇକି ଧନ
କଲୁ କିମିଆ ।
୯୩)
ତନୁ ପାତେଳୀ
ଫୁଲ ପାଇବା ପାଇଁ
ହୁଏ ପାଗେଳି ।
୯୪)
ଫୁଲ ଶେଜରେ
ପ୍ରିୟା ସୁକୁମାରୀ ମୋ
ତନ୍ଦ୍ରା ବିତେରେ ।
୯୫)
ସତରେ ଫୁଲ
ତୋ ବିନା ବିତେନା ମୋ
ସଞ୍ଜ ସକାଳ ।
୯୬)
ଭାରି ଫୁଲେଇ
ଫୁଲଠୁ କୋମଳ ସେ
ଭାରି ଲାଜେଇ ।
୯୭)
ପ୍ରିୟା ମୋହରି
ସରମେ ଝାଉଁଳେ ସେ
ଫୁଲଟେ ପରି ।
୯୮)
ଫୁଲଟେ ପରି
ସୁଗନ୍ଧ ବିତର ତ
ଜୀବନ ଭରି ।
~ ଦମୟନ୍ତୀ ରଥ
୯୯)
ପୁଷ୍ପ ସୁମନ
ଶୋଭା ବିସ୍ତାର କରେ
ବନ କାନନ ।
୧୦୦)
ପୁଷ୍ପ ସୁମନ
ପ୍ରେମୀ ଯୁଗଲଙ୍କର
ହୁଏ ମିଳନ ।
୧୦୧)
ଗୁଲାପ ଫୁଲ
ବଗିଚାରେ ଫୁଟିଛି
ଦିଶେ ଉଜ୍ଜ୍ୱଳ ।
୧୦୨)
ସେଫାଳି ଫୁଲ
ବଣରେ ଫୁଟିଅଛି
ଲାଗୁଛି ଭଲ ।
୧୦୩)
ପୁଷ୍ପ କମଳ
ତା ପାଖୁଡ଼ା ଗୁଡିକ
କେତେ କୋମଳ ।
୧୦୪)
ଫୁଲର ମାଲା
କେତେ ସୁଂଦର ଦିଶେ
ପ୍ରଭୁଙ୍କ ଗଲା ।
୧୦୫)
ଫୁଲର ହାର
ଭକ୍ତିରେ ପୂଜେ ହର
କରି ଜୁହାର ।
୧୦୬)
କଦମ୍ବ ମାଲ
ପାରିଜାତ ସୁମନ
ଦିଶଇ ଭଲ ।
୧୦୭)
ପୁଷ୍ପ କମଳ
ପଦ୍ମନାଭ ନାଭିରେ
ଫୁଟେ ଚଞ୍ଚଳ ।
୧୦୮)
କଦମ୍ବ ଫୁଲ
ଶ୍ରୀକୃଷ୍ଣ ରାଧିକାଙ୍କୁ
ଲାଗଇ ଭଲ ।
~ ଦୟାନନ୍ଦ ଶବର
୧୦୯)
ବାରିର୍ ଜହ୍ନି ଫୁଲ୍
ଝକେର୍ ରାଏତ୍'ର ତରା
ଭମରାର୍ କାନ୍ଦି ।
୧୧୦)
ଦଶ୍'ରା ପୁନି ଜନ୍
କୁଆଁରୀ ମନର୍ ଆଶା
କଦମ୍ ଫୁଲ୍ ବାସ୍'ନା ।
~ ମନୀଷା ମିଶ୍ର
୧୧୧)
ଫୁଲର ସେଜ
ପ୍ରିୟା ସାଥିରେ ବିତେ
ଅମୃତମୟ ।
୧୧୨)
ଗୋଲାପ ଫୁଲ
ମୋର ପ୍ରିୟା ହାତରେ
କେଡେ ସୁନ୍ଦର ।
୧୧୩)
କହେ ଭ୍ରମର
ପଦ୍ମ ଫୁଲ ମୋପାଇଁ
କେଡେ ସୁନ୍ଦର ।
୧୧୪)
ଫୁଲ ହୃଦୟ
ସଦା ସର୍ବଦା ଅଟେ
ବୈକୁଣ୍ଠ ପ୍ରାୟ ।
~ ମୁକ୍ତେଶ୍ଵର ପଧାନ
୧୧୫)
ଗଙ୍ଗଶିଉଳି
ରାତି ଫୁଟି ସକାଳେ
ଯାଏ ଝାଉଁଳି ।
୧୧୬)
ଗୋଲାପ ଫୁଲ
ପ୍ରେମର ପ୍ରତୀକ ସେ
ଅମୁଲ ମୁଲ ।
୧୧୭)
ଅପରାଜିତା
ଶିବଙ୍କର ପ୍ରିୟ ସେ
ଜଗତ ଜିତା ।
~ ସୁଧାଞ୍ଜଳି ମିଶ୍ର
୧୧୮)
ଫୁଲଠୁ ବେଶୀ
କୋମଳ ମୋ ପ୍ରେୟସୀ
ଅତି ରୂପସୀ ।
୧୧୯)
କହଗୋ ଫୁଲ
କାହିଁ ଏତେ ସୁନ୍ଦର
ରହସ୍ୟ ଖୋଲ ।
୧୨୦
ଫୁଲଠୁ ବେଶୀ
ସୁନ୍ଦର ଲାଗେ ପ୍ରିୟା
ଦେଲେ ସେ ହସି ।
~ ଚିନ୍ମୟୀ ସାହୁ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें