~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ଶୀତ"
୧)
ଶୀତ ସକାଳ
ଲାଗେ ସରଗ ପୁର
ଗାଆଁଟି ମୋର ।
୨)
ପାହାଡୀ ଗାଆଁ
ଲୁଚି ଯାଏ ସୂରୁଜ
ଶୀତର ଭୟ ।
୩)
ସଞ୍ଜ ଶରତ
ଭିଜା କାକର ଆଣେ
ଶୀତ ଅପାର ।
୪)
ହେମନ୍ତ ଶୀତ
ଜହ୍ନ ଆଖିର ଲୁହ
ଟୋପା କାକର ।
୫)
ଶୀତୁଆ ଖରା
ପ୍ରିୟା ବିନା ହୃଦୟ
ଜଳୁଛି ପରା ।
୬)
ପ୍ରବଳ ଶୀତ
କୁହୁଡ଼ିର କହର
ଖୋଜେ ସହର ।
୭)
ଶୀତ ପବନ
ମନକୁ କିଣି ନିଏ
ରବି କିରଣ ।
୮)
ଶୀତ ସକାଳ
କୁହୁଡ଼ି ଦିଏ ଶିକ୍ଷା
ଆଗକୁ ଚାଲ ।
୯)
ଟଗରଫୁଲ
ଅଭିନନ୍ଦନ କରେ
ଶୀତ ସକାଳ ।
୧୦)
ପଶିଛି ବାଘ
ମାଘ ମାସର ଶୀତ
ଥରାଏ ଦେହ ।
~ ପ୍ରଦୀପ କୁମାର ଦାଶ
୧୧)
ଶୀତ କୋଉଠି
ଦାରୁଣ ନିଦାଘରେ
ମାଟି ଫାଟିଛି ।
୧୨)
କଅଁଳି ଶୀତ
ତୃଷାର୍ତ୍ତ ତପୋବନ
ଫାଟୁଛି ଓଠ ।
~ ରାଜେଶ କୁମାର ମୁଣ୍ଡ
୧୩)
ପ୍ରଥମ ଶୀତ
ମନର ଉପବନେ
ଫୁଟିଲା ଫୁଲ ।
୧୪)
ମଧ୍ୟମ ଶୀତ
ଆନନ୍ଦର ଲହରୀ
ଖେଳାଇ ଦେଲା ।
୧୫)
ବିଦାୟ ଶୀତ
ଧରାପୃଷ୍ଠରୁ ମତେ
ବିଦାୟ ଦେଲା ।
୧୬)
ଗ୍ରୀଷ୍ମ ରୁ ବର୍ଷା
ବର୍ଷାରୁ ଶୀତ ମାସ
ଚାଲିଛି ଖେଳ ।
~ ମୁକ୍ତେଶ୍ଵର ପଧାନ
୧୭)
ଅଇଲା ଶୀତ
ଦେଖି ତା'ରୂପ ହସେ
ମନ ବସନ୍ତ ।
୧୮)
ଶୀତ ସକାଳ
ସୁନେଲି ତା'ର ରଙ୍ଗ
ମନ ଆକୁଳ ।
~ ପ୍ରତିମା ମେହେର
୧୯)
ଋତୁ ସେ' ଶୀତ
ମାଉସୀ'ର ଉପାଧି
ହୋଇଛି ପ୍ରାପ୍ତ ।
୨୦)
ଶୀତ ମାଉସୀ
ଋତୁରାଜ'କୁ ଦେଖି
ପଳାଏ ଖସି ।
~ ଶମ୍ଭୁନାଥ ଦାସ
୨୧)
ଶୀତର୍ ସକାକେ
ମନ୍ ଲାଗ୍ସି ପି' ବାର୍ ଲାଗି
ଲାଲ୍ ଚାହା ଢୁକେ ।
୨୨)
ଶୀତର୍ ଖରା
ଆରାମ୍ ଲାଗ୍ ସି ଦେହେ କେ
ଘରର୍ ବାଟ୍ ତରା ।
~ ଜୟରାମ ସାହୁ
୨୩)
ଶୀତ ସକାଳେ
ଶୁଭ୍ର ଶିଶିର ବିନ୍ଦୁ
ଦିଶଇ ମୁକ୍ତା ।
୨୪)
ଶୀତ ସନ୍ଧ୍ୟାରେ
ଭରି ଦିଏ ଉଷ୍ମତା
ଗୋଟିଏ କପ୍ ଚା ।
~ ନିବେଦିତା ମହାପାତ୍ର
୨୫)
ଜାଡୁଆ ଶୀତ
କା ପାଇଁ ପୁଷମାସ
ନା ସର୍ବନାଶ ।
୨୬)
ତୁଷାରପାତ
ଓଡିଶା ର କାଶ୍ମୀର
ଦାରିଙ୍ଗବାଡି ।
୨୭)
ଇଗଲୁ ଘର
ଶୀତ ଜଣା ପଡ଼େନି
ଭାରି ଉଷୁମ ।
୨୮)
ଶୀତୁଆ ରାତି
ଗରମ ରେଜେଇ ରେ
ନିଘୋଡ଼ ନିଦ ।
୨୯)
ପ୍ରବଳ ଶୀତ
ବାଣ୍ଟି ଦେବା କମ୍ବଳ
ଅଭାବୀ ଲୋକ ।
~ ରତ୍ନ ପ୍ରଭା ସିଂ
୩୦)
ଶୀତ ମୋ ମିତ
ସୁନା ଫସଲ କାଟେ
କ୍ଷେତେ କୃଷକ ।
୩୧)
ଶୀତ ଜାଡରେ
ଘୋଡଲାଗି ହୁଅନ୍ତି
ବଡ଼ଠାକୁର ।
~ ବାସନ୍ତୀ ଦେଈ
୩୨)
ଫୁଟପାତର
ପୁଙ୍ଗୁଳା ଦେହ ସହ
ଶୀତର ଯୁଦ୍ଧ ।
୩୩)
କୋଠାଘରର
କାକର ଭିଜା ଗୀତ
ଶୀତର ମିତ ।
~ ଦୀପ୍ତି ମୁଣ୍ଡ
୩୪)
ଶୀତ ସକାଳ
ଗରମ ଗରମ ଚା
ସାଥେ କମ୍ବଳ ।
୩୫)
ସକାଳ ଶୀତ
ନିଆଁ ପୁଇଁବା ମଜା
ସାଥି ସଙ୍ଗୀତ !
୩୬)
ଶୀତ କାକର
ଡରେ ନା ମାଁ ସତେ,ତା
କାମକୁ ତର !
୩୭)
ଶୀତର ମଜା
ଆଈ ସାଥିରେ ଧରି
ଖରାରେ ଅଜା !
୩୮)
ଶୀତ ର ଗୀତ
ହଳ ନଙ୍ଗଳ ଚାଷୀ
ପାଟେ ଶୁଭେ ତ !
~ ଆଶୁତୋଷ ମେହେର
୩୯)
ଶୀତ ପାହାନ୍ତି
ଭିଜାକାକର ବିନ୍ଦୁ
ମୁକ୍ତାର ଜ୍ଯୋତି ।
୪୦)
ଶୀତ ସକାଳ
କଅଁଳ ଖରାପାଇଁ
ମନ ବ୍ଯାକୁଳ ।
~ ବୈଜୟନ୍ତୀ ସାହୁ
୪୧)
ଶୀତ ଆସଇ
ଜାତି ଜାତି ଫୁଲରେ
ଧରା ହସଇ ।
୪୨)
ଶୀତ ରାଣୀ ର
ହଳଦୀ ମଖା ମୁହଁ
ସୋରିଷ କ୍ଷେତ ।
୪୩)
ଶୀତ ପର୍ବର
ଜଗନ୍ନାଥ ସଂସ୍କୃତି
ପହିଲି ଭୋଗ ।
୪୪)
ପୌଷ ସଞ୍ଜର
ହାଡଭଙ୍ଗା ଶୀତରେ
ଉଷୁମ ଚା କପ୍ ।
୪୫)
ଶୀତର ସ୍ପର୍ଶ
ଅସହାୟ ରାତ୍ରିରେ
ଛିଣ୍ଡା କମ୍ବଳ ।
୪୬)
ଶୀତୁଆ ସଂଧ୍ୟା
ବୁକୁଥରା ସଂଘର୍ଷ
ଫୁଙ୍ଗୁଳା ଛାତି ।
୪୭)
ଶୀତ ର ଗୀତ
ରଙ୍ଗୀନ ପ୍ରଜାପତି
ସୁନେଲି ସ୍ବପ୍ନ ।
୪୮)
ଶୀତ ସୂଚାଏ
ନିରବ ସମର୍ଥନ
ଜୀବନ ତତ୍ତ୍ବ ।
୪୯)
ପହିଲି ଶୀତ
ଥରାଏ ଦେହ ମନ
ଧନୀ ଗରିବ ।
୫୦)
ଶୀତ ସ୍ବତନ୍ତ୍ର
ନିଆରା ଅନୁଭବ
ଉତ୍ତରାୟଣ ।
୫୧)
ଶୀତ ଭିଜାଏ
ବିବସ୍ତ୍ର କୁହୁଡିରେ
ଫୁଟ୍'ପାଥପରେ ।
୫୨)
ଶୀତ ର ସ୍ମୁତି
ପାହାନ୍ତି ଡଙ୍ଗାଭସା
କାର୍ତ୍ତିକ ବ୍ରତ ।
~ ସମିତା ସ୍ବାଇଁ
୫୩)
ଶୀତ ରଜନୀ
ଚମ ଧୁଡ଼୍ ଧୁଡ଼୍ ମଣିଷ
ନିଃସଙ୍ଗ ଏକା ।
୫୪)
ଉଷୁମ କୋଳ
ସ୍ୱପ୍ନ ବିଭୋର ଶିଶୁ
ଶୀତୁଆ ରାତି ।
୫୫)
ଶୀତ ପାହାନ୍ତି
ନିଆଁ ପୁଆଁ ଆନନ୍ଦ
ଗାଆଁ ମଣିଷ ।
୫୬)
ଗାଁ ମୁଣ୍ଡ ବର
ନିଦ୍ରାସକ୍ତ ରଜନୀ
ପେଚାର ହୁଟ୍ ହୁଟ୍ ।
୫୭)
ସୂରୁଜ ଉଏଁ
ନାଲି ଚାହାର ବାସ୍ନା
ଗାଆଁରେ ଶୀତ ।
୫୮)
ରେଜେଇ ତଳ
ମିଟିମିଟି ଆଖିରେ
ବେଡ୍'ଟିର ଆଶା ।
୫୯)
କଂକ୍ରିଟ୍ ସହର
ଚଳ ଚଞ୍ଚଳ ରାତ୍ରୀ
ଶୀତ ଲଜ୍ଜିତ ।
୬୦)
ଶୀତ ପାହାନ୍ତି
ଢିଙ୍କିର ଢକ୍ ଢକ୍ ଶବ୍ଦ
ପାହାଡ଼ି ଗାଆଁ ।
୬୧)
ଶୀତୁଆ ରାତି
ସୀମାନ୍ତର ପ୍ରହରୀ
ସଜାଗ ଦୃଷ୍ଟି ।
୬୨)
ପାହାଡ଼ ପାରେ
ସୂର୍ଯ୍ୟ ଆଳସ ଭାଙ୍ଗେ
ଶୀତ ଝାଉଁଳେ ।
~ ରମାକାନ୍ତ ସତପଥି
୬୩)
ଶୀତୁଆ ରାତି
ନିଷ୍ପ୍ରଭ ଷ୍ଟ୍ରିଟଲାଇଟ୍
ନିର୍ଜନ ଗଳି ।
୬୪)
ଶୀତ ପାହାନ୍ତି
ବେପରବାୟ ଚାଷୀ
ଚଳ ଚଞ୍ଚଳ ।
୬୫)
ଶୀତ ରଜନୀ
ଭେଲ୍'ଭେଟ୍ ରେଜେଇ କୋଳ
ଉଷୁମ ସ୍ପର୍ଶ ।
୬୬)
ଶୀତ ସକାଳ
କୁଜ୍ଝଟିକା ଚାଦର
ଧରଣୀ ଓଢ଼େ ।
୬୭)
ବାଘୁଆ ଶୀତ
ହାଡ଼ଭଙ୍ଗା କଷଣ
ଚତୁର୍ଥାବସ୍ଥା ।
୬୮)
ବିନିଦ୍ର ରାତ୍ରୀ
ରାସ୍ତାକଡ଼ ଜୀବନ
ଶୀତର ସ୍ପର୍ଶ ।
୬୯)
ଶୀତୁଆ ରାତି
ପିଠଉ କଂସାବନ୍ଦି
ଗୃହିଣୀ ହସ୍ତ ।
୭୦)
ଶୀତ ଆସର
ପାନ, ପାଣି, ପିଠାର
ମଗ୍ନ ଦୁନିଆଁ ।
୭୧)
ହଜେ ସରୋଜ
ପଦ୍ମଦଳ ବିଧ୍ୱଂସ
ଶୀତ ଶିଶିର ।
୭୨)
ଶ୍ୱାନ, ଶାର୍ଦ୍ଦୁଳ
ନିସ୍ତବ୍ଧ ଶୀତରାତି
ବିକଟ ରଡ଼ି ।
~ ମନୀଷା ମିଶ୍ର
୭୩)
ପଖାଲ୍ ଆର୍ ଝୁରି
ଲାଲ୍ ଚାହା ସାଙ୍ଗେ ମୁର୍'ହି
ମାଘ୍ ମାସର୍ ଜାଢ଼୍ ।
୭୪)
ଶୀତର୍ ପାହାଁତି
ଗାଆଁ ମୁଡ଼ର୍ କେଉଁଟେନ୍
ଢ଼େଁକି କୁଟେ ଧାନ୍ ।
~ ମନୀଷା ମିଶ୍ର
୭୫)
ଶୀତର ରାତି
କାହାକୁ ଆଣେ ସୁଖ
କାହାକୁ ଭୀତି ।
୭୬)
ଶୀତ ସକାଳ
କଅଁଳିଆ ଖରାଟି
ଲାଗେ କୋମଳ ।
~ ସୁଧୀର କୁମାର ପଣ୍ଡା
୭୭)
ଶୀତ ଋତୁରେ
ଉଷ୍ମଜଳର ପାନ
ସୁସ୍ଥ ଶରୀର ।
୭୮)
ଶୀତ ଋତୁ ଟି
ପିକନିକ ରେ ମନ
ପ୍ରଫୁଲ୍ଲ ଅତି ।
୭୯)
ମୁଣ୍ଡରେ ଠେକା
ନାହିଁ ଶୀତ ଚାଷୀ କୁ
ଫୁଙ୍ଗୁଳା ଦେହ ।
୮୦)
ଭାରି ଜାଡରେ
ଘରୁ ପଳାଇଗଲେ
ଭାରିଜା ଡରେ ।
~ ବାସନ୍ତୀ ଦେଈ
୮୧)
ଶୀତ ସମୟ
ଭ୍ରମଣେ ବଳେ ମନ
ଅଣ୍ଟେନା ଦିନ ।
୮୨)
ଶୀତ ସକାଳ
ଜଳାନ୍ତି ପିଲେ ନିଆଁ
ଗପରେ ମଜା ।
୮୩)
ଶୀତ ସମୟ
ବୟସ୍କ ପାଏ ଦୁଃଖ
ଜାଡ଼ରେ ଥରେ ।
୮୪)
ଶୀତ ଋତୁରେ
କୃଷକ ହୁଏ ଖୁସି
ଫସଲ ଦେଖି ।
~ ରଞ୍ଜନ ଜେନା
୮୫)
ଶୀତ ସକାଳ
ରଙ୍ଗ ରେ ଭରପୁର
କୁହୁଡ଼ି ଗୀତ
୮୬)
ମୁକ୍ତା ର ବିନ୍ଦୁ
ଢଳ ଢଳ ଶୀତ ରେ
ଜୀବନ ସମ ।
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
୮୭)
ରଜନୀ ଶୀତ
ଅଙ୍ଗେ ବସ୍ତ୍ର ନଥିଲେ
ଥଣ୍ଡା ବହୁତ ।
୮୮)
ସକାଳ ଶୀତ
କଅଁଳିଆ ଖରାଟା
ଲାଗିବ ହିତ ।
~ ସନ୍ତୋଷ କୁମାର ସାହୁ
୮୯)
ଶୀତ ଆସିଛି
କୁହୁଡି କାକର ରେ
ଧରା ପୃଷ୍ଠରେ ।
୯୦)
ଶୀତ ସକାଳ
ଗାଆଁ ଦାଣ୍ଡର ଦୃଶ୍ୟ
ନିଆଁ ପୁଆଁରେ ।
୯୧)
ଶିଶିର ବିନ୍ଦୁ
ଟୋପି ଟୋପି ଝରଇ
ଚନ୍ଦ୍ରିକା ତୋଳି ।
୯୨)
ପ୍ରକୃତି ରାଣୀ
ଶୋଭାର ପସରା ରେ
ଶୀତ ଆସନ୍ତେ ।
୯୩)
ପଲ୍ଲୀରେ ଶୀତ
ଆବାଳ ବୃଦ୍ଧ ସର୍ବେ
ସ୍ପର୍ଶ କାତର ।
୯୪)
ରଜନୀ ଲମ୍ବା
ଦିବସ କ୍ଷୁଦ୍ର ହୁଏ
ଶୀତ କାଳରେ ।
୯୫)
ପ୍ରାତଃ କାଳରେ
ବିଳମ୍ବ ସୂର୍ଯ୍ୟୋଦୟ
ଶୀତ ଋତୁରେ ।
୯୬)
ପାଦପ ଲତା
ଶୀତ ରେ କୁଜ୍ଝଟିକା
ପାଣ୍ଡୁର ବର୍ଣ୍ଣ ।
୯୭)
ଶୀତ କାଳୀନ
ଏକାନ୍ତ ଶାନ୍ତରୂପ
ପଲ୍ଲୀ ପ୍ରଭାତ ।
୯୮)
ପ୍ରକୃତି ରାଣୀ
ଶିଶିରସ୍ନାତ ଦୃଶ୍ୟ
ଶୀତ ବସ୍ତ୍ରରେ ।
୯୯)
ପ୍ରଫୁଲ ଚିତ୍ତେ
ଶୀତ ସକାଳେ ଚଷା
ଚଞ୍ଚଳ ଭାରି ।
୧୦୦)
ପଉଷ ଶୀତ
ହଳଦୀ ଗୁରୁଗୁରୁ
ସୋରିଷ କ୍ଷେତ ।
୧୦୧)
କଅଁଳ ଆଭା
ଶୀତର ସକାଳରେ
ବାଳୁତ ସୂର୍ଯ୍ୟ ।
୧୦୨)
ଶୀତ ସକାଳ
କଅଁଳ ବାଛୁରୀ ସେ
ଦାଣ୍ଡରେ ଦୌଡେ ।
୧୦୩)
ଫୁଙ୍ଗୁଳା ଶିଶୁ
ଭରା ଶୀତରେ ଧାଏଁ
ବାଛୁରୀ ପଛେ ।
୧୦୪)
ଶୀତ ସକାଳ
ନିଆଁ ପୁଆଁର ମଜା
ଦାଣ୍ଡ ମଝିରେ ।
୧୦୫)
ଦାଣ୍ଡ ପିଣ୍ଡାରେ
ଗପସପ ଆସର
ଭରା ଜାଡରେ ।
୧୦୬)
ପଲ୍ଲୀ ବଧୂଟି
ବୁକୁ ଥରା ଶୀତରେ
ପୋଖରୀ ତୁଠେ ।
୧୦୭)
ଶିବ ମନ୍ଦିରେ
ପୂଜାରୀ ଓଁକାର ସେ
ଶୀତ ପ୍ରଭାତେ ।
୧୦୮)
ଉପବନରେ
ରଙ୍ଗୀନ ପ୍ରଜାପତି
ଶୀତ ସକାଳେ ।
୧୦୯)
ସୋରିଷ ଫୁଲ
ଶୀତୁଆ ସୂର୍ଯ୍ୟ ରଶ୍ମୀ
ସ୍ନିଗ୍ଧ ମଞ୍ଜୁଳ ।
୧୧୦)
ଶୀତ ମଧ୍ୟାହ୍ନ
ପ୍ରଚଣ୍ଡ ସୂର୍ଯ୍ୟ ରଶ୍ମୀ
ଚାଷୀର ହିତ ।
୧୧୧)
ଶୀତରେ ଚାଷୀ
ଫସଲ କାଟଇ ସେ
ପ୍ରହୃଷ୍ଟ ଚିତ୍ତେ ।
୧୧୨)
ପଖାଳ କଂସା
ଚାଷୀ ଘରଣୀ ଦେଖ
କ୍ଷେତ ମୁଣ୍ଡରେ ।
୧୧୩)
ଗୋଧୂଳି ଦୃଶ୍ୟ
ଧେନୁ ପଲ ଫେରନ୍ତି
ଧୂଳି ଉଡାଇ ।
୧୧୪)
ଶୀତରେ ପଲ୍ଲୀ
ଭଗବତ ଟୁଙ୍ଗୀରେ
ଖଞ୍ଜଣୀ ମାଡ ।
୧୧୫)
ଶୀତର ପର୍ବ
ରସବନ୍ତ ଉନ୍ମାଦ
ଗାଆଁ ସହରେ ।
୧୧୬)
ପ୍ରଥମାଷ୍ଟମୀ
ଶୀତେ ହଳଦୀ ପିଠା
ଷଠୀ ପୂଜନ ।
୧୧୭)
ଦରିଦ୍ର ଲୋକ
ଶୀତେ ହିନସ୍ତା ଭାରି
ଛିଣ୍ଡା କନ୍ଥାରେ ।
୧୧୮)
ଶୀତ ଟି ମିତ
ମୃଦୁ ମଳୟ ସେତ
କରେ ସ୍ୱାଗତ ।
୧୧୯)
ବୃଦ୍ଧ ବୃଦ୍ଧା ରେ
ଶଯ୍ୟାଶାୟୀ ହୁଅନ୍ତି
ପ୍ରବଳ ଶୀତେ ।
~ ଦମୟନ୍ତୀ ରଥ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें