~ ସାରସ୍ୱତ ହାଇକୁ କାବ୍ୟ ଯାତ୍ରା ~
~ ହାଇକୁ PROMPT ~
"ଆକାଶ"
୧)
ନାଲି ସୂରୁଜ
ଆକାଶର କପାଳେ
ଶୋଭା ତିଳକ ।
୨)
ନୀଳ ଆକାଶ
କାଶତଣ୍ଡୀ ଧରିଛି
ଧବଳ ବେଶ ।
୩)
ମୁକ୍ତ ଆକାଶ
ତଥାପି ହୃଦୟରେ
ଅନେକ କୋହ ।
~ ପ୍ରଦୀପ କୁମାର ଦାଶ
୪)
ଆକାଶେ ତାରା
ଅନ୍ଧାର ରଜନୀରେ
କେଡ଼େ ନିଆରା ।
୫)
ନୀଳ ଆକାଶ
ଅନାଇଲେ ମନରେ
ଖୁସି ପ୍ରକାଶ ।
~ ଜୟରାମ ସାହୁ
୬)
ଆକାଶ ଠୁଁ ବଡ଼ (୬)
ଚଳନ୍ତି ଠାକୁର ମୋ
ପିତୃ ଦେବତା ।
୭)
ଆକାଶେ ସୂର୍ଯ୍ୟ
ଆଲୋକିତ କରଇ
ସକଳ ଧରା ।
୮)
ଆକାଶେ ମେଘ
ନୃତ୍ୟରତା ମୟୂରୀ
ବରଷା ଛିଟା ।
୯)
ଆକାଶ ବକ୍ଷ
ସୁଶୀତଳ ଚନ୍ଦ୍ରମା
ଢାଳେ ଜୋଛନା ।
୧୦)
ଆକାଶେ ତାରା
ମିଞ୍ଜି ମିଞ୍ଜି ଆଲୋକ
ଅତି ଉଜ୍ଜ୍ବଳ।
~ ବାସନ୍ତୀ ଦେଈ ଖୋର୍ଦ୍ଧା
୧୧)
ଆକାଶ ରଙ୍ଗ
ମାଖିଦେଲେ ତୁମେଗୋ
ନିଦ ମୋ ଭାଙ୍ଗ ।
୧୨)
ମୁକ୍ତ ଆକାଶେ
ଉଡ଼ି ଗଲେ ବିହଙ୍ଗ
ବାଦଲ ହସେ ।
୧୩)
ନୀଳ ଆକାଶ
କହେ ଗୁପତ କଥା
ଶୁଣିବ ଆସ ।
~ ପ୍ରତିମା ମେହେର
୧୪)
ଆକାଶ କୁହେ
ପୃଥିବୀ କାନ ଡେରେ
ଝରଣା ଝରେ ।
୧୫)
ତାରା ମେଳରେ
ଖୁସିରେ ହସେ ଜହ୍ନ
ନୀଳ ଆକାଶେ ।
~ ଡମ୍ବରୁଧର ବାଗ
୧୬)
ପୃଥିବୀ ମୋର
ଆକାଶ ଛାତ ତଳେ
ଗୋଟିଏ ଘର ।
୧୭)
ନୀଳ ଆକାଶ
ଅନନ୍ତ ପରାଭବ
ମହା ବିଶ୍ବାସ ।
୧୮)
ଦିଗବଳୟେ
ଆକାଶ ଖୋଜିନିଏ
ସମୁଦ୍ରଟିଏ ।
~ ସୁଧୀର କୁମାର ପଣ୍ଡା
୧୯)
ପୂର୍ବ ଆକାଶ
ରକ୍ତିମ ବାଳାରୁଣ
ପ୍ରାଣ ସଂଚାର ।
୨୦)
ଚିଲିକା ମାଛ
ଆକାଶର କଇଁଆ
ଅଳିକ ସ୍ୱପ୍ନ ।
୨୧)
ଚଇତି ଧୂମ
ଆକାଶେ ମେଘ ଭ୍ରମ
ମଳିନ ଖରା ।
୨୨)
ନଭ ଚାନ୍ଦୁଆ
ବିଛୁରିତ ତାରକ
ହୀରକ ପ୍ରାୟ ।
୨୩)
ସନ୍ଧ୍ୟା ଆକାଶ
ଅର୍ଦ୍ଧନାରୀର ରୂପ
ପ୍ରାଚୀ ପ୍ରତୀଚୀ ।
୨୪)
ଆକାଶ ବକ୍ଷ
ଧୂମକେତୁ ଉଦ୍ରେକ
ଅଜଣା ଭୀତି ।
୨୫)
ସ୍ୱଚ୍ଛ ଆକାଶ
ସୃଷ୍ଟି ସୌରଜଗତ
ଆକାଶ ଗଙ୍ଗା ।
୨୬)
ଆକାଶ ମଲ୍ଳୀ
କାର୍ତ୍ତିକ ଅମାବାସ୍ୟା
କି ମନୋହର ।
୨୭)
ଆକାଶ ଦୀପ
ହବିଶାଳୀର ଆଶା
ବର୍ଷକ ସ୍ୱପ୍ନ ।
୨୮)
ଆକାଶବାଣୀ
କଂଶ ମନରେ ଭୀତି
ବିଜୁଳି କନ୍ୟା ।
~ ରମାକାନ୍ତ ସତପଥି
୨୯)
ଅନ୍ଧାରୀ ନଭେ
ସୁନ୍ଦର ତୋଫା ଜହ୍ନ
ପାହାଡ଼ ହସେ ।
୩୦)
ଆକାଶୀ କନ୍ୟା
ଉଜ୍ଜ୍ୱଳ ମୁଖ ତା'ର
ମେଘ ପଣତ ।
~ ରାଜେଶ କୁମାର ମୁଣ୍ଡ
୩୧)
ଆକାଶ ଡାକ
ସ୍ୱର୍ଗୀୟ ପ୍ରେମ ଧାରା
ଉର୍ବଶୀ ଛନ୍ଦ ।
୩୨)
ଉତ୍'ଥିତ ମଥା
ଅଟ୍ଟାଳିକାର ହସ
ଗଗନ ଚୁମ୍ବେ ।
୩୩)
କୁଆଁରୀ ମନ
ଆକାଶଭରା ସ୍ୱପ୍ନ
ନୀଳ ନୟନ ।
୩୪)
ସମୁଦ୍ର ଢେଉ
ଆକାଶରେ କୁଳିଶ
ପ୍ରେମର ଫଲ୍ଗୁ ।
୩୫)
ଚୋରା ପୀରତି
ଆକାଶେ ଇନ୍ଦ୍ରଧନୁ
ସୁନେଲି ସ୍ୱପ୍ନ ।
୩୬)
ଉଷା କାକଳୀ
ଆକାଶ ବାତ୍ଯାୟନ
ସୂର୍ଯ୍ୟ ଉହୁଙ୍କେ ।
୩୭)
ଗଗନ ଚୁମ୍ବୀ
ହିମାଦ୍ରୀ ଶିଖବାସୀ
ଦିଗମ୍ବର ସେ ।
୩୮)
ଶରଦାକାଶ
ଧରା ଅବତରଣ
ମା, ଦିଗମ୍ବରୀ ।
୩୯)
ଦିକ୍ ଦିକ୍ ଖଦ୍ୟୋତ
ତମସାଛନ୍ନ ନଭ
ଡାହାଣୀ ଭ୍ରମ ।
୪୦)
ମନ ଆକାଶ
ଅଦମ୍ୟ ଉଦ୍ଦାମତା
ଗିରି ଲଂଘନ ।
~ ମନୀଷା ମିଶ୍ର
୪୧)
ସୁଖା ଖଡ୍'ଖଡା
ଆକାଶ୍ ଦେଖ କେନ୍ତା ଖୋ
ଖାଲି ଗର୍ଜୁଛେ ।
୪୨)
ଗର୍ଜିଲା ମେଘ୍ ତ
ଚୁଛାଟା ଖାଲି ଆବାଜ୍
ବର୍ଷୁନ ଦେଖ୍'ମା ।
~ ଉତ୍ତମ ହୋତା
୪୩)
ଆକାଶ ମୁହାଁ
ଅସହାୟ ମଣିଷ
ଜଳ ବିହୁନେ ।
୪୪)
ସାଗର ମୁହାଁ
ସୀମାହୀନ ଆକାଶ
ଆଶା ଓ ସ୍ୱପ୍ନ ।
~ ନନ୍ଦିନୀ ଶତପଥୀ
୪୫)
ଖରା ଯାଉଛେ
ବର୍ଷା କେଭେ ଆଏବା
ଚାଷୀ ଭାଲୁଛେ ।
୪୬)
ଆକାଶ୍ ଛୁଆଁ ଦାମ୍
ହିଆ ହାରି ଦେବ ଗୋ
ବାପ୍'ରେ ଯେନ୍ ବଜାର୍ ।
~ ଆର. ବରସାନା ନନ୍ଦିନୀ
୪୭)
ନୀଳ ଆକାଶ
ତା ଆଗେ ଧରା ସୃଷ୍ଟି
ସବୁରି ସାକ୍ଷୀ ।
୪୮)
ଆକାଶ ଦୀପ
କରେନା ଦୁର ମସୀ
ବଞ୍ଚାଏ ଆଶା ।
୪୯)
ଆକାଶ ଶୋଭା
ବଦଳେ ଋତୁ ସାଥେ
ଲିଭେନା ନୀଳ ।
~ ରଞ୍ଜନ ଜେନା
୫୦)
ନୀଳ ଆକାଶ
ଅନନ୍ତ ଆସୀମ ସେ
ବିଭୂ ପ୍ରକାଶ ।
୫୧)
ଆକାଶେ ମେଘ
ଧଳା ଫେନୀଳ ବର୍ଣ୍ଣ
ଶୁଦ୍ଧ ପ୍ରକାଶ ।
୫୨)
ଆକାଶ ଛାଇ
ଧରିତ୍ରୀ କୋଳ ଭରା
ସବୁଜ ଭୂଇଁ ।
୫୩)
ଚକ୍ରବାଳ ରେ
ଆକାଶ ପୃଥୀ ଛନ୍ଦା
ପ୍ରେମ ଫାଶରେ ।
~ ଆଶୁତୋଷ ମେହେର
୫୪)
ଆକାଶ ଠାରୁ
ଯିଏ ଅଧିକ ଉଚ୍ଚ
ସେ' ପିତୃଦେବ ।
୫୫)
ଆକାଶ ନାମେ
ଏକ ରଂଗର ନାମ
ଆକାଶୀ ଅଟେ ।
୫୬)
ଆକାଶ ମାର୍ଗ
ଚାଲେ ଉଡ଼ାଜାହାଜ
ବହୁତ ତୀବ୍ର ।
୫୭)
ଆକାଶ ଶୋଭା
ଇନ୍ଦ୍ରଧନୁ ରଙ୍ଗରେ
ଚମକ ପ୍ରଭା ।
୫୮)
ନୁହଁଇ ତୁଛ
କଥା ଆକାଶ କୟାଁ
ଚିଲିକା ମାଛ ।
~ ଶମ୍ଭୁନାଥ ଦାସ
୫୯)
ମନ ଆକାଶ
ପଲ୍ଲବିତ ବନାନୀ
ଗୋଧୂଳି ଲଗ୍ନ ।
୬୦)
ଧନ୍ଯ ଆକାଶ
ସୂର୍ଯ୍ୟ, ଚନ୍ଦ୍ର ଓ ତାରା
ପ୍ରଶାନ୍ତ ରୂପ ।
୬୧)
ଭରା ନୀଳିମା
ଭୂମି ରୁ ଭୂମାଯାଏ
ଅପୂର୍ବ ଆଭା ।
୬୨)
ନୀଳ ଆକାଶ
ଉଦାର କଳେବର
ଅନନ୍ତ ସତ୍ତା ।
୬୩)
ସବୁଠୁ ଉର୍ଦ୍ଧ୍ବ
ମୂକ ସାକ୍ଷୀ ଆକାଶ
ନିରବ ଦ୍ରଷ୍ଟା ।
୬୪)
ଜୀବନେ ଶିକ୍ଷା
ମହନୀୟ ଆକାଶ
ବିନ୍ଦୁରୁ ସିନ୍ଧୁ ।
୬୫)
ବିସ୍ତୃତ ବକ୍ଷ
ସୀମାହିନ ଆକାଶ
ଗମ୍ଭୀର ଭାବ ।
୬୬)
ଦୂର ଆକାଶ
ସ୍ବର୍ଗୀୟ ପ୍ରୀତି ସୁଧା
ନିସ୍ତବ୍ଧ ରାତ୍ରି ।
୬୭)
ଚିଲିକା ମାଛ
ଆକାଶେ ପକ୍ଷୀ ଉଡେ
ସୃଷ୍ଟିର ଚିତ୍ର ।
୬୮)
ଶୂନ୍ୟ ଆକାଶ
କଳଙ୍କିତ ଅନ୍ଧାର
ଲୁହର ନଈ ।
~ ସମିତା ସ୍ବାଇଁ
୬୯)
ଧାରା ସରାବନ୍
ଆକାଶେ ନାଇନ ମେଘ୍
ଚାଷୀ ମୁଣ୍ଡେ ହାତ୍ ।
୭୦)
ମୁଡ଼ା, କଁଟା ଠୋ
ଆକାଶୁଁ ଜୁଏର୍ ବର୍'ଷା
ଗଛ୍ ପତର୍ କାନ୍ଦେ ।
~ ମନୀଷା ମିଶ୍ର
୭୧)
ଆକାଶ ଶାନ୍ତ
କଳା ବାଦଲ ଘେରି
କରେ ଅଶାନ୍ତ ।
୭୨)
ପିତୃ ଆଶିଷ
ଉଚ୍ଚ ଆକାଶ ସମ
ଅପରିସମ ।
୭୩)
ଜଗତ ପ୍ରଭୁ
ସେ ଅନନ୍ତ ଅବ୍ୟକ୍ତ
ଆକାଶ ତୁଲ୍ୟ ।
~ ରତ୍ନ ପ୍ରଭା ସିଂ
୭୪)
ଆକାଶ ଝୁରେ
ପଞ୍ଜୁରୀ ବନ୍ଧା ପକ୍ଷୀ
ଜିଏଁ ଓ ମରେ ।
୭୫)
ଜୀବ କଅଁଳେ
ଆକାଶ ଓ ମାଟିର
ଭାବର କୋଳେ ।
~ ଦୀପ୍ତି ମୁଣ୍ଡ
୭୬)
ମନ ଆକାଶ
ରଙ୍ଗୀନ଼ ହେଇ ଯାଏ
ମିଳିଲେ ସାଂଗ ।
୭୭)
ବାପା ଆକାଶ
ଜୀବନର ବାଟରେ
ସଦା ଆଶିଷ ।
~ ପ୍ରଫୁଲ୍ଲ ଚନ୍ଦ୍ର ପାଢ଼ୀ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें