ହାଇକୁକାର
ପ୍ରଦୀପ କୁମାର ଦାଶ "ଦୀପକ"
୧)
ସମଲେଇ ମାଁ
ସମଲପୁରୀ ଛୁଆ
ସଭେ ସେତାର ।
୨)
ବୁହି ଯା ଲହ
ସଫା ହଉ ସବୁ ଟା
ମନର ଅଂଧୁ ।
୩)
ଫାଟଲା ଡଂଗା
କରବା କେ ପଡବା
ଜୀବନ ଯାତ୍'ରା ।
୪)
ଖୁସି ଆନସି
ତୁଲସି ଗଛ ଥି ମାଁ
ଦିଆ ଜଲାସି ।
୫)
ଜଲା ବଏଠା
ତାର ବାଟେ ଅଂଧାର
ଦେଖ ପଲାବା ।
୬)
ବେଲ ବୁଡ଼ଲା
ଡରି ଡରି ଚଁଟିଆ
ଘର ଆଏଲା ।
୭)
କେତେ ଲେଖବୁ
ବାଏଲ ବରଫ ଥିଁ
ତାର ନାଆଁ କେ ।
୮)
ଦୁଖର ଗଏଁଠ୍
ସହଜେ ନାଇଁ ହିଟା
ଦରଦ ହେବା ।
୯)
ଦୁରିଆ ବାଟ
ଦେଖି କରି ଚାଲବୁ
ଫଟା ଜୀବନ ।
୧୦)
କିଏ କହେଲା
ନାଇଁ ହଏ ଆକାଶର୍
ଜନ କେ ଛୁଇଁ ।
୧୧)
କେତେ ଜାଏତ
ରକତ ଥିର ରଂଗ
କେନତା ଗୁଟେ ।
୧୨)
ଲେଖି କି ଦେଖ
ଲହ କେ ଅଟକାଇ
ଖୁସିର ଗୀତ ।
୧୩)
ମୁହୁଁ ଦେଖାସି
ଦେଖାତା ମନ କେ ବି
ଇ ଦରପନ ।
୧୪)
ଆଏଲା ମେଘ
ଆଏଁଖ ଥି ଝରେନ
ଝରବା ଦେଖ ।
୧୫)
ନୁରୁଛେଁ ମୁଇଁ
ଭେଟଲିଁ ମାହାପୁରୁ
ମୁନୁଷ ନାଇଁ ।
୧୬)
ନାଆଁ ଟା ସତ
ରାଏଜ କରୁଥିସି
ସବୁ ଅସତ ।
୧୭)
କାଚର ମନ
ଦେଖୁ ଥିଲା ସପନ
ଫାଟଲା ଭରମ୍ ।
୧୮)
ଠିକନା ନାଇଁ
ନିଜର ତାର ଆଉ
ନୁରୁଛେ ତୋତେ ।
୧୯)
ଦିନେ କେ ହେବା
ପରମାତ୍'ମାର ସାଂଗେ
ଆତ୍'ମାର ବିହା ।
୨୦)
ମନର ଗୀତ
ସୁଖ ଟା ଅମରିତ
ଦୁଖ ଟା ବିଷ ।
୨୧)
ଗିଆନ୍ ସୁରୁଜ
ଅଗୟାନ ଅଂଧାର
କରସି ଦୂର ।
୨୨)
ଫୁନ ଆଇଲା
ଚିଠି ଲେଖା ଜମାନା
ବଦଲି ଗଲା ।
୨୩)
ସତ ଟା ଯେନେ
ମାହାପୁରୁ ବି ସେନେ
ଖୁଜୁଛୁ କେନେ ।
୨୪)
କାନ୍ଦିଛେ ଜନ
ଥିପିଛେ ରାତିଁ ଲହ
ଭିଜଲା ଘାସ ।
୨୫)
କଲମ ଗାର
କବିର ଲେଖନୀ ଥିଁ
ଜୀବନ ବାଟ ।
---00---
~ ପ୍ରଦୀପ କୁମାର ଦାଶ
ସଂଚାଳକ
ହାଇକୁ ସାଧନା ଓଡ଼ିଶା
कोई टिप्पणी नहीं:
एक टिप्पणी भेजें