ସାରସ୍ୱତ SEDOKA/ସେଦୋକା କାବ୍ୟ ଯାତ୍ରା ~ ୨
୧)
ପହିଲି ମେଘ
ହସି ଉଠିଲା ମନ
ଆକାଶ ପୁଲକିତ
ମାଟିର ଗର୍ଭେ
ମଞ୍ଜି କରେ ପ୍ରତୀକ୍ଷା
ଦେଖିବ ସେ ଜଗତ ।
~ ପ୍ରଦୀପ କୁମାର ଦାଶ
୨)
ଦୀପଟେ ଜାଳ
ବିଶ୍ୱାସର ବେଦୀରେ
ଆଲୋକମୟ ହେଉ
ଆହୁତି ଦିଅ
ହୃଦୟର ଯଜ୍ଞରେ
ଜୀବନ ଜୀଇଁଉଠୁ ।
~ ରାଜେଶ କୁମାର ମୁଣ୍ଡ
୩)
ପରଶମଣୀ
ଜଗନ୍ନାଥ ସଂସ୍କୃତି
ଦେବଦାସୀ ରୂପରେ
ଆର ପାରିରେ
ଶେଷ ସନ୍ତକ ତୁମେ
ଝୁରନ୍ତି ଜଗନ୍ନାଥ ।
୪)
ଗୀତ ଗୋବିନ୍ଦ
ଦେବଦାସୀର ନୃତ୍ୟ
ଝୁରେ ନାଟ ମଣ୍ଡପ
ଅନ୍ତିମ ଯାତ୍ରା
ନୀରବ ଶ୍ରୀମନ୍ଦିର
ଜଗା ଆଖିରେ ଲୁହ ।
୫)
ମୌନ ପ୍ରତୀକ୍ଷା
ସଂଜଳ ସେଇ ଆଖି
କୁନିପୁଅ ପଚାରେ
ଅନ୍ତର୍ବେଦନା
ବାପା ଫେରିବେ କେବେ ?
ପେଙ୍ଗ୍ ଗଙ୍ଗ୍ ହ୍ରଦ ସେପାରୁ ।
୬)
ହେମ କାକର
ପ୍ରଶ୍ୱାସ ଦିଏ କଷ୍ଟ
ନିର୍ଜନତାର ଧ୍ୱନି
ଦେଶ ମାତୃକା
ପରିବାରଠୁଁ ଦୂରେ
ସେବାବ୍ରତୀ ମାନବ ।
~ ରମାକାନ୍ତ ସତପଥି
୭)
ଉଦର ପୀଡ଼ା
ଦଶମାସ ଗର୍ଭର
ଲାଂଛନା, ଅପମାନ
ଭୂମିଷ୍ଠ ହୁଏ
ପରଚୟର ହୀନ
ଚିହ୍ନା ମଣିଷଟିଏ ।
୮)
ମାୟା ବନ୍ଧନ
ପ୍ରେୟସୀ ବାହୁପାଶ
ନିର୍ଲଜ ମଣିଷଟେ
ମାଆର ତ୍ୟାଗ
ଭୁଲିଯାଏ ବେଦନା
ଲିପ୍ତ ବାବୁଗିରିରେ ।
~ ମନୀଷା ମିଶ୍ର
୯)
ଶ୍ରୀ ଜଗନ୍ନାଥ
ନବଯୌବନ ନେଇ
ଆଜି ହେଲେ ବାହାର
ଭକ୍ତର ପ୍ରଭୂ
ଭକ୍ତ ସାନ୍ନିଧ୍ୟ ପାଇଁ
ଲୀଳା ରଥଯାତ୍ରାର ।
~ ସୁଧୀର କୁମାର ପଣ୍ଡା
୧୦)
ଆସରେ ଆସ
ଶିଶୁ ଭାଇ ଭଉଣୀ
ଶୁଣ ଗଛ କାହାଣୀ
ତାହାରି ପରି
ବାଣ୍ଟିବ ତୁମେ ଛାଇ
ଜଗତେ ମିତ ହୋଇ ।
~ ପ୍ରତିମା ମେହେର
୧୧)
ଘୋଷଯାତ୍ରା ରେ
ଭାଇଭଉଣୀ ସାଥେ
ଆସୁଛି ପହଣ୍ଡିରେ
ବଡ଼ଦାଣ୍ଡ କୁ
ଯିବେ ମାଉସୀ ଘର
ରଥ ହେଲାଣି ସଜ ।
~ ବାସନ୍ତୀ ଦେଈ
୧୨)
କଳା ସାଆନ୍ତ
ଭାଇ ଭଉଣୀ ସାଥେ
ଯିବେ ଜନ୍ମ ବେଦିକୁ
ବଡ ଦାଣ୍ଡଟା
ଆଜି ଭକତ ଶୁନ୍ଯ
ଆହେ ଚକା ନୟନ ।
୧୩)
ବିଶ୍ବ ପ୍ରସିଦ୍ଧ
ପବିତ୍ର ଘୋଷଯାତ୍ରା
ଜଗନ୍ନାଥ ଚେତନ
ଭାବ ଧାରାରେ
ଅନୁଷ୍ଠିତ ହେଉଛି
ଶାନ୍ତି, ମୈତ୍ରୀ, ପ୍ରେମରେ ।
~ ସମିତା ସ୍ବାଇଁ
୧୪)
ଆଷାଢ଼ ମାସ
ଘନ ଘନ ବିଜୁଳି
ଗରଜୁଛି ବାଦଲ
ନୁଖୁରା ପାଗ
ବର୍ଷାର ନାଁ ଛାଁ ନାହିଁ
ବାଜୁ ଅଛି ମାଦଲ ।
~ ଶ୍ରୀରାମ ସାହୁ
୧୫)
ପରିବେଶ ରେ
କର ଚାରା ରୋପଣ
ଭରିବ ଅମ୍ଳଜାନ
ସୁସ୍ଥ ଜୀବନ
ହସି ଉଠିଵ ଧରା
ଆସିଵ ଶୁଭ ଦିନ ।
୧୬)
ଜୀବ ପରମ
ନିବିଡ ସମ୍ପର୍କ ସେତୁ
ଅନେକ ଜନ୍ମାନ୍ତର
ଅଜ୍ଞାନ ନର
ଵାତୂଳ ପ୍ରାୟ ଭ୍ରମେ
ମିଛ ମାୟା ସଂସାରେ ।
୧୭)
ନାମଟି ଜପ
ଭବୁ ତରିବୁ ହେଳେ
ଜୀବନ ସାୟାହ୍ନରେ
ଲୟ କର ତୁ
ସକଳ ଘଟେ ଛନ୍ତି
ଅନାଦି ପରଂବ୍ରହ୍ମ ।
~ ବାସନ୍ତୀ ଦେଈ
୧୮)
ଜୀବ - ପ୍ରେମିକ
ଚିତ୍ରଫଳକେ ଆଙ୍କ
ଜୀବନ ମାନଚିତ୍ର
ଜାଣିନ ତୁମେ
କେଡେ ଅମାନିଆ ସେ
ବାତୁଳ ଚିତ୍ରକର ।
~ ଲିଙ୍ଗରାଜ ପାତ୍ର
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें