~ ସାରସ୍ୱତ SEDOKA/ସେଦୋକା କାବ୍ୟ ଯାତ୍ରା ୭ ~
୧)
ମାଟି ନିର୍ମିତ
ମଣିଷ ତ କଣ୍ଡେଇ
କରଇ ଅଭିନୟ
ସବୁ ନଶ୍ୱର
ମାଟି, ପାଣି, ପବନ
ଏ ଯେ ସଦା ଶାଶ୍ୱତ ।
~ ପ୍ରଦୀପ କୁମାର ଦାଶ
୨)
ଏ'ଅଭିନୟ
ନ ହେଉ ଛଳନାର
ରହୁ ସତ୍ୟ'ର ପଥେ
ଛାଡି ପଞ୍ଜୁରୀ
ବାହୁଡ଼ିବା ସମୟେ
କରି ଘର ହୃଦୟେ ।
~ ପ୍ରତିମା ମେହେର
୩)
ମୋ ଛୋଟିଆ ଗାଁ
ଆହା କି ମନୋହର
ସୁନ୍ଦର ବାତାବରଣ
ସବୁଠୁଁ ବଡ଼
ମନ ଟାଣି ନିଅଇ
ତା ମନଛୁଆଁ କଥା ।
~ ଶ୍ରୀରାମ ସାହୁ
୪)
ଚଳ ଚଞ୍ଚଳ
ଅଭିନ୍ନ ମଣିଷଟିଏ
ଅତୀତ ପୃଷ୍ଠା ଖୋଜେ
ସମୟ ସୁଅ
ଦିଗ୍'ବଳୟ ସେପାରେ
ଅପହଞ୍ଚ ଦୂରତାରେ ।
୫)
ଅତୀତ ସ୍ମୃତି
ଉଙ୍କିମାରେ ମନରେ
ଆଖିଟା ଭିଜିଯାଏ
ସ୍ୱପ୍ନ ଯେ ପୂର୍ତ୍ତି
ମନ, ମଣିଷ ଦୂର
ଅଦୂର, ଦିଗ୍'ବଳୟ ।
~ ରମାକାନ୍ତ ସତପଥି
୬)
କେଦାର ଗୌରୀ
ଅମର ପ୍ରେମକଥା
ଅବିନାଶୀ ଇଶ୍ୱର
ନଶ୍ୱର ଦେହେ
କିମ୍ବଦନ୍ତୀ ପୁରୁଷ
ରଚିତ ଇତିହାସ ।
୭)
କଳାପାହାଡ଼
ଉତ୍'ପୀଡ଼ିତ କଳିଙ୍ଗ
ଉତ୍ତାଳ ମହାନଦୀ
ମୁକୁନ୍ଦ ଦେବ
ଆତିଥ୍ୟ ପରାକାଷ୍ଠା
ଅତୀତ ଇତିହାସ ।
~ ମନୀଷା ମିଶ୍ର
୮)
ମାଟି ମଣିଷ
ପଞ୍ଚଭୂତ ରେ ଗଢା
ନଶ୍ଵର ଶରୀର ଟା
ଅଢେ଼ଇ ଦିନ
ଯାତ୍ରା ସାରି ପୁନଶ୍ଚ
ମିଶିବ ପଞ୍ଚଭୂତେ ।
୯)
ନିର୍ଦ୍ଦେଶକ ର
ଇଙ୍ଗିତରେ ଚାଳିତ
ଦୁନିଆ ରଙ୍ଗମଞ୍ଚ
ଆପ୍ରାଣ ଚେଷ୍ଟା
ନିଖୁଣ ଅଭିନୟ
ଶ୍ରେଷ୍ଠ କଳାକାର ର ।
~ ବାସନ୍ତୀ ଦେଈ
୧୦)
ପ୍ରଥମ ଫଳୀ
ଆଗକୁ ଯିବା ପାଇଁ
ପଦାକୁ ଦେଲା ଜାଗା
ଅଭୁଲା ରହୁ
ଜୀବନ ଥିବା ଯାଏ
ନିଆରା ତାର ସ୍ଥାନ ।
~ ରଞ୍ଜନ ଜେନା
୧୧)
ମଣିଷ ମନ
ସବୁବେଳେ ଉଚ୍ଚାଟ
ନିତି ଦିନିଆ ନାଟ
ଜୀବନ ସିଏ
ସମୟ ଚକ ଧାରେ
ଅଭିନୟ ରେ ସରେ ।
୧୨)
ସମୁଦ୍ର କୂଳ
ମଥା କଚାଡୁ ଥାଏ
ତରଙ୍ଗ ମାଳ ମାଳ
ନିତି ଦିନିଆ
ଖେଳ ଏ ଚାଲିଥାଏ
ନ ମାନି ବେଳକାଳ ।
~ ଆଶୁତୋଷ ମେହେର
୧୩)
ଜୀବନ ଆଉ
କ'ଣ ? ଆଞ୍ଜୁଳେ ପାଣି
ବୁନ୍ଦା ବୁନ୍ଦା ଥିପିବ
ବୟସ ଆଉ
କ'ଣ ? ମୁଠାଏ ବାଲି
ଅଳ୍ପ ଅଳ୍ପ ଝରିବ ।
~ ରାଜେଶ କୁମାର ମୁଣ୍ଡ
୧୪)
ମହାପୁରୁଷ
କର୍ମ ଗୁଣକୁ ନେଇ
ମିଳେ ଯଶ ଓ ନିନ୍ଦା
ଅହିଂସା ନୀତି
ଇତି ହାସରେ ଲେଖା
ସ୍ବାଧୀନତା ର ସ୍ବାଦ ।
୧୫)
ମହତ କାମ
ସତ୍ଯ,ଧର୍ମ, ପଥରେ
ଦୁଃଖିରଙ୍କି ସେବାରେ
ବିତେଇ ଦେବା
ଏଇ ଆମ ଜୀବନ
ମରି ଅମର ହେବା ।
୧୬)
ଦାରିଦ୍ର୍ଯ ପଣ
ଅନ୍ଯାୟ, ଅତ୍ଯାଚାର
ଯେତେଦୂର ସମ୍ଭବ
କର ବାରଣ
ଭେଦ ଭାବ ନରଖି
କର୍ମ କରିବ ଜାଣ ।
୧୭)
ଦୁଃଖ ସମୟ
କାହାର ସର୍ବନାଶ
ଶ୍ରୀହୀନ ପରିବେଶ
ସମୟ ସ୍ରୋତ
ବଦଳେ ଋତୁଚକ୍ର
କାଳ ର ପ୍ରବାହରେ ।
୧୮)
ମୋହ ଓ ମନ
ଦୁଃଖ ସୁଖ ଉତ୍ପନ୍ନ
ଇଛା ହେଲେ ପୂରଣ
ହୁଏ ସେ' ସୁଖ
ମନେ କାମନା ଥିଲେ
ବଢେ ଦୁଃଖ କାରଣ ।
~ ସମିତା ସ୍ବାଇଁ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें