ODIA SEDOKA POEM'S ~ 8

~ ସାରସ୍ୱତ SEDOKA/ସେଦୋକା କାବ୍ୟ ଯାତ୍ରା ~ ୮ ~

୧)

କଟିଛି ଗଛ 

କିଏ ଶୁଣିବ ବ୍ୟଥା 

ବସୁଧା ହେଲା ବନ୍ଧ୍ୟା

ଚଢେଇ କାନ୍ଦେ 

ହଇରାଣ ହେଲାଣି

ହଜିଛି ତାର ବସା ।

~ ପ୍ରଦୀପ କୁମାର ଦାଶ

୨)

ହୃଦୟେ ନଈ

ପାହାଡ଼େ ଫୁଟେ କଇଁ

ଆଖିରେ ଜଳେ ନିଆଁ

ବିଶ୍ୱାସ ନାହିଁ

ଆକାଶ ପଡ଼େ ନଇଁ

ମାଟି ଡାକୁଛି ଆ ଆ ।

~ ରାଜେଶ କୁମାର ମୁଣ୍ଡ

୩)

କଥାରେ ଅଛି, 

ବୃକ୍ଷ ଆମର ବନ୍ଧୁ

ତା'ବିନା ଜୀବନରେ

କି ପ୍ରାଣବିନ୍ଦୁ ?

କୋଳେଇ ହୃଦୟରେ

ପୁତ୍ର ପରି ପାଳରେ ।

୪)

ସାକାର କରି 

ମାନବ'ର ଜନମ

ପର ଉପକାରରେ

ଲାଗୁ ସତତ !

କି ଲାଭ ଇର୍ଷ୍ୟା ଦ୍ୱେଷ

ବାହୁଡ଼ିବା ଦିନେରେ ।

~ ପ୍ରତିମା ମେହେର

୫)

ନର ପିଶାଚ 

ସ୍ତ୍ରୀ ଲିଙ୍ଗ ନିରୂପଣ 

ମାତୃ ଗର୍ଭରେ ହତ୍ୟା 

ଅଦରକାରୀ 

ଶିଶୁକନ୍ୟା ତା'ପାଇଁ 

ସୃଷ୍ଟି ଅସନ୍ତୁଳିତ ।

୬)

ବାଲ୍ୟ ବିବାହ 

ପଣ୍ୟଦ୍ରବ୍ୟ ସେ ନାରୀ 

ଶୈଶବ ଧରାଶାୟୀ 

ବୈଧବ୍ୟତାରେ 

ସମାଜ କଷାଘାତ 

ହୁଏ ଲାଞ୍ଚିତା, ପତିତା । 

୭)

ସୂରୁଜ ଉଏଁ

ଗଭୀର ସାଗରରୁ

ନୀଳ ଜଳ ରାଶିରୁ

ମୁରୁକି ହସେ

ଚଳ ଚଞ୍ଚଳ ଧରା

ନୃତ୍ୟ ରତ ପୃଥିବୀ ।

୮)

ସରଗ ଶଶୀ

ନାନାବାୟ ଗୀତରେ

ଶିଶୁ ଉତଫୁଲ୍ଲିତ

ପଡୁଚ୍ଛି ଖସି

କୁନି କୁନି ହାତରେ

ଧରିବାର ପ୍ରୟାସ ।

~ ରମାକାନ୍ତ ସତପଥି

୯)

ପାହାଡ଼ ବଣ 

ଡାକନ୍ତି ରଖ ରଖ 

ବୃକ୍ଷ ଆମ ନ ହାଣ 

ଗଛ ବଞ୍ଚିଲେ 

ଆମ ସୁରକ୍ଷା ସାଥେ 

ତୁମେ ଥିବ କୁଶଳେ ।

୧୦)

ଘନ ଜଙ୍ଗଲ 

ଧରା ପାଇଁ ମଙ୍ଗଳ 

ନୁହେଁ କେବେ ଜଞ୍ଜାଳ 

ହେ ନର କୁଳ 

ଧ୍ବଂସ ନ କର ବଣ 

ଲଗାଅ ବୃକ୍ଷ ମୂଳ ।

 

~ ମୁକ୍ତେଶ୍ଵର ପଧାନ

୧୧)

ଧାନ କିଆରୀ

ହଳଦୀ ରଙ୍ଗେ ଶୋଭେ

ଚାଷୀ ମୁଖରେ ହସ

ଦେଖଣାହାରୀ

ମନଟା ଉତଫୁଲ୍ଲିତ

ଆଗାମୀ ଦିନ ସାଥି l

୧୨)

ସବୁଜ ଶସ୍ୟ

ଧରଣୀ ରାଣୀ କୋଳ

ସବୁଜିମା ରେ ଭରା

ସ୍ବପ୍ନ ରାଇଜ

ଆଖି ହୁଅଇ ଖୋସି

କୁହୁକ କାଠି ସତେ !

~ ମନୀଷା ମିଶ୍ର

୧୩)

ବୃକ୍ଷ ଡାକନ୍ତି

ଆମକୁ ହାଣି ତୁମେ

ସୁଖେ ବଞ୍ଚି ପାରିବ?

କହ ମାନବ

ନିଜ ଅସ୍ତିତ୍ୱର ରକ୍ଷା

କେଉଁ ପରି କରିବ?

~ ଶ୍ରୀରାମ ସାହୁ

୧୪)

ସକାଳ ହେଲା

କାଉ କା'କା' ରାବିଲା 

ଶେଯରୁ ଉଠ ପିଲା

ସଅଳ ଖାଇ 

ପଢିବା ଆମେ ପାଠ

ହୋଇବା ଭଲ ଚାଟ ।

୧୫)

ଋତୁ ବଦଳେ  

ତା ସହିତ ପାଗ ବି'

ସମୟର ସାଥୀରେ 

ଭାବ ବଦଳେ 

ସଂପର୍କ ଓ ଶ୍ରଦ୍ଧାରେ

ଆତ୍ମୀୟତା ପଣରେ ।

୧୬)

ଲୁହର ମୂଲ୍ଯ 

ସି'ଏ କ'ଣ ବୁଝିବ

ଯେ ମିଛ ଭଲପାଏ 

ସବୁ ଛଳନା

ସ୍ବାର୍ଥ ହାସଲ ପାଇଁ 

ଏ ସବୁ ପ୍ରହସନ ।

୧୭)

ବାଇ ଚଢେଇ

ଛୋଟିଆ ପକ୍ଷୀଟିଏ 

ଯତନେ ରଚେ ନୀଡ

ଉଚ୍ଚ ଗଛରେ 

ନଥାଏ ଡର ଭୟ 

ଯେତେବି ଆସୁ ଝଡ ।

୧୮)

ଛୋଟ ଦୀପଟି 

ଆଲୋକ ସହ  ଲଢି

ଅନ୍ଧାର ଦିଏ ତଡି 

ଜଳି ସେ ଚାଲେ

ବାଣ୍ଟି ତାର ମହତ୍ତ୍ଵ 

ଶେଷହେବା ପର୍ଯ୍ୟନ୍ତ ।

~ ସମିତା ସ୍ବାଇଁ

୧୯)

ଆକାଶେ ଦେଖି

ସ୍ୱାଧୀନ ମେଘ ମାଳ

ଉଚ୍ଛନ୍ନ ବନ୍ଦୀ ଜଳ

ଭେଟିବ ଜ୍ଞାତି

ଫେରନ୍ତି ବହୁ ଦିନେ

ଉଡ଼ଇ ମନ ପକ୍ଷୀ ।

~ ରଞ୍ଜନ ଜେନା

୨୦)

ସଂଧ୍ୟା ଆକାଶେ

ଅସ୍ତମିତ ଭାସ୍କର

ପୀତ ଲୋହିତ ଛବି

ପକ୍ଷୀ କାକଳି

ଗୋଧୂଳି ଲଗନରେ

ଗାଁ ଦାଣ୍ଡେ ହମ୍ବାରଡି ।

୨୧)

ଚାନ୍ଦିନୀ ରାତି

ନିର୍ମଳ ଆକାଶରେ

ଜୋଛନା ଅବିରତ

ଜହ୍ନ ହସଇ

ଲାଜରେ ତାରାଗଣ

ଖେଳଇ ଲୁଚକାଳି ।

~ ବାସନ୍ତୀ ଦେଈ

☆☆☆☆☆☆☆☆☆☆