~ ସାରସ୍ୱତ SEDOKA/ସେଦୋକା କାବ୍ୟ ଯାତ୍ରା ~ ୯ ~
୧)
ଆଣିଛି ମେଘ
ପ୍ରଥମ ବର୍ଷା ଛିଟା
ଅମୃତ ଉପହାର
କର ସ୍ୱାଗତ
ପ୍ରଣୟ ନିବେଦନ
ମୌସୁମୀ ପବନର ।
~ ପ୍ରଦୀପ କୁମାର ଦାଶ
୨)
ଜୟ ଶ୍ରୀ ରାମ
ରଖ ହେ ସୀତାପତି
ଘେନ ମୋର ଭକତି
ହେ ରଘୁନାଥ
ତୁମ୍ଭେ ଅନାଥ ନାଥ
ରକ୍ଷ ହେ ଜଗନ୍ନାଥ ।
~ ସୁଧୀର କୁମାର ପଣ୍ଡା
୩)
ବେସୁରା ବଂଶୀ
ଖାଲି ପବନ ସୁର
ପାଗଳର ପ୍ରଳାପ
ଭାବହୀନତା
ଜୀବନ ଚଲାପଥେ
ତଥା ଅଲକ୍ଷ ଗତି ।
୪)
ମିଳନ ବଂଶୀ
ଉଦବେଳିତ ପରାଣ
ପ୍ରିୟା ଆଖିରେ ଲୁହ
ପବନ ସୁଏ
ଧାଇଁ ଯିବାକୁ ମନ
ସୁରର ତାଳେ ତାଳେ ।
~ ରମାକାନ୍ତ ସତପଥି
୫)
ନିଦାଘ ଗ୍ରୀଷ୍ମ
ଚାଇଁ ଚାଇଁ ଖରାକୁ
ଅସ୍ତବ୍ୟସ୍ତ ଜୀବନ
ସାନ୍ତ୍ଵନା ଦେଇ
ଆଣିଦିଏ ପୃଥିବୀକୁ
ବର୍ଷାର ଉପହାର ।
~ ବାସନ୍ତୀ ଦେଈ
୬)
ପ୍ରେୟସୀ ମୋର
କାନ୍ଦୁଛି କଇଁ କଇଁ
କରିଛି ଅଭିମାନ
ବରଷା ରାଣୀ !
ଦେବୁ ଭିଜାଇ ତା'ରେ
ଅଛି ମୁଁ ତା'ଠୁ ଦୂରେ ।
~ ପ୍ରତିମା ମେହେର
୭)
ଅନେକ ପ୍ରଶ୍ନ
ଉଙ୍କିମାରେ ମନରେ
ସମାଧାନ ନ ଥାଏ
ସଜେଇ ହୁଏ
ଭୁଲଭାଲ ଉତ୍ତର
ଅସତ୍ୟର ମାଳାରେ ।
~ ରାଜେଶ କୁମାର ମୁଣ୍ଡ
୮)
ମହାନାୟକ
ମହାନାଟକର ସେ
ଚିରନିଦ୍ରା ଶାୟିତ
ସେ ପିତାମହ
ଅନୁତପ୍ତ ଅର୍ଜୁନ
ନିଶ୍ଚଳ ତା ଗାଣ୍ଡିବ ।
୯)
ଭୀଷ୍ମ ପ୍ରତିଜ୍ଞା
ଚିର କୁମାର ବ୍ରତ
ଅଭିଶପ୍ତ ଜୀବନ
ଗାନ୍ଧାରୀ ସ୍ୱାର୍ଥ
କୌରବ ବଂଶ ଧ୍ବଂସ
ଆସ୍ତାଚଳେ ତପନ ।
୧୦)
ଅଜେୟ ଯୋଦ୍ଧା
ଶରଶଯ୍ୟା ଉପରେ
ଅସହାୟ, ମୁମୁର୍ଷୁ
ଅନୁଶୋଚନା
ଯନ୍ତ୍ରଣା ଜର୍ଜରିତ
ପ୍ରାରବ୍ଧ କର୍ମଫଳ ।
~ ମନୀଷା ମିଶ୍ର
୧୧)
କାହିଁ ସେ' ବର୍ଷା
ବୈଶାଖର ଅନଳ
ହୁ ହୁ ହୋଇ ଜଳୁଛି
ଫାଟୁଛି ଭୂଇଁ
ଆଷାଢ ର ଆଶାରେ
ଅସହ୍ୟ ଜଳ ତୃଷା ।
୧୨)
ସୁନେଲି ଖରା
ଖିଲି ଖିଲି ହସୁଛି
ଝାଳକୁ ଶୋଷି ନେଇ
ମଉଳାଫୁଲ
ଖୁଖିଲା ଫାଖୁଡାରେ
ଝରି ଯାଏ ଲୁହରେ ।
୧୩)
ନିଖୁଣ ଚିତ୍ର
ଈଶ୍ବରଙ୍କ ସୃଷ୍ଟି ରେ
ଆକାଶ ଛାତ ତଳେ
କିଏ ଆଙ୍କିଛି
ସଦା ଚିର ସବୁଜ
ଘାସ ଗାଲିଚା ହସ ।
୧୪)
ମଣିଷ ଶୋଷ
କେବେ ହୁଏନି ଶେଷ
ଅସୁମାରୀ ଆଶାର
ସୁଖ ସ୍ବପ୍ନରେ
ସୁରଭିତ ଜୀବନ
ବିଶ୍ବାସ ର ଆସ୍ଥାନ ।
୧୫)
ତୋ ସାଥିରେ ମୁଁ
ଅଭିନୟ କରୁନି
ହାରିଯିବା ଭୟରେ
ସତ କହୁଛି
ଛଳନାର ନିଆଁ ରେ
ସିଝେ ସାରା ଜୀବନ ।
~ ସମିତା ସ୍ବାଇଁ
୧୬)
ନିଜ ଭବିଷ୍ୟ
ଚିନ୍ତାକରି ମନରେ
ଖୁସି ହୁଅଇ ଭାରି
ସ୍ୱପ୍ନ ବୁଣଇ
ଲାବଣ୍ୟବତୀ ଝିଅ
ଯୁବା ବୟସ ବେଳେ ।
~ ଶ୍ରୀରାମ ସାହୁ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें