ସାରସ୍ୱତ TANKA/ତାଂକା କାବ୍ୟ ଯାତ୍ରା - ୧୦
୧)
ଗାଆଁର ଦାଣ୍ଡ
ସିମେଣ୍ଟ ଓ କଂକ୍ରିଟ
ପୁରା ଶୁଖିଲା
ଭାସୁ ନାହିଁ ବର୍ଷାରେ
ଏବେ କାଗଜ ଡଙ୍ଗା ।
~ ପ୍ରଦୀପ କୁମାର ଦାଶ
୨)
ସବୁ ସମାନ
ଏବର ଜୀବନରେ
ନିରାଟ ସତ୍ୟ
ପ୍ରଜାପତି ଆୟୁଷ
ମଣିଷର ବୟସ ।
~ ରାଜେଶ କୁମାର ମୁଣ୍ଡ
୩)
ମେଘୁଆ ପାଗ
ଗରମ କପେ ଚାହା
ସତେଜ କରେ
ଏକ ସୁନ୍ଦର ଦିନ
ପ୍ରଫୁଲ୍ଲ କରେ ମନ ।
~ ସୁଧୀର କୁମାର ପଣ୍ଡା
୪)
ଶୁଭ ସକାଳ
ମଙ୍ଗଳମୟ ହେଉ
ସବୁଜୀବନେ
ମନେଭରୁ ଉଲ୍ଲାସ
ମୁଖରେ ଫୁଟୁ ହସ ।
୫)
ନବ ଯୌବନ
ମହାପ୍ରଭୁଙ୍କ ବେଶ
ବିନା ଭକ୍ତରେ
ହେଉଛି ଅନୁଷ୍ଠିତ
ଦିବ୍ୟ ନିତୀକାନ୍ତି ରେ ।
୬)
କର୍ପୁର ଉଡି
ଖାଲି କନା ପଡିଛି
ସ୍ମୁତିରେ ସେ'ତ
ଆମ ରହି ଯାଇଛି
ଉଦାହରଣ ହୋଇ ।
୭)
ଲକ୍ଷ୍ୟ ସାଧନ
ପରାକାଷ୍ଠା ସହିତ
ହୁଏ ସମ୍ଭବ
ଅଧ୍ୟବସାୟ ବଳେ
ଦୃଢ ମନୋବଳରେ ।
~ ସମିତା ସ୍ବାଇଁ
୮)
ଶୁଖିଲା ଭାବ
ପରସ୍ତେ ସ୍ୱାର୍ଥପର
ସନ୍ଦେହୀ ମନ
ମୁଠା ମୁଠା ଶୂନ୍ୟତା
ବହଳେ ସାତପର !
୯)
ସବୁରି ମନେ
ଅବିଶ୍ୱାସ ଛଳନା
ଭରି ରହିଛି
ହୁଅନ୍ତି ବାଟବଣା
ନୁହେଁ କେ ଆପଣା ।
~ ପ୍ରତିମା ମେହେର
୧୦)
ଭକ୍ତିରେ ଶକ୍ତି
ଭୟରୁ ମିଳେ ମୁକ୍ତି
ଛାଡ଼ ଆସକ୍ତି
ଶକ୍ତି ପୂଜା ନ କଲେ
ହେବ କି ଶକ୍ତିଶାଳୀ ।
୧୧)
ସୂର୍ଯ୍ୟ ମାରଇ
ରଙ୍ଗର ପିଚକାରୀ
ସଞ୍ଜ ସକାଳେ
ଆହା ! କି ମନୋହର
ହୃଦୟ କିଣି ନିଏ ।
୧୨)
ସାରା ଦିନର
ବ୍ୟଥା କଥା କହଇ
ସନ୍ଧ୍ୟା ସୁନ୍ଦରୀ
ବିରାଟ ଅନ୍ଧାରରେ
ଆଲୁଅ ଦିଏ ଦେଖା ।
~ ଶ୍ରୀରାମ ସାହୁ
୧୩)
ରାକ୍ଷସ ଅରି
ସମୁଦ୍ରର ମନ୍ଥନ
ବିଷ ଉଦ୍'ଗତ
ଜଗତର ଉଦ୍ଧାର
ସ୍ୱୟଂଭୂ ନୀଳକଣ୍ଠ ।
୧୪)
ବିଷର ଜ୍ୱାଳା
ଅସହ୍ୟ ଦାବାନଳ
ଅପ୍ରଶମିତ
ଭୂଜଗର ଧାରଣ
ଗଂଗା ଅବତରଣ ।
~ ରମାକାନ୍ତ ସତପଥି
୧୫)
ପ୍ରାଚ୍ୟ ସଭ୍ୟତା
ପିତା, ମାତା ଦେବତା
ପ୍ରେମର ଉତ୍ସ
ଏକାନ୍ତ ପରିବାର
ସ୍ନେହ, ଶ୍ରଦ୍ଧାର ଫଲ୍ଗୁ ।
୧୬)
ପ୍ରାଚୀନ କାଳ
ସୁଦୃଢ଼ ମୂଳଦୁଆ
ପ୍ରବୃଦ୍ଧତାର
ଜଗତର କଲ୍ୟାଣେ
ଆତ୍ମଜ୍ଞାନରେ ପୁଷ୍ଟ ।
୧୭)
ଧନ ପ୍ରାଚୁର୍ଯ୍ୟ
ତୁଚ୍ଛ, ସେ ନିରର୍ଥକ
କେବଳ ସ୍ନେହ
ସୌହାର୍ଦ୍ଦ୍ୟ ଭରପୁର
ପର ହୁଏ ନିଜର ।
୧୮)
ବିଶ୍ୱ ବରେଣ୍ୟ
ଭାଷା ଆଉ ସଂସ୍କୃତି
ଏକାତ୍ମ ବୋଧ
ଭାତୃତ୍ୱ, ଆପଣାର
ସର୍ବେ ଭବନ୍ତୁ ସୁଖୀ ।
~ ମନୀଷା ମିଶ୍ର
୧୯)
ଜଗତନାଥ
ଦଶମୂଳ ସେବନେ
ଜ୍ୱର ରୁ ସୁସ୍ଥ
ନେତ୍ରୋତ୍ସବ ରେ ଜଗା
ନବଯୌବନ ପ୍ରାପ୍ତ ।
୨୦)
ବଡ଼ଦାଣ୍ଡ ରେ
ବ୍ୟାକୁଳ ଲଭିବାକୁ
ଜଗା ସାନ୍ନିଧ୍ୟ
ସଜ୍ଜିତ ତିନି ରଥ
ଆସୁଛି ରଥଯାତ ।
୨୧)
ରତ୍ନବେଦୀ ରୁ
ଭାଇଭଉଣୀ ସାଥେ
ବଡ଼ଦାଣ୍ଡ ରେ
କରିବେ ଘୋଷଯାତ୍ରା
ଯିବେ ମାଉସୀ ଘର ।
~ ବାସନ୍ତୀ ଦେଈ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें