ହାଇକୁ ସାଧନା ଖୋର୍ଦ୍ଧା
ସାରସ୍ୱତ ହାଇକୁ କାବ୍ୟ ଯାତ୍ରା ~ ୮ ~
ଫୁଲ
ହାଇକୁ
୧)
ମନ ଅଙ୍ଗନେ
ଫୁଟିଛି ପ୍ରୀତି ପୁଷ୍ପ
ଦେବ ଅର୍ପଣେ ।
୨)
ମଧୁ ଚନ୍ଦ୍ରିକା
ଫୁଲ ଶେଜରେ ପ୍ରିୟା
ବିନିଦ୍ର ରାତ୍ରୀ ।
୩)
ପୁଷ୍ପ ସମ୍ଭାର
ମଧୁମୟ ସୃଷ୍ଟିର
ବସନ୍ତ ଋତୁ ।
~ ବାସନ୍ତୀ ଦେଈ, ଖୋର୍ଦ୍ଧା
୪)
ସରଗ ଫୁଲ
କେହିନାହିଁତା ତୁଲ
ଅମୂଲମୂଲ ।
୫)
ଧନୀ ଗରିବ
ଫୁଲ ପାଏ ଆଦର
ନ ଥାଏ ପର।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୬)
ଫୁଲ ଟି ଫୁଟେ
ଦେବତା ନା ଶ୍ମଶାନ
ଜୀବନ ଚିତ୍ର ।
୭)
ରଙ୍ଗ ବେରଙ୍ଗ
ପୁଷ୍ପମୟ ଆଳୟ
ମରୁ ଉଦ୍ୟାନ ।
୮)
କୁସୁମ ଶେଯ
ପ୍ରାଚୁର୍ଯ୍ୟତା ଦୁନିଆ
ହଜିଛି ନିଦ ।
~ ଆରତୀ ପ୍ରହରାଜ, ଭୁବନେଶ୍ୱର
୮)
ଫୁଲ ର ସୃଷ୍ଟି
ନିତି ଦେବ ସେବାରେ
ଧନ୍ୟ ଜୀବନ ।
୯)
କଣ୍ଟା କି ଫୁଲ
ସଂସାର ଚଲାପଥେ
ପଥିକ ଆମେ ।
୧୦)
ଫୁଲ ସୁବାସ
ଦଶଦିଗ ଚହଟେ
ମନକୁ ମୋହେ ।
~ ଜ୍ୟୋତି ପ୍ରଭା ପଟ୍ଟନାୟକ, ଖୋର୍ଦ୍ଧା
୯)
ଫୁଲକୁ ଦେଖି
ମୋ ମନ ଉଲ୍ଲସିତ
ତାହାରି ପାଇଁ ।
୧୦)
ଫୁଲର ଵାସେ
ଉଡ଼ି ବୁଲେ ଭ୍ରମର
ସଙ୍ଗୀତ ଗାଇ ।
୧୧)
ମୋହିତ କରେ
ସୁବାସିତ ବାସ୍ନା ରେ
ସକଳ ଜନ ।
~ ପ୍ରଭାସିନୀ ସାହୁ, ଖୋର୍ଦ୍ଧା
୧୨)
ଫୁଲ ତୋ ବାସ
ସୁବାସ ସୁହାସେ ତୋ
ମୁଖ ମଣ୍ଡିତ ।
୧୩)
ସ୍ବଚ୍ଛ ସରସ
ଶୋଭାସୁନ୍ଦରୀ ତୁମେ
କୁସୁମ ମିତ୍ର ।
~ ସସ୍ମିତା ବାରିକ୍
୧୪)
ଲାବଣ୍ୟବତୀ
ଫୁଲ ତୁ ରୂପ ଗୁଣେ
ମୋହୁଛୁ ନିତି ।
୧୫)
ଫୁଲ ନିଷ୍ପାପ
ପଲକେ ହରିନିଏ
ସଵୁ ସନ୍ତାପ ।
~ ବିଳାସିନୀ ଦାଶ, ଖୋର୍ଦ୍ଧା
୧୬)
ଗୋଲାପ ଫୁଲ
ମହକ ରଙ୍ଗେ ନାହିଁ
ତା ସମତୁଲ ।
୧୭)
କୁସୁମ ବନେ
ଅଳି ପ୍ରମତ୍ତେ ଭ୍ରମେ
ମଧୁ ଚୟନେ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ
୧୮)
ଫୁଲଟିଏ ମୁଁ
ଦେବତା ଶିର ପରେ
ନିଇତି ଚଢେ ।
~ ଅର୍ଚ୍ଚନା କୁମାରୀ, ରାଉତରାୟ
୧୯)
ଫୁଲ ଉପରେ
ଆଳି କରେ ଗୁଞ୍ଜନ
ମଧୁ ଆଶାରେ ।
୨୦)
ପୁଷ୍ପ ବାଟିକା
ବିବିଧ ବର୍ଣ୍ଣେ ସାଜେ
କି ଅପରୂପା ।
୨୧)
କୁସ୍ତମ ମୁହିଁ
ବିତରିବି ବାସନା
ସଭିଙ୍କ ପାଇଁ ।
୨୨)
ମାଳତୀ କୁଞ୍ଜେ
ରାସ ରଚଇ କାହ୍ନୁ
ଗୋପୀଙ୍କ ସଙ୍ଗେ ।
~ ମଧୁଛନ୍ଦା ଦାଶ, ଭୁବନେଶ୍ୱର
୨୩)
ରଂଗ ସୁନ୍ଦର
ଫୁଲ କୁସୁମ ବାସେ
ମନ ହରଷେ ।
୨୪)
ମାଆ ମଙ୍ଗଳା
ପ୍ରିୟ ନାଲିଆ ଫୁଲ
ମନ୍ଦାର ମାଳ ।
୨୫)
ରଜନୀଗନ୍ଧା
ରାତିରେ ଫୁଟଇ ସେ
ବାସ ଚହଟେ ।
୨୬)
ଜାତୀୟ ଫୁଲ
ମାଆ ଲକ୍ଷ୍ମୀଙ୍କୁ ଦିଅ
ବଡ ଶରଧା ।
୨୭)
ଆମେ ସଭିଏଁ
ଭାରତ ବାସୀ ଏକ
ଫୁଲର ପେନ୍ଥା ।
୨୮)
ହେନା, ମାଳତୀ,
ସୁଗନ୍ଧିତ କୁସୁମ
ମଲ୍ଲୀ, ସେବତୀ ।
୨୯)
ଧଳା ଟଗର
କାଂଚନ, କାମିନୀ, ମଲ୍ଲୀ
ସୁଗନ୍ଧ ରାଜ ।
୩୦)
କେଡେ ସୁନ୍ଦର
ଗୋଲାପ ଓ ମନ୍ଦାର
ନାଲି ରଂଗର ।
~ ଝୁମୁରୀ ସାହୁ, ଜଟଣୀ
⭐⭐⭐⭐⭐⭐⭐⭐⭐⭐
.jpeg)
कोई टिप्पणी नहीं:
एक टिप्पणी भेजें