ହାଇକୁ ସାଧନା ଖୋର୍ଦ୍ଧା
ସାରସ୍ଵତ TANKA/ତାଁକା କାବ୍ୟ ଯାତ୍ରା ~ ୩
ତାଁକା
୧)
ବେଳକୁ ବେଳ
କରୋନା ପ୍ରାଦୁର୍ଭାବ
ହୁଏ ପ୍ରବଳ
ଜୀବନ ଟଳମଳ
ସଂକଟମୟ ବିଶ୍ଵ ।
୨)
ପ୍ରବଳ ବର୍ଷା
ଆକାଶ ଟା ଦି ଫାଳ
ଭୋଦୁଅ ବଢ଼ି
ଶୁଭୁଚି ଭେକ ରଡି
ତଥାପି ବି ମରୂଡି ।
~ବାସନ୍ତୀ ଦେଈ ଖୋର୍ଦ୍ଧା
୩)
ଲଗାଣ ବର୍ଷା
ମେଘାଛନ୍ନ ଅମ୍ବର
ଘୋଟି ଅନ୍ଧାର
ଜଳବନ୍ଦୀ ମଧ୍ୟରେ
ବିପର୍ଯ୍ୟସ୍ତ ଜୀବନ ।
୪)
ଗରିବ ଜନ
ଦୁଃଖେ କାଟନ୍ତି ଦିନ
ବିଷର୍ଣ୍ଣ ମନ
ଘରେ ତା ବର୍ଷାପାଣି
ଜଳବନ୍ଦୀ ଜୀବନ ।
୫)
କୁସୁମ ହୀନ
ପାଦପ ବର୍ଷା ଜଳେ
କରିଲେ ସ୍ନାନ
କଳରବ ନିଶୁନ
ଜଗତ ହୀନିମାନ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୬)
କୋଭିଡ ଟୀକା
କରେ ଆମ ସୁରକ୍ଷା
ନେବା ସମସ୍ତେ
ସତର୍କ ହେବା ଆମେ
ରୋଗ ଦେବା ଦୁରେଇ ।
୭)
ବଢି ମରୁଡି
ପ୍ରାକୃତିକ ସମସ୍ୟା
ଈଶ୍ୱର ସୃଷ୍ଟି
ଧର୍ଯ୍ୟ ରଖିବା ଆମେ
ଜୀବନ ଟା ଅମୁଲ୍ୟ ।
୮)
ଝଡି ବରଷା
ବେଙ୍ଗ ଡାକେ ବେଙ୍ଗୁଲି
ପ୍ରେମର ଭାଷା
ନଦୀ ନାଳ ବଢ଼ିଲା
ଝଡ଼ିପୋକ ଉଡିଲା ।
୯)
ବାଲ୍ୟ ବିବାହ
ସାମାଜିକ କଳଙ୍କ
ବନ୍ଦ କରିବା
ଉପଯୁକ୍ତ ବୟସ
ବିବାହ ପାଇଁ ଧାର୍ଯ୍ୟ ।
୧୦)
ଘାଟରେ ନାଆ
ବାନ୍ଧିଛି ନାଉରିଆ
ନାହାନ୍ତି ଯାତ୍ରୀ
ବେଉସା ବୁଡେଇଲା
ଲଘୁଚାପ ବରଷା ।
~ ଜ୍ୟୋତି ପ୍ରଭା ପଟ୍ଟନାୟକ
୧୧)
ସରଗ ପୁର
ଅଟେସେତ ସୁନ୍ଦର
ପବିତ୍ର ସ୍ଥାନ
ଈଶ୍ବରଙ୍କ ଭବନ
ଶାନ୍ତିର ତପୋବନ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୧୨)
ଝଡି ବରଷା
ସୂର୍ଯ୍ୟ ଯାଇଛି ଲୁଚି
ଜଳ ତାଣ୍ଡବ
ଆଖି ଲୁହ ଝରାଇ
କାନ୍ଦେ ଧରଣୀ ରାଣୀ ।
୧୩)
ବାସ୍ତବ ସ୍ୱପ୍ନ
ଯନ୍ତ୍ରଣା ଜର୍ଜରିତ
ମର୍ମ ବେଦନା
ବଞ୍ଚିବାର ସଂଗ୍ରାମ
ଅହରହ ଯାତନା ।
~ ସସ୍ମିତା ବାରିକ୍, ବୋଲଗଡ଼
୧୪)
ମାୟାର ଦାସ
ନିଜ ସ୍ୱାର୍ଥ ସର୍ବସ୍ବ
ବେକରେ ଫାଶ
ପରପାଇଁ ଭାବିବା
ପରମାତ୍ମା ଲଭିବା ।
୧୫)
ସମୟ ଦିଅ
ଯାହାର ମୂଲ୍ୟ ଅଛି
ଦୃଷ୍ଟିରେ ଥୁଅ
ଯିଏ ତୁମକୁ ଚାହେଁ
ମେଘ ପାଇଁ ପାବକ ।
୧୬)
ଭୁଲରେ ନୁହେଁ
କେବେବି ଭୁଲିବାନି
ସମ୍ପର୍କର ସୂତ୍ର
ଆସୁ ଯେତେ ବନ୍ଧନ
କି ମରଣର କ୍ଷେତ୍ର ।
~ଚପଳା ପଣ୍ଡା, ଖୋର୍ଦ୍ଧା
୧୭)
ମନ ଗ୍ୟାଲେରୀ
ଅଛ ହୃଦ ଭିତରେ
ତୁମେ ରୂପସୀ
କିପରି ଭୁଳିବି ମୁଁ
ତୁମ ଅଭୁଲା ସ୍ମୃତି ।
~ ପ୍ରଦୀପ କୁମାର ଦାଶ
୧୮)
ପୁଚ୍ଛ ବିସ୍ତାରି
କଳା ମେଘ ଦର୍ଶନେ
ନାଚେ ମୟୂରୀ
ସୁନୀଳ ଗ୍ରୀବା ତାର
ଅଟଇ ମନୋହର ।
୧୯)
ସମୟ ସାଥେ
ତାଳ ମିଳାଇ ଚାଲ
ସତ୍ୟର ପଥେ
ହେବ ଜଗତ ଜିତା
କେବେ ନୁହେଁ ଅନ୍ୟଥା ।
୨୦)
ନୀଳ ସାଗର
ଗର୍ଭେ ରତ୍ନ ସାଇତା
ନାଁ ରତ୍ନାକର
ବିଶାଳ ବକ୍ଷ ତାର
ସଦା ଗୁରୁଗମ୍ଭୀର ।
~ ମଧୁଛନ୍ଦା ଦାଶ ।
୨୧)
ପ୍ରକୃତି ରାଣୀ
ଦଲକାଏ ପବନ
ଶୀତୁଆ ରାତି
ଅପରୂପା ସୁନ୍ଦରୀ
ଝିଲିମିଲି ଆକାଶ ।
୨୨)
ରତ୍ନ ଭଣ୍ଡାର
କାଳଜୟୀ ରଚନା
ଅମର ପ୍ରେମ
ସ୍ବର୍ଣ୍ଣାକ୍ଷରେ ଲିଖିତ
ହୁଏ ଗୈାରଵାନ୍ୱିତ ।
୨୩)
କ୍ରୋଧ ଜର୍ଜର
ଲେଲିହାନ ହୃଦୟ
ପର୍ଯ୍ୟାପ୍ତ କ୍ଷତି
ଅଶାନ୍ତ ଜ୍ଜାଳାମୟୀ
ଦୁସ୍ଥ ବାତାବରଣ ।
୨୪)
ଧ୍ୱନି ତରଙ୍ଗ
ନିର୍ଜୀବ ରୁ ସଜୀବ
ପଞ୍ଚମ ତାନ
ସାତସୁରରେ ବନ୍ଧା
ପ୍ରତିବିମ୍ବିତ ମନ ।
~ ଆରତୀ ପ୍ରହରାଜ, ଭୁବନେଶ୍ୱର
୨୫)
ସିଆଚୀନରେ
ଯବାନ ଜଗେ ଦେଶ
ବରଫ ପାତ
ବାଦଲ ଫଟା ବର୍ଷା
ଧସଇ ପାଦ ମାଟି ।
୨୬)
ଆତଙ୍କବାଦ
ସର୍ପ ପରି ଫୁତ୍କାରେ
ଜିଭ ବୁଲାଏ
ଗିଳି ଦେବ ବ୍ରହ୍ମାଣ୍ଡ
ବୁଝେ ହିଂସାର ଭାଷା ।
୨୭)
ପକ୍ଷୀ ଶାବକ
ଆତୁରେ ଚାହିଁ ରହେ
ନୀଡ ଭିତରୁ
ମା'ର ପକ୍ଷ ଉଢାଳ
ସେଇଠି ସ୍ବର୍ଗ ସୁଖ ।
~ ବିଳାସିନୀ ଦାଶ
୨୮)
ମନର ଆଶା
ଅସୁମାରି ସପନ
ସତ ହେବ କି
ସୁନା ଗହଣା ଜିତି
ହେବି ସାଧବ ବୋହୂ !
୨୯)
ଲାଗି ରହିବ
ଝଡ ତୋଫାନ ବାଆ
ଟି.ଭି. ସୂଚନା
ହୋଇବ ବଜ୍ରପାତ
ନଦୀରେ ହେବ ବଢି ।
~ ଝୁମୁରୀ ସାହୁ
୩୦)
ଝରା ବଉଳ
ମୋ ମନ ଆଇନାରେ
ସ୍ବପ୍ନ ନାୟିକା
ତଥାପି ଆଶା ଝରେ
ବାସ୍ତବେ ଫେରିବକି !
~ ସୂର୍ଯ୍ୟ କାନ୍ତି ଦାଶ
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें