ହାଇକୁ ସାଧନା ଖୋର୍ଦ୍ଧା
ସାରସ୍ୱତ TANKA/ତାଁକା କାବ୍ୟ ଯାତ୍ରା ~ ୪
ତାଁକା
୧)
ପ୍ରେମ ପଥିକ
ଓଠରେ ମିଛ ହସ
ମନରେ କୋହ
ଅବେଳେ ବୋହିଯାଏ
ଆଖିରୁ ଲୁହ ଝର ।
~ ପ୍ରଦୀପ କୁମାର ଦାଶ
୨)
ମୃଦୁ ମଳୟ
ଚଉଦିଗ ମହକେ
ଫୁଲ ସୁଵାସେ
ତନୁ ମନ ଶିହରେ
କୋଇଲି କୁହୁତାନେ ।
~ ବାସନ୍ତୀ ଦେଈ
୩)
ଫୁଲଟି ଫୁଟେ
ବାସ ତାର ଚହଟେ
ମହୁ ମାଛିଟି
ମଧୁ କରେ ସଞ୍ଚୟ
ପରୋପକାରାୟ ।
~ ଜ୍ୟୋତି ପ୍ରଭା ପଟ୍ଟନାୟକ
୪)
ଘୋର ବିତ୍ପାତ
ଘେରିଲେ ମେଘମାଳ
ଆକାଶ ଦେଶ
ଜନ ଜୀବନ କ୍ଳେଶ
କରଇ ସର୍ବନାଶ ।
୫)
ରାଧା ଅଷ୍ଟମୀ
ଶ୍ରୀମଦ ଭାଗବତ
ରଚକ ଜନ୍ମ
ରାଧା ପାଦ ଦର୍ଶନ
କୋଟି ପାପ ନାଶନ ।
୬)
ଗିରି ବନରେ
ମୟୁର ନୃତ୍ୟ କରେ
ଆନନ୍ଦ ଭରେ
କଳା ମେଘକୁ ଦେଖି
ମନ ପୁଲକ ଅତି ।
୭)
ଚାଷୀ ଭାଇଟି
ଦେହେ ପଖିଆ ଢାଙ୍କି
ବିଲରେ ଥାଏ
ବିଜୁଳି ଘନ ଶବ୍ଦ
ଜୀବନ ନାରଖାର ।
୮)
ନଦୀରେ ବଢ଼ି
କୂଳ ଲଙ୍ଘି ନିକର
ପ୍ରକୋପ ଜାରି
କାହାର ସର୍ବନାଶ
କା ପାଇଁ ପୁଷମାସ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୯)
ବୀର ସୈନିକ
ତୁମେ ଦେଶର ଟେକ
ହେଲ ଶହୀଦ
ମାଟି ମାଆ ପାଇଁ ସେ
ଢାଳେ ନିଜ ରକତ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୧୦)
ଶାନ୍ତି ହିଁ ସୁଖ
ଆଣିଥାଏ ଅଶାନ୍ତି
ମନରେ ଦୁଃଖ
ଲୋଭରେ ବଡ଼ ଦୁଃଖ
ଦୟାରେ ରଖ ଭାବ ।
୧୧)
ଗୁଣରେ କ୍ଷମା
ଦୟା ଭାବ ପ୍ରତିମା
ରଖେ ଉତ୍ତମା
ସେଇଭଳି ମହାତ୍ମା
ପାଖରେ ପରମାତ୍ମା ।
~ ଚପଳା ପଣ୍ଡା, ଖୋର୍ଦ୍ଧା
୧୨)
ଅନ୍ଧ ବିଶ୍ୱାସ
ଗୁଣି ଗାରେଡି ସବୁ
କରଇ ନାଶ
ସଚେତନ କରିବା
ଗଢି ସୁସ୍ଥ ସମାଜ ।
୧୩)
ଧର୍ମର ଜୟ
ପାପ ଜୀଵଟି କ୍ଷୟ
ରଖିବା ଲୟ
ଅମୃତର ସନ୍ତାନ
ଈଶ୍ୱର ବିଦ୍ୟମାନ ।
୧୪)
ସୌର ଜଗତ
ନବ ଗ୍ରହକୁ ନେଇ
ଅଟେ ଗଠିତ
ପୃଥିବୀ ଏକ ଗ୍ରହ
ଚନ୍ଦ୍ର ତା ଉପଗ୍ରହ ।
~ ଜ୍ୟୋତି ପ୍ରଭା ପଟ୍ଟନାୟକ
୧୫)
ନୂଆବୋହୂ ଟି
ମନେ ଅନେକ ସ୍ବପ୍ନ
ନ ପାରେ ବାଣ୍ଟି
ନିଜ ହୃଦୟ ମଧ୍ୟେ
ହୁଏ ଘାଣ୍ଟି ଚକଟି ।
~ ସୂର୍ଯ୍ୟକାନ୍ତି ଦାଶ
୧୬)
ହେବି ଶିକ୍ଷକ
ଦେଶର ମେରୁଦଣ୍ଡ
ଜ୍ଞାନାଲୋକରେ
କରିବି ଆଲୋକିତ
ହେବ ମୋ ଦେଶ ଶ୍ରେଷ୍ଠ ।
୧୭)
ହେବ ସମର୍ଥ
ପ୍ରତି କ୍ଷେତ୍ରେ ଭାରତ
ବିଶ୍ୱ କୁ ଦେବ
ଏକ ନବ ଦିଗନ୍ତ
ଉଜ୍ଜ୍ବଳ ଭବିଷ୍ୟତ ।
~ ବିଜୟ କୁମାର ସାହୁ, ବୌଦ୍ଧ
୧୮)
ମୋ ସ୍କୁଲ କହେ
ଶିକ୍ଷା ସଂଯୋଗ କଥା
ଆସ ପଢିବା
ବଢିବ ଆମ ମାନ
ଦେଶ ଜାତି ପ୍ରଗତି ।
୧୯)
ବନ୍ଯା ର ଜଳ
ଦେଖି ଲାଗୁଛି ଭୟ
ଧନ ଜୀବନ
କେତେ ଯାଏ ରେ ଭାସି
ଛଡାଇ ନେଲା ଖୁସି ।
~ ଝୁମୁରୀ ସାହୁ
୨୦)
ବଞ୍ଚିବା ଶୈଳୀ
ମାନବିକତା ମୂଲ୍ଯ
ଶୁଦ୍ଧ ଚିନ୍ତନ
ପରମାତ୍ମା ଙ୍କ ଧ୍ଯାନ
ସର୍ବଶ୍ରେଷ୍ଠ ସାଧନ ।
୨୧)
ବାଳୁତ କାଳ
ଶିକ୍ଷା ଗ୍ରହଣ ବେଳ
ଗୁରୁ ଶାସନ
ହସି କର ଗ୍ରହଣ
ବିଦ୍ଯା ଅମୂଲ୍ଯ ଧନ ।
~ ସସ୍ମିତା ବାରିକ୍, ବୋଲଗଡ଼
୨୨)
ନୂଆବୋହୂ ଟି
ମନେ ଅନେକ ସ୍ବପ୍ନ
ନ ପାରେ ବାଣ୍ଟି
ନିଜ ହୃଦୟ ତା'ର
ହୁଏ ଘାଣ୍ଟି ଚକଟି ।
~ ସୂର୍ଯ୍ୟକାନ୍ତି ଦାଶ
୨୩)
ଲାଜୁଆ ହସ
ହାଣି ଦିଏ କଟାକ୍ଷ
ସରମି ଯାଏ
ବେପଥୁ ଶିହରଣ
ପ୍ରେମର ଫଲ୍ଗୁ ବନ୍ୟା ।
୨୪)
ଦି ପଦ କଥା
ଭାଙ୍ଗେ ବା ଗଢେ ମନ
ନିର୍ଭର କରେ
ସମ୍ପର୍କ ଯୋଡି ଦିଏ
ଛାଇ ରେ ନାହି ଡିଏଁ ।
୨୫)
ପାର୍ବଣ ଋତୁ
ଆଗମନୀ ଗୀତିକା
ମା ବିଦ୍ୟମାନ
ଉଲ୍ଲାସ ଉଦ୍ଦୀପନା
ସାଦର ଅଭ୍ୟର୍ଥନା ।
~ ଆରତୀ ପ୍ରହରାଜ, ଭୁବନେଶ୍ୱର
୨୬)
ସରଳ ଭାଷା
ନବାକ୍ଷରୀ ଛାନ୍ଦରେ
ଲେଖା ପୁରାଣ
ଓଡ଼ିଆ ଭାଗବତ
କବି ସେ ଜଗନ୍ନାଥ ।
୨୭)
ଭାଦ୍ରବ ମାସ
ଆଜି ଅଷ୍ଟମୀ ତିଥି
ଅଡି ପବିତ୍ର
ଅତିବଡ଼ି ଉପାଧି
ଜଗନ୍ନାଥ ଜୟନ୍ତୀ ।
~ ଝୁମୁରୀ ସାହୁ
୨୮)
ଭାବ ବଣିକ
କବି ର ଭଂଡାରରେ
ସ୍ବପ୍ନ ମାଣିକ
ମନ କାଗଜରେ ସେ
ଆଙ୍କେ ଜୀବନ ଚିତ୍ର ।
୨୯)
ଫୁଲ କୁଆଁରୀ
ମଳୟ ପରଶରେ
ଉଠେ କୁରୁଳି
ସାତରଂଗୀ ଅବିର
ବୋଳିଦିଏ ଭଅଁର ।
୩୦)
ପଳାଶ କାଂଦେ
ବାସନା ନାହିଁ ବୋଲି
ପାଏନା ଶ୍ରଦ୍ଧା
ମାଟି ମାତା ସେନେହେ
ଲୁହ ତା'ର ପୋଛିଲା ।
~ ବିଳାସିନୀ ଦାଶ, ମଧୁସୂଦନ ନଗର
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें