ହାଇକୁ ସାଧନା ଖୋର୍ଦ୍ଧା, ସାରସ୍ୱତ ତାଁକା କାବ୍ୟ ଯାତ୍ରା ~ ୫

ହାଇକୁ ସାଧନା ଖୋର୍ଦ୍ଧା

ସାରସ୍ଵତ ତାଁକା / TANKA କାବ୍ୟ ଯାତ୍ରା ~ ୫

ତାଁକା

୧)

ବୋମା ବର୍ଷଣ

ମିସାଇଲ୍  ଅଗ୍ନି ବର୍ଷା

ହେଲିକପ୍ଟର

ଚାଲେ ଶୂନ୍ୟରେ ଯୁଦ୍ଧ

କମ୍ପେ ମାଟି ଆକାଶ ।

~ ବାସନ୍ତୀ ଦେଈ, ଖୋର୍ଦ୍ଧା

୨)

କୋଣାର୍କ କହେ

ଶିଳ୍ପୀର ମନକଥା

କଳା ସ୍ଥାପତ୍ୟ

ସପ୍ତାଶ୍ଚର୍ଯ୍ୟ ରେ ଗଣା

ଉତ୍କଳର ଭାସ୍କର୍ଯ୍ୟ ।

~ ଜ୍ୟୋତି ପ୍ରଭା ପଟ୍ଟନାୟକ

୩)

ପିତାହିଁ ସ୍ବର୍ଗ

ହେ ପରମ ଇଶ୍ବର

ଦେବତା ମୋର

ଲୁହଭରା ଜୀବନ

ଆଃ କି! ମହାନ ପ୍ରେମ ।

 ~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)

୪)

ସ୍ବପ୍ନ ର ମାୟା 

ପଲକେ ସୃଷ୍ଟି କରେ 

ରୂପର ଛାୟା 

ବିବେକ ହୁଏ ବାୟା 

ଜାଗ୍ରତେ ଲୁପ୍ତ କାୟା l

୫)

ହେ ମହାବାହୁ 

ଝରୁ ତବ ଆଶିଷ 

ନ ରହୁ କ୍ଳେଶ

ସଜାଅ ପରିବେଶ 

ଗଢ଼ ସକଳ ସୃଷ୍ଟି ।

୬)

ଭାଇ ଭଉଣୀ 

କହେ ଦେଶ କାହାଣୀ 

ଭାରତ ବାସୀ 

ସଦା ଭାରି ସାହସୀ 

ରଖ ସତ୍ୟରେ ଲୟ ।

~ ସୂର୍ଯ୍ୟକାନ୍ତି ଦାଶ, ଯାଆଁଳା,

୭)

ଚେନାଏ ହସ

ହୃଦୟ ଜିଣି ପାରେ

ଭରେ ବିଶ୍ୱାସ

ପର ହୁଏ ଆପଣା

ଝରେ ପ୍ରୀତି ଝରଣା ।

୮)

ନିଦାଘ ଶେଷେ

ମେଘ ସମ୍ଭାର 6ନଇ

ବରଷା ଆସେ

ନଭେ ଖେଳେ ଚପଳା

ଯେହ୍ନେ କଟି ମେଖଳା ।

~ ମଧୁଛନ୍ଦା ଦାଶ  ।

୯)

ବଂଶୀ ବଦନ

ଝୁରୁଛି ରାଧା ମନ

କଦମ୍ବ ବନ

ଆହା କେଡ଼େ ଶୋଭନ

କୁଞ ଦୋଳାୟମାନ ।

୧୦)

ସୁନା ହରିଣ

ଝଲସେ ମନପ୍ରାଣ

ଦୁଃଖ କାରଣ

ମନ ଉଦଵେଳନ

ବେଳହୁଁ ସାବଧାନ ।

୧୧)

ଗୋଳିଆ ପାଣି

ଯାଅ ନାହିଁ ନ ଜାଣି

ବିପଦ ଖଣି

କାମ କର ବିଚାରି

ଯିବ ନିଶ୍ଚେ ନିସ୍ତରି ।

~ ଆରତୀ ପ୍ରହରାଜ, ଭୁବନେଶ୍ୱର

୧୨)

ମାଟି ରେ ମୂର୍ତ୍ତି

ଗଢେ ସୁନ୍ଦର କରି

ସେ ଚିତ୍ରକର  

ସବୁ ପରବ ଗାଥା

ଜୀବନ୍ତ ପ୍ରତିମୂର୍ତ୍ତି । 

୧୩)

ଚୋରା ଚଇତି

ପୁନେଇଁ ରାତି ସାଥି

ବୁଝେନି ମନ

ଅବୁଝା ପତି ମୋର

ଯାଆନା ଏତେ ଦୂର ।

~ ଝୁମୁରୀ ସାହୁ

୧୪)

ସକଳ ତୀର୍ଥ

ପିତାମାତା ପୟରେ

ହୃଦୟେ ହେଜ

ପୂଜ୍ୟପୂଜାରେ ମଜ 

ମନୁ ଆଳସ୍ଯ ତେଜ । 

୧୫)

ମାନବ ଜନ୍ମ

ଅଟେ ଦୁର୍ଲଭ ଜାଣ

ବିଶ୍ବାସ ଭକ୍ତି

ଦୁଇ ମହାଶକତି

ମନ ମନ୍ଦିରେ ସାଜ ।

~ ସସ୍ମିତା ବାରିକ୍, ବୋଲଗଡ଼

୧୬)

ଘନ କୁହୁଡ଼ି 

ଜାଳେ ବଉଳ ସ୍ବପ୍ନ 

ଦୁଃଖ ଅମାପ 

ପାଉଁଶ କରି ଦିଏ 

ଆଶାର ଇମାରତ ।

୧୭)

କ୍ଳାନ୍ତ ବାଟୋଇ

ଖୋଜେ ଟିକିଏ ଛାଇ 

ଶୂନ୍ୟ ଇଲାକା 

ବିକାଶ ନାମେ ଚାଲେ

ବୃକ୍ଷର ବଳିପର୍ବ ।

~ ବିଳାସିନୀ ଦାଶ, ମଧୁସୂଦନ ନଗର

୧୮)

ସାହିତ୍ୟ ରସ

ଜୀବନେ ପାନ କର

ମଧୁମୟ କରଇ 

ବିଶ୍ଵ ଜୀବନ

ବସନ୍ତ ବିନା ବାସେ

ଶିଖୁ ଜୀଇଁଵା କଳା ।

୧୯)

ମାଆର କୋଳ

ଖରା ବର୍ଷା ଶୀତ କୁ

ଅନ୍ଧାର  ଆଲୁଅ କୁ

ନ ଥାଏ ଡର

ଝୁଲଇ ବସି ନିତି

ମୋର ପ୍ରିୟ ଝୁଲଣା ।

୨୦)

ରାସ୍ତାରେ ବନ୍ୟା

ଜଳମଗ୍ନ ସହର

ଘରେ ଆଣ୍ଠୁଏ ପାଣି

ଡଙ୍ଗା ଚାଲୁଛି

ନାଳ ନର୍ଦ୍ଦମା ସବୁ

ପଲିଥିନ ରେ ଭର୍ତ୍ତି ।

~ବାସନ୍ତୀ ଦେଈ ଖୋର୍ଦ୍ଧା

☆☆☆☆☆☆☆☆☆☆