ହାଇକୁ ସାଧନା ଖୋର୍ଦ୍ଧା
ସାରସ୍ଵତ ସେଦୋକା / SEDOKA କାବ୍ୟ ଯାତ୍ରା ~ ୩
୧)
ଭାରତ ମାତା
ଶିରେ ଭୂଧରମାଳା
ପାଦେ ନୀଳ ସାଗର
ବକ୍ଷେ ଶୋଭିତ
ନଦନଦୀ ଅରଣ୍ୟ
ଉପଵନେ ସୁମନ ।
~ ବାସନ୍ତୀ ଦେଈ, ଖୋର୍ଦ୍ଧା
୨)
ମନ ଭ୍ରମର
ଉଡି ଉଡି ଯିବୁତୁ
ପୁରୀ ବଡ଼ ଦେଉଳ
ନୀଳଚକ୍ରକୁ
ପ୍ରଣାମ କରି ମୁକ୍ତି
ପାଇଯିବୁ ଶେଷରେ ।
୩)
ଆସରେ ଆସ
ସଞ୍ଜ ହେଲାଣି ପିଲେ
ମୋର ପାଖରେ ବସ
କହିବି କଥା
ପରି ରାଇଜ ଗପ
ଅବୋଲକରା ଛତା ।
୪)
ବହି ପଢିବା
ଦେଶ ବିଦେଶ କଥା
ଆମେ ଜାଣି ପାରିବା
ବଢିବ ଜ୍ଞାନ
ବିବେକ ବିଦ୍ୟା ବୁଦ୍ଧି
ବଢେ ଆତ୍ମ ସମ୍ମାନ ।
୫)
ଆକାଶ ବାଣୀ
ନିତି ନୂଆ ବାରତା
ସିଏ ଦେଉଛିପୁଣି
ଆମ ପ୍ରଗତି
ନାରୀମହଲ କୃଷି
ଯୁବ ଶିଶୁ ସଂସାର ।
~ ଜ୍ୟୋତି ପ୍ରଭା ପଟ୍ଟନାୟକ
୬)
ଜଗା କାଳିଆ
ଶ୍ରୀମନ୍ଦିରେ ବିରାଜେ
ବଡ଼ ଭାଇ ବଳିଆ
ପାଶେ ସୁଭଦ୍ରା
ଭଗିନୀ ସହ ଭ୍ରାତା
ରଥେ କରନ୍ତି ଯାତ୍ରା ।
୭)
ବିଗତ ଦିନ
ଗୁରୁ ଥିଲେ ମହାନ
ସମାଜ ର ସମ୍ମାନ
ଶିଷ୍ୟ ର ଭକ୍ତି
ବିଦ୍ୟା ରେ ଅନୁରକ୍ତି
ପ୍ରାପତ ଦିବ୍ୟଶକ୍ତି ।
୮)
ଓଉ କଖାରୁ
ମୁଗ କଦଳୀ ସାରୁ
ଘାଣ୍ଟି ଡାଲମା କରୁ
ସରୁ ଅରୁଆ
ଘୃତାନ୍ନ ସହ ଖଟା
ଶାଗେ ମିଶି ନଡ଼ିଆ ।
୯)
ମା ମହାଲକ୍ଷ୍ମୀ
ଶୁକ୍ଳ ବସ୍ତ୍ର ଧାରିଣୀ
ସଦା ଦୁଃଖ ନାଶିନୀ,
ବିଶ୍ୱ କଲ୍ୟାଣୀ
ଐଶ୍ୱର୍ଯ୍ୟ ପ୍ରଦାୟିନୀ
ମା ଉଲ୍ଲୁକ ବାହନୀ ।
୧୦)
ପ୍ରାତଃ ଭ୍ରମଣ
ମିଳେ ମୁକ୍ତ ପବନ
ପ୍ରଚୁର ଅମ୍ଳଜାନ
ଦେହ କୁ ହିତ
ରଖେ ଶରୀର ସୁସ୍ଥ
ଚିକିତ୍ସକ ଙ୍କ ମତ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୧୧)
ଋତୁ ଶରତ
ଭାଦ୍ର ଆଶ୍ୱିନ ମତ
ତୋଫା ସାରା ଜଗତ
ଶ୍ରୀ ଦୁର୍ଗା ମାତ
ହେବେ ମର୍ତ୍ତ୍ୟେ ସମ୍ଭୁତ
ଦୁଷ୍ଟେ ଖାଲେ ପତିତ ।
୧୨)
ଆଜିର କର୍ମ
ସାରିଦେବାହିଁ ଧର୍ମ
ବାକି ରଖ ବିକର୍ମ
ନାସ୍ତି ଅକର୍ମ
କାଲି ନଥିବ ପ୍ରାଣ
କରିବାକୁ ପ୍ରମାଣ ।
~ ଚପଳା ପଣ୍ଡା, ଖୋର୍ଦ୍ଧା
୧୩)
ସମୟ ଚକ
ଘଣ୍ଟା ଗତି ନିରତ
ଚାଲଇ ଅବିରତ
ଜୀବନ ପଥେ
ଉଠାଣି ଓ ଗଡାଣି
ଫେରେ ନାହିଁ ପଛକୁ ।
~ ଶୋଭାଗିନୀ ନନ୍ଦ, ଜୟପୁର(କୋରାପୁଟ)
୧୪)
ସ୍ବପ୍ନ ସର୍ବସ୍ବ
ଅପହଞ୍ଚ ଦୂରତା
ଛୁଇଁବାର ଅଭୀପ୍ସା
ଖୁସି ଝଲକ
ପ୍ରାପ୍ତି ରେ ହିଁ ଆନନ୍ଦ
ଆଶା ର ବୈତରଣୀ ।
୧୫)
ଉଦେ ସୂରୁଯ
ସୁନେଲି ଆଭା ନଭ
ସାଗର ଅପରୂପା
ଚମକେ ଚାନ୍ଦ
ତୋ ହସ ଝଲକରେ
ଖୁସି ରେ ଯାଏ ଦିନ ।
୧୬)
ଖୁସି ମୂହୁର୍ତ୍ତ
ଉଡିଯାଏ ସହସା
ଅପେକ୍ଷା ର ସମୟ
ଟଣା ଓଟରା
ଯାହା ଯେମିତି ହେଉ
ମନଟା ହସୁଥାଉ ।
~ ଆରତୀ ପ୍ରହରାଜ, ଭୁବନେଶ୍ୱର
୧୭)
ମମତା ଡୋର
କଅଁଳ କଢି ମନ
କଃ ଅହମ୍ ର ସ୍ୱର
କେତେ ମଧୁର
ମାଆ କେତେ ମହାନ
ମର୍ତ୍ତ୍ଯର ମୋରିୟମ୍ ।
୧୮)
ଶୂନ୍ଯ ସ୍ୱରୂପ
ହସ୍ତ ପଦ ନଥାଇ
ତୁମେ ଜଗତ ନାଥ
ଚକାଆଖିଆ
ନୀଳାଚଳ କନ୍ଦରେ
ଲଗାଇଛ କି ମାୟା ।
~ ସସ୍ମିତା ବାରିକ୍
☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें