ହାଇକୁ ସାଧନା ଖୋର୍ଦ୍ଧା, ସାରସ୍ୱତ ସେଦୋକା କାବ୍ୟ ଯାତ୍ରା ~ ୪

ହାଇକୁ ସାଧନା ଖୋର୍ଦ୍ଧା

ସାରସ୍ଵତ ସେଦୋକା କାବ୍ୟ ଯାତ୍ରା ~ ୪

ସେଦୋକା 

୧)

ତୈଳ ପୂରିତ

ଦୀପ ସିନା ଜଳଇ

ମହୀ କରେ ଆଲୋକ

ଜୀବନ ଦୀପ

କିଏ ଭରେ ତଇଳ

ଜଳୁଥାଏ ନିରତ ।

~ ବାସନ୍ତୀ ଦେଈ ଖୋର୍ଦ୍ଧା

୨)

ବଡ ଦେଉଳ

ବିଜେ ବଡ ଠାକୁର

ନୀଳ ଚକର ତାର

ପତିତ ବାନା

ପାପ ତାପ ନାଶନ

ସେତ କାଳିଆ ସୁନା ।

୩)

ମହା ପ୍ରସାଦ

ମହାଲକ୍ଷ୍ମୀ ରାନ୍ଧଣା

ବଡ ସୁଆଦ ବାସ୍ନା

ଭକତ ବାଇ

ଅଦଭୂତ ରୋଷେଇ

ରହିଛି ଚମତ୍କାର ।

୪)

ବ୍ରହ୍ମ କମଳ

ବାରବର୍ଷରେ ଫୁଟେ

ନିଆରା ବାସ୍ନା ତାର

ଦେବତା ଲାଗି

ହିମାଳୟର ପୁଷ୍ପ

ଆମ ଏଠି ଦୁଷ୍ପ୍ରାପ୍ୟ ।

~ ଜ୍ୟୋତି ପ୍ରଭା ପଟ୍ଟନାୟକ

୫)

ମନ ଭାବନା 

ଲୁପ୍ତ ସୁପ୍ତ ଚେତନା 

ସୃଷ୍ଟି ନବ କଳ୍ପନା 

ଜଗତ ମାୟା 

ବ୍ୟାପ୍ତ କାୟା ର ଛାୟା 

ସପନ କରେ ବାୟା ।

୬)

ଧରଣୀ ରାଣୀ 

ବକ୍ଷେ ପଡିଲେ ପାଣି 

ଶସ୍ୟ ଶ୍ୟାମଳ ଠାଣି 

ଫୁଲ ର ବେଣୀ 

ବାତାୟନ କିଙ୍କିଣୀ 

ହୃଦୟ ନିଏ କିଣି ।

~ ସୂର୍ଯ୍ୟକାନ୍ତି ଦାଶ, ଯାଆଁଳା

୭)

ଯାତ୍ରା ସମ୍ରାଟ

ତୁଳସୀ ଗଣନାଟ୍ୟ

ସାବୀତ୍ରୀ କରୁଅଛି 

ସ୍ବାମୀ ନିଲାମ

ଏମିତି ହେଲେ ସ୍ବାମୀ

ମଲେ କାନ୍ଦିବି ନାହିଁ ।

୮)

ସୁଯୋଗ୍ୟା ପତ୍ନୀ

ପୁଣ୍ଯ ରେ ମିଳେ ମାଆ

କୋଟି ତପେ ମନୁଷ୍ଯ

ଜନ୍ମ ସାର୍ଥକ

ମମତାର ପ୍ରତୀକ

ସେବା କର ସବୁରି । 

~ ଝୁମୁରୀ ସାହୁ 

୯)

ଝଡ଼ ବତାସ 

କରେ ଆତ୍ମ ପ୍ରକାଶ 

ଡିଆଁମୁ ବା' ବିଶେଷ

ଓଡିଶା ମୁଁହା 

ପାଣି ପାଗ ସୂଚନା 

ସମୁଦ୍ର ଯିବା ମନା ।

୧୦)

ମଧୁର ବାଣୀ 

ଝରେ ମାଆ ଓଠରୁ 

ସାଧୁ ଜନ କଣ୍ଠରୁ, 

ସର୍ବଦା ହିତ 

ଚାଲି ବାରେ ସଂକେତ 

ହୃଦେ ସନ୍ତାନ ଚିନ୍ତ ।

~ ସୂର୍ଯ୍ୟକାନ୍ତି ଦାଶ 

୧୧)

ଜୀବନ ନଈ

ଖାଲ ଖମାକୁ ଡେଇଁ

ଅନୁଭବକୁ ଥୋଇ

ଯାଉଛି ବହି,

ଯିବ ସାଗରେ ଶୋଇ

ଜୀବ ପ୍ରାରବ୍ଧ ନେଇ ।

୧୨)

ଅବୁଝା ମନ

ବୁଝୁ ନାହିଁ କାହିଁକି

ମିଛ ଦିବା ସପନ

କରୁଛି ଯତ୍ନ

ଲୋଭ, ମୋହ ଭିତରେ

କବଳିତ ଜୀବନ ।

୧୩)

ଶିଶୁ କାଲିକା

ଭବିଷ୍ୟତ ବର୍ତ୍ତିକା

ପ୍ରଜ୍ଜ୍ବଳିତ ପ୍ରତୀକ୍ଷା

ଦିଅ ସୁଶିକ୍ଷା

କର୍ମ କାରଣେ ଦୀକ୍ଷା

ଚିନ୍ତୁ ଦେଶ ସୁରକ୍ଷା ।

~ ଚପଳା ପଣ୍ଡା, ଖୋର୍ଦ୍ଧା

୧୪)

ଫୁଲର ବାସ

 ଆଃ ବାସ ମହମହ

କି! ସୁନ୍ଦର ସୁବାସ

  ଶୋଭା ଭଣ୍ତାର

 ଦେଖି ପାଗଳ ପ୍ରେମି

 ସତେ ହୁଏ ଦିବାନା  ।

~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)

୧୫)

ତୁଠ ପଥର

ସହେ ପାଦ ପ୍ରହାର 

ନୀରବେ ଅଭିମାନେ

କପାଳ ଲେଖା

ଖରା, ବରଷା,ଶୀତ 

ନିତ୍ୟ  ଜଳ ଆଘାତ  ।

୧୬)

କ୍ଷମତା ନିଶା

ପାଗଳ କରେ ପ୍ରାଜ୍ଞ

ଭାଙ୍ଗେ ନୀତି ନିୟମ 

ସ୍ବାର୍ଥ ଶସ୍ତ୍ରରେ

ଜଗତ ଜିଣିବାର

ବାସନା ପ୍ରଜ୍ଜ୍ଵଳିତ  ।

~ବିଳାସିନୀ ଦାଶ, ମଧୁସୂଦନ ନଗର

୧୭)

ଆଖି ର ଲୁହ

ଆକାଶୁ ଝରିଯାଏ

ପୋଛେ ମେଘ ପଣତ

ଚକ୍ଷୁ ର ନୀର

ପୋଛ‌ଇ ବୋଉ ମୋର

ସେଇ ତ ମୋ ସୈାଭାଗ୍ୟ ।

୧୮)

ମୁଁ ଫେରିବାଲା

ସାଉଁଟିଲି ଭଣ୍ଡାର

ଅତୀତ ବର୍ତ୍ତମାନ

ଅସାଧାରଣ

ସଭିଙ୍କ ମନଲାଖି

ଜୀବନ ମାପକାଠି ।

୧୯)

ପକ୍ଷୀ ର ଘର

ବାଆ ବତାସ ଖେଳ

ଆଶା କେବେ ମରେନା

ରଚ‌ଇ ନୀଡ଼

ନୂତନ ଭବିଷ୍ୟତ

ସୁଚିନ୍ତ ଅବିରତ ।

~ ଆରତୀ ପ୍ରହରାଜ, ଭୁବନେଶ୍ୱର

୨୦)

ଗଭୀର ଜଳେ

ଗଜରାଜ ବିପଦେ

ଡାକୁଅଛି ଆକୁଳେ

ନିଷ୍ଠୁର ହେଲ

ସାହାଯ୍ୟ କରିବାରୁ

ଏକି ଦୁ୍ର୍ଦ୍ଦଶା ଦେଲ  । 

୨୧)

ଝରା ଶେଫାଳୀ

ରାତିରେ ମହକାଇ

ସକାଳୁ ପଡୁ ଝରି

ସୂରୁଜ ମୁଖ

ଦର୍ଶନରୁ ବଞ୍ଚିତ

ପ୍ରଭୁପୂଜା ରଞ୍ଜିତ  । 

~ ସସ୍ମିତା ବାରିକ୍, ବୋଲଗଡ଼

🪔🪔🪔🪔🪔🪔🪔🪔🪔