ହାଇକୁ ସାଧନା ଖୋର୍ଦ୍ଧା
ସାରସ୍ଵତ ସେଦୋକା କାବ୍ୟ ଯାତ୍ରା ~ ୫
ସେଦୋକା
୧)
ସଂଧ୍ୟା ଆକାଶେ
ଅସ୍ତମିତ ଭାସ୍କର
ପୀତ ଲୋହିତ ଛବି
ପକ୍ଷୀ କାକଳି
ଗୋଧୂଳି ଲଗନରେ
ଗାଁ ଦାଣ୍ଡେ ହମ୍ବାରଡି ।
୨)
ଚାନ୍ଦିନୀ ରାତି
ନିର୍ମଳ ଆକାଶରେ
ଜୋଛନା ଅବିରତ
ଜହ୍ନ ହସଇ
ଲାଜରେ ତାରାଗଣ
ଖେଳନ୍ତି ଲୁଚକାଳି ।
~ ବାସନ୍ତୀ ଦେଈ ଖୋର୍ଦ୍ଧା
୩)
ଶୋକ ସାଗର
ଅରିନ୍ଦମ ସତ୍କାର
ସାମ୍ବାଦିକ ପ୍ରବର
ଗଲା ଜୀବନ
ମନ ଟା ଶକ୍ତିମାନ
ଅମର ଚିରଦିନ ।
୪)
ଜନ୍ମ ମରଣ
ସବୁ ଵିଧି ବିଧାନ
ନାହଁ ତାର ନିଦାନ
ଚଞ୍ଚଳ ମନ
କଲା କ୍ଳେଶ ପ୍ରଦାନ
ସାଧୁଏ ସାବଧାନ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୫)
ବିଜ୍ଞାନ ପଢି
ନାସାରେ ବୈଜ୍ଞାନିକ
ଗଲେ ରକେଟ ଚଢି
ମହାକାଶକୁ
ଗମନ ଚନ୍ଦ୍ର ଯାନ
ସତ ହେଲା ସପନ ।
୬)
ପ୍ଲାଷ୍ଟିକ ଜରି
କରିବାକୁ ବର୍ଜନ
କର ସଦା ଆହ୍ୱାନ
ନେବା ଶପଥ
ସ୍କୁଲ କଲେଜ ଘର
ହୋଟେଲ କି ଦୋକାନ ।
~ ଜ୍ୟୋତି ପ୍ରଭା ପଟ୍ଟନାୟକ
୭)
ପ୍ରକୃତି ମିତ୍ର
ସ୍ଥିର ଜୀବଜଗତ
ଅପରୂପ ଶରତ
ଯନ୍ତ୍ରଣା ମୁକ୍ତ
କାଶତଣ୍ଡୀ ର କ୍ଷେତ
ପବନେ ଦୋଳାୟିତ ।
୮)
ତିମିର ନାଶ
ବାଳଭାନୁ ପ୍ରକାଶ
ସଚଳ ଦଶଦିଶ,
ମନ୍ଦିରେ ଘଣ୍ଟ
ଧୂପେ ଦେବ ସନ୍ତୁଷ୍ଟ
ଦୂରିତ ଶ୍ରମ କଷ୍ଟ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୯)
ଅ ରୁ କ୍ଷ ଯାଏଁ
ଅକ୍ଷୟ ଅକ୍ଷରରେ
ଯେ ଲିପ୍ତ ରହିଥାଏ
ସେ ତ ଅନନ୍ତ
ଆନନ୍ଦ ଇଚ୍ଛାମୟ
ଈଶ୍ୱର ନିରାକାର ।
୧୦)
ମୃତ୍ୟୁ ନିଶ୍ଚିତ
ଅଲେଖା କାଗଜରେ
ସମୟ ନିରୂପିତ
ବାସ୍ତବ ସତ୍ୟ
ପୁନଶ୍ଚ ଅନାଦୃତ
କ୍ରନ୍ଦନେ ସମାହିତ ।
~ ଚପଳା ପଣ୍ଡା, ଖୋର୍ଦ୍ଧା
୧୧)
ଶାନ୍ତିର ବନ
ଶାନ୍ତର ତପୋବନ
ସାଧୁସନ୍ଥଙ୍କ ସ୍ଥାନ
ମୁକ୍ତିର ମାର୍ଗ
ଜୀବନେ ମିଳେ ମୋକ୍ଷ
କରେ ଅମୃତ ପାନ ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
୧୨)
ଚିଲିକା ରାଣୀ
ସୁନୀଳ ବକ୍ଷେ ତାର
ଲହରୀ ମାଳ ମାଳ
ନାଚେ ତରଣୀ
ବିହଙ୍ଗ ଦଳ ଦଳ
ଜଳେ କରନ୍ତି ଖେଳ ।
୧୩)
ମନ ଆଇନା
ସ୍କୃତିର ଗନ୍ତାଘର
ସାଇତି ରଖିଥାଏ
କେତେ ଭାବନା
ଅତୀତ ରୋମନ୍ଥନେ
ହୁଏ ସେ ଆନମନା ।
~ ମଧୁଛନ୍ଦା ଦାଶ
୧୪)
ପ୍ରତୀକ୍ଷା ପଥ
ପରୀକ୍ଷା ଚାଲିଥାଏ
ଅସୀମ ଧଇର୍ଯ୍ଯର
ସମୟ ଆସେ
ଉଷାର ରୋଷଣୀରେ
ସ୍ବପ୍ନ ସୁମନ ଫୁଟେ ।
୧୫)
ଭାବିଛ କେବେ
ବ୍ୟତିକ୍ରମ ଋତୁର
ଖଂଡିତ ପାଣିପାଗ
ଧ୍ବଂସ ର ଘଣ୍ଟି
ଜଳମଗ୍ନ ପୂର୍ବରୁ
ରୋପିବା ଗଛ ବୃକ୍ଷ ।
~ ବିଳାସିନୀ ଦାଶ, ମଧୁସୂଦନ ନଗର
୧୬)
ଦ୍ଵିତୀୟା ଜହ୍ନ
ଚେନାଏ ହସ ପରି
ଭିଜାଇ ଦିଏ ମନ
ଆକର୍ଷଣୀୟା
ଯମୁନା ରେ ଜୁଆର
ଉଛୁଳା ଅଭିସାର ।
୧୭)
ବିଚିତ୍ର ବର୍ଣ୍ଣା
ପ୍ରେମ ର ଅନୁଭବ
ପ୍ରଣୟ ର ଗୀତିକା
କହି ହୁଏନା
ସଞ୍ଚରି ଯାଏ ମନ
ଚନ୍ଦନ ର ସିଞ୍ଚନ ।
୧୮)
କୁଳ ବେଉସା
ଚାଷୀ ର ଆତ୍ମାହୁତି
ଗଭୀର ମନସ୍ତାପ
ବର୍ଜନ କର
ଅନ୍ୟ ରୂପ କଳନା
ଫଳାଇ ଦେବ ସୁନା ।
~ ଆରତୀ ପ୍ରହରାଜ, ଭୁବନେଶ୍ୱର
☆☆☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें