ହାଇକୁ ସାଧନା ଖୋର୍ଦ୍ଧା
ସାରସ୍ଵତ SEDOKA/ସେଦୋକା କାବ୍ୟ ଯାତ୍ରା ~ ୮
୧)
ପୁଷ୍ପ ପୁଷ୍ପିତ
ପବନ ତରଙ୍ଗିତ
ହୃଦୟ ଆନନ୍ଦିତ
ସୂର୍ଯ୍ୟ ପ୍ରଭାବେ
ଅନ୍ଧାର ଦୂରେଇଛି
ସଂସାର ସୁଖମୟ ।
~ ପ୍ରଦୀପ କୁମାର ଦାଶ
୨)
ମାଟି ମଣିଷ
ପଞ୍ଚଭୂତ ରେ ଗଢା
ନଶ୍ଵର ଶରୀର ଟା
ଅଢେ଼ଇ ଦିନ
ଯାତ୍ରା ସାରି ପୁନଶ୍ଚ
ମିଶିବ ସେ ମାଟିରେ ।
୩)
ନିର୍ଦ୍ଦେଶକ ର
ଇଙ୍ଗିତରେ ଚାଳିତ
ଦୁନିଆ ରଙ୍ଗମଞ୍ଚ
ଆପ୍ରାଣ ଚେଷ୍ଟା
ନିଖୁଣ ଅଭିନୟ
ଶ୍ରେଷ୍ଠ କଳାକାର ର ।
~ ବାସନ୍ତୀ ଦେଈ
୪)
ସମସ୍ତେ ଆସ
ଗଢି ସ୍ୱଛ ଭାରତ
ଦେବା ଆମେ ସନ୍ଦେଶ
ବିଶ୍ୱ ତାପନ
କରିବା ସଚେତନ
କର ବୃକ୍ଷ ରୋପଣ ।
୫)
ଆଦର୍ଶ ଗୃହ
ଲକ୍ଷ୍ମୀ ସରସ୍ବତୀ ଙ୍କ
ଶ୍ରଦ୍ଧା ନିବାସ ସ୍ଥଳ
ଭକ୍ତିରେ ଶକ୍ତି
କରୁଥିବା ପ୍ରଣତି
ମିଳଇ ସୁଖ ଶାନ୍ତି ।
୬)
ଆମ ସମାଜ
କନ୍ୟା ଭୃଣର ହତ୍ୟା
ନାହିଁ ଟିକିଏ ଲାଜ
ପ୍ରଭେଦ ନାହିଁ
ପୁଅ ଝିଅ ସମସ୍ତେ
ସମାନ ଆମ ପାଇଁ ।
୭)
ଏକ ବା ଦୁଇ
ସୁଖୀ ପରିବାରର
ବାର୍ତ୍ତା ସମାଜ ପାଇଁ
ଆମରି ଭଲ
ନ ହୁଅ ସନ୍ଦିହାନ
ବେଳହୁଁ ସାବଧାନ ।
~ ଜ୍ୟୋତି ପ୍ରଭା ପଟ୍ଟନାୟକ
୮)
ହେ କବିବର
ଭୂମିଷ୍ଠ ବାଲେଶ୍ୱର
ଗାଁ ମଲ୍ଲୀକାଶପୁର
କାବ୍ୟ ନାୟିକା
ଚନ୍ଦ୍ରଭାଗା ଚିଲିକା
ଯୁଗାନ୍ତକାରୀ ଲେଖା ।
୯)
ବିଶ୍ୱ ପାଳିତ
ଜଳାନ୍ତକ ଦିବସ
ଶ୍ଵାନ ଲାଳ ସଂସ୍ପର୍ଶ,
ରୋଗ ଘାତକ
ଦେଖାଅ ଚିକିତ୍ସକ
ଘେନ ପ୍ରତିରୋଧକ ।
୧୦)
ଶାଗୁଆ ବନ
ହୃଦେ ପୁଲକଭରେ
ଶୋଭାରେ ଅନୁପମ
କବି ଭାବୁକ
ମନେ ସ୍ବପ୍ନ ଅନେକ
ଛନ୍ଦେ ବାନ୍ଧେ ରସିକ ।
୧୧)
ଶିକ୍ଷାୟତନ
ଦିଶୁଚି ଶିରୀହୀନ
ଶିଷ୍ୟ ବିନା ବୟାନ,
ୟୁଟୁବ ଜ୍ଞାନ
ବିଦ୍ୟା ନୁହେଁ ସମ୍ପୂର୍ଣ୍ଣ
କଣା ମାମୁଁ ସମାନ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା
୧୨)
ନିଦାଘ ଶେଷେ
ମେଘ ମହ୍ଲାର ଗାଇ
ବିଜୁଳି ଚମକାଇ
ବରଷା ଆସେ
ପିନ୍ଧି ସବୁଜ ପାଟ
ଧରଣୀ ଶୋଭାବତୀ ।
୧୩)
ନବବଧୂଟି
ଓଢ଼ଣା ଫାଙ୍କେ ଦିଶେ
ପଦ୍ମପାଖୁଡ଼ା ସମ
ଗୋରା ମୁହଁଟି
ଅସୁମାରୀ ସ୍ୱପ୍ନରେ
ଭରା ଚକ୍ଷୁ ଦିଓଟି ।
~ ମଧୁଛନ୍ଦା ଦାଶ ।
୧୪)
ମାଟି କଣ୍ଢେଇ
ଦିଏ ଛୁଆ ଭଣ୍ଡେଇ
ଶୁଏ କାନ କୁଣ୍ଡେଇ
ନାହିଁ ସେ ଯୁଗ
ମୋବାଇଲ ସରାଗ
ସତେ କେଡ଼େ ବିଭବ ।
୧୫)
ଶବ୍ଦର ସ୍ୱାଦ
ଚାଖେଣାରେ ପ୍ରଭେଦ
ଦେଖ କେଡ଼େ ସମ୍ପଦ
ପାଇବାପାଇଁ
ନିଜ ତୁଣ୍ଡ ସଜାଡି
ବାଣ୍ଟ ଅନ୍ୟକୁ ଯାଇ ।
~ ଚପଳା ପଣ୍ଡା, ଖୋର୍ଦ୍ଧା
୧୬)
ଗର୍ଭ ବେଦନା
ଜାଣଇ ଅନୁଭବୀ
ଯନ୍ତ୍ରଣାରେ ଆନନ୍ଦ
ଆଂଜୁଳେ ସ୍ବପ୍ନ
ନାରୀ ପୂର୍ଣ୍ଣତା ପାଏ
କୋଳରେ ନବଜାତ ।
୧୭)
ପରମ ଶତ୍ରୁ
କ୍ରୋଧ ରୂପରେ ଥାଏ
ତୁମ ଆମ ଭିତରେ
ମାରଇ ଚୋଟ
ସର୍ପ ଠୁ ଭୟଙ୍କର
ହେଲେ ଅଣଆୟତ ।
~ ବିଳାସିନୀ ଦାଶ, ମଧୁସୂଦନ ନଗର
୧୮)
ତୁହାକୁ ତୁହା
ବରଷା ଧରି ରାହା
ଖେଳୁଛି ସୂର୍ଯ୍ୟ ସାଥେ
ବାଦଲ ଫାଙ୍କେ
ମୁରୁକି ହସି ଖଞ୍ଜେ
ରବି କିରଣ ବିଞ୍ଚେ ।
୧୯)
ମନ ମାନେନା
ମିଥ୍ଯା କି ପ୍ରବଞ୍ଚନା
ସତ୍ଯକୁ କର ସାମ୍ନା
ହ୍ରୁଦୟ ତନ୍ତ୍ରୀ
କୋହଭରା ଲୁହରେ
ଲଭିଛି କି ସୁଶାନ୍ତି ।
~ ସସ୍ମିତା ବାରିକ୍, ବୋଲଗଡ଼
୨୦)
ବିଭୁ ପୟର
ଚିନ୍ତା ଓ ଚେତନା ର
ଆନନ୍ଦ ଉଲ୍ଲାସର
ନିର୍ଭର ସ୍ଥଳ
ମେଣ୍ଟିଯାଏ ବିଷାଦ
ଭରେ ମନେ ସରାଗ ।
୨୧)
କନ୍ୟା ରତନ
ସ୍ରଷ୍ଟା ଙ୍କ ଉପହାର
ସୁନ୍ଦର ଉପବନ
କୁଳ କୁ ହିତ
ଲକ୍ଷ୍ମୀ ସ୍ବରୂପିଣୀ
ବିଶ୍ଵରୂପା ଜନନୀ ।
୨୨)
ଆନନ୍ଦ ମଠ
ନିଛକ ସ୍ନେହ ପ୍ରିତୀ
ଜୀବନ ତରଙ୍ଗୀଣୀ
ସ୍ବର୍ଗ ସମାନ
ସତେ କେଡ଼େ ସୁନ୍ଦର
ପ୍ରେମ ର ସମାହାର ।
~ ଆରତୀ ପ୍ରହରାଜ, ଭୁବନେଶ୍ୱର
୨୩)
ବିଶ୍ବସ୍ତ ଶ୍ଵାନ
ବିଶ୍ବାସର ଭାଜନ
ପ୍ରତିହୃଦେ ତୋ ସ୍ଥାନ
ବିଶ୍ବାସ ବନ୍ଧୁ
ରହିଥାଉ ସାଥୀରେ
ରକ୍ଷା କରୁ ମରିକି ।
~ ଶୋଭାଗିନୀ ନନ୍ଦ, ଜୟପୁର (କୋରାପୁଟ)
☆☆☆☆☆☆☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें